ಮಲಗುವ ಮುನ್ನ ಬಿಸಿಹಾಲು ಕುಡಿಯಿರಿ
ರಾತ್ರಿ ಮಲಗುವ ಮುಂಚೆ ಒಂದು ಲೋಟ ಹಸುವಿನ ಹಾಲನ್ನು ಬಿಸಿ ಮಾಡಿ ಅದಕ್ಕೆ ಅರ್ಧ ಚಮಚ ಬಾದಾಮಿ ಎಣ್ಣೆ ಬೆರೆಸಿ ಕುಡಿದರೆ ಒಣಕೆಮ್ಮು ಶಮನವಾಗುತ್ತದೆ. ಇನ್ನೊಂದು ವಿಧಾನ- -ಒಣಶುಂಠಿ, ಕರಿಮೆಣಸು ಹಾಗೂ ಕಲ್ಲುಸಕ್ಕರೆ ಸೇರಿಸಿ ಪುಡಿ ಮಾಡಿ. ಇದರ 2 ಚಿಟಿಕೆ ಪುಡಿಯನ್ನು ಪದೇ ಪದೆ ಬಾಯಗೆ ಹಾಕಿ ಚೀಪಿದರೆ ಒಣಕೆಮ್ಮು ಗುಣವಾಗುತ್ತದೆ.
ಈರುಳ್ಳಿಯ ರಸ
ತಳ ಆಳವಿರುವ ಪಾತ್ರೆಯಲ್ಲಿ ಸ್ವಲ್ಪ ಈರುಳ್ಳಿಯ ರಸವನ್ನು ತೆಗೆದುಕೊ೦ಡು ಬಿಸಿ ಮಾಡಿಕೊಳ್ಳಿ, ಬಳಿಕ ಇದಕ್ಕೆ, ಬೆಳ್ಳುಳ್ಳಿಯ ಒ೦ದೆರಡು ದಳವನ್ನು ಜಜ್ಜಿ ಇದಕ್ಕೆ ಸೇರಿಸಿಕೊಂಡು, ಚೆನ್ನಾಗಿ ಉರಿದುಕೊಳ್ಳಿ.. ಇಷ್ಟಾದ ನಂತರ ಈ ಮಿಶ್ರಣವನ್ನು ಒಂದು ದೊಡ್ಡ ಗ್ಲಾಸ್‌ನಷ್ಟು ಉಗುರು ಬೆಚ್ಚಗಿನ ಬಿಸಿನೀರಿಗೆ ಸೇರಿಸಿ ಹಾಗೂ ಒಂದು ಟೇಬಲ್ ಚಮಚದಷ್ಟು ಜೇನುತುಪ್ಪವನ್ನು ಸೇರಿಸಿ, ಚೆನ್ನಾಗಿ ಕಲಸಿಕೊಂಡು, ದಿನಕ್ಕೆ ಎರಡು ಬಾರಿ ಸೇವಿಸುತ್ತಾ ಬಂದರೆ, ಕೆಮ್ಮಿನ ಸಮಸ್ಯೆ ಕೂಡಲೇ ಕಡಿಮೆಯಾಗುತ್ತಾ ಬರುವುದು
ಜೇನುತುಪ್ಪ
ಜೇನುತುಪ್ಪವು ಹಲವಾರು ವಿಧದಿಂದ ಆರೋಗ್ಯಕ್ಕೆ ತುಂಬಾ ಒಳ್ಳೆಯದು. ಚಳಿಗಾಲದಲ್ಲಿ ಇದನ್ನು ದೈನಂದಿನ ಆಹಾರ ಕ್ರಮದಲ್ಲಿ ಸೇರಿಸಿಕೊಳ್ಳಿ. ಜೇನುತುಪ್ಪವು ರಾತ್ರಿ ವೇಳೆ ಕಾಡುವಂತಹ ಕೆಮ್ಮು ನಿವಾರಣೆ ಮಾಡುವುದು ಜೇನುತುಪ್ಪವನ್ನು ಒಂದು ಕಪ್ ಕಾಫಿ ಅಥವಾ ಒಂದು ಲೋಟ ಬಿಸಿ ನೀರಿಗೆ ಹಾಕಿಕೊಂಡು ಕುಡಿಯಿರಿ. ವಿವಿಧ ರೀತಿಯಲ್ಲಿ ಆಹಾರ ಕ್ರಮದಲ್ಲಿ ಜೇನುತುಪ್ಪ ಬೆರೆಸಿಕೊಳ್ಳಬಹುದು.
ಶುಂಠಿ
ಕೆಮ್ಮು ನಿವಾರಣೆ ಮಾಡಲು ಶುಂಠಿಯು ತುಂಬಾ ಪರಿಣಾಮಕಾರಿ ಆಗಿರುವುದು. ಶುಂಠಿ ಟೀತಯಾರಿಸಿಕೊಂಡು ಸೇವಿಸಬಹುದು ಅಥವಾ ತಾಜಾ ಶುಂಠಿ ಜಗಿಯಬಹುದು. ಜೇನುತಪ್ಪಕ್ಕೆ ಕೆಲವು ಹನಿ ಶುಂಠಿ ರಸ ಸೇರಿಸಿಕೊಂಡು ಸೇವಿಸಿದರ ಆಗ ಕೆಮ್ಮಿನ ಸಮಸ್ಯೆ ನಿವಾರಣೆ ಆಗುವುದು. ಆದರೆ ಮಲಗುವ ಮೊದಲು ಇದನ್ನು ಸಣ್ಣ ಪ್ರಮಾಣದಲ್ಲಿ ಸೇವನೆ ಮಾಡಿ. ಈ ಮಿಶ್ರಣವು ನಿಮಗೆ ಮೂರರಿಂದ ನಾಲ್ಕು ದಿನದಲ್ಲಿ ಪರಿಹಾರ ನೀಡುವುದು.
ಹಬೆ ತೆಗೆದುಕೊಳ್ಳಿ
ಶೀತ ಮತ್ತು ಕೆಮ್ಮಿನ ಸಮಸ್ಯೆಯಿದ್ದರೆ ಆಗ ನೀವು ಹಬೆ ತೆಗೆದುಕೊಂಡರೆ ತುಂಬಾ ಒಳ್ಳೆಯದು. ಇದರಿಂದ ನಿಮಗೆ ತಕ್ಷಣ ಹಾಗೂ ಹಠಾತ್ ಪರಿಹಾರ ಸಿಗುವುದು. ಕಟ್ಟಿದ ಮೂಗಿನಿಂದಲೂ ಈ ಹಬೆಯು ಪರಿಹಾರ ನೀಡುವುದು.
ಒಂದೆರಡು ದಿನಗಳಲ್ಲಿಯೇ ಕೆಮ್ಮು-ನೆಗಡಿ ಗುಣಪಡಿಸುವ ಮನೆಮದ್ದುಗಳು
ಹೆಚ್ಚು ನೀರಿನಾಂಶ ಸೇವಿಸಿ
ಸಾಮಾನ್ಯವಾಗಿ ಚಳಿಗಾಲದಲ್ಲಿ ಬಾಯಾರಿಕೆ ಆಗುವುದು ಕಡಿಮೆ. ಅದೇ ರೀತಿ ಕೆಮ್ಮು ಮತ್ತು ಶೀತದ ಸಮಸ್ಯೆ ಇದ್ದರೆ ಆಗ ಏನು ಬೇಡ ಎನ್ನುವ ಭಾವನೆಯು ಮೂಡುವುದು. ಹೀಗಾಗಿ ನೀವು ಹೆಚ್ಚು ದ್ರವಾಂಶವಿರುವಂತಹ ಆಹಾರ ಸೇವಿಸಬೇಕು. ಆದಷ್ಟು ಬಿಸಿ ಪಾನೀಯಗಳನ್ನು ಕುಡಿಯಿರಿ. ದೇಹದಲ್ಲಿ ನೀರಿನಾಂಶವು ಹೆಚ್ಚಾಗಿದ್ದರೆ ಅದರಿಂದ ಕೆಮ್ಮು ಕಡಿಮೆ ಆಗುವುದು. ಮಲಗುವ ಮೊದಲು ಬಿಸಿಯಾಗಿರುವ ಅರಶಿನ ನೀರು ಕುಡಿದರೆ ಖಂಡಿತವಾಗಿಯೂ ಪರಿಹಾರ ಸಿಗುವುದು. ಕೆಮ್ಮು ನಿವಾರಣೆ ಮಾಡಲು ಸೂಪ್ ತುಂಬಾ ಒಳ್ಳೆಯದು. ಸೂಪ್ ಕುಡಿದರೆ ಕೆಮ್ಮು ಕಡಿಮೆ ಮಾಡಿಕೊಳ್ಳಬಹುದು. ಇದು ರುಚಿಕರ ಕೂಡ.