ಆ್ಯಪ್ನಗರ

ಪಿರಿಯೆಡ್ಸ್‌ ಬೇಗನೇ ಆಗಬೇಕಾ? ಹಾಗಾದ್ರೆ ಈ ಆಹಾರಗಳನ್ನು ತಿನ್ನಿ

ಪಪ್ಪಾಯಿ ರಸ, ವಿಟಮಿನ್ ಸಿ ಸೇವನೆ, ಅನಾನಸ್, ಪಾರ್ಸ್ಲಿ, ದಾಳಿಂಬೆ, ಫೆನ್ನೆಲ್ ಬೀಜಗಳು ಮತ್ತು ಅರಿಶಿನವು ಋತುಚಕ್ರವನ್ನು ಉತ್ತೇಜಿಸಲು ಸಹಾಯ ಮಾಡುವ ಕೆಲವು ನೈಸರ್ಗಿಕ ಪದಾರ್ಥಗಳಾಗಿವೆ.

Vijaya Karnataka Web 23 Jul 2022, 10:10 am
ಹೆಣ್ಮಕ್ಕಳಲ್ಲಿ ಪಿರಿಯೆಡ್ಸ್‌ ಪ್ರತಿ ತಿಂಗಳೂ ಸರಿಯಾದ ತಾರೀಕಿಗೆ ಆಗುತ್ತದೆ ಎಂದು ಹೇಳಲಾಗುವುದಿಲ್ಲ. ಜೀವನಶೈಲಿಯ ಬದಲಾವಣೆಗಳು, ಹಾರ್ಮೋನುಗಳ ಏರಿಳಿತಗಳು, ಋತುಬಂಧ, ಒತ್ತಡ, ಚಟುವಟಿಕೆಯ ಮಟ್ಟಗಳು, ಅಸಮರ್ಪಕ ಪೋಷಣೆ ಮತ್ತು ಕೆಲವು ವೈದ್ಯಕೀಯ ಪರಿಸ್ಥಿತಿಗಳು ನಿಮ್ಮ ಋತುಚಕ್ರವನ್ನು ಏರಿಳಿತಗೊಳಿಸಬಹುದು.
Vijaya Karnataka Web foods which help to get early periods
ಪಿರಿಯೆಡ್ಸ್‌ ಬೇಗನೇ ಆಗಬೇಕಾ? ಹಾಗಾದ್ರೆ ಈ ಆಹಾರಗಳನ್ನು ತಿನ್ನಿ


ಪಿರಿಯೆಡ್ಸ್‌ ಒಬ್ಬರಿಗೆ ತಡವಾಗಿ ಆದರೆ ಇನ್ನೂ ಕೆಲವರಿಗೆ ಬೇಗನೇ ಆಗುತ್ತದೆ. ಇನ್ನೂ ಕೆಲವರಿಗೆ ಸರಿಯಾದ ತಾರೀಕಿಗೆ ಆಗುತ್ತದೆ. ಪಿರಿಯೆಡ್ಸ್‌ನ್ನು ಮುಂದೂಡಲು ಹಾಗೂ ಬೇಗನೆ ಆಗುವಂತೆ ಮಾಡಲು ಔಷಧೀಗಳು ಲಭ್ಯವಿದೆ. ಆದರೆ ಔಷಧಿಗಳಿಲ್ಲದೆ ಕೆಲವು ಸಿಂಪಲ್ ಆಹಾರಗಳನ್ನು ಸೇವಿಸುವ ಮೂಲಕ ಪಿರಿಯೆಡ್ಸ್‌ನ್ನು ಬೇಗನೇ ಆಗುವಂತೆ ಮಾಡಬಹುದು. ಹಾಗಾದ್ರೆ ಅಂತಹ ಆಹಾರಗಳು ಯಾವುವು ತಿಳಿಯೋಣ.

​ಹಣ್ಣಾದ ಪಪ್ಪಾಯಿ

ಪಪ್ಪಾಯಿ ಸೇವಿಸಿದರೆ ಋತುಚಕ್ರ ಆಗುವುದರ ಬಗ್ಗೆ ನೀವು ಕೇಳಿರಬಹುದು. ಹಣ್ಣಾದ ಪಪ್ಪಾಯಿಯನ್ನು ಕತ್ತರಿಸಿ ನೇರವಾಗಿ ಸೇವಿಸಬಹುದು. ಇಲ್ಲವಾದರೆ ನೀವು ಪಪ್ಪಾಯಿಯನ್ನು ಇತರ ಹಣ್ಣುಗಳೊಂದಿಗೆ ಸೇವಿಸಬಹುದು. ಇಲ್ಲವಾದರೆ ಪಪ್ಪಾಯಿ ಜ್ಯೂಸ್‌ ಮಾಡಿ ಕುಡಿಯಬಹುದು. ನಿಮ್ಮ ಋತುಚಕ್ರಕ್ಕೂ ಕೆಲವು ದಿನ ಮುಂಚಿತವಾಗಿ ದಿನಕ್ಕೆ ಒಮ್ಮೆ ಪಪ್ಪಾಯಿ ಜ್ಯೂಸ್‌ ಕುಡಿಯಬೇಕು.

​ಎಳ್ಳು

ಎಳ್ಳಿನ ಬೀಜಗಳು ಬಯೋಆಕ್ಟಿವ್ ಸಂಯುಕ್ತಗಳನ್ನು ಹೊಂದಿರುತ್ತವೆ, ಅದು ಮುಟ್ಟಿನ ಹರಿವನ್ನು ಪ್ರಚೋದಿಸುತ್ತದೆ ಮತ್ತು ಕ್ರಮಬದ್ಧಗೊಳಿಸುತ್ತದೆ. ಆದ್ದರಿಂದ, ಎಳ್ಳಿನ ಸೇವನೆಯು ಪಿರಿಯೆಡ್ಸ್‌ ಬೇಗ ಆಗುವ ಹಾಗೆ ಮಾಡುತ್ತದೆ. ಎಳ್ಳು ದೇಹಕ್ಕೆ ತಂಪಾಗಿರುವುದರಿಂದ ಎಳ್ಳನ್ನು ಸೇವಿಸುವುದರಿಂದ ಪಿರಿಯೆಡ್ಸ್ ಬೇಗನೆ ಆಗುತ್ತದೆ ಎನ್ನಲಾಗುತ್ತದೆ.

ಒಂದು ಚಮಚ ಎಳ್ಳನ್ನು ಜೇನುತುಪ್ಪದೊಂದಿಗೆ ಸೇವಿಸಬಹುದು. ಇಲ್ಲವಾದರೆ ಎಳ್ಳಿನ ಉಂಡೆಗಳನ್ನು ತಯಾರಿಸಿ ಸೇವಿಸಬಹುದು. ಇದನ್ನು ನೀವು ನಿಮ್ಮ ಪಿರಿಯೆಡ್ಸ್‌ಗೆ ಸುಮಾರು ಎರಡು ವಾರ ಮುಂಚಿತವಾಗಿ ದಿನಕ್ಕೆ ಎರಡು ಬಾರಿ ಎಳ್ಳನ್ನು ಸೇವಿಸಬೇಕು.

ಇದನ್ನೂ ಓದಿ: ಪಿರಿಯೆಡ್ಸ್‌ ಮುಂದೂಡಲು ಮಾತ್ರೆ ಬದಲು ಈ ನೈಸರ್ಗಿಕ ವಿಧಾನ ಟ್ರೈ ಮಾಡಿ


​ಕೆಫೀನ್

ಕೆಫೀನ್ ಕಾಫಿಯ ಪ್ರಮುಖ ಅಂಶವಾಗಿದೆ. ಇದು ಈಸ್ಟ್ರೋಜೆನಿಕ್ ಚಟುವಟಿಕೆಯನ್ನು ಉತ್ತೇಜಿಸುವ ಗುಣಲಕ್ಷಣಗಳನ್ನು ಹೊಂದಿದೆ. ದಿನಕ್ಕೆ ಎರಡು ಬಾರಿ ಕಾಫಿ ಕುಡಿದರೆ ಪಿರಿಯೆಡ್ಸ್ ಬೇಗನೇ ಆಗುತ್ತದೆ ಎನ್ನಲಾಗುತ್ತದೆ. ಆದರೆ ಇದಕ್ಕೆ ಯಾವುದೇ ಪುರಾವೆಗಳಿಲ್ಲ.

​ಅನಾನಸ್‌

ಅನಾನಸ್‌ಗಳು ಮಹಿಳೆಯರಲ್ಲಿ ಗರ್ಭಾಶಯದ ಸಂಕೋಚನವನ್ನು ಉಂಟುಮಾಡಬಹುದು . ಇದು ಗರ್ಭಾಶಯದ ಒಳಪದರದ ಚೆಲ್ಲುವಿಕೆಯನ್ನು ಸುಲಭಗೊಳಿಸಲು ಸಹಾಯ ಮಾಡುತ್ತದೆ. ಇದರಿಂದ ನಿಮ್ಮ ಪಿರಿಯೆಡ್ಸ್‌ ವೇಗವಾಗಿ ಬರಲು ಕಾರಣವಾಗುತ್ತದೆ. ನಿಮ್ಮ ಋತುಚಕ್ರದ ಅವಧಿಗೆ ಮೊದಲು ಒಂದು ಬೌಲ್ ಅನಾನಸ್ ಅನ್ನು ಸೇವಿಸಲು ಆರಂಭಿಸಿ.

​ಸೋಂಪು ಕಾಳು

ಸೋಂಪು ಕಾಳು ಸಾರವು ಎಮ್ಮೆನಾಗೋಗ್ ಆಗಿ ಕಾರ್ಯನಿರ್ವಹಿಸುತ್ತದೆ. ಇದರರ್ಥ ಇದು ಗರ್ಭಾಶಯದಿಂದ ರಕ್ತದ ಹರಿವನ್ನು ಹೆಚ್ಚಿಸಬಹುದು, ಹೀಗಾಗಿ ಋತುಚಕ್ರವನ್ನು ಮುಂಚಿತವಾಗಿ ಪ್ರೇರೇಪಿಸುತ್ತದೆ. ಪಿರಿಯೆಡ್ಸ್‌ನ್ನು ಪ್ರಚೋದಿಸಲು ಫೆನ್ನೆಲ್ ಬೀಜಗಳನ್ನು ಪರಿಣಾಮಕಾರಿ ಪರಿಹಾರವಾಗಿ ಸ್ಥಾಪಿಸಲು ಹೆಚ್ಚಿನ ಸಂಶೋಧನೆಯ ಅಗತ್ಯವಿದೆ.

1 ಚಮಚ ಸೋಂಪು ಬೀಜಗಳನ್ನು 2-3 ಕಪ್ ನೀರಿಗೆ ಸೇರಿಸಿ ಚೆನ್ನಾಗಿ ಕುದಿಸಿ. ಅದು ತಣ್ಣಗಾದ ನಂತರ ಅದನ್ನು ಕುಡಿಯಿರಿ. ಪಿರಿಯೆಡ್ಸ್‌ ಅವಧಿಯ ಎರಡು ವಾರ ಮುಂಚಿತವಾಗಿ ಪ್ರತಿನಿತ್ಯ ಮಾಡಿ.

ಇದನ್ನೂ ಓದಿ: ಮಂಡಿ ನೋವಿನಿಂದ ಕೆಳಗೆ ಕೂರಲು ಆಗುತ್ತಿಲ್ಲವೇ? ಇಲ್ಲಿದೆ ಬೆಸ್ಟ್‌ ಮನೆಮದ್ದು


​ದಾಳಿಂಬೆ

ದಾಳಿಂಬೆ ಋತುಚಕ್ರದ ಹಂತ ಹಂತದ ಚಟುವಟಿಕೆಯನ್ನು ನಿಯಂತ್ರಿಸುತ್ತದೆ. ಇದರಿಂದಾಗಿ ನಿಯಮಿತ ಅವಧಿಯನ್ನು ಖಾತ್ರಿಗೊಳಿಸುತ್ತದೆ . ಅದರ ಈಸ್ಟ್ರೊಜೆನಿಕ್ ಚಟುವಟಿಕೆಯು ಸಮಯಕ್ಕೂ ಮುಂಚಿತವಾಗಿ ಋತುಚಕ್ರವನ್ನು ಪ್ರಚೋದಿಸುತ್ತದೆ.

ಪಿರಿಯೆಡ್ಸ್‌ ಬೇಗ ಆಗಲು ಪಿರಿಯೆಡ್ಸ್‌ಗೂ ಎರಡು ವಾರ ಮುಂಚಿತವಾಗಿ ದಾಳಿಂಬೆಯನ್ನು ಸೇವಿಸಬೇಕು. ಅಥವಾ ದಾಳಿಂಬೆ ಜ್ಯೂಸ್ ಕುಡಿಯಬೇಕು.

​ಶುಂಠಿ

ಶುಂಠಿಯು ಜೈವಿಕ ಸಕ್ರಿಯ ಸಂಯುಕ್ತಗಳಲ್ಲಿ ಸಮೃದ್ಧವಾಗಿದೆ, ಅದು ದೇಹದ ಉಷ್ಣತೆಯನ್ನು ಹೆಚ್ಚಿಸುತ್ತದೆ ಮತ್ತು ಪಿರಿಯೆಡ್ಸ್‌ನ್ನು ಅವಧಿಗೂ ಮುಂಚಿತವಾಗಿ ಆಗುವಂತೆ ಮಾಡುತ್ತದೆ. ಇದು ಕಿಬ್ಬೊಟ್ಟೆಯ ಸೆಳೆತ ಹಾಗೂ ಇತರ ಮುಟ್ಟಿನ ರೋಗಲಕ್ಷಣಗಳನ್ನು ನಿವಾರಿಸಲು ಸಹಾಯ ಮಾಡುವ ಆಂಟಿಸ್ಪಾಸ್ಮೊಡಿಕ್ ಗುಣಲಕ್ಷಣಗಳನ್ನು ಹೊಂದಿದೆ.

ಶುಂಠಿಯನ್ನು ಚೆನ್ನಾಗಿ ಗುದ್ದಿ ರಸ ತೆಗೆದು 1/2 ಚಮಚ ಶುಂಠಿ ರಸವನ್ನು ಜೇನುತುಪ್ಪದ ಜೊತೆ ಸೇರಿಸಿ ಸೇವಿಸಬೇಕು. ನಿಮ್ಮ ನಿಜವಾದ ಮುಟ್ಟಿನ ದಿನಾಂಕದ ಕೆಲವು ದಿನಗಳ ಮೊದಲು ದಿನಕ್ಕೆ ಎರಡು ಬಾರಿ ಈ ಪರಿಹಾರವನ್ನು ಅನುಸರಿಸಬೇಕು.

ಇದನ್ನೂ ಓದಿ: ವಿಪರೀತ ಸೊಂಟ ನೋವು ಇದ್ಯಾ? ನೋವನ್ನು ಕಡಿಮೆ ಮಾಡುತ್ತೆ ಈ ಮನೆಮದ್ದು


​ಅರಿಶಿನ

ಅರಿಶಿನವು ಕರ್ಕ್ಯುಮಿನ್ ಎಂಬ ಜೈವಿಕ ಸಕ್ರಿಯ ಸಂಯುಕ್ತವನ್ನು ಹೊಂದಿರುತ್ತದೆ. ಇದು ನಿಮ್ಮ ಗರ್ಭಾಶಯಕ್ಕೆ ರಕ್ತದ ಹರಿವನ್ನು ಉತ್ತೇಜಿಸುವ ಮೂಲಕ ನಿಮ್ಮ ಅವಧಿಯನ್ನು ವೇಗವಾಗಿ ಪಡೆಯಲು ಸಹಾಯ ಮಾಡುತ್ತದೆ.

ಒಂದು ಲೋಟ ಕುದಿಸಿದ ನೀರಿಗೆ 1 ಟೀಚಮಚ ಅರಿಶಿನ ಪುಡಿ ಸೇರಿಸಿ ಕುಡಿಯಿರಿ ಇದನ್ನು ಪಿರಿಯೆಡ್ಸ್‌ಗೂ ಮೊದಲೇ ದಿನಕ್ಕೆ 1ರಿಂದ 2 ಬಾರಿ ಮಾಡಿ.

ನೆನಪಿರಲಿ: ಈ ಆಹಾರಗಳಿಂದ ಪಿರಿಯೆಡ್ಸ್‌ ಬೇಗನೇ ಆಗುತ್ತದೆ ಎನ್ನಲು ಯಾವುದೇ ಆಧಾರಗಳಿಲ್ಲ. ಇವುಗಳನ್ನು ಸೂಚಿಸುವ ಯಾವುದೇ ವೈಜ್ಞಾನಿಕ ಸಂಶೋಧನೆಗಳಿಲ್ಲ.

ಮುಂದಿನ ಲೇಖನ

Vijay Karnataka News App: ನಿಮ್ಮ ಸುತ್ತಮುತ್ತಲು ನಡೆಯುವ ವಿದ್ಯಮಾನಗಳನ್ನುಹಂಚಿಕೊಳ್ಳಲು ಬಯಸುತ್ತೀರಾ? ಹಾಗಿದ್ದಲ್ಲಿ ವಿಜಯ ಕರ್ನಾಟಕ ಆ್ಯಪ್‌ಡೌನ್‌ಲೋಡ್‌ ಮಾಡಿಕೊಳ್ಳಿ ಹಾಗೂ ರಿಪೋರ್ಟ್‌ ಕಳಿಸಿ
ಲೇಟೆಸ್ಟ್‌ ನ್ಯೂಸ್‌ ಅಪ್‌ಡೇಟ್‌ಗಳನ್ನು ಪಡೆಯಿರಿ, Vijay Karnataka ಫೇಸ್‌ಬುಕ್‌ಪೇಜ್‌ ಲೈಕ್‌ ಮಾಡಿರಿ