-ಎಲೆಕೋಸಿನ ಎಲೆಗಳನ್ನು ಬಿಡಿಸಿ ಪ್ಲಾಸ್ಟಿಕ್‌ ಚೀಲದಲ್ಲಿ ಹಾಕಿ ಫ್ರೀಜರ್‌ನಲ್ಲಿಡಿ. ಸಂಧಿವಾತದ ತೊಂದರೆ ಆರಂಭವಾಗುವಾಗ ಈ ಎಲೆಗಳನ್ನು ಹೊರ ತೆಗೆದು ತಣ್ಣಗಿರುವಾಗಲೇ ನೋವಿರುವ ಭಾಗಕ್ಕೆ ಇಟ್ಟು ಅದರ ಮೇಲೆ ದಪ್ಪ ಟವೆಲ್‌ ಸುತ್ತಿ ಕೊಂಚ ಕಾಲ ಹಾಗೆಯೇ ಬಿಡಿ.
-ತಣ್ಣನೆಯ ಎಲೆಕೋಸಿನಲ್ಲಿರುವ ಕೆಲವು ಪೋಷಕಾಂಶಗಳು ಚರ್ಮದ ಮೂಲಕ ಹೀರಲ್ಪಡುತ್ತವೆ. ಈ ಪೋಷಕಾಂಶಗಳು ನೋವಿನ ಭಾಗದಲ್ಲಿರುವ ಯೂರಿಕ್‌ ಆಮ್ಲವನ್ನು ಕರಗಿಸಲು ನೆರವಾಗುತ್ತವೆ. ಈ ನೋವು ಕಡಿಮೆಯಾಗಿಸುತ್ತದೆ. ನೋವು ಪೂರ್ಣವಾಗಿ ಹೋಗದಿದ್ದರೂ ಆ ಭಾಗದ ಉರಿ ಕಡಿಮೆಯಾಗುತ್ತದೆ.
-ನಿಮ್ಮ ಪಾದಗಳು ಊದಿಕೊಂಡಿದ್ದರೆ ಎಲೆಕೋಸಿನ ಎಲೆಗಳನ್ನು ಪಾದಗಳು ಪೂರ್ಣವಾಗಿ ಆವರಿಸುವಂತೆ ಮುಚ್ಚಿ ಬಟ್ಟೆಯಿಂದ ಕಟ್ಟಿ ಸುಮಾರು ಅರ್ಧ ಘಂಟೆ ಹಾಗೆಯೇ ಬಿಡಿ. ಇದರಿಂದ ಊದಿಕೊಂಡಿರುವ ಪಾದಗಳು ಸಜಹ ಸ್ಥಿತಿಗೆ ಮರಳುತ್ತದೆ.
-ಕೆಲವರಿಗೆ ಎಲೆಕೋಸಿನಿಂದ ಅಲರ್ಜಿಯಾಗುತ್ತದೆ. ಇದರ ಬಳಕೆಯಿಂದ ದೇಹದಲ್ಲಿ ತುರಿಕೆ ಕಂಡು ಬಂದರೆ ಈ ಎಲೆಗಳಿಂದ ದೂರವಿರಿ.
-ಎಲೆಕೋಸನ್ನು ಸ್ವಲ್ಪ ಬಿಸಿ ಮಾಡಿ ಊದಿದ ಭಾಗದ ಮೇಲೆ ಇಟ್ಟು ಬಟ್ಟೆಯ ಪಟ್ಟಿಯಿಂದ ಜಾರದಂತೆ ಕಟ್ಟಿ, ಮುಕ್ಕಾಲು ಗಂಟೆ ಹಾಗೆಯೇ ಬಿಡಿ. ಇದರಿಂದ ನೋವು ಶೀಘ್ರವೇ ಕಡಿಮೆಯಾಗುತ್ತದೆ.