ತಲೆ ಸುತ್ತು ನಿವಾರಿಸಿ

-ನಿಂಬೆ ಹಣ್ಣಿನ ರಸಕ್ಕೆ ಸಕ್ಕರೆ ಸೇರಿಸಿ ನಿಯಮಿತವಾಗಿ ಸೇವಿಸಿದರೆ ತಲೆ ಸುತ್ತು ನಿವಾರಣೆಯಾಗುತ್ತದೆ.

-ಶಂಖಪುಷ್ಪಿ ಪುಡಿಯನ್ನು ಹಾಲಿನ ಜೊತೆ ಸೇವಿಸಿದರೆ ಲಾಭದಾಯಕ. ಅಶ್ವಗಂಧ ಪುಡಿ ಮತ್ತು ಬಜೆ ಪುಡಿ ಕಲಸಿಟ್ಟು ಡಬ್ಬಿಗೆ ಹಾಕಿಡಿ. ಒಂದು ಗ್ರಾಂ ನಷ್ಟು ಈ ಪುಡಿಯನ್ನು ಹಾಲಿನ ಜೊತೆ ಸೇರಿಸಿ ಸೇವಿಸಿದರೆ ತಲೆಸುತ್ತು ನಿಲ್ಲುತ್ತದೆ.

-ಪಿತ್ತ ಹೆಚ್ಚಾಗಿ ತಲೆ ಸುತ್ತು ಇದ್ದರೆ ಒಂದು ಚಮಚ ಬೆಟ್ಟದ ನೆಲ್ಲಿಕಾಯಿ ಪುಡಿ ಮತ್ತು ಒಂದು ಚಮಚ ಕೊತ್ತಂಬರಿ ಬೀಜವನ್ನು ನೀರಲ್ಲಿ ರಾತ್ರಿ ನೆನೆಸಿ ಬೆಳಗ್ಗೆ ಸೋಸಿ, ಬರೀ ನೀರನ್ನು ಸಕ್ಕರೆ ಜೊತೆ ಖಾಲಿ ಹೊಟ್ಟೆಗೆ ಸೇವಿಸಿದರೆ ಪಿತ್ತ ಶಮನವಾಗಿ ತಲೆ ಸುತ್ತು ಕಡಿಮೆಯಾಗುತ್ತದೆ.

-ಎಳ್ಳೆಣ್ಣೆಗೆ ಲವಂಗ ಪುಡಿ ಮತ್ತು ಏಲಕ್ಕಿ ಪುಡಿ ಸೇರಿಸಿ ಸ್ವಲ್ಪ ಬಿಸಿ ಮಾಡಿ ತಲೆಗೆ ಹಚ್ಚಿದರೆ ತಲೆ ಸುತ್ತು ಕಡಿಮೆಯಾಗುತ್ತದೆ.

-ತಲೆ ಸುತ್ತಿಗೆ ಜೀರಿಗೆ ಪುಡಿಯನ್ನು ಜಾಯಿಕಾಯಿ ಪುಡಿ ಮತ್ತು ಜೇನುತುಪ್ಪಜ ಜೊತೆ ಕಲಸಿ ಸೇವಿಸಿದರೆ ಲಾಭದಾಯಕ.

-ಹಸಿವು ಕಡಿಮೆಯಾಗಿ ಅಜೀರ್ಣವಾಗಿ ತಲೆ ಸುತ್ತು ಇದ್ದರೆ, ಒಂದು ಚಮಚ ಶುಂಠಿ ರಸಕ್ಕೆ ಅರ್ಧ ಚಮಚ ಜೇನುತುಪ್ಪ ಸೇರಿಸಿ ಊಟದ ನಂತರ ಸೇವಿಸಿದರೆ ಜೀರ್ಣ ಶಕ್ತಿ ಹೆಚ್ಚಾಗುತ್ತದೆ.

-ಹತ್ತು ಒಣ ದಾಕ್ಷಿಯನ್ನು ರಾತ್ರಿ ನೀರಲ್ಲಿ ನೆನೆಸಿ ಬೆಳಗ್ಗೆ ಖಾಲಿ ಹೊಟ್ಟೆಗೆ ಸೇವಿಸಿದರೆ ತಲೆ ಸುತ್ತು ನಿವಾರಣೆಯಾಗುತ್ತದೆÜ.

-ಮಲಬದ್ಧತೆಯಿಂದ ತಲೆ ಸುತ್ತು ಬರುತ್ತಿದ್ದರೆ, ಅರ್ಧ ಚಮಚ ತ್ರಿಫಲ ಪುಡಿಯನ್ನು ಬೆಚ್ಚಗಿನ ನೀರಿಗೆ ಸೇರಿಸಿ ರಾತ್ರಿ ಮಲಗುವ ಮುನ್ನ ಸೇವಿಸಿದರೆ ಮಲಬದ್ಧತೆ ನಿವಾರಣೆಯಾಗಿ ತಲೆ ಸುತ್ತು ಕಡಿಮೆಯಾಗುತ್ತದೆ.

-ಎಂಟು ಕುಂಬಳಕಾಯಿ ಬೀಜ ಮತ್ತು ಆರು ಬಾದಾಮಿಗಳನ್ನು ನೀರಲ್ಲಿ ರಾತ್ರಿ ಇಡೀ ನೆನೆಸಿ, ಮಾರನೆ ದಿನ ಬಾದಾಮಿ ಸಿಪ್ಪೆ ತೆಗೆದು ಚೆನ್ನಾಗಿ ಎರಡನ್ನೂ ಪೇಸ್ಟ್‌ ಮಾಡಿ ಹಾಲಿನ ಜೊತೆ ಕುಡಿದರೆ ತಲೆ ಸುತ್ತು ಶಮನವಾಗುತ್ತದೆ.