ಅತ್ತಿಯ ಮರದಲ್ಲಿದೆ ಈ 8 ಆರೋಗ್ಯ ಸಮಸ್ಯೆಗೆ ಪರಿಹಾರ

ಅತ್ತಿ ಹಣ್ಣಿನ ರುಚಿ ನೋಡಿರುತ್ತೀರಿ, ಅತ್ತಿಯ ಮರದಿಂದ ಮನೆಮದ್ದು ತಯಾರಿಸಿ ಹಲವಾರು ಆರೋಗ್ಯ ಸಮಸ್ಯೆ ಗುಣಪಡಿಸಬಹುದು ಎಂದು ಗೊತ್ತಿದೆಯೇ? ಇಲ್ಲಿ ನಾವು ಅತ್ತಿಯ ಮರದಿಂದ ಯಾವೆಲ್ಲಾ ಸಮಸ್ಯೆಗೆ ಮನೆಮದ್ದು ಮಾಡಬಹುದು ಎಂದು ತಿಳಿಸಿದ್ದೇವೆ ನೋಡಿ:

1. ಅತ್ತಿ ಬೀಜ ಮತ್ತು ಹುರಳಿ ಕಾಳು ಹಾಗೂ ಎಳ್ಳೆಣ್ಣೆ ಹಾಕಿ ತಯಾರಿಸಿದ ಎಣ್ಣೆಯನ್ನು ದೇಹದಲ್ಲಿ ಯಾವುದೇ ರೀತಿಯ ನೋವಿದ್ದರು ಅದಕ್ಕೆ ಹಚ್ಚಿದರೆ ನೋವು ಶಮನವಾಗುತ್ತದೆ.

2. ಅತ್ತಿ ಹಣ್ಣಿನ ರಸಕ್ಕೆ ಜೇನುತುಪ್ಪ ಬೆರೆಸಿ ಸೇವಿಸಿದರೆ ಕಿವಿ ಸೋರುವುದು ನಿಲ್ಲುತ್ತದೆ.

3. ಮಂಡಿ ನೋವು ಇದ್ದಾಗ ಅತ್ತಿಯ ಎಲೆಗಳನ್ನು ಬಿಸಿ ಮಾಡಿ ಮಂಡಿಗಳ ಮೇಲೆ ಪ್ಯಾಕ್‌ ಮಾಡಿದರೆ ಮಂಡಿ ನೋವು ಗುಣವಾಗುತ್ತದೆ.

4. ಅತ್ತಿಯ ಎಳೆ ಹಣ್ಣನ್ನು ಹಾಲಿನಲ್ಲಿ ಜಜ್ಜಿ, ಮುಟ್ಟಿನ ಸಮಯದಲ್ಲಿ ಸೇವಿಸಿದರೆ ಗರ್ಭಾಶಯಕ್ಕೆ ಉತ್ತಮ ಬಲ ಬರುತ್ತದೆ.

5. ಅತ್ತಿ ಹೂವನ್ನು ಪೇಸ್ಟ್‌ ಮಾಡಿ ಗಾಯದ ಮೇಲೆ ಲೇಪಿಸಿದರೆ ಗಾಯ ಬೇಗ ಮಾಯುತ್ತದೆ.

6. ಅತ್ತಿಯ ಬೇರಿನ ಪುಡಿಯನ್ನು ಅಕ್ಕಿ ತೊಳದ ನೀರಿನಲ್ಲಿ ಬೆರೆಸಿ ಸೇವಿಸಿದರೆ ಬಿಳಿ ಮುಟ್ಟಿನ ಸಮಸ್ಯೆ ಕಡಿಮೆಯಾಗುತ್ತದೆ.

7. ಅತ್ತಿ ಬೀಜದಿಂದ ತಯಾರಿಸಿದ ಎಣ್ಣೆಯನ್ನು ಹಣೆಗೆ ಹಚ್ಚಿದರೆ ತಲೆ ನೋವು ಕಡಿಮೆಯಾಗುತ್ತದೆ.

8. ಅತ್ತಿ ಎಲೆಗಳ ಕಷಾಯವನ್ನು ಸೇವಿಸಿದರೆ ರಕ್ತಭೇದಿ ನಿಲ್ಲುತ್ತದೆ.