ಪೈಲ್ಸ್‌ಗೆ ಇಲ್ಲಿದೆ ನೋಡಿ ಮನೆಮದ್ದು

ಪೈಲ್ಸ್ ಇರುವಂತಹ ವ್ಯಕ್ತಿಗೆ ಸರಿಯಾಗಿ ತನ್ನ ಚಟುವಟಿಕೆ ಮಾಡಿಕೊಳ್ಳಲು ಆಗಲ್ಲ. ಕುಳಿತುಕೊಳ್ಳಲು ಆಗದೆ, ನೆಟ್ಟಗೆ ನಿಲ್ಲಲು ಆಗದಂತಹ ಪರಿಸ್ಥಿತಿ. ಗುದನಾಳದ ಹೊರಗಡೆ ಅಥವಾ ಒಳಗೆ ಕಾಣಿಸಿಕೊಳ್ಳುವ ಊತವೇ ಪೈಲ್ಸ್. ಇದು ಪ್ರಾಣಹಾನಿಯನ್ನು ಉಂಟು ಮಾಡದೆ ಇದ್ದರೂ, ನೋವಿನಿಂದಾಗಿ ವ್ಯಕ್ತಿಯು ಹಲವಾರು ಸಮಸ್ಯೆಯನ್ನು ಎದುರಿಸಬೇಕಾಗುತ್ತದೆ.

1. ಅಲೋವೆರಾ: ಅಲೋವೆರಾದಲ್ಲಿ ಉರಿಯೂತ ಶಮನಕಾರಿ ಮತ್ತು ಚಿಕಿತ್ಸಕ ಗುಣಗಳು ಇವೆ. ಪೈಲ್ಸ್ ನಿಂದ ಉಂಟಾಗಿರುವಂತಹ ಉರಿಯೂತವನ್ನು ಇದು ನಿವಾರಣೆ ಮಾಡುವುದು. ಗುದನಾಳಕ್ಕೆ ಸ್ವಲ್ಪ ಅಲೋವೆರಾ ಲೋಳೆ ಹಚ್ಚಿಕೊಳ್ಳಿ. ನಿಧಾನವಾಗಿ ಮಸಾಜ್ ಮಾಡಿಕೊಳ್ಳಿ. ಇದು ನೋವಿನಿಂದ ಪರಿಹಾರ ನೀಡುವುದು ಮತ್ತು ಉರಿ ಕಡಿಮೆ ಮಾಡುವುದು.

2. ಲಿಂಬೆರಸ: ಲಿಂಬೆರಸದಲ್ಲಿ ಇರುವಂತಹ ಹಲವಾರು ರೀತಿಯ ಪೋಷಕಾಂಶಗಳು ಕ್ಯಾಪಿಲ್ಲರಿಸ್ ಮತ್ತು ರಕ್ತನಾಳದ ಗೋಡೆಗಳನ್ನು ಬಲಗೊಳಿಸಿ, ಪೈಲ್ಸ್ ನಿಂದ ಪರಿಹಾರ ನೀಡುವುದು. ಅರ್ಧ ಲಿಂಬೆ ರಸವನ್ನು ಒಂದು ಕಪ್ ಬಿಸಿ ನೀರಿಗೆ ಹಾಕಿ ಕುಡಿಯಿರಿ. ಮೂರು ಗಂಟೆಗೊಮ್ಮೆ ಹೀಗೆ ಕುಡಿಯಿರಿ.


3. ಆಲಿವ್ ಆಯಿಲ್: ಆಲಿವ್ ತೈಲದಲ್ಲಿ ಉರಿಯೂತ ಶಮನಕಾರಿ ಮತ್ತು ಆ್ಯಂಟಿಆಕ್ಸಿಡೆಂಟ್ ಗಳು ಸಮೃದ್ಧವಾಗಿದೆ. ಇದು ರಕ್ತನಾಳಗಳ ಸ್ಥಿತಿಸ್ಥಾಪಕತ್ವವನ್ನು ಹೆಚ್ಚಿಸಿ, ಉರಿಯೂತ ಕಡಿಮೆ ಮಾಡಲು ನೆರವಾಗುವುದು. ಪ್ರತಿದಿನ ಒಂದು ಚಮಚ ಆಲಿವ್ ಆಯಿಲ್ ಸೇವಿಸಿ.

4. ಬಾದಾಮಿ ಎಣ್ಣೆ: ಬಾದಾಮಿ ಎಣ್ಣೆಯಲ್ಲಿ ಅಂಗಾಂಶಗಳನ್ನು ಆಳವಾಗಿ ಹೀರಿಕೊಳ್ಳುವ ಗುಣವಿದೆ ಮತ್ತು ಇದು ಪೈಲ್ಸ್ ಗೆ ಒಳ್ಳೆಯ ಮನೆಮದ್ದು. * ಬಾದಾಮಿ ಎಣ್ಣೆಯಲ್ಲಿ ಹತ್ತಿ ಉಂಡೆ ಅದ್ದಿಡಿ ಮತ್ತು ಇದನ್ನು ಭಾದಿತ ಜಾಗಕ್ಕೆ ಹಚ್ಚಿಕೊಳ್ಳಿ. ದಿನದಲ್ಲಿ ಹಲವಾರು ಬಾರಿ ಇದನ್ನು ಮಾಡಿ.


ಶುಂಠಿಯೊಂದಿಗೆ ಎಲ್ಲಾ ಆರೋಗ್ಯ ಸಮಸ್ಯೆ ದೂರವಾಗುವುದು.


5. ಇಡೀ ಧಾನ್ಯಗಳು: ಇಡೀ ಧಾನ್ಯಗಳಲ್ಲಿ ಅಧಿಕ ಮಟ್ಟದ ನಾರಿನಾಂಶಗಳು ಇವೆ. ಇದು ಪೈಲ್ಸ್ ನ ಲಕ್ಷಣಗಳು ಮತ್ತು ರಕ್ತಸ್ರಾವ ಕಡಿಮೆ ಮಾಡುವುದು. * ನಾರಿನಾಂಶ ಅಧಿಕವಾಗಿರುವಂತಹ ಓಟ್ಸ್, ಬಾರ್ಲಿ, ಕಂದುಅಕ್ಕಿ, ಮಿಲ್ಲೆಟ್, ಕ್ವಿನೊಯಾದಂತಹ ನಾರಿನಾಂಶ ಅಧಿಕವಾಗಿರುವುದನ್ನು ಸೇವನೆ ಮಾಡಿ.


6. ಆ್ಯಪಲ್ ಸೀಡರ್ ವಿನೇಗರ್: ಆ್ಯಪಲ್ ಸೀಡರ್ ವಿನೇಗರ್ನಲ್ಲಿ ಸಂಕೋಚನ ಗುಣವಿದೆ. ಇದು ಊದಿಕೊಂಡಿರುವ ರಕ್ತನಾಳವು ಕುಗ್ಗುವಂತೆ ಮಾಡುವುದು ಮತ್ತು ಉರಿಯೂತ ಹಾಗೂ ಕಿರಿಕಿರಿಯಿಂದ ಪರಿಹಾರ ನೀಡುವುದು. ಒಂದು ಚಮಚ ಆ್ಯಪಲ್ ಸೀಡರ್ ವಿನೇಗರ್ ಅನ್ನು ಒಂದು ಲೋಟ ನೀರಿಗೆ ಹಾಕಿ. ಪ್ರತಿನಿತ್ಯ ಎರಡು ಸಲ ಕುಡಿಯಿರಿ.

ನಿಮ್ಮರೋಗಗಳಿಗೆ ಮನೆಯ ಮುಂದಿರುವ ಗರಿಕೆಯೇ ಅದ್ಭುತ ಔಷಧಿ!

7. ಹರಳೆಣ್ಣೆ: ಹರಳೆಣ್ಣೆಯಲ್ಲಿ ಆ್ಯಂಟಿಆಕ್ಸಿಡೆಂಟ್, ಶಿಲೀಂಧ್ರ ವಿರೋಧಿ, ಬ್ಯಾಕ್ಟೀರಿಯಾ ವಿರೋಧಿ ಮತ್ತು ಉರಿಯೂತ ವಿರೋಧಿ ಗುಣಗಳು ಇವೆ. ಪೈಲ್ಸ್ ನ ಗಾತ್ರ ತಗ್ಗಿಸಿ, ನೋವು ಕಡಿಮೆ ಮಾಡುವುದು. ಪ್ರತೀ ರಾತ್ರಿ 3 ಮಿ.ಲೀ. ಹರಳೆಣ್ಣೆಯನ್ನು ಒಂದು ಲೋಟ ಹಾಲಿಗೆ ಹಾಕಿ ಕುಡಿಯಿರಿ.