ಮನೆಯಲ್ಲೇ ಅಂದ ಹೆಚ್ಚಿಸುವ ಮೇಕಪ್ ಹೈಲೈಟರ್ ತಯಾರಿಸೋದು ಹೇಗೆ?

ಮಹಿಳೆಯರಿಗೂ ಬ್ಯೂಟಿ ಪಾರ್ಲರ್‌ಗೂ ಏನೋ ಒಂದು ರೀತಿಯ ನಂಟು. ಒಬ್ಬರನ್ನು ಇನ್ನೊಬ್ಬರು ಬಿಟ್ಟಿರುವುದಿಲ್ಲ. ಅದಕ್ಕೆ ಕಾರಣ ಬ್ಯೂಟಿಗೂ ಮಹಿಳೆಯರಿಗೂ ಇರುವ ನಂಟು. ಮಹಿಳೆಯರ ಅಂದಕ್ಕೆ ಮೆರಗು ನೀಡಲು ಅನೇಕ ಬ್ಯೂಟಿ ಉತ್ಪನ್ನಗಳು ಮಾರುಕಟ್ಟೆಯಲ್ಲಿ ತಲೆಯೆತ್ತಿವೆ. ಒಂದೊಂದು ಉತ್ಪನ್ನ ಕೂಡ ತನ್ನದೇ ಆದ ಪ್ರಭಾವವನ್ನು ಹೊಂದಿರುತ್ತದೆ. ಈಗಂತೂ ಕೇವಲ ಬ್ಯೂಟಿ ಪಾರ್ಲರ್ ಗೆ ಹೋಗಬೇಕೆಂದೇನಿಲ್ಲ. ತಮ್ಮ ನೆಚ್ಚಿನ ಮೇಕಪ್ ಕಿಟ್ ಮನೆಯಲ್ಲೇ ತಂದಿಟ್ಟುಕೊಂಡು ತಮಗೆ ಸಮಯ ಸಿಕ್ಕಂತಹ ಸಂದರ್ಭದಲ್ಲಿ ಆರಾಮವಾಗಿ ಕನ್ನಡಿ ಮುಂದೆ ಕುಳಿತು ತಮಗೆ ಇಷ್ಟವಾಗುವ ರೀತಿಯಲ್ಲಿ ತಮ್ಮ ಮುಖದ ಸೌಂದರ್ಯವನ್ನು ಹೆಚ್ಚು ಮಾಡಿಕೊಳ್ಳ ಬಹುದು.

ಆದರೆ ಮೇಕಪ್ ಕಿಟ್ ಮನೆಯಲ್ಲಿಯೇ ಹೊಂದಲು ದುಬಾರಿ ಹಣ ಖರ್ಚು ಮಾಡಬೇಕಾಗುತ್ತದೆ ಎಂಬುದು ಕೂಡ ಅಷ್ಟೇ ಸತ್ಯ. ಏಕೆಂದರೆ ಕಡಿಮೆ ಖರ್ಚಿನ ಮೇಕಪ್ ಉತ್ಪನ್ನಗಳು ಅಷ್ಟಾಗಿ ಅಂದರೆ ಮನಸ್ಸಿಗೆ ಸಮಾಧಾನವಾಗುವ ರೀತಿಯಲ್ಲಿ ಕೆಲಸ ಮಾಡುವುದಿಲ್ಲ. ಇವುಗಳಿಂದ ಮುಖದ ಅಂದ ಹೆಚ್ಚುವ ಬದಲು ಹಾಳಾಗುವುದೇ ಹೆಚ್ಚು. ಹಾಗಾದರೆ ಈ ರೀತಿಯ ಮೇಕಪ್ ಕಿಟ್ ಕೇವಲ ಶ್ರೀಮಂತ ವ್ಯಕ್ತಿತ್ವದವರಿಗೆ ಮಾತ್ರ ಸೀಮಿತವೇ? ಬಡ ಹಾಗೂ ಮಧ್ಯಮ ವರ್ಗದ ಮಹಿಳೆಯರು ತಮ್ಮ ಸೌಂದರ್ಯ ವೃದ್ಧಿಯ ಬಗ್ಗೆ ಯೋಚನೆ ಮಾಡಬಾರದೇ? ಹೀಗೆಲ್ಲಾ ಪ್ರಶ್ನೆಗಳು ಉದ್ಭವಿಸದೇ ಇರವು...

ಮೇಕಪ್ ಕಿಟ್ ನಲ್ಲಿ ಬಹು ಮುಖ್ಯವಾಗಿ ಬಳಕೆಗೆ ಬರುವ ಮತ್ತು ಮಹಿಳೆಯರ ಅಂದಕ್ಕೆ ಫೈನಲ್ ಟಚ್ ಕೊಡುವ ಒಂದು ಉತ್ಪನ್ನವೆಂದರೆ ಅದು ಮೇಕಪ್ ಹೈಲೈಟರ್. ಇದು ಸಿನಿಮಾ ರಂಗದಲ್ಲಿ ಪಾತ್ರ ಮಾಡುವವರಿಂದ ಹಿಡಿದು ಸಾಮಾನ್ಯ ಮಹಿಳೆಯರವರೆಗೂ ಉಪಯೋಗಕ್ಕೆ ಬರುತ್ತದೆ. ಆದರೆ ಸಿನಿಮಾದವರಾದರೆ ಇದರ ಬೆಲೆಯ ಬಗ್ಗೆ ಯೋಚನೆ ಮಾಡುವುದಿಲ್ಲ. ಆದರೆ ಸಾಮಾನ್ಯ ಮಹಿಳೆಯರು ಹಾಗೆ ಮಾಡುವುದಕ್ಕೆ ಸಾಧ್ಯವೇ? ಆನ್ಲೈನ್ ನಲ್ಲಿ ಶಾಪಿಂಗ್ ಮಾಡಲು ಮುಂದಾದರೆ ಅಲ್ಲೂ ಸಹ ಇದರ ಬೆಲೆ ದುಬಾರಿ.

ಕರಿಬೇವಿನಿಂದ ಮುಖ ಬೆಳ್ಳಗೆ ಮತ್ತು ಪಳಪಳನೆ ಹೊಳೆಯುತ್ತದೆಯಂತೆ!

ಕಡಿಮೆ ಬೆಲೆಯ ಮೇಕಪ್ ಹೈಲೈಟರ್ ಕೊಂಡುಕೊಂಡರೆ ಯಾವ ಪ್ರಯೋಜನವಿಲ್ಲ. ಹೀಗಾಗಿ ಮೇಕಪ್ ಹೈಲೈಟರ್ ಎಂಬ ಉತ್ಪನ್ನದ ಆಸೆ ಕೈಬಿಡುವುದೇ ಒಳ್ಳೆಯದು ಅಲ್ಲವೇ? ಖಂಡಿತಾ ಇಲ್ಲ. ನೀವೂ ಕೂಡ ಇತರರಂತೆ ನಿಮ್ಮ ಮುಖದ ಸೌಂದರ್ಯವನ್ನು ಹೆಚ್ಚು ಮಾಡಿಕೊಳ್ಳಲು ದುಬಾರಿ ಬೆಲೆಯ ಮೇಕಪ್ ಹೈಲೈಟರ್ ಗೆ ಸೆಡ್ಡು ಹೊಡೆಯುವ ನಿಮ್ಮದೇ ಆದ ಸ್ವಂತ ಮೇಕಪ್ ಹೈಲೈಟರ್ ಬಳಕೆ ಮಾಡಿಕೊಳ್ಳಬಹುದು. ಕೇಳಲು ಆಶ್ಚರ್ಯವಾಗುತ್ತಿದೆ ಅಲ್ಲವೇ? ಈ ಲೇಖನವನ್ನು ಮುಂದೆ ಓದಿ.

ಮೇಕಪ್ ನ ಅಗತ್ಯ ವಸ್ತು ಮೇಕಪ್ ಹೈಲೈಟರ್
ಈಗಿನ ಕಾಲದಲ್ಲಿ ಮನೆಯಿಂದ ಹಿಡಿದು ಬ್ಯೂಟಿ ಪಾರ್ಲರ್ ವರೆಗೆ ಮುಖದ ಸೌಂದರ್ಯವನ್ನು ಕಾಪಾಡಲು ಮೇಕಪ್ ಕಿಟ್ ನಲ್ಲಿ ಎಲ್ಲರೂ ಪ್ರಮುಖವಾಗಿ ಮೇಕಪ್ ಹೈಲೈಟರ್ ಬಳಸುತ್ತಾರೆ. ಇದು ನಿಮ್ಮ ಮೇಕಪ್ ನ ನಂತರದ ಹೊಳಪನ್ನು ಹೆಚ್ಚಿಸುತ್ತದೆ. ಮಾರುಕಟ್ಟೆಗಳಲ್ಲಿ ಬಹಳಷ್ಟು ಬಗೆಯ ಮೇಕಪ್ ಹೈಲೈಟರ್ ಗಳು ಲಭ್ಯವಿವೆ. ಆದರೆ ಅವುಗಳು ತೀರಾ ದುಬಾರಿ. ಮಧ್ಯಮ ವರ್ಗದ ಮಹಿಳೆಯರು ಕೊಂಡುಕೊಳ್ಳಲಾಗದ ಸ್ಥಿತಿ. ಅದರಲ್ಲೂ ಕಡಿಮೆ ಬೆಲೆಯ ಹೈಲೈಟರ್ ಗಳು ಅಷ್ಟಾಗಿ ಉಪಯೋಗಕ್ಕೆ ಬರುವುದಿಲ್ಲ. ಹಾಗಾದರೆ ಮಧ್ಯಮ ವರ್ಗಕ್ಕೆ ಸೇರಿದ ಮಹಿಳೆಯರು ಮೇಕಪ್ ಹೈಲೈಟರ್ ಗಳನ್ನು ಉಪಯೋಗಿಸುವುದೇ ಬೇಡವೇ? ಮೇಕಪ್ ಹೈಲೈಟರ್ ಗಳು ಕೇವಲ ಶ್ರೀಮಂತ ಮಹಿಳೆಯರಿಗೆ ಮಾತ್ರ ಸೀಮಿತವೇ? ಎಂಬ ಪ್ರಶ್ನೆಗಳು ಈಗಾಗಲೇ ನಿಮ್ಮ ತಲೆ ಕೆಡಿಸುತ್ತಾ ಇರಬಹುದು. ಹಾಗೇನಿಲ್ಲ ನಮ್ಮ ಬಳಿ ಅದಕ್ಕೆ ಉತ್ತರ ಲಭ್ಯವಿದೆ. ಹೈ ಕ್ಲಾಸ್ ಮಹಿಳೆಯರು ದುಬಾರಿ ವೆಚ್ಚ ತೆತ್ತು ಉಪಯೋಗಿ ಸುವ ಮೇಕಪ್ ಹೈಲೈಟರ್ ಗಳನ್ನು ಇನ್ನು ಮುಂದೆ ನೀವೂ ಕೂಡ ಅತ್ಯಂತ ಕಡಿಮೆ ಖರ್ಚಿನಲ್ಲಿ ಉಪಯೋಗಿಸ ಬಹುದು. ಹೇಗೆ ಎಂದು ಆಶ್ಚರ್ಯ ಪಡುತ್ತಿದ್ದೀರಾ? ಅದಕ್ಕೆ ಉತ್ತರ ಈ ಲೇಖನದಲ್ಲಿದೆ.

'ಚಾಕಲೇಟ್' ತಿನ್ನುವುದಕ್ಕೆ ಮಾತ್ರವಲ್ಲ, ಸ್ವಲ್ಪ ಮುಖಕ್ಕೂ ಹಚ್ಚಿಕೊಳ್ಳಿ!

ಮೇಕಪ್ ಹೈಲೈಟರ್ ತಯಾರು ಮಾಡಲು ಬೇಕಾಗಿರುವ ಪದಾರ್ಥಗಳು
ನಿಮ್ಮ ಮುಖದ ಸೌಂದರ್ಯವನ್ನು ಹೆಚ್ಚಿಸುವ ನಿಮ್ಮದೇ ಆದ ಸ್ವಂತ ಮೇಕಪ್ ಹೈಲೈಟರ್ ಅನ್ನು ಮನೆಯಲ್ಲಿ ಸ್ವತಃ ನೀವೇ ಯಾವಾಗ ಬೇಕಾದರೂ ತಯಾರು ಮಾಡಿಕೊಳ್ಳಬಹುದು. ತಯಾರು ಮಾಡಲು ಬೇಕಾಗಿರುವ ಸಾಮಾಗ್ರಿಗಳು ಹೀಗಿವೆ
*2 ಟೇಬಲ್ ಚಮಚಗಳಷ್ಟು ಗ್ರೇಪ್ ಫ್ರೂಟ್ ಅಥವಾ ಆಲ್ಮಂಡ್ ಆಯಿಲ್
*2 ಟೀ ಚಮಚದಷ್ಟು ಬೀಸ್ ವ್ಯಾಕ್ಸ್ ಅಥವಾ ವ್ಯಾಕ್ಸ್
*1 ಟೀ ಚಮಚದಷ್ಟು ವೈಟ್ ಮೈಕಾ

ಮೇಕಪ್ ಹೈಲೈಟರ್ ತಯಾರು ಮಾಡುವ ವಿಧಾನ
*ಮೊಟ್ಟ ಮೊದಲನೆಯದಾಗಿ ಒಂದು ಪಾತ್ರೆಯನ್ನು ಗ್ಯಾಸ್ ಸ್ಟವ್ ಮೇಲಿಟ್ಟು ಅದಕ್ಕೆ ಎರಡು ಕಪ್ಪು ನೀರನ್ನು ಹಾಕಿ ಚೆನ್ನಾಗಿ ಕುದಿಸಿ
*ಕುದಿಯುತ್ತಿರುವ ನೀರಿನಲ್ಲಿ ಒಂದು ಗ್ಲಾಸ್ ಬೌಲ್ ಇಟ್ಟು ಅದಕ್ಕೆ ಸ್ವಲ್ಪ ಆಲ್ಮಂಡ್ ಆಯಿಲ್, ಬಿ ವ್ಯಾಕ್ಸ್ ಮತ್ತು ವೈಟ್ ಮೈಕಾ ಪುಡಿ ಹಾಕಿ.
*ಈ ಎಲ್ಲಾ ಪದಾರ್ಥಗಳನ್ನು ಒಟ್ಟಿಗೆ ಕಡಿಮೆ ಉರಿಯಲ್ಲಿ ಬಿಸಿ ಮಾಡಿ ಕರಗಿಸಿ.
*ಇವುಗಳೆಲ್ಲಾ ಕರಗಿದ ಮೇಲೆ ಈ ಮಿಶ್ರಣವನ್ನು ಒಂದು ಸಣ್ಣ ಪಾನ್ ಅಥವಾ ಗಾಜಿನ ಕಂಟೈನರ್ ಗೆ ಸುರಿಯಿರಿ
*ಈ ಮಿಶ್ರಣವನ್ನು ಸೆಟ್ ಮಾಡುವ ಮೊದಲು ಚೆನ್ನಾಗಿ ಅಲ್ಲಾಡಿಸಿ ಮೈಕಾ ಪೌಡರ್ ಉಳಿಯದಂತೆ ಮಿಶ್ರಣ ಮಾಡಿ
ನೀವು ಇದನ್ನು ಕಂಟೈನರ್ ನಲ್ಲಿ ಇಡದಿದ್ದರೆ ಒಂದು ಕ್ಲಿಂಗ್ ರಾಪ್ ಬಳಸಿ ಕಂಟೈನರ್ ನಲ್ಲಿ ಹಾಕಿಡಿ
*ನಿಮ್ಮ ಹೈಲೈಟರ್ ಇನ್ನಷ್ಟು ಬಣ್ಣದಿಂದ ಎದ್ದು ಕಾಣಲು ಸ್ವಲ್ಪ ಕೋಕೊ ಪೌಡರ್ ಅಥವಾ ಮೈಕಾ ಪೌಡರನ್ನು ಹೆಚ್ಚಿಗೆ ಬಳಸಿ ಸೆಟ್ ಆಗುವ ಮೊದಲು ಚೆನ್ನಾಗಿ ಅಲ್ಲಾಡಿಸಿ
*1 ಗಂಟೆಯವರೆಗೆ ಕಂಟೈನರ್ ನಲ್ಲಿ ಹಾಗೆ ಬಿಟ್ಟು ಆನಂತರ ಮೇಕಪ್ ಹೈಲೈಟರ್ ಅನ್ನು ಬಳಸಬಹುದು

ಸುಂದರ ತ್ವಚೆಗಾಗಿ ಜೇನಿನ ಆರೈಕೆ, ಮನೆಯಲ್ಲಿಯೇ ಮಾಡಿ!

ಉಪಯೋಗಗಳು
*ನೀವು ಸ್ವತಃ ತಯಾರು ಮಾಡಿದ ಮೇಕಪ್ ಹೈಲೈಟರ್ ನ ಉಪಯೋಗವೆಂದರೆ ಇದು ಸಾವಯುವ ಪದಾರ್ಥಗಳನ್ನು ಬಳಸಿ ತಯಾರು ಮಾಡಿದ ಮೇಕಪ್ ಹೈಲೈಟರ್ ಆಗಿರುವುದರಿಂದ ನಿಮ್ಮ ಚರ್ಮದ ಆರೋಗ್ಯಕ್ಕೆ ಯಾವುದೇ ಹಾನಿ ಉಂಟಾಗುವುದಿಲ್ಲ
*ಇದು ಬಹಳ ಕಡಿಮೆ ಖರ್ಚಿನಲ್ಲಿ ತಯಾರಾಗುವುದರಿಂದ ಮಾರುಕಟ್ಟೆಯಲ್ಲಿ ಸಿಗುವ ದುಬಾರಿ ಬೆಲೆಯ ಹೈಲೈಟರ್ ಗಳಿಗೆ ಸೆಡ್ಡು ಹೊಡೆಯಬಲ್ಲದು
*ನಿಮಗೆ ಬೇಕಾದಾಗ ಮತ್ತು ಬೇಕಾದ ಪ್ರಮಾಣದಲ್ಲಿ ನೀವೇ ತಯಾರಿಸಿಕೊಳ್ಳಬಹುದು.