ಗಂಟಲು ಕೆರೆತಕ್ಕೆ ಸುಲಭೋಪಾಯದ ಮನೆಮದ್ದು

ವಾತಾವರಣದಲ್ಲಿ ಸ್ವಲ್ಪ ವ್ಯತ್ಯಾಸವಾದರೂ ಕೆಲವೊಮ್ಮೆ ಮನುಷ್ಯನ ಆರೋಗ್ಯದಲ್ಲಿ ಏರುಪೇರಾಗುವುದು. ಚಳಿಗಾಲ ಅಥವಾ ಮಳೆಗಾಲದಲ್ಲಿ ಗಂಟಲು ಕೆರೆತ ಸರ್ವೇಸಾಮಾನ್ಯ.

ಹಾಗೆ ಉಂಟಾಗುವ ಗಂಟಲು ಕೆರೆತಕ್ಕೆ ಮನೆಯಲ್ಲೇ ಸುಲಭವಾಗಿ ಮಾಡಿಕೊಳ್ಳಬಹುದಾದ ಮನೆ ಮದ್ದನ್ನು ತಿಳಿದುಕೊಳ್ಳೋಣ. ಅದೂ ಅತಿ ಸುಲಭ ಮತ್ತು ಅಡುಗೆ ಮನೆಯ ಕೈಗೆಟುಕುವ ಸಾಮಗ್ರಿಗಳಿಂದ!


ಬೇಕಾಗುವ ಸಾಮಗ್ರಿಗಳು
1. ನೀರು 1 ಲೋಟ
2. ನಿಂಬೆಹಣ್ಣು ½ ಹೋಳು
3. ಜೇನುತುಪ್ಪ 1 ಚಮಚ

'ಗಂಟಲ ಕೆರೆತ' ಸಮಸ್ಯೆ ನಿಲ್ಲಿಸುವ ಮನೆ ಔಷಧಿಗಳು
ತಯಾರಿಸುವ ವಿಧಾನ
• ಒಂದು ಲೋಟದಷ್ಟು ನೀರನ್ನು ಒಂದು ಪಾತ್ರೆಯಲ್ಲಿ ಹಾಕಿಕೊಳ್ಳಿ. ಅದನ್ನು ಒಲೆಯ ಮೇಲಿಟ್ಟು ಕುದಿಸಿಕೊಳ್ಳಿ.
• ಕುದ್ದಿರುವ ನೀರನ್ನು ಒಂದು ಲೋಟಕ್ಕೆ ಬಗ್ಗಿಸಿಕೊಂಡು ಸ್ವಲ್ಪವೇ ತಣಿಯಲು ಬಿಡಿ.
• ನೀರು ಪೂರ್ತಿಯಾಗಿ ತಣಿಯದೆ ಬಿಸಿಯಿರುವಾಗಲೇ ½ ನಿಂಬೆ ರಸವನ್ನು ಅದಕ್ಕೆ ಹಿಂಡುಕೊಳ್ಳಬೇಕು.
• ಬಿಸಿ ನೀರಿಗೆ ನಿಂಬೆ ರಸದೊಂದಿಗೆ 1ಚಮಚ ಜೇನು ಬೆರೆಸಿಕೊಂಡು ಕುಡಿಯಿರಿ. ಗಂಟಲಿಗೆ ಹಿತವೆನಿಸುತ್ತದೆ.
ಇದರಲ್ಲಿರುವ ನಿಂಬೆಯ ರಸ, ಗಂಟಲಲ್ಲಿ ಸೇರಿಕೊಂಡ ಲೋಳೆಯನ್ನು ಕಡಿಮೆ ಮಾಡುತ್ತದೆ.
ಇದಲ್ಲದೆ ಮತ್ತೊಂದು ಮನೆ ಮದ್ದನ್ನು ತಿಳಿದುಕೊಳ್ಳೋಣ ಬನ್ನಿ. ಇದು ಇನ್ನೂ ಸುಲಭ ಹಾಗೂ ಪ್ರಯೋಜನಕಾರಿಯಾಗಿದೆ.

ಬಿಸಿ ನೀರಿಗೆ ನಿಂಬೆ, ಜೇನು ಹಾಕಿ ಕುಡಿಯುವುದರಿಂದ ಏನಾಗುತ್ತೆ ಗೊತ್ತಾ?undefined

ಬೇಕಾಗಿರುವ ಪದಾರ್ಥ
1. ಶುಂಠಿ
2. ಜೇನು ತುಪ್ಪ

ಮಾಡುವ ವಿಧಾನ
1. ಮೊದಲಿಗೆ ಶುಂಠಿಯನ್ನು ಚೆನ್ನಾಗಿ ತೊಳೆದುಕೊಂಡು ಆನಂತರ ಸಿಪ್ಪೆಯನ್ನು ಹೆರೆದುಕೊಳ್ಳಬೇಕು.
2. ಸಿಪ್ಪೆ ಹೆರೆದ ಶುಂಠಿಯನ್ನು ತುರಿದಿಟ್ಟುಕೊಳ್ಳಬೇಕು.
3. ಎರಡು ಚಮಚದಷ್ಟು ಶುಂಠಿಯ ತುರಿಗೆ ಒಂದು ಚಮಚದಷ್ಟು ಜೇನು ಬೆರೆಸಿಕೊಳ್ಳಬೇಕು. ಇದನ್ನು ಒಂದು ಬಾಟಲಿಯಲ್ಲಿ ಶೇಖರಿಸಿಟ್ಟುಕೊಂಡು ಆಗಾಗ ಜಿಗಿಯುತ್ತಿರಬೇಕು.

*ನಿಂಬೆಯಂತೂ ಬಹು ಖನಿಜಾಂಶಗಳ ಭಂಡಾರ
*ಜೇನು ಆಂಟಿ ಬ್ಯಾಕ್ಟೀರಿಯಲ್ ಆಗಿ ಕೆಲಸ ಮಾಡುತ್ತದೆ, ಗಂಟಲು ಕಿರಿಕಿರಿ ಸಮಸ್ಯೆಗೆ ರಾಮ ಬಾಣವಾಗಿ ಕಾರ್ಯ ನಿರ್ವಹಣೆ ಮಾಡುತ್ತದೆ.
*ಶುಂಠಿಯಂತೂ ಗಂಟಲಲ್ಲಿನ ಟಾಕ್ಸಿನ್ ಕಡಿಮೆ ಮಾಡುತ್ತದೆ. ಇದರ ಆಂಟಿ ಇನ್ ಫ್ಲಮೇಟರಿ ಗುಣ ಬ್ಯಾಕ್ಟೀರಿಯಾವನ್ನು ಹೋಗಲಾಡಿಸುತ್ತದೆ. ಒಟ್ಟಿನಲ್ಲಿ ಅಡ್ಡಪರಿಣಾಮವಾಗದ ಕಾರಣ ಈ ಮನೆಮದ್ದು ನಿಮಗೆ ಬಹು ಉಪಯುಕ್ತವಾಗಬಲ್ಲದು.