ನಿಮಗೆ ಜಂತು ಹುಳುಗಳ ಸಮಸ್ಯೆ ಇದ್ದರೆ ಈ ರೀತಿ ಮಾಡಿ

ಮಕ್ಕಳಲ್ಲಿ ಅಥವಾ ನಿಮ್ಮಲ್ಲಿ ಹೆಚ್ಚಾಗಿ ಜಂತು ಹುಳುಗಳು ಕಂಡು ಬಂದರೆ ನಿಮ್ಮ ರೋಗ - ನಿರೋಧಕ ಶಕ್ತಿ ದಿನ ಕಳೆದಂತೆ ಕುಂಠಿತಗೊಳ್ಳುತ್ತದೆ. ದೇಹದ ರಕ್ತದಲ್ಲಿ ಕಬ್ಬಿಣದ ಅಂಶದ ಕೊರತೆ ಉಂಟಾಗುವುದರ ಜೊತೆಗೆ ಕರುಳಿನ ಭಾಗದಲ್ಲಿ ವಿಪರೀತ ಹಾನಿಯಾಗುತ್ತದೆ.

ಹಾಗಾಗಿ ನೀವು ಆಹಾರ ಸೇವಿಸುವ ಮುಂಚೆ ನಿಮ್ಮ ಕೈಗಳನ್ನು ಚೆನ್ನಾಗಿ ಬಿಸಿ ನೀರು ಮತ್ತು ಸೋಪಿನ ಸಹಾಯದಿಂದ ತೊಳೆದುಕೊಂಡು ನಂತರ ಆಹಾರ ಸೇವನೆ ಮಾಡಲು ಮುಂದಾಗಬೇಕು.ಇದರ ಜೊತೆಗೆ ಈ ಕೆಳಗಿನ ನಿಮ್ಮ ದೇಹಕ್ಕೆ ಸರಿ ಹೊಂದುವಂತಹ ಮನೆ ಮದ್ದುಗಳನ್ನು ಪ್ರಯತ್ನ ಮಾಡಿ ಜಂತು ಹುಳುಗಳಿಂದ ಪರಿಹಾರ ಕಂಡುಕೊಳ್ಳಬಹುದು.

ಪರಂಗಿ ಕಾಯಿಯ ಸಿಪ್ಪೆ ತೆಗೆದು ಚೆನ್ನಾಗಿ ತೊಳೆದು ಅದನ್ನು ಮಿಕ್ಸರ್ ಜಾರ್ ನಲ್ಲಿ ಹಾಕಿ ರುಬ್ಬಿ. ಅದರಿಂದ ಬಂದ ಮಿಶ್ರಣವನ್ನು ಚೆನ್ನಾಗಿ ಹಿಂಡಿ ರಸ ತೆಗೆದು 1 ಟೇಬಲ್ ಚಮಚ ತೆಗೆದುಕೊಂಡು

ಒಂದು ಲೋಟ ಉಗುರು ಬೆಚ್ಚಗಿನ ಹಾಲಿಗೆ ಹಾಕಿ ಮಿಶ್ರಣ ಮಾಡಿ ಅದಕ್ಕೆ ಒಂದು ಟೇಬಲ್ ಚಮಚ ಜೇನು ತುಪ್ಪ ಹಾಕಿ ಕದಡಿ. ಬೆಳಗಿನ ಖಾಲಿ ಹೊಟ್ಟೆಯಲ್ಲಿ ಪ್ರತಿ ದಿನವೂ ಒಂದು ವಾರದ ತನಕ ಈ ಮಿಶ್ರಣವನ್ನು ಕುಡಿಯುವುದರಿಂದ ಜಂತು ಹುಳುಗಳ ಸಮಸ್ಯೆಯಿಂದ ಅತ್ಯಂತ ಪರಿಣಾಮಕಾರಿಯಾಗಿ ಮತ್ತು ಅಷ್ಟೇ ತ್ವರಿತ ಗತಿಯಲ್ಲಿ ಪರಿಹಾರ ಕಂಡುಕೊಳ್ಳಬಹುದು.

ಅರಿಶಿನದಲ್ಲಿ ' ಕರ್ಕ್ಯುಮಿನ್ ' ಎಂಬ ಅಂಶ ಇರುವ ಕಾರಣ ಇದು ಆಂಟಿ - ಸೆಪ್ಟಿಕ್ ಮತ್ತು ಆಂಟಿ - ಮೈಕ್ರೋಬಿಯಲ್ ಗುಣ ಲಕ್ಷಣಗಳನ್ನು ಹೊಂದಿದೆ. ಒಂದು ಗ್ಲಾಸ್ ಮಜ್ಜಿಗೆಗೆ 1 ಟೇಬಲ್ ಚಮಚ ಅರಿಶಿನ ಹಾಕಿ ಮಧ್ಯಾಹ್ನದ ಸಮಯದಲ್ಲಿ ಊಟ ಮಾಡಿದ ನಂತರ ಕುಡಿಯುವುದರಿಂದ ಹೊಟ್ಟೆಯಲ್ಲಿರುವ ಜಂತು ಹುಳುಗಳು ನಾಶವಾಗುತ್ತವೆ.

ದಿನಾ ಒಂದು ಗ್ಲಾಸ್ ಅರಿಶಿನ ಹಾಲು ಕುಡಿದರೆ ಈ ಕಾಯಿಲೆಗಳೆಲ್ಲಾ ದೂರ

ಕುಂಬಳಕಾಯಿ ಬೀಜಗಳಲ್ಲಿ ' cucurbitacin 'ಎಂಬ ಅಂಶವಿದ್ದು, ಇದು ಆಂಟಿ - ಪ್ಯಾರಾಸೈಟಿಕ್ ಸ್ವಭಾವವನ್ನು ಹೊಂದಿದೆ. ತುಂಬಾ ಹೆಚ್ಚಾದ ಜಂತು ಹುಳುವಿನ ಸಮಸ್ಯೆಯಿಂದ ಬಳಲುತ್ತಿರುವವರು ಮೊದಲಿಗೆ ಬಾಣಲೆಯಲ್ಲಿ 1 ಟೇಬಲ್ ಚಮಚ ಕುಂಬಳಕಾಯಿ ಬೀಜಗಳನ್ನು ಹಾಕಿ ಹುರಿದು ಪುಡಿ ಮಾಡಿಕೊಂಡು ಅದನ್ನು ಅರ್ಧ ಕಪ್ ನೀರು ಮತ್ತು ಅರ್ಧ ಕಪ್ ತೆಂಗಿನ ಹಾಲಿನ ಜೊತೆಗೆ ಮಿಶ್ರಣ ಮಾಡಿ ಬೆಳಗಿನ ಖಾಲಿ ಹೊಟ್ಟೆಯಲ್ಲಿ ಒಂದು ವಾರದ ತನಕ ಸೇವಿಸಬೇಕು. ಹೀಗೆ ಮಾಡಿದಾಗ ಕುಂಬಳಕಾಯಿಯಲ್ಲಿನ ಜಂತುಹುಳುಗಳಿಗೆ ಮಾರಕವಾದ ಅಂಶಗಳು ಅವುಗಳನ್ನು ಕೊಲ್ಲುತ್ತವೆ ಮತ್ತು ನಿಮಗೆ ಜಂತು ಹುಳುಗಳ ಸಮಸ್ಯೆಯಿಂದ ಮುಕ್ತಿ ಕೊಡುತ್ತವೆ.

ಪುರುಷರ ಫಲವತ್ತತೆಯನ್ನು ಹೆಚ್ಚಿಸಲು ಬೇಕು ಸಿಹಿ ಕುಂಬಳಕಾಯಿ ಬೀಜ!

ಬೇವಿನ ಸೊಪ್ಪು ಕೀಟನಾಶಕ ಎಂಬ ಹೆಸರು ಪಡೆದಿದೆ. ಹಾಗಾಗಿ ಬೇವಿನ ಸೊಪ್ಪು ಮತ್ತು ಚಕ್ಕೆ ನಿಮ್ಮ ದೇಹದಲ್ಲಿ ಇರುವ ಸಣ್ಣ - ಪುಟ್ಟ ಕೀಟಗಳನ್ನು ಮತ್ತು ಹುಳುಗಳನ್ನು ನಾಶ ಮಾಡಬಲ್ಲವು.

ಸ್ವಲ್ಪ ಹಸಿಯಾದ ಬೇವಿನ ಎಲೆಗಳನ್ನು ತೆಗೆದುಕೊಂಡು ಚೆನ್ನಾಗಿ ನೀರಿನಲ್ಲಿ ತೊಳೆದು ಸ್ವಚ್ಛ ಮಾಡಿ ಹೊರಳಗಲ್ಲು ನಲ್ಲಿ ಹಾಕಿ ಕುಟ್ಟಿ ಪೇಸ್ಟ್ ತಯಾರು ಮಾಡಿಕೊಳ್ಳಿ. ಬೆಳಗಿನ ಸಮಯದಲ್ಲಿ ಖಾಲಿ ಹೊಟ್ಟೆಯಲ್ಲಿ ಅರ್ಧ ಟೀ ಚಮಚ ಬೇವಿನ ಸೊಪ್ಪಿನ ಪೇಸ್ಟ್ ಅನ್ನು ಕುಡಿಯುವ ನೀರಿನ ಜೊತೆಗೆ ಮಿಶ್ರಣ ಮಾಡಿ ಸೇವನೆ ಮಾಡಿ. ಇದರಿಂದ ಜಂತು ಹುಳುಗಳಿಗೆ ವಿಷದ ಪ್ರಭಾವ ತಾಗಿ ನಾಶ

ಆಗುತ್ತವೆ.

ಬೇವು ಕಹಿಯಾದರೂ ಸೌಂದರ್ಯಕ್ಕೆ ದುಪ್ಪಟ್ಟು ಸಿಹಿ!

ಬೆಳ್ಳುಳ್ಳಿಯಲ್ಲಿ ಆಂಟಿ - ಬ್ಯಾಕ್ಟೀರಿಯಲ್ ಮತ್ತು ಆಂಟಿ - ಇಂಪ್ಲಾಮೇಟರಿ ಗುಣ ಲಕ್ಷಣಗಳಿವೆ. ಬೆಳಗಿನ ಸಮಯದಲ್ಲಿ ಖಾಲಿ ಹೊಟ್ಟೆಯಲ್ಲಿ ಬೆಳ್ಳುಳ್ಳಿಯ ಒಂದೆರಡು ಎಸಳುಗಳನ್ನು ಸೇವನೆ ಮಾಡುವುದರಿಂದ ಜಂತು ಹುಳುಗಳ ಸಮಸ್ಯೆಯಿಂದ ಅತ್ಯಂತ ಬೇಗನೆ ಮುಕ್ತಿ ಪಡೆಯಬಹುದು.

ತೆಂಗಿನಕಾಯಿ ಕೇವಲ ಅಡುಗೆ ತಯಾರಿಯಲ್ಲಿ ಮಾತ್ರ ಉಪಯೋಗಕ್ಕೆ ಬರುವುದಿಲ್ಲ. ಬದಲಿಗೆ ಇದರಲ್ಲಿ ಅಪಾರವಾದ ಆರೋಗ್ಯ ಪ್ರಯೋಜನಗಳು ಸಿಗುತ್ತವೆ. 1 ಟೇಬಲ್ ಚಮಚ ಕೊಬ್ಬರಿ ತುರಿಯನ್ನು ನಿಮ್ಮ ಬೆಳಗಿನ ಉಪಹಾರದಲ್ಲಿ ನೀವು ಸೇವಿಸುವ ಆಹಾರ ಪದಾರ್ಥದ ಜೊತೆಗೆ ಮಿಶ್ರಣ ಮಾಡಿ ಸೇವಿಸುವುದರಿಂದ ಜಂತು ಹುಳುಗಳಿಂದ ಪರಿಹಾರ ಪಡೆಯಬಹುದು.

ಲವಂಗದಲ್ಲಿ ಆಂಟಿ - ಮೈಕ್ರೋಬಿಯಲ್ ಗುಣ ಲಕ್ಷಣಗಳು ಸಾಕಷ್ಟಿದ್ದು, ಆರೋಗ್ಯ ಪ್ರಯೋಜನಗಳು ಕೂಡ ಅಷ್ಟೇ ಇವೆ. ರಾತ್ರಿ ಮಲಗುವ ಸಮಯದಲ್ಲಿ ಊಟ ಮಾಡಿದ ನಂತರ 2 - 3 ಲವಂಗಗಳನ್ನು ಒಂದು ಕಪ್ ನೀರಿನಲ್ಲಿ ಚೆನ್ನಾಗಿ ಹತ್ತು ನಿಮಿಷಗಳ ಕಾಲ ಕುದಿಸಿ ಆರಿದ ಮೇಲೆ ಸೇವನೆ ಮಾಡುವುದರಿಂದ ಜಂತು ಹುಳುಗಳು ನಾಶವಾಗಿ ಬೆಳಗ್ಗೆ ಮಲ ವಿಸರ್ಜನೆ ಸಂದರ್ಭದಲ್ಲಿ ಹೊರಬರುತ್ತವೆ ಎಂದು ಹೇಳಲಾಗಿದೆ.

ದಿನಕ್ಕೆರಡು ಲವಂಗ ತಿಂದ್ರೆ ಏನೆಲ್ಲಾ ಪ್ರಯೋಜನಗಳಿವೆ ಗೊತ್ತೇ?

ಕ್ಯಾರೆಟ್ ನಲ್ಲಿ ಬೀಟಾ - ಕ್ಯಾರೋಟಿನ್ ಎಂಬ ಅಂಶವಿದ್ದು, ಇದು ಆಂಟಿ - ಆಕ್ಸಿಡೆಂಟ್ ರೀತಿಯಲ್ಲಿ ಕೆಲಸ ಮಾಡುತ್ತದೆ. ಬೆಳಗಿನ ಸಮಯದಲ್ಲಿ ಖಾಲಿ ಹೊಟ್ಟೆಯಲ್ಲಿ ಹಸಿ ಕ್ಯಾರೆಟ್ ತಿನ್ನುವುದರಿಂದ ನಿಮ್ಮ ಕರುಳಿನ ಭಾಗ ಸ್ವಚ್ಛವಾಗಿ ಜಂತು ಹುಳುಗಳು ಕ್ಯಾರೆಟ್ ರಸದಿಂದ ನಾಶ ಆಗುತ್ತವೆ ಎಂದು ಹೇಳಿದ್ದಾರೆ.

ಪುರುಷರು ಚೆನ್ನಾಗಿ ಕ್ಯಾರೆಟ್ ತಿನ್ನಲೇ ಬೇಕಂತೆ! ಯಾಕೆ ಗೊತ್ತಾ?

ಓಂ ಕಾಳುಗಳು ತಿನ್ನಲು ಸ್ವಲ್ಪ ಕಹಿ ಇದ್ದು ತಮ್ಮಲ್ಲಿ ಆಂಟಿ - ಆಕ್ಸಿಡೆಂಟ್ ಗುಣ ಲಕ್ಷಣಗಳನ್ನು ಒಳಗೊಂಡಿವೆ. ಜಂತು ಹುಳುಗಳಿಗೆ ಓಂ ಕಾಳುಗಳ ಕಹಿ ರಸವನ್ನು ತಡೆದುಕೊಳ್ಳಲು ಆಗುವುದಿಲ್ಲ. ಹಾಗಾಗಿ ಓಂ ಕಾಳುಗಳ ಸೇವನೆ ಮಾಡಿದ ಕೆಲವೇ ಕ್ಷಣಗಳಲ್ಲಿ ಜಂತು ಹುಳುಗಳು ನಾಶ ಆಗುತ್ತವೆ. ವಿಪರೀತ ಹೊಟ್ಟೆ ನೋವಿನಿಂದ ಬಳಲುತ್ತಿರುವವರು ಕೂಡ ಓಂ ಕಾಳುಗಳ ಸೇವನೆ ಮಾಡಿ ಹೊಟ್ಟೆ ನೋವಿನಿಂದ ಮುಕ್ತಿ ಪಡೆಯಬಹುದು.

ಅಜ್ವೈನ್ ಈ 8 ಸಮಸ್ಯೆಗಳಿಗೆ ಬೆಸ್ಟ್ ಮನೆಮದ್ದು

ಆಪಲ್ ಸೈಡರ್ ವಿನಿಗರ್ ನ ಆರೋಗ್ಯ ಪ್ರಯೋಜನಗಳು ನಿಮಗೆ ಈಗಾಗಲೇ ಸಾಕಷ್ಟು ತಿಳಿದಿವೆ. ನಿಮ್ಮ ಹೊಟ್ಟೆಯ ಜಂತು ಹುಳುಗಳ ನಿವಾರಣೆಯಲ್ಲಿ ಸಹ ಆಪಲ್ ಸೈಡರ್ ವಿನೆಗರ್ ಸಾಕಷ್ಟು ಪರಿಣಾಮಕಾರಿಯಾಗಿ ಕೆಲಸ ಮಾಡುತ್ತದೆ. ಒಂದು ಲೋಟ ಬಿಸಿ ನೀರಿಗೆ 1 ಟೇಬಲ್ ಚಮಚ ಆಪಲ್ ಸೈಡರ್ ವಿನೆಗರ್ ಮಿಶ್ರಣ ಮಾಡಿ ಸೇವನೆ ಮಾಡುವುದರಿಂದ ಜಂತು ಹುಳುಗಳು ಇಲ್ಲವಾಗುತ್ತದೆ.