ಮನೆಯಲ್ಲಿಯೇ ಸಿದ್ಧಪಡಿಸಿ ಹ್ಯಾಂಡ್ ಸ್ಯಾನಿಟೈಸರ್

ಹ್ಯಾಂಡ್ ಸ್ಯಾನಿಟೈಸರ್ ಇತ್ತೀಚೆಗೆ ಬೆಳಕಿಗೆ ಬಂದ ಉತ್ಪನ್ನ. ಕೀಟಾಣುಗಳೊಂದಿಗೆ ಹೋರಾಡಿ ಸ್ವಚ್ಛತೆಯನ್ನು ಕಾಪಾಡಲು ಇರುವ ಒಂದು ಸರಳ ಸಾಧನವೂ ಹೌದು. ನೀರಿನ ಬಳಕೆಯಿಲ್ಲದೆಯೇ ಕೈಗಳನ್ನು ಸ್ವಚ್ಛಗೊಳಿಸಬಹುದಾದ ಈ ಉತ್ಪನ್ನ ಮಾರುಕಟ್ಟೆಯಲ್ಲಿ ಕೊಂಚ ದುಬಾರಿ ಎನ್ನಬಹುದು. ವ್ಯಕ್ತಿ ತನ್ನ ಅಗತ್ಯತೆಗೆ ಅನುಗುಣವಾಗಿ ಬೇಕಾದ ಸುಗಂಧದಲ್ಲಿ ಹ್ಯಾಂಡ್ ಸ್ಯಾನಿಟೈಸರ್ ಅನ್ನು ಖರೀದಿಸಬಹುದು.

ಪ್ರಪಂಚವನೇ ಬೆಚ್ಚಿ ಬೀಳಿಸುತ್ತಿರುವ ಕರೋನಾ ವೈರಸ್ ಜನರಲ್ಲಿ ಆತಂಕ ಮೂಡಿಸಿರುವುದು ಸುಳ್ಳಲ್ಲ. ಹ್ಯಾಂಡ್ ಸ್ಯಾನಿಟೈಸರ್ ಬಳಕೆ ಮಾಡುವುದರ ಮೂಲಕ ಇಂತಹ ವೈರಸ್‍ಗಳಿಂದ ದೂರ ಸರಿಯಬಹುದು. ವಾತಾವರಣದಲ್ಲಿ ಇರುವ ಅನೇಕ ರೋಗಾಣು ಮತ್ತು ಸೂಕ್ಷ್ಮಾಣುಗಳಿಂದ ಮುಕ್ತಿ ಪಡೆಯಲು ಸ್ಯಾನಿಟೈಸರ್ ಸಹಾಯ ಮಾಡುವುದು ಎಂದು ವೈದ್ಯರು ಹೇಳುತ್ತಾರೆ.

ಮನೆಯಲ್ಲಿಯೇ ತಯಾರಿಸಿ
ಮಾರುಕಟ್ಟೆಯಲ್ಲಿ ದೊರೆಯುವ ಹ್ಯಾಂಡ್ ಸ್ಯಾನಿಟೈಸರ್ ಕೊಂಚ ದುಬಾರಿ ಹಾಗೂ ರಾಸಾಯನಿಕ ವಸ್ತುಗಳಿಂದಲೂ ಕೂಡಿರುತ್ತದೆ. ಹಾಗಾಗಿ ಮನೆಯಲ್ಲಿಯೇ ನಮಗೆ ಅಗತ್ಯವಾದ ವಸ್ತುಗಳನ್ನು ಬಳಸಿಕೊಂಡು ಸ್ಯಾನಿಟೈಸರ್ ಅನ್ನು ತಯಾರಿಸಬಹುದು. ಹಾಗಾದರೆ ಆ ಬಗೆ ಹೇಗೆ? ಮನೆಯಲ್ಲಿಯೇ ಹೇಗೆ ತಯಾರಿಸಬಹುದು? ಅದಕ್ಕೆ ಯಾವೆಲ್ಲಾ ವಸ್ತುಗಳು ಬೇಕಾಗುವುದು? ಎನ್ನುವುದನ್ನು ತಿಳಿಯಲು ಮುಂದಿನ ವಿವರಣೆಯನ್ನು ಪರಿಶೀಲಿಸಿ.

ಮನೆಯಲ್ಲಿಯೇ ತಯಾರಿಸಿ ಆಲ್ಕೋಹಾಲ್ ಫ್ರೀ ಜೆಲ್ ಸ್ಯಾನಿಟೈಸರ್

ಬೇಕಾಗುವ ಸಾಮಾಗ್ರಿಗಳು
*ರಬ್ಬಿಂಗ್ ಆಲ್ಕೋಹಾಲ್
*ಆಲೋವೆರಾ ಜೆಲ್
*ಎಸೆನ್ಸಿಯಲ್ ಎಣ್ಣೆ (ನಿಮ್ಮ ಆಯ್ಕೆಗೆ ಅನುಗುಣವಾಗಿರುವ ಎಣ್ಣೆ)
*ಸಿಂಪಡನೆಯ ಬಾಟಲ್ (ಸ್ವೀಸಿಂಗ್ ಬಾಟಲ್)

ತಯಾರಿಸುವ ವಿಧಾನ
*ಚಿಕ್ಕದಾದ ಬಾಟಲ್ ಅಲ್ಲಿ ಸುಮಾರು ಅರ್ಧದಷ್ಟು ಪ್ರಮಾಣದಲ್ಲಿ ರಬ್ಬಿಂಗ್ ಆಲ್ಕೋಹಾಲ್ ಅನ್ನು ತೆಗೆದುಕೊಳ್ಳಬೇಕು.
*ನಂತರ ಒಂದು ಬೌಲ್ ಅಲ್ಲಿ ಆ ಆಲ್ಕೋಹಾಲ್ ಅನ್ನು ವರ್ಗಾಯಿಸಿ.
*ಒಂದು ಟೀ ಚಮಚದಷ್ಟು ಆಲೋವೆರಾ ಜೆಲ್ ಅನ್ನು ಸೇರಿಸಿ, ಚೆನ್ನಾಗಿ ಮಿಶ್ರಗೊಳಿಸಿ.
*ಸ್ಯಾನಿಟೈಸರ್ ದಪ್ಪವಾದ ಸ್ಥಿರತೆಯಲ್ಲಿ ಇರಬೇಕು ಎಂದು ನೀವು ಬಯಸುವುದಾದರೆ ಇನ್ನಷ್ಟು ಅಲೋವೆರಾ ಜೆಲ್ ಸೇರಿಸಿಕೊಳ್ಳಬಹುದು.
*ನೀರಿನ ಸ್ಥಿರತೆಯಲ್ಲಿ ಇರಬೇಕು ಎಂದು ಬಯಸುವುದಾದರೆ ರಬ್ಬಿಂಗ್ ಆಲ್ಕೋಹಾಲ್‍ಅನ್ನು ಹೆಚ್ಚು ಸೇರಿಸಿಕೊಳ್ಳಬಹುದು.
*ರಬ್ಬಿಂಗ್ ಆಲ್ಕೋಹಾಲ್ ಮತ್ತು ಆಲೋವೆರಾ ಜೆಲ್ ಅನ್ನು ಚೆನ್ನಾಗಿ ಮಿಶ್ರಗೊಳಿಸಿದ ಬಳಿಕ 10-12 ಹನಿಗಳಷ್ಟು ಎಸೆನ್ಸಿಯಲ್ ಎಣ್ಣೆಯನ್ನು ಸೇರಿಸಬೇಕು.

ಆರೋಗ್ಯ ಟಿಪ್ಸ್: ಸೋಂಕು ತಡೆಯಲು ಕೈ ತೊಳೆಯುವ ಅಭ್ಯಾಸ ರೂಢಿಸಿಕೊಳ್ಳಿ

*ಎಲ್ಲಾ ಸಾಮಾಗ್ರಿಗಳು ಚೆನ್ನಾಗಿ ಬೆರೆಯುವಂತೆ ಒಮ್ಮೆ ಮಿಶ್ರಗೊಳಿಸಿ.
*ನಂತರ ಮಿಶ್ರಣವನ್ನು ಸ್ವೀಜಿಂಗ್ ಬಾಟಲ್‍ಗೆ ವರ್ಗಾಯಿಸಿ.
*ಬಾಟಲ್‍ಗೆ ವರ್ಗಾಯಿಸಿದ ಬಳಿಕ, ಇನ್ನೊಮ್ಮೆ ಚೆನ್ನಾಗಿ ಕುಲುಕಿ.
*ಸಿದ್ಧವಾದ ಸ್ಯಾನಿಟೈಸರ್ ಅನ್ನು ಅಗತ್ಯವಿರುವಾಗ ಬಳಸಬಹುದು. ಇದು ಕೈಗಳನ್ನು ರೋಗಾಣುಗಳಿಂದ ಮುಕ್ತಗೊಳಿಸಿ, ಪರಿಮಳದಿಂದ ಕೂಡಿರುವಂತೆ ಮಾಡುವುದು.