ಮನೆಯಲ್ಲಿಯೇ ತಯಾರಿಸಿ ಆಲ್ಕೋಹಾಲ್ ಫ್ರೀ ಜೆಲ್ ಸ್ಯಾನಿಟೈಸರ್

ನೀರನ್ನು ಬಳಸದೆಯೇ ಕೈಯನ್ನು ಸ್ವಚ್ಛವಾಗಿ ಹಾಗೂ ಆರೋಗ್ಯಕರವಾಗಿ ಇಡುವ ಸಾಧನ ಎಂದರೆ ಸ್ಯಾನಿಟೈಜರ್. ಇದರ ಬಳಕೆಯು ಅತ್ಯಂತ ಸುಲಭ ಹಾಗೂ ಸರಳ ಆಗಿರುವುದರಿಂದ ಸಾಕಷ್ಟು ಜನರು ಇದನ್ನು ಬಳಸುತ್ತಿರುವುದು ಕಾಣಬಹುದು. ಇದರಲ್ಲಿ ಇರುವ ಔಷಧೀಯ ಗುಣಗಳು ಕೀಟಾಣುಗಳನ್ನು ಕೊಲ್ಲುತ್ತವೆ..

ಅಂಗೈಯಲ್ಲಿ ಇರುವ ರೋಗಾಣುಗಳನ್ನು ಸುಲಭವಾಗಿ ನಿವಾರಿಸಿದರೆ ಸಾಕಷ್ಟು ಅನಾರೋಗ್ಯಗಳಿಂದ ಪಾರಾಗಬಹುದು. ವೈದ್ಯರು, ಸೌಂದರ್ಯ ತಜ್ಞರು, ಕಚೇರಿಗಳಲ್ಲಿ, ಶಾಲೆಯಲ್ಲಿ, ಮನೆಯಲ್ಲಿ ಹೀಗೆ ಅನೇಕ ಸ್ಥಳಗಳಲ್ಲಿ ಸ್ಯಾನಿಟೈಜರ್ ಅನ್ನು ಬಳಸಲಾಗುತ್ತದೆ. ಇದರಿಂದಾಗಿ ಸಾಕಷ್ಟು ನೀರನ್ನು ಉಳಿಸಬಹುದು. ಜೊತೆಗೆ ಜನಜಂಗುಳಿಯಿಂದ ಕೂಡಿರುವ ಸಾರ್ವಜನಿಕ ಸ್ಥಳಗಳಿಂದಾಗಿ ಬರುವ ರೋಗಾಣು ಹಾಗೂ ಬ್ಯಾಕ್ಟೀರಿಯಾಗಳಿಂದ ದೂರ ಉಳಿಯಬಹುದು.

ಸ್ಯಾನಿಟೈಜರ್ ಹೇಗೆ ಕೆಲಸ ಮಾಡುವುದು?
ಸ್ಯಾನಿಟೈಸಜರ್ ಸಾಮಾನ್ಯವಾಗಿ ಕೆಲವು ಔಷಧೀಯ ಗುಣಗಳನ್ನು ಹೊಂದಿರುವ ಉತ್ಪನ್ನ. ಇದನ್ನು ನೀರು ಬಳಕೆ ಮಾಡದೆಯೂ ಬಳಸಬಹುದು. ಇದನ್ನು ಅಂಗೈಯಲ್ಲಿ ಹಾಕಿ ಕೊಂಡು ಸ್ವಲ್ಪ ಉಜ್ಜಿದರೆ ಸಾಕು. ಚರ್ಮದ ಮೇಲೆ ಇರುವ ಸೂಕ್ಷ್ಮ ಜೀವಾಣು ಮತ್ತು ರೋಗಾಣುಗಳು ಕೊಲ್ಲಲ್ಪಡುತ್ತವೆ. ಇದರಿಂದಾಗಿ ಸೋಂಕು ಹಾಗೂ ಮಾಲಿನ್ಯದಿಂದ ರಕ್ಷಣೆ ಪಡೆಯಬಹುದು. ಸ್ಯಾನಿಟೈಜರ್ ಬಳಕೆಯಿಂದ ಚರ್ಮ ಶುಷ್ಕತೆಗೆ ಒಳಗಾಗಬಾರದು ಎಂದು ಮಾಯ್ಚುರೈಜರ್ ಗುಣಗಳು ಇರುತ್ತವೆ. ಅವು ಚರ್ಮವನ್ನು ಹೆಚ್ಚು ತೇವಾಂಶದಿಂದ ಕೂಡಿರುವಂತೆ ಮಾಡುತ್ತದೆ. ಕೆಲವು ಸ್ಯಾನಿಟೈಸರ್‍ಗಳಲ್ಲಿ ಆಲ್ಕೋಹಾಲ್ ಪ್ರಮಾಣ ಹೆಚ್ಚಾಗಿರುತ್ತದೆ. ಇನ್ನೂ ಕೆಲವು ಸ್ಯಾನಿಟೈಜರ್ ಗಳಲ್ಲಿ ಆಲ್ಕೋ ಹಾಲ್ ಪ್ರಮಾಣ ಕಡಿಮೆ ಇರುತ್ತದೆ. ಹಾಗಾಗಿ ನಿಮಗೆ ಸೂಕ್ತವಾಗಿರುವುದನ್ನು ಖರೀದಿಸುವ ಮುನ್ನ ಪರಿಶೀಲಿಸಿ ಪಡೆದುಕೊಳ್ಳಬೇಕು.

ಆರೋಗ್ಯ ಟಿಪ್ಸ್: ಸೋಂಕು ತಡೆಯಲು ಕೈ ತೊಳೆಯುವ ಅಭ್ಯಾಸ ರೂಢಿಸಿಕೊಳ್ಳಿ

ಮನೆಯಲ್ಲಿಯೇ ತಯಾರಿಸಬಹುದಾದ ಸ್ಯಾನಿಟೈಜರ್
ಅಂಗಡಿಯಲ್ಲಿ ದೊರೆಯುವ ಸ್ಯಾನಿಟೈಜರ್‍ಗಳು ಸಾಮಾನ್ಯವಾಗಿ ರಾಸಾಯನಿಕ ಪದಾರ್ಥಗಳನ್ನು ಒಳಗೊಂಡಿರುತ್ತದೆ. ಅದು ನಿಮಗೆ ಇಷ್ಟವಾಗದೆ ಇದ್ದರೆ ಮನೆಯಲ್ಲಿಯೇ ಸುಲಭವಾಗಿ ಸ್ಯಾನಿಟೈಜರ್ ಅನ್ನು ತಯಾರಿಸಿಕೊಳ್ಳಬಹುದು. ಅದಕ್ಕಾಗಿ ಕೆಲವು ಸಲಕರಣೆಯನ್ನು ನೀವು ಸಿದ್ಧಪಡಿಸಿಕೊಳ್ಳಬೇಕಾಗುವುದು. ದುಬಾರಿ ಬೆಲೆಯ ಸ್ಯಾನಿಟೈಜರ್ ಅನ್ನು ಮನೆಯಲ್ಲಿಯೇ ತಯಾರಿಸಿಕೊಳ್ಳಲು ಬೇಕಾಗುವ ಸಾಮಾಗ್ರಿಗಳು:
*ಅಲೋವೆರಾ ಜೆಲ್
*ಎಸೆನ್ಸಿಯಲ್ ಎಣ್ಣೆ
*ಟೀ ಟ್ರೀ ಎಣ್ಣೆ
*ಗುಲಾಬಿ ನೀರು

ಮುಖ ಬೆಳ್ಳಗೆ ಕಾಣಲು ಬಳಸಿ ಗುಲಾಬಿ ಹೂವಿನ ಸಿರಪ್

ತಯಾರಿಸುವ ವಿಧಾನ:
*ಒಂದು ಸ್ಕ್ವೀಜಿಂಗ್ ಬಾಟಲ್ ತೆಗೆದುಕೊಳ್ಳಬೇಕು.
*ಅದರಲ್ಲಿ ಅಲೋವೆರಾ ಜೆಲ್ ಅನ್ನು ಕಾಲು ಭಾಗಕ್ಕಿಂತ ಸ್ವಲ್ಪ ಹೆಚ್ಚು ಅಳತೆಯಲ್ಲಿ ಅಲೋವೆರಾ ಜೆಲ್ ಅನ್ನು ಬಾಟಲ್‍ಗೆ ವರ್ಗಾಯಿಸಿ.
*ನಂತರ ಸ್ವಲ್ಪ ಗುಲಾಬಿ ನೀರನ್ನು ಸೇರಿಸಿ.
*ಇದರಿಂದ ದಪ್ಪ ಸ್ಥಿರತೆಯಲ್ಲಿರುವ ಅಲೋವೆರಾ ಜೆಲ್ ಅನ್ನು ಸ್ವಲ್ಪ ತೆಳುವಾಗಿ ಮಾಡಿಕೊಳ್ಳಬಹುದು.
*ಬಳಿಕ ಸ್ಕ್ವೀಜಿಂಗ್ ಬಾಟಲ್‍ನ ಮುಚ್ಚಳ ಮುಚ್ಚಿ ಜೋರಾಗಿ ಅಲ್ಲಾಡಿಸಿ ಆಗ ಅಲೋವೆರಾ ಜೆಲ್ ಮತ್ತು ಗುಲಾಬಿ ನೀರು ಚೆನ್ನಾಗಿ ಬೆರೆತು, ತೆಳುವಾದ ಸ್ಥಿರತೆ ಪಡೆದುಕೊಳ್ಳುತ್ತವೆ.
*ನಂತರ 3 ಹನಿಯಷ್ಟು ಟೀ ಟ್ರೀ ಎಣ್ಣೆಯನ್ನು ಸೇರಿಸಿ.

*ಅದೇ ಬಾಡಲ್‍ಗೆ 4 ಹನಿಗಳಷ್ಟು ಎಸೆನ್ಸಿಯಲ್ ಎಣ್ಣೆಯನ್ನು ಸೇರಿಸಬೇಕು. ಈ ಎರಡು ಎಣ್ಣೆಗಳು ಸೂಕ್ಷ್ಮಾಣುಗಳನ್ನು ಕೊಲ್ಲಲು ಸಹಾಯ ಮಾಡುತ್ತವೆ.
*ಬಳಿಕ ಬಾಟಲ್‍ನ ಮುಚ್ಚಳವನ್ನು ಮುಚ್ಚಿ ಚೆನ್ನಾಗಿ ಕುಲುಕಿ.
*ಆಗ ಆರೋಗ್ಯಕರವಾದ ಸ್ಯಾನಿಟೈಸಜರ್ ಸಿದ್ಧವಾಗುವುದು.
*ಉತ್ತಮ ಪರಿಮಳ ಹಾಗೂ ಕ್ರಿಮಿನಾಶಕಗಳ ರೂಪದಲ್ಲಿ ಸೆನಿಟೈಜರ್ ಸಿದ್ಧವಾಗುವುದು.
*ಇದನ್ನು ನೀವು ನಿಮ್ಮ ಮನೆಯಲ್ಲಿ ಅಥವಾ ಹೊರಗೆ ಹೋಗುವಾಗ ಬ್ಯಾಗ್‍ನಲ್ಲಿ ಇಟ್ಟುಕೊಂಡು ಹೋಗಬಹುದು. ಜೊತೆಗೆ ಅಗತ್ಯವಿದ್ದಾಗ ಸುಲಭವಾಗಿ ಬಳಸಬಹುದು.