ಈ ಆಹಾರ ಪದಾರ್ಥಗಳಿಂದ ತಾಯಿಯ ಎದೆಹಾಲು ಹೆಚ್ಚುತ್ತದೆ!

[This story originally published in Times of India on April 12,2019]

ನವಜಾತ ಶಿಶುಗಳ ಆರೋಗ್ಯಕ್ಕೆ ಎದೆಹಾಲು ಅತ್ಯಂತ ಪ್ರಮುಖವಾದ ಅಂಶ. ಆದರೆ ಅನೇಕ ಕಾರಣಗಳಿಂದ ಕೆಲ ತಾಯಂದಿರಲ್ಲಿ ಎದೆಹಾಲಿನ ಕೊರತೆ ಉಂಟಾಗುತ್ತದೆ. ಇನ್ನೂ ಅನೇಕರಲ್ಲಿ ಈ ಬಗ್ಗೆ ಭೀತಿಯೂ ಹುಟ್ಟುತ್ತದೆ.

ಬದಲಾದ ಜೀವನಶೈಲಿ, ಆಹಾರ ಪದ್ದತಿ ಸೇರಿದಂತೆ ಅನೇಕ ಕಾರಣಗಳಿಂದ ತಾಯಂದಿರಲ್ಲಿ ಎದೆಹಾಲಿನ ಉತ್ಪತ್ತಿ ಕಡಿಮೆಯಾಗುತ್ತಿರುವುದು ಕಂಡು ಬಂದಿದೆ. ಈ ಸಂಬಂಧ ಕೆಲ ಆಹಾರ ಕ್ರಮಗಳು, ಆಹಾರ ಪದಾರ್ಥಗಳಿಂದ ಎದೆಹಾಲಿನ ಉತ್ಪತ್ತಿ ಹೆಚ್ಚಿಸಲು ಸಾಧ್ಯವಿದೆ.

ಮೆಂತೆ ಬೀಜ ಒಳ್ಳೆಯದು
ಎದೆಹಾಲಿನ ಉತ್ಪತ್ತಿ ಹೆಚ್ಚಿಸಲು ಮೆಂತೆ ಅತ್ಯಂತ ಒಳ್ಳೆಯದು. ಇವುಗಳು ಮೆಂತೆ ಬೀಜಗಳು ಫೈಟೊಸ್ಟ್ರೊಜೆನ್, ಗ್ಯಾಲಕ್ಟಾಗೋಗ್ ಹೆಚ್ಚಿಸಲು ಸಹಕಾರಿ. ಒಂದು ಚಮಚ ಮೆಂತೆ ಬೀಜಕ್ಕೆ ಒಂದು ಕಪ್‌ ನೀರು ಹಾಗೂ ರುಚಿಗೆ ತಕ್ಕಷ್ಟು ಜೇನು ಸೇರಿಸಿ ಸೇವಿಸಿ. ಅಥವಾ, ಸ್ವಲ್ಪ ಮೆಂತೆ ಬೀಜವವನ್ನು ನೀರಿನಲ್ಲಿ ಕುದಿಸಿ. ಬೀಜವನ್ನು ಮಾತ್ರ ತೆಗೆದು, ತಣ್ಣಗಾಗಲು ಬಿಡಿ. ಹೂ ಬಿಸಿಯಷ್ಟು ತಣ್ಣಗಾದಾಗ ಜೇನು ಸೇರಿಸಿ ದಿನಕ್ಕೆ ಮೂರು ಬಾರಿ ಕುಡಿಯುವುದು ಅತ್ಯಂತ ಆರೋಗ್ಯಕರ.

ನುಗ್ಗೆ ಕಾಯಿ ಸೇವಿಸಿ
ಅನೇಕ ರೀತಿಯ ಪೋಷಕಾಂಶಗಳನ್ನು ಹೊಂದಿರುವ ನುಗ್ಗೆಕಾಯಿ, ಎದೆಹಾಲಿನ ಉತ್ಪತ್ತಿ ಹೆಚ್ಚಿಸುವಲ್ಲಿ ಪ್ರಮುಖ ಪಾತ್ರ ವಹಿಸುತ್ತದೆ. ಅಷ್ಟು ಮಾತ್ರವಲ್ಲ ಹೆರಿಗೆ ಬಳಿಕ ಉಂಟಾಗುವ ಅನೇಕ ಆರೋಗ್ಯ ಸಮಸ್ಯೆಗಳಿಗೂ ಪರಿಹಾರ ನೀಡುತ್ತವೆ. ರಕ್ತಪರಿಚಲನೆಯನ್ನೂ ಸುಗಮಗೊಳಿಸುತ್ತದೆ. ನುಗ್ಗೆ ಕಾಯಿಯ ಬೀಜಗಳನ್ನು ಬೇರ್ಪಡಿಸಿ, ಪ್ರತಿ ನಿತ್ಯ ಜ್ಯೂಸ್‌ ಮಾಡಿ ಕುಡಿಯುವುದು ಅತ್ಯಂತ ಒಳ್ಳೆಯದು.

ಜೀರಿಗೆ ನೀರು
1 ಚಮಚ ಜೀರಿಗೆಯನ್ನು ಒಂದು ಕಪ್‌ ನೀರಿನಲ್ಲಿ ನೆನೆಸಿ, ಕುದಿಸಿ. ಕಷಾಯದ ರೀತಿಯಾದ ಬಳಿಕ ಹೂ ಬಿಸಿಯಾದ ಜೀರಿಗೆ ಕಷಾಯವನ್ನು ದಿನಕ್ಕೆ 2-3 ಬಾರಿ ಸೇವಿಸುವುದರಿಂದ ಎದೆಹಾಲಿನ ಉತ್ಪತ್ತಿಗೆ ಸಹಕಾರಿಯಾಗುತ್ತದೆ. ಅಷ್ಟೇ ಅಲ್ಲ, ಜೀರಿಗೆಯನ್ನು ಬಾಯಿಗೆ ಹಾಕಿಕೊಂಡು ಜಗಿಯುವುದೂ ತಾಯಂದಿರಿಗೆ ಒಳ್ಳೆಯದು ಎನ್ನಲಾಗುತ್ತದೆ.

ಬೆಳ್ಳುಳ್ಳಿಯೂ ಪ್ರಯೋಜನಕರ
ಲ್ಯಾಕ್ಟೋಜೆನಿಕ್‌ ಪ್ರೊಟೀನ್‌ಗಳನ್ನು ಅತಿಯಾಗಿ ಹೊಂದಿರುವ ಬೆಳ್ಳುಳ್ಳಿ, ಅನೇಕ ರೀತಿಯ ಆರೋಗ್ಯ ಸಮಸ್ಯೆಗೆ ರಾಮಬಾಣ! ಹೃದ್ರೋಗಿಗಳಿಗೂ ಬೆಳ್ಳುಳ್ಳಿ ಸೇವಿಸಲು ವೈದ್ಯರು ಸಲಹೆ ನೀಡುವುದೂ ಇದೆ. ಬೆಳ್ಳುಳ್ಳಿಯ ಅಂಶಗಳು ತಾಯಿಯ ಎದೆಹಾಲಿನ ಪ್ರಮಾಣವನ್ನು ಹೆಚ್ಚಿಸಲು ಸಹಕಾರಿಯಾಗಿದೆ. ದಿನ ನಿತ್ಯದ ಆಹಾರದಲ್ಲಿ ಬೆಳ್ಳುಳ್ಳಿಯನ್ನು ತಿವಿದು, ಬಳಸುವುದು ಸೂಕ್ತ. ಸಾಧ್ಯವಿದ್ದರೆ, ಹಾಗೇ ತಿನ್ನಬಹದು. ಅತಿಯಾದ ವಾಸನೆಯನ್ನು ಮಾತ್ರ ತಡೆದುಕೊಳ್ಳಬೇಕಷ್ಟೇ!

ಚಕ್ಕೆ ಅಥಬಾ ದಾಲ್ಚಿನ್ನಿ
ಸಾಮಾನ್ಯವಾಗಿ ಪಲಾವ್‌ ಸೇರಿದಂತೆ ಇನ್ನಿತರ ಆಹಾರದಲ್ಲಿ ರುಚಿ ಹೆಚ್ಚಿಸಲು ಬಳಸುವ ಚೆಕ್ಕೆಯಿಂದ ಬಾಣಂತಿಯರಿಗೆ ಅತ್ಯಂತ ಆರೋಗ್ಯಕರ. ಎದೆಹಾಲಿನ ಉತ್ಪತ್ತಿ ಹಾಗೂ ಸ್ರವಿಕೆಗೆ ಇವುಗಳು ಸಹಕಾರಿ. ಚಹಾ ಅಥವಾ ನಿಮ್ಮ ಆಹಾರದಲ್ಲಿ ಇವನ್ನು ಸೇರಿಸಿ, ಸೇವಿಸಬಹುದು.
ಬಾದಾಮಿ ಹಾಲು ಸೂಕ್ತ!

ತಾಯಿಯ ಆರೈಕೆಯಲ್ಲಿ ಬಾದಾಮಿ ಹಾಲಿಗೆ ಪ್ರಮುಖ ಸ್ಥಾನ ನೀಡಿದರೆ ತಪ್ಪಲ್ಲ. ಅತಿ ಹೆಚ್ಚು ಪ್ರೊಟೀನ್‌ ಹಾಗೂ ಇನ್ನಿತರ ಪೋಷಕಾಂಶಗಳನ್ನು ಹೊಂದಿರುವ ಬಾದಾಮಿಯಿಂದ ತಾಯಿಯ ಎದೆಹಾಲಿನ ಪ್ರಮಾಣ ಹೆಚ್ಚಾಗಲು ಸಹಕಾರಿಯಾಗುತ್ತದೆ. ಇವುಗಳಿಂದ ಎದೆಹಾಲಿನ ಗುಣಮಟ್ಟವೂ ಉತ್ತಮವಾಗುತ್ತದೆ. ಹೀಗಾಗಿ ತಾಯಂದಿರುವ ಅಗತ್ಯವಾಗಿ ಬಾದಾಮ್‌ ಮಿಲ್ಕ್‌ ಸೇವಿಸುವುದು ಮುಖ್ಯ.

ಉತ್ತಮ ಆಹಾರ ಪದ್ದತಿ ಅನುಸರಿಸಿ
ಮನೆಯ ಸಾಮಾನ್ಯ ಆಹಾರ ಪದಾರ್ಥಗಳನ್ನು ತೆಗೆದುಕೊಳ್ಳುವುದರ ಜತೆಗೆ, ಹೊಸ ತಾಯಂದಿರುವ ತಮ್ಮ ಜೀವನ ಶೈಲಿಯ ಬದಲಾವಣೆ ಮಾಡಿಕೊಳ್ಳುವುದು ಮುಖ್ಯ. ಅತ್ಯುತ್ತಮ ಆಹಾರ ಕ್ರಮ ಅನುಸರಿಸುವುದರಿಂದ ತಮ್ಮ ಮಕ್ಕಳ ಆರೋಗ್ಯವನ್ನೂ ಕಾಪಾಡಿಕೊಳ್ಳಬಹುದು. ಇದಲ್ಲದೆ ಸ್ತನಗಳಿಗೆ ಮಸಾಜ್‌ ನೀಡುವುದು, ಒಳುಡುಪುಗಳನ್ನು ಧರಿಸುವ ವೇಳೆ ಎಚ್ಚರವಹಿಸುವುದು, ಹೆಚ್ಚು ಪಾನೀಯ ಪದಾರ್ಥಗಳನ್ನು ಸೇವಿಸುವುದು ಎದೆಹಾಲಿನ ಉತ್ಪತ್ತಿಯನ್ನು ಅಧಿಕ ಮಾಡುತ್ತದೆ.

ಈ ರೀತಿಯ ಆಹಾರಗಳು ಬೇಡ
ಪಾರ್ಸ್ಲಿ ಎಲೆ, ಪುದೀನಾ, ಒರೆಗೆನೋ, ಮದ್ಯಪಾನದಿಂದ ದೂರವಿರುವುದು ಸೂಕ್ತ. ಇವುಗಳು ತಾಯಿಯ ಎದೆಹಾಲಿನ ಉತ್ಪತ್ತಿಗೆ ಒಳ್ಳೆಯದಲ್ಲ.