ಬಿಪಿ ಮತ್ತು ಕೊಲೆಸ್ಟ್ರಾಲ್ ಕಡಿಮೆ ಮಾಡುವ ಮ್ಯಾಜಿಕಲ್‌ ಜ್ಯೂಸ್‌

ಬಿಪಿ ಹಾಗೂ ಕೊಲೆಸ್ಟ್ರಾಲ್ ಅನ್ನು ಸೈಲೆಂಟ್‌ ಕಿಲ್ಲರ್ಸ್‌ ಎನ್ನಬಹುದು. ಭಾರತದಲ್ಲಿ 10 ಮಿಲಿಯನ್‌ಗಿಂತಲೂ ಅಧಿಕ ಜನರು ಈ ಸಮಸ್ಯೆಯಿಂದ ಬಳಲುತ್ತಿದ್ದಾರೆ. ಹೆಚ್ಚಿನವರು ರಕ್ತದೊತ್ತಡವನ್ನು ಒಂದು ಸಮಸ್ಯೆಯೆಂದು ಪರಿಗಣಿಸುವುದೇ ಇಲ್ಲ, ಇದರಿಂದಾಗಿ ಹೃದಯಾಘಾತದ ಅಪಾಯವನ್ನು ಆಹ್ವಾನಿಸುತ್ತಾರೆ.

ಬಿಪಿ ಹಾಗೂ ಕೊಲೆಸ್ಟ್ರಾಲ್ ಕಡಿಮೆ ಮಾಡುವಲ್ಲಿ ಉಪ್ಪು ಹಾಕದ ಟೊಮೆಟೊ ಜ್ಯೂಸ್‌ ಸಹಾಯ ಮಾಡುತ್ತದೆ. ಇದು ರಕ್ತದೊತ್ತಡ ಹಾಗೂ ಕೊಲೆಸ್ಟ್ರಾಲ್‌ ಅನ್ನು ನಿಯಂತ್ರಣದಲ್ಲಿಡುವಲ್ಲಿ ಸಹಕಾರಿ.

ಯಾರು ನಿತ್ಯ ಟೊಮೆಟೊ ಜ್ಯೂಸ್ ಕುಡಿಯುತ್ತಾರೋ ಅವರಲ್ಲಿ ಬಿಪಿ ಹಾಗೂ ಕೊಲೆಸ್ಟ್ರಾಲ್‌ ನಿಯಂತ್ರಣದಲ್ಲಿಡುತ್ತದೆ ಎಂದು ಅಧ್ಯಯನ ಹೇಳಿದೆ. ಈ ಅಧ್ಯಯನದಲ್ಲಿ 500 ಜನರು ಭಾಗವಹಿಸಿದ್ದರು.

ಈ ಅಧ್ಯಯನದಲ್ಲಿ ಭಾಗವಹಿಸಿದ 94% ಜನರಲ್ಲಿ ಟೊಮೆಟೊ ಜ್ಯೂಸ್ ಕುಡಿಯಲಾರಂಭಿಸಿದ ಮೇಲೆ ಬಿಪಿ ಹಾಗೂ ಕೊಲೆಸ್ಟ್ರಾಲ್‌ ಸಮಸ್ಯೆ ನಿಯಂತ್ರಣಕ್ಕೆ ಬಂದಿರುವುದು ಗಮನಕ್ಕೆ ಬಂದಿದೆ. ಈ ಜ್ಯೂಸ್‌ನ ಪ್ರಭಾವ ಪುರುಷ ಹಾಗೂ ಮಹಿಳೆಯರ ದೇಹದ ಮೇಲೆ ಸಮಾನ ರೀತಿಯಲ್ಲಿ ಬೀರುವುದು.

ಆದ್ದರಿಂದ ದಿನಾ ಒಂದು ಲೋಟ ಟೊಮೆಟೊ ಜ್ಯೂಸ್ ಕುಡಿದು ಬಿಪಿ ಮತ್ತು ಕೊಲೆಸ್ಟ್ರಾಲ್‌ ಸಮಸ್ಯೆ ನಿಯಂತ್ರಣದಲ್ಲಿಡಬಹುದು.