ಬ್ಲ್ಯಾಕ್‌ಹೆಡ್ಸ್ ಸಮಸ್ಯೆಗೆ ಇಲ್ಲಿದೆ ಒಂದಕ್ಕಿಂತ ಒಂದು ಪವರ್‌ಫುಲ್ ಮನೆಮದ್ದುಗಳು!

• ಸಾಮಾನ್ಯವಾಗಿ ಮುಖದ ಭಾಗದಲ್ಲಿ ಮತ್ತು ಮೂಗಿನ ಮೇಲ್ಭಾಗದಲ್ಲಿ ಸಣ್ಣಗೆ ಕಪ್ಪುಚುಕ್ಕೆಯ ರೀತಿ ಇದು ಆರಂಭದಲ್ಲಿ ಕಂಡುಬರುತ್ತದೆ. ಆದರೆ ಇದಕ್ಕೆ ಹೆದರಿಕೊಳ್ಳುವ ಅವಶ್ಯಕತೆ ಇಲ್ಲ. ಬಹಳ ಸುಲಭವಾಗಿ ಕಂದು ಬಣ್ಣದ ಅಕ್ಕಿ ಬಳಕೆ ಮಾಡಿಕೊಂಡು ಇದರಿಂದ ಪರಿಹಾರ ಕಂಡುಕೊಳ್ಳಬಹುದು.
• ಅದಕ್ಕಾಗಿ ಹೀಗೆ ಮಾಡಿ. ಕಂದು ಬಣ್ಣದ ಅಕ್ಕಿಯನ್ನು ಚೆನ್ನಾಗಿ ಪುಡಿಮಾಡಿಕೊಂಡು ರೋಸ್ ವಾಟರ್ ಜೊತೆಗೆ ಮಿಶ್ರಣ ಮಾಡಿ ನಿಮ್ಮ ಮುಖದಲ್ಲಿ ಯಾವ ಭಾಗದಲ್ಲಿ ಬ್ಲ್ಯಾಕ್ ಹೆಡ್ಸ್ ಸಮಸ್ಯೆ ಕಂಡು ಬರುತ್ತದೆ ಅಲ್ಲಿಗೆ ವೃತ್ತಾಕಾರವಾಗಿ ಅನ್ವಯಿಸಿ.
• ಈ ಸಮಯದಲ್ಲಿ ಉತ್ತಮ ಫಲಿತಾಂಶವನ್ನು ಕಂಡುಕೊಳ್ಳಲು ನೀರಿನ ಆವಿಯನ್ನು ತೆಗೆದುಕೊಳ್ಳುವ ಮೂಲಕ ನಿಮ್ಮ ಮುಖದ ಭಾಗದ ಚರ್ಮದ ಸಣ್ಣಸಣ್ಣ ರಂದ್ರಗಳನ್ನು ತೆರೆದುಕೊಳ್ಳುವಂತೆ ಮಾಡಬಹುದು. ಇದರಿಂದ ನೀವು ಹಚ್ಚಿದ ಅಕ್ಕಿಯ ಪೇಸ್ಟ್ ಚರ್ಮದ ಒಳಭಾಗದ ವರೆಗೂ ಹೋಗಿ ಬ್ಲ್ಯಾಕ್ ಹೆಡ್ಸ್ ಸಮಸ್ಯೆ ಪರಿಹಾರವಾಗುತ್ತದೆ.

ಸೌತೆಕಾಯಿ ತುರಿದು ರಸವನ್ನು ಹಿಂಡಿ ತೆಗೆಯಿರಿ. ಇದಕ್ಕೆ ಅರ್ಧ ಚಮಚ ಜೇನುತುಪ್ಪ , ಒಂದು ಚಮಚ ಬಾದಾಮಿ ಎಣ್ಣೆ, ಪೌಡರ್‌ ಮಾಡಿದ ಓಟ್ಸ್‌ , ಸೂರ್ಯಕಾಂತಿ ಬೀಜದ ಪುಡಿ, ಗೋಧಿ ಹಿಟ್ಟನ್ನು ಮಿಕ್ಸ್‌ ಮಾಡಿ ಪೇಸ್ಟ್‌ ಮಾಡಿ, ಲೇಪಿಸಿ ಮಸಾಜ್‌ ಮಾಡಿ. 5-10 ನಿಮಿಷಗಳ ನಂತರ ವಾಶ್‌ ಮಾಡಿ. ಇದು ಬ್ಲಾಕ್‌ ಹೆಡ್ಸ್‌ ರಿಮೂವ್‌ ಮಾಡಲು ಸಹಕಾರಿ.

• ಎರಡು ಟೀ ಚಮಚ ಆಲಿವ್ ಎಣ್ಣೆ, ಮಧ್ಯಮ ಗಾತ್ರದ ಟೊಮೆಟೊ, 2 ಚಮಚ ಸಾವಯವ ಜೇನುತುಪ್ಪ ತೆಗೆದಿಟ್ಟುಕೊಳ್ಳಿ. ಟೊಮೇಟೊವನ್ನು ಸಣ್ಣ ತುಂಡುಗಳಾಗಿ ಕಟ್ ಮಾಡಿ, ಒಂದು ಬೌಲ್’ನಲ್ಲಿ ಹಾಕಿ. ಇದಕ್ಕೆ ಜೇನುತುಪ್ಪ ಮತ್ತು ಬೆಣ್ಣೆಯನ್ನು ಸೇರಿಸಿ ಎಲ್ಲವನ್ನೂ ಚೆನ್ನಾಗಿ ಮಿಶ್ರಣ ಮಾಡಿ.
• ಈ ಮಿಶ್ರಣವನ್ನು ಮುಖದ ಮೇಲೆ ಹಚ್ಚಿ, 10 ನಿಮಿಷಗಳ ಕಾಲ ಬಿಡಿ. ತಂಪಾದ ನೀರಿನಿಂದ ತೊಳೆಯಿರಿ.ಈ ಟೊಮೇಟೊ ಮಾಸ್ಕ್ ಚರ್ಮದ ಉರಿಯೂತ, ಶುಷ್ಕತೆ ಕಡಿಮೆ ಮಾಡುತ್ತದೆ. ಮೊಡವೆಗಳನ್ನು ಮತ್ತು ಬ್ಲ್ಯಾಕ್‌ ಹೆಡ್‌ಗಳನ್ನು ಗುಣಪಡಿಸುತ್ತದೆ, ಚರ್ಮವನ್ನು ಪೋಷಿಸುತ್ತದೆ. ಇದನ್ನು ತಿಂಗಳಿಗೆ 3 ಬಾರಿ ಹಚ್ಚಿ.

• ಮನೆಯಲ್ಲಿ ಸ್ವಲ್ಪ ಕೊತ್ತಂಬರಿ ಸೊಪ್ಪು ಇದ್ದರೆ ಬ್ಲಾಕ್ ಹೆಡ್ ಸಮಸ್ಯೆಗೆ ಸುಲಭವಾಗಿ ಪರಿಹಾರ ಸಿಗುತ್ತದೆ. ಕೊತ್ತಂಬರಿ ಸೊಪ್ಪನ್ನು ಸ್ವಲ್ಪ ತೆಗೆದುಕೊಂಡು ಅದಕ್ಕೆ 2 ಟೀ ಚಮಚ ಅರಿಶಿನ ಪುಡಿಯನ್ನು ಮಿಶ್ರಣ ಮಾಡಿ ಪೇಸ್ಟ್ ತಯಾರು ಮಾಡಿಕೊಂಡು ಮುಖದ ಮೇಲೆ ಅನ್ವಯಿಸಿ.
• ನಿಮ್ಮ ಹಣೆಯ ಭಾಗ, ಗಲ್ಲ, ಕೆನ್ನೆ ಎಲ್ಲಾ ಕಡೆ ಹರಡುವಂತೆ ಹಚ್ಚಿ ಇಡೀ ರಾತ್ರಿ ಹಾಗೇ ಬಿಟ್ಟು ಬೆಳಗ್ಗೆ ಮುಖ ತೊಳೆದುಕೊಳ್ಳಿ. ವಾರಕ್ಕೆ ಎರಡು ಬಾರಿ ಈ ರೀತಿ ಮಾಡುವುದರಿಂದ ಬ್ಲಾಕ್ ಹೆಡ್ಸ್ ಸಮಸ್ಯೆಗೆ ಪರಿಹಾರ ಸಿಗುತ್ತದೆ.

• ಅಲೋವೆರಾ ಆರ್ದ್ರ ಗುಣಲಕ್ಷಣಗಳಿಗೆ ಹೆಸರುವಾಸಿಯಾಗಿದೆ . ಅಲೋವೆರಾದಲ್ಲಿ ಸತು ಇದ್ದು, ಚರ್ಮವನ್ನು ಶುದ್ಧೀಕರಿಸುವ ರಂಧ್ರಗಳು ಮತ್ತು ಸಪೋನಿನ್‌ಗಳನ್ನು ಬಿಗಿಗೊಳಿಸುತ್ತದೆ.
• ಈ ಎಲ್ಲಾ ಗುಣಲಕ್ಷಣಗಳು ಬ್ಲ್ಯಾಕ್‌ಹೆಡ್ಸ್ ತೊಲಗಿಸಲು ಸಹಾಯ ಮಾಡುತ್ತದೆ. ಟೀಚಮಚದಷ್ಟು ಅಲೋವೆರಾ ಜೆಲ್ ತೆಗೆದುಕೊಂಡು ಬ್ಲ್ಯಾಕ್‌ಹೆಡ್ಸ್ ಜಾಗಕ್ಕೆ ಹಚ್ಚಿ ರಾತ್ರಿಯಿಡೀ ಬಿಡಿ. ನಿಮಗೆ ಎಚ್ಚರವಾದಾಗ ನೀರಿನಿಂದ ತೊಳೆಯಿರಿ. ಬ್ಲ್ಯಾಕ್ ಹೆಡ್ಸ್ ಕಣ್ಮರೆಯಾಗುವವರೆಗೆ ಇದನ್ನು ಪ್ರತಿದಿನ ಪುನರಾವರ್ತಿಸಿ.