ಜ್ವರದ ತಾಪ ಕಡಿಮೆ ಮಾಡಲು ಹೀಗೆ ಮಾಡಿ

ವಾತಾವರಣದಲ್ಲಿ ಬದಲಾವಣೆಯಾದಾಗ ಜ್ವರ ಕಾಣಿಸಿಕೊಳ್ಳುವುದು ಸಾಮಾನ್ಯ. ಜ್ವರ ಎಷ್ಟಿದೆ ಅಂತ ನೋಡಿದರೆ 102 ಡಿಗ್ರಿFಗಿಂತಲೂ ಅಧಿಕ ಜ್ವರ ಬಂದಿರುತ್ತದೆ, ಆಗ ಭಯ ಪಡಬೇಡಿ, ಈ ರೀತಿ ಮಾಡಿದರೆ ಸಾಕು ಜ್ವರ ಸ್ವಲ್ಪ ಕಡಿಮೆಯಾಗುವುದು.

ಅಲ್ಲದೆ ತೀವ್ರ ಜ್ವರ ಆದಾಗ ಈ ವಿಧಾನ ಅನುಸರಿಸಿದರೆ ಮೆದುಳಿಗೆ ಜ್ವರ ಹತ್ತುವುದನ್ನು ತಡೆಯಬಹುದು:

ಸ್ನಾನ ಮಾಡಿ
ಜ್ವರ ಆದಾಗ ಸ್ನಾನ ಮಾಡಬಾರದು ಎಂದು ಹೇಳುತ್ತಾರೆ, ಆದರೆ ಜ್ವರ ಬಂದಾಗ ಮೈ ಉಷ್ಣತೆ ಕಡಿಮೆಯಾಗಲು ಉಗುರು ಬೆಚ್ಚಗಿನ ನೀರಿನಲ್ಲಿ ಸ್ನಾನ ಮಾಡಿ.

ಸ್ಪಾಂಜ್‌ ಬಾತ್ ಒಳ್ಳೆಯದು
ತೀವ್ರ ಜ್ವರ ಆದಾಗ ಸ್ಪಾಂಜ್‌ ಬಾತ್‌ ಕೊಟ್ಟರೆ ಮೈ ಉಷ್ಣತೆ ಕಡಿಮೆಯಾಗುವುದು. ಕಾಟನ್‌ ಬಟ್ಟೆಯನ್ನು ಒದ್ದೆ ಮಾಡಿ ತಲೆ ಹಾಗೂ ಕುತ್ತಿಗೆಗೆ ಹಾಕಬೇಕು.

ಬಿಸಿ ಬಿಸಿ ಶುಂಠಿ ಟೀ ಒಳ್ಳೆಯದು
ಜ್ವರ ಇದ್ದಾಗ ಬಿಸಿ ಬಿಸಿ ಶುಂಠಿ ಟೀ ಕುಡಿದರೆ ರಿಲ್ಯಾಕ್ಸ್ ಅನಿಸುವುದು ಹಾಗೂ ರೋಗ ನಿರೋಧಕ ಶಕ್ತಿ ಹೆಚ್ಚುವುದು.

ಖಾರ-ಖಾರ ತಿನ್ನಿ
ಕಾಳು ಮೆಣಸು ಹಾಕಿದ ಆಹಾರವನ್ನು ತಿನ್ನಿ. ಇದರಿಂದ ಮೈ ಬೆವರುವುದು ಹಾಗೂ ಜ್ವರ ಬಿಡುವುದು.

ಕಾಲುಗಳಿಗೆ ಒದ್ದೆ ಸಾಕ್ಸ್ ಹಾಕಿ
ಪಾದಗಳನ್ನು ಬೆಚ್ಚಗಿನ ನೀರಿನಿಂದ ತೊಳೆದು, ಬೆಚ್ಚಗಿನ ನೀರಿನಲ್ಲಿ ಸಾಕ್ಸ್ ಅದ್ದಿ, ಒದ್ದೆ ಮಾಡಿ ಆ ಸಾಕ್ಸ್ ಧರಿಸಿ, ಇದು ಮೈ ಉಷ್ಣತೆ ಕಡಿಮೆ ಮಾಡುವುದು, ಇದರಿಂದ ಜ್ವರ ಕಡಿಮೆಯಾಗುವುದು.

ಸಾಕಷ್ಟು ನೀರು ಕುಡಿಯಿರಿ
ಹುಷಾರು ತಪ್ಪಿದಾಗ ಬೇಗನೆ ಚೇತರಿಸಿಕೊಳ್ಳಲು ಬಿಸಿ ಬಿಸಿಯಾದ ನೀರು, ಸೂಪ್‌ ಕುಡಿಯಿರಿ.