ಅಡುಗೆ ಮಾಡುವಾಗ ಸುಟ್ಟ ಗಾಯವಾದರೆ ಏನು ಮಾಡಬೇಕು?

ಅಡುಗೆ ಮಾಡುವಾಗ ಕೆಲವೊಮ್ಮೆ ಬಿಸಿ ಪಾತ್ರೆ ತಾಗಿ ಸುಟ್ಟ ಗಾಯಗಳಾಗುವುದು ಸಹಜ. ಆದರೆ ಈ ರೀತಿ ಸಣ್ಣ ಪುಟ್ಟ ಗಾಯವನ್ನು ಆರೈಕೆ ಮಾಡಿದಿದ್ದರೆ ಗಾಯ ಒಣಗದೆ ಮತ್ತಷ್ಟು ನೋವು ಅನುಭವಿಸಬೇಕಾಗುವುದು.

ಸುಟ್ಟ ಭಾಗದಲ್ಲಿ ಗುಳ್ಳೆ ಎದ್ದರೆ ಗಾಯ ಬೇಗನೆ ಒಣಗುವುದಿಲ್ಲ, ಆದ್ದರಿಂದ ಸುಟ್ಟ ಭಾಗದಲ್ಲಿ ಗುಳ್ಳೆಗಳು ಏಳದಂತೆ ಕೂಡಲೇ ಮನೆಮದ್ದು ಮಾಡಬೇಕು.

ಇಲ್ಲಿ ಸುಟ್ಟಗಾಯವಾದರೆ ಏನು ಮಾಡಬೇಕೆಂಬ ಮನೆಮದ್ದು ನೀಡಿದ್ದೇವೆ ನೋಡಿ:

ಮೊದಲು ಏನು ಮಾಡಬೇಕು?
* ಮೊದಲು ಸುಟ್ಟ ಗಾಯವಾದ ಭಾಗವನ್ನು ಹರಿಯುವ ನೀರಿನ ಟ್ಯಾಪ್‌ ಕೆಲಗೆ ಹಿಡಿಯಿರಿ.
ಸುಟ್ಟ ಭಾಗದ ಉರಿ ಕಡಿಮೆಯಾಗುವವರೆಗೆ ಹಿಡಿಯಿರಿ.
*ಸುಟ್ಟ ಭಾಗದಲ್ಲಿ ಏನಾದರೂ ಬಟ್ಟೆಯಿದ್ದರೆ ಗಾಯಕ್ಕೆ ಅಂಟುವ ಮೊದಲು ತೆಗೆಯಿರಿ. ನೋವಾದರೂ ಕೂಡ ಬಟ್ಟೆಯನ್ನು ಗಾಯಕ್ಕೆ ಅಂಟಲು ಬಿಡಬೇಡಿ.

ಗಾಯದ ತೀವ್ರತೆ ಎಷ್ಟಿದೆ?
ಗಾಯದ ಲಕ್ಷಣ ನೋಡಿ ಮನೆಮದ್ದು ಮಾಡಬೇಕು.
1. ಗಾಯವಾದ ಕಡೆ ಕೆಂಪು ಗೆರೆ ಬಿದ್ದರೆ ಗಾಯದ ತೀವ್ರತೆ ಅಷ್ಟೇನು ಇಲ್ಲ ಎಂದರ್ಥ.
2. ತ್ವಚೆ ಕಿತ್ತು ಬಂದರೆ ನೀವು ಗಾಯವನ್ನು ಗಂಭೀರವಾಗಿ ಪರಿಗಣಿಸಬೇಕು.

ಏನು ಹಚ್ಚಬೇಕು?
ಚಿಕ್ಕ ಗಾಯವಾದರೆ ಲೋಳೆಸರ, ಅರಿಶಿಣವನ್ನು ಎಣ್ಣೆಯಲ್ಲಿ ಕಾಯಿಸಿ ಹಚ್ಚುವುದು, ಜೇನು ಹಚ್ಚುವುದು ಮಾಡಿದರೆ ಕಡಿಮೆಯಾಗುವುದು.
ಗಾಯದ ತೀವ್ರತೆ ಹೆಚ್ಚಿದ್ದರೆ ಮದ್ದು ಹಚ್ಚುವುದರ ಜತೆಗೆ ಗಾಯವನ್ನು ಶುದ್ಧವಾಗಿಡುವುದು ಮುಖ್ಯ.
ತುಂಬಾ ಗಾಯವಾಗಿದ್ದರೆ ಆ ಭಾಗಕ್ಕೆ ಜೇನು ಹಚ್ಚಿ, ನಂತರ ವೈದ್ಯರ ಕಾಣಿ.