ಸಣ್ಣ ಲವಂಗದಲ್ಲಿದೆ ಗರ್ಭಿಣಿಯರಿಗೆ, ಬರೋಬ್ಬರಿ ಆರು ಲಾಭಗಳು

• ಲವಂಗದಲ್ಲಿ ಉತ್ತಮ ಪ್ರಮಾಣದ ಆಂಟಿಆಕ್ಸಿಡೆಂಟ್ ಗಳು ಇವೆ. ಇದು ದೇಹದಲ್ಲಿ ಆಂಟಿಆಕ್ಸಿಡೆಂಟ್ ನ್ನು ಉತ್ತೇಜಿಸುವುದು. ಆಕ್ಸಿಡೇಟಿವ್ ನಿಂದಾಗಿ ಕೋಶಗಳಿಗೆ ಆಗುವ ಹಾನಿ ಮತ್ತು ಇತರ ಹಾನಿಯನ್ನು ಆಂಟಿಆಕ್ಸಿಡೆಂಟ್ ತಪ್ಪಿಸುವುದು.
• ಇದರಲ್ಲಿ ಇರುವಂತಹ ಅಧಿಕ ಪ್ರಮಾಣದ ಆಂಟಿಆಕ್ಸಿಡೆಂಟ್ ಪ್ರತಿರೋಧಕ ಶಕ್ತಿ ವೃದ್ಧಿ ಮಾಡುವುದು ಮತ್ತು ಗರ್ಭಿಣಿಯರಿಗೆ ಇದು ಲಾಭಕಾರಿ.
• ವೈರಸ್, ಕೀಟಾಣು ಮತ್ತು ಇತರ ಕಾಯಿಲೆಗಳಿಂದ ಗರ್ಭಿಣಿಯರನ್ನು ಕಾಪಾಡಲು ಲವಂಗವು ತುಂಬಾ ಲಾಭಕಾರಿ ಆಗಿದೆ. ಇದನ್ನು ಆಂಟಿಆಕ್ಸಿಡೆಂಟ್ ಗೆ ಪರ್ಯಾಯವಾಗಿ ಬಳಕೆ ಮಾಡಬಹುದು.

• ಲವಂಗದಲ್ಲಿನ ನಾರಿನಾಂಶವು ಜೀರ್ಣಕ್ರಿಯೆಯು ಸರಾಗವಾಗಿ ಆಗಲು ಸಹಕಾರಿ ಮತ್ತು ಕರುಳಿನ ಕ್ರಿಯೆಗಳನ್ನು ನಿಯಂತ್ರಿಸುವುದು. ಗರ್ಭಧಾರಣೆ ಸಂದರ್ಭದಲ್ಲಿ ಮಲಬದ್ಧತೆಯು ಸಾಮಾನ್ಯ ಸಮಸ್ಯೆ ಮತ್ತು ಲವಂಗವನ್ನು ಆಹಾರದಲ್ಲಿ ಸೇರಿಸಿದರೆ, ಅದು ಮಲಬದ್ಧತೆ ದೂರ ಮಾಡುವುದು.
• ಗರ್ಭಿಣಿಯರಲ್ಲಿ ಜೀರ್ಣಕ್ರಿಯೆಯನ್ನು ನಿಯಂತ್ರಿಸಲು ಇದು ಸಹಕಾರಿ. ಗರ್ಭಧಾರಣೆ ಸಂದರ್ಭ ಕಂಡುಬರುವಂತಹ ಮಲಬದ್ಧತೆ ಮತ್ತು ಹೊಟ್ಟೆಯ ಸಮಸ್ಯೆಗಳಿಗೆ ಇದು ಪರಿಣಾಮಕಾರಿ.
• ಅತಿಸಾರ ಮತ್ತು ಹೊಟ್ಟೆ ನೋವು ಇದ್ದ ವೇಳೆ ಇದನ್ನು ಬಳಕೆ ಮಾಡಬಾರದು. ನೋವು ಕಡಿಮೆ ಆದ ಬಳಿಕ ಇದನ್ನು ಮತ್ತೆ ಸೇವನೆ ಮಾಡಬಹುದು.

• ಪ್ರಮುಖ ಸಾಂಬಾರ ಪದಾರ್ಥಗಳಲ್ಲಿ ಒಂದಾಗಿರುವ ಲವಂಗವು ಅಧಿಕ ಮಟ್ಟದ ಕಬ್ಬಿಣಾಂಶವನ್ನು ಹೊಂದಿದೆ. ಮಹಿಳೆಯರಲ್ಲಿ ಕಾಡುವ ರಕ್ತಹೀನತೆ ಸಮಸ್ಯೆಗೆ ಇದು ಪರಿಣಾಮಕಾರಿ.
• ಲವಂಗವನ್ನು ಸರಿಯಾದ ಕ್ರಮದಲ್ಲಿ ಸೇವನೆ ಮಾಡಿದರೆ ಅದರಿಂದ ಅಕಾಲಿಕ ಹೆರಿಗೆ ಮತ್ತು ಮಗುವಿನ ತೂಕ ಕಡಿಮೆ ಆಗುವ ಸಮಸ್ಯೆಯು ಕಾಡದು. ಲವಂಗದ ಎಣ್ಣೆಯನ್ನು ನೇರವಾಗಿ ಸೇವನೆ ಮಾಡಬಾರದು.

ದಿನಕ್ಕೆರಡು ಲವಂಗ ತಿಂದ್ರೆ ಏನೆಲ್ಲಾ ಪ್ರಯೋಜನಗಳಿವೆ ಗೊತ್ತೇ?

ಗರ್ಭದಲ್ಲಿನ ಮಗು ಮತ್ತು ತಾಯಿಯ ಆರೋಗ್ಯಕ್ಕೆ ವಿಟಮಿನ್ ಇ ಅತೀ ಅಗತ್ಯ. ವಿಟಮಿನ್ ಇ ದೇಹದಲ್ಲಿ ಸ್ನಾಯುಗಳ ಬೆಳವಣಿಗೆ ಮತ್ತು ಮಗುವಿನ ಬೆಳವಣಿಗೆಗೆ ಸಹಕಾರಿ. ತಾಯಿಯ ತ್ವಚೆಯ ಆರೋಗ್ಯವನ್ನು ಕಾಪಾಡಲು ಲವಂಗದಲ್ಲಿ ಇರುವ ವಿಟಮಿನ್ ಇ ಸಹಕಾರಿ.

ಗರ್ಭಿಣಿಯರ ದೇಹಕ್ಕೆ ಬೇಕಾಗುವಂತಹ ಹೆಚ್ಚಿನ ಪ್ರಮಾಣದ ಖನಿಜಾಂಶಗಳು ಲವಂಗದಲ್ಲಿ ಇದೆ. ಇದರಲ್ಲಿ ಕ್ಯಾಲ್ಸಿಯಂ, ಪೋಸ್ಪರಸ್ ನಂತಹ ಕೆಲವೊಂದು ಖನಿಜಾಂಶಗಳಿದ್ದು, ಇದು ತಾಯಿ ಮತ್ತು ಮಗುವಿನ ಮೂಳೆಯ ಆರೋಗ್ಯ ಕಾಪಾಡುವುದು.

ಮಗುವಿನ ಮೂಳೆ ಮತ್ತು ಹಲ್ಲುಗಳ ಬೆಳವಣಿಗೆಗೆ ಕ್ಯಾಲ್ಸಿಯಂ ಅತೀ ಅಗತ್ಯ. ಸೋಡಿಯಂ ಮತ್ತು ಮೆಗ್ನಿಶಿಯಂ ಕೂಡ ಭ್ರೂಣದ ಬೆಳವಣಿಗೆಗೆ ಸಹಕಾರಿ.

• ಘಾಟು ಮತ್ತು ಖಾರ ಹೊಂದಿರುವ ಲವಂಗವು ಮೆದುಳಿನ ಬೆಳವಣಿಗೆಗೆ ಸಹಕಾರಿ ಆಗಿದೆ. ಲವಂಗದಲ್ಲಿ ಒಮೆಗಾ-3 ಕೊಬ್ಬಿನಾಮ್ಲಗಳಿದ್ದು, ಇದರಿಂದ ತಾಯಿ ಮತ್ತು ಮಗುವಿಗೆ ಲಾಭಕಾರಿ.
• ಮಾಂಸಾಹಾರಿಗಳು ಮೀನು ಸೇವನೆ ಮಾಡಿದರೂ ಒಮೆಗಾ-3 ಕೊಬ್ಬಿನಾಮ್ಲವು ಸಿಗುವುದು. ಈ ಪೋಷಕಾಂಶಗಳು ಮಗುವಿನ ಮೆದುಳಿನ ಬೆಳವಣಿಗೆಗೆ ಸಹಕಾರಿ.

ಮಗು ಬುದ್ಧಿವಂತ ಆಗಿ ಹುಟ್ಟ ಬೇಕಂದ್ರೆ ಈ ಆಹಾರಗಳನ್ನು ಸೇವಿಸಿ