ದೇಹದ ಫಿಟ್ನೆಸ್ ಬಗ್ಗೆ ಕಾಳಜಿ ಇರುವಂತಹ ಜನರು ಗ್ರೀನ್ ಟೀಯನ್ನು ನಿತ್ಯವೂ ತಮ್ಮ ಆಹಾರ ಕ್ರಮದಲ್ಲಿ ಸೇರ್ಪಡೆ ಮಾಡಿಕೊಂಡು ಕುಡಿಯುವರು. ಆದರೆ ಮಕ್ಕಳು ಗ್ರೀನ್ ಸೇವನೆ ಮಾಡಬಹುದೇ ಎನ್ನುವ ಸಂಶಯವು ಇದ್ದೇ ಇದೆ. ಗ್ರೀನ್ ಟೀ ಆರೋಗ್ಯಕಾರಿ ಎನ್ನುವುದರಲ್ಲಿ ಯಾವುದೇ ಮಾತಿಲ್ಲ.
ಗ್ರೀನ್ ಟೀಯನ್ನು ಮಕ್ಕಳು ಸಾಮಾನ್ಯ ಟೀ ಬದಲಿಗೆ ಕುಡಿದರೆ, ಅದು ನಿಧಾನವಾಗಿ ರುಚಿ ಒದಗಿಸುವುದು ಮತ್ತು ಇದರಿಂದ ಅವರಿಗೆ ಅಭ್ಯಾಸವಾಗಿ ಹೋಗುವುದು. ಮಕ್ಕಳು ಗ್ರೀನ್ ಟೀ ಸೇವನೆ ಮಾಡಿದರೆ ಅದರಿಂದ ಬಾಲ್ಯದಲ್ಲೇ ಮಕ್ಕಳಿಗೆ ಅದರ ಲಾಭಗಳು ಸಿಗುವುದು. ಗ್ರೀನ್ ಟೀ ಆರೋಗ್ಯ ಲಾಭಗಳು ಯಾವುದು?
ಬಾಯಿಯ ಆರೋಗ್ಯ ಕಾಪಾಡುವುದು
ಮಕ್ಕಳಲ್ಲಿ ಸಾಮಾನ್ಯವಾಗಿ ಕಾಣಿಸುವ ದಂತ ಕುಳಿ ಮತ್ತು ಇತರ ಬಾಯಿಯ ಸಮಸ್ಯೆಗಳನ್ನು ಇದು ದೂರವಿಡುವುದು. ಇದರಲ್ಲಿ ಇರುವ ಕ್ಯಾಟಚಿನ್ ಅಂಶವು ದಂತಕುಳಿ ಉಂಟು ಮಾಡುವ ಬ್ಯಾಕ್ಟೀರಿಯಾ ಮತ್ತು ದುರ್ವಾಸನೆಯನ್ನು ಇದು ದೂರ ಮಾಡುವುದು.
ಜ್ವರದಿಂದ ರಕ್ಷಣೆ
ಗ್ರೀನ್ ಟೀಯಲ್ಲಿ ವೈರಲ್ ವಿರೋಧಿ ಗುಣಗಳು ಇವೆ. ಇದು ಜ್ವರ ಮತ್ತು ಇತರ ಕೆಲವೊಂದು ಸಮಸ್ಯೆಗಳಿಂದ ರಕ್ಷಣೆ ಮಾಡುವುದು. ಮಕ್ಕಳಿಗೆ ಒಂದು ಕಪ್ ಕುಡಿದರೆ ಅದು ಪರಿಣಾಮಕಾರಿ.
ಮೂಳೆಯ ಸಾಂದ್ರತೆಗೆ
ಗ್ರೀನ್ ಟೀ ಮೂಳೆಯ ಸಾಂದ್ರತೆಯನ್ನು ಸುಧಾರಣೆ ಮಾಡಲು ಸಹಕಾರಿ. ಗ್ರೀನ್ ಟೀ ಸೇವನೆ ಮಾಡಿದರೆ ಅದರಿಂದ ಮೂಳೆಯ ಸಾಂದ್ರತೆ ಕಡಿಮೆ ಆಗುವುದು ಮತ್ತು ಅಸ್ಥಿರಂಧ್ರತೆಯನ್ನು ಇದು ತಡೆಯುವುದು.
ಮಕ್ಕಳಿಗೆ ಗ್ರೀನ್ ಟೀಯ ಅಡ್ಡಪರಿಣಾಮಗಳು ಯಾವುದು?
ನಿದ್ರಾಹೀನತೆ
ಕೆಫಿನ್ ಮತ್ತು ಸಕ್ಕರೆ ಅಂಶದಿಂದಾಗಿ ಮಕ್ಕಳಲ್ಲಿ ನಿದ್ರಾಹೀನತೆ ಸಮಸ್ಯೆಯು ಕಾಡಬಹುದು. ಕೆಫಿನ್ ಅಂಶವು ಮಕ್ಕಳ ದೇಹದ ಬೆಳವಣಿಗೆ ಮೇಲೆ ಪರಿಣಾಮ ಬೀರುವುದು.
ರಕ್ತಹೀನತೆ
ದೇಹದಲ್ಲಿ ಕಬ್ಬಿಣಾಂಶವು ಕಡಿಮೆ ಆದರೆ ಆಗ ಅದರಿಂದ ರಕ್ತಹೀನತೆ ಸಮಸ್ಯೆಯು ಕಾಡುವುದು. ಗ್ರೀನ್ ಟೀಯಲ್ಲಿ ಟ್ಯಾನಿನ್ ಎನ್ನುವ ಅಂಶವಿದ್ದು, ಅದು ಆಹಾರದಲ್ಲಿ ದೇಹವನ್ನು ಸೇರುವಂತಹ ಕಬ್ಬಿಣಾಂಶದ ಹೀರುವಿಕೆಗೆ ತಡೆ ಉಂಟು ಮಾಡುವುದು.
ವಾಂತಿ
ಖಾಲಿ ಹೊಟ್ಟೆಯಲ್ಲಿ ಅಥವಾ ದಿನಕ್ಕೆ 400 ಮಿ.ಗ್ರಾಂ.ಗಿಂತಲೂ ಹೆಚ್ಚು ಸೇವನೆ ಮಾಡಿದರೆ ಆಗ ಇದರಿಂದ ವಾಂತಿ ಬರಬಹುದು. ಟ್ಯಾನಿನ್ ಅಂಶವು ಹೊಟ್ಟೆಯಲ್ಲಿ ಆಮ್ಲೀಯತೆ ಹೆಚ್ಚು ಮಾಡುವುದು. ಇದರಿಂದಾಗಿ ಹೊಟ್ಟೆಯಲ್ಲಿ ಸೆಳೆತ, ವಾಕರಿಕೆ ಮತ್ತು ಉರಿಯೂತ ಹಾಗೂ ಮಲಬದ್ಧತೆ ಕಾಡಬಹುದು.
ಮಕ್ಕಳು ಗ್ರೀನ್ ಟೀ ಕುಡಿಯಬಹುದೇ?
- ಗ್ರೀನ್ ಟೀಯಿಂದ ಆಗುವ ಲಾಭಗಳು ಹಾಗೂ ಅಡ್ಡಪರಿಣಾಮಗಳ ಬಗ್ಗೆ ತಿಳಿದುಕೊಂಡಿದ್ದೀರಿ. ಇದು ಸಣ್ಣ ವಯಸ್ಸಿನ ಮಕ್ಕಳಲ್ಲಿ ಪ್ರತಿರೋಧಕ ಶಕ್ತಿ ವೃದ್ಧಿಸಲು ಸಹಕಾರಿ. ಬೇರೆ ಪಾನೀಯಗಳಿಗೆ ಹೋಲಿಕೆ ಮಾಡಿದರೆ ಗ್ರೀನ್ ಟೀ ಆರೋಗ್ಯಕಾರಿ ಮತ್ತು ಹಲವಾರು ರೀತಿಯ ಪೋಷಕಾಂಶಗಳನ್ನು ಹೊಂದಿದೆ.
- ಗ್ರೀನ್ ಟೀಯಲ್ಲಿ ಇರುವಂತಹ ಕೆಫಿನ್ ಮತ್ತು ಅಕದಕ್ಕೆ ಮಕ್ಕಳು ಹೇಗೆ ಪ್ರತಿಕ್ರಿಯಿಸುತ್ತಾರೆ ಎನ್ನುವ ಮೇಲೆ ಎಲ್ಲವೂ ಅವಲಂಬಿತವಾಗಿದೆ. ಅಧಿಕ ಚಟುವಟಿಕೆಯಲ್ಲಿ ಇರುವ ಮಕ್ಕಳು ಮತ್ತು ನಿದ್ರಾಹೀನತೆ, ಏಕಾಗ್ರತೆ ಕೊರತೆ ಇರುವ ಮಕ್ಕಳಿಗೆ ಗ್ರೀನ್ ಟೀ ನೀಡಬಾರದು.
- ಇಂತಹ ಸಮಸ್ಯೆಗಳು ಇದ್ದರೆ ಮಾತ್ರ ಅವರಿಗೆ ಗ್ರೀನ್ ಟೀ ನೀಡಬಾರದು. ಇಲ್ಲವಾದಲ್ಲಿ ಮಕ್ಕಳಿಗೆ ಗ್ರೀನ್ ಟೀಯನ್ನು ಮಿತವಾಗಿ ನೀಡಬಹುದು. ಇದು ಯಾವುದೇ ಹಾನಿ ಉಂಟು ಮಾಡಬಹುದು. ವೈದ್ಯರ ಸಲಹೆ ಪಡೆದ ಬಳಿಕ ಮಕ್ಕಳಿಗೆ ಗ್ರೀನ್ ಟೀ ನೀಡಿದರೆ ಒಳ್ಳೆಯದು.