ಅದರಲ್ಲೂ ಶರೀರ ಗಟ್ಟಿಯಾಗಿರಬೇಕೆಂದರೆ ಮೂಳೆಗಳು ಬಲವಾಗಿರಬೇಕು. ಹೀಗಾಗಿ ಬೆಳವಣಿಗೆಯ ಹಂತದಲ್ಲಿಯೇ ಮೂಳೆಗಳ ಬಲಿಷ್ಠತೆಗೆ ಅಗತ್ಯವಿರುವ ಅಂಶಗಳನ್ನು ಪೂರೈಸಬೇಕು ಎನ್ನುತ್ತಾರೆ ಮೂಳೆ ತಜ್ಞ ಡಾ. ವಿನು ರಾಜ್‌.
ಹಾಗಾದರೆ ಬೆಳೆಯುವ ಮಕ್ಕಳ ಮೂಳೆಯ ಸಾಂಧ್ರತೆಯನ್ನು, ಬಲವನ್ನು ಉತ್ತಮವಾಗಿಸಲು ಏನು ಮಾಡಬಹುದು ಎನ್ನುವ ಬಗ್ಗೆ ಮಾಹಿತಿ ನೀಡಿದ್ದಾರೆ ಇಲ್ಲಿದೆ ನೋಡಿ
ದೈಹಿಕ ಚಟುವಟಿಕೆ
ಮೂಳೆಗಳ ಮೇಲೆ ಒತ್ತಡ ಬಿದ್ದಾಗ ಅದು ಗಟ್ಟಿಯಾಗುತ್ತದೆ. ಹೀಗಾಗಿ ಮಕ್ಕಳ ಚಲನವಲನ, ವ್ಯಾಯಾಮ ಅತೀ ಮುಖ್ಯವಾಗಿರುತ್ತದೆ. ಆದ್ದರಿಂದ ಚಿಕ್ಕಂದಿನಲ್ಲಿ ಸೈಕಲ್‌ ತುಳಿಯುವುದು, ಮೆಟ್ಟಿಲುಗಳನ್ನು ಹತ್ತುವುದು, ನಡಿಗೆ ಇವುಗಳನ್ನು ಅಭ್ಯಾಸ ಮಾಡಿಸಬೇಕು.
ಆಗ ಮೂಳೆ ತನ್ನಲ್ಲಿ ಹೆಚ್ಚು ಕ್ಯಾಲ್ಸಿಯಂನ್ನು ಮಟ್ಟವನ್ನು ಹೆಚ್ಚಿಸಿಕೊಳ್ಳುವ ಮೂಲಕ ಗಟ್ಟಿಯಾಗುತ್ತದೆ.
ಬಿಸಿಲಿನಲ್ಲಿ ಓಡಾಡುವುದು
ಸೂರ್ಯನ ಎಳೆಯ ಕಿರಣಗಳಲ್ಲಿ ಸಮೃದ್ಧವಾದ ವಿಟಮಿನ್‌ ಡಿ ಅಂಶವಿದೆ. ಇವು ಮೂಳೆಗಳ ಸಾಂಧ್ರತೆ ಹೆಚ್ಚಿಸಲು ಸಹಾಯ ಮಾಡುತ್ತದೆ. ಹೀಗಾಗಿ ಮಕ್ಕಳನ್ನು ಬಿಸಿಲಿನಿಂದ ದೂರ ಇಡುವ ಬದಲು ಪ್ರತಿದಿನ ಒಂದು ಗಂಟೆಯಾದರೂ ಬೆಳಗ್ಗಿನ ಎಳೆಯ ಬಿಸಿಲಿನ ಕಿರಣಗಳಲ್ಲಿ ಓಡಾಡುವಂತೆ ಮಾಡಿ.
ಸೂರ್ಯನ ಬಿಸಿಲು ಮಕ್ಕಳಿಗೆ ಮಾತ್ರವಲ್ಲ ದೊಡ್ಡವರಿಗೂ ಅಷ್ಟೇ ಅಗತ್ಯವಾಗಿರುತ್ತದೆ. ಹೀಗಾಗಿ ಪ್ರತಿದಿನ ಒಂದರ್ಧ ಗಂಟೆಯಾದರೂ ದೇಹವನ್ನು ಬಿಸಿಲಿಗೆ ಒಡ್ಡಿಕೊಳ್ಳಿ.
ಆಹಾರ ಸೇವನೆ ಮುಖ್ಯ
ಸಾಂಪ್ರದಾಯಿಕ ಆಹಾರ ನಮ್ಮ ಆರೋಗ್ಯವನ್ನು ಉತ್ತಮವಾಗಿಸುತ್ತದೆ. ಅದರ ಬದಲು ಪ್ಯಾಕೇಟ್‌ ಫುಡ್‌, ಜಂಕ್‌, ಸಕ್ಕರೆ ಅಂಶದ ಆಹಾರ ಸೇವನೆಯಿಂದ ದೇಹಕ್ಕೆ ಯಾವುದೇ ರೀತಿಯ ಪೋಷಕಾಂಶ ಸಿಗುವುದಿಲ್ಲ. ಇದರಿಂದ ಮೂಳೆಗಳ ಸಾಂಧ್ರತೆ ಕೂಡ ಉತ್ತಮವಾಗದು.
ಹೀಗಾಗಿ ಡ್ರೈಫ್ರೂಟ್ಸ್‌, ಬೀಜಗಳು, ಬಾದಾಮಿ, ಕಡ್ಲೆ ಬೀಜ, ಹಾಲು, ಮೊಸರು, ಮಜ್ಜಿಗೆ, ಬೆಣ್ಣೆ, ಬೇಳೆಕಾಳು, ಅಗಸೆ ಬೀಜದ ಸೇವನೆ ಮಾಡಿ. ಆದರೆ ಬೆಣ್ಣೆ, ಪನ್ನೀರ್‌ನಲ್ಲಿ ಕೊಬ್ಬು ಇರುವುದಿರಂದ ಸೇವನೆಯಲ್ಲಿ ಮಿತಿ ಇರಲಿ.
ಇದನ್ನೂ ಓದಿ:ಮಕ್ಕಳಿಗೆ ಕಿರಿಕಿರಿ ನೀಡುವ ಹೊಟ್ಟೆ ಹುಳುವಿನ ಸಮಸ್ಯೆಗೆ ಇಲ್ಲಿದೆ ಆಯುರ್ವೇದ ಮನೆಮದ್ದು
ಹೊರಾಂಗಣ ಆಟ
ಇಡೀ ದಿನ ಮೊಬೈಲ್‌ , ಟಾಬ್‌ ನೋಡುವುದರಿಂದ ಮೂಳೆಗಳ ಆರೋಗ್ಯದ ಮೇಲೆ ಕೆಟ್ಟ ಪರಿಣಾಮ ಬೀರಬಹುದು. ಹೀಗಾಗಿ ವ್ಯಾಯಾಮ ಮಾಡಲೇ ಬೇಕಾಗುತ್ತದೆ. ಅದಕ್ಕಾಗಿ ಏನು ಜಿಮ್‌ಗೆ ಹೋಗಬೇಕೆಂದಿಲ್ಲ. ಬದಲಾಗಿ ಹೊರಾಂಗಣ ಆಟಗಳನ್ನು ಆಡಲು ಉತ್ತೇಜಿಸಿ. ಇದರಿಂದ ವಾತಾವರಣದಿಂದ ಮನಸ್ಸು ಕೂಡ ರಿಲಾಕ್ಸ್‌ ಆಗುತ್ತದೆ ಜೊತೆಗೆ ಮೂಳೆಗಳ ಮೇಲೆ ಒತ್ತಡ ಬಿದ್ದಾಗ ಗಟ್ಟಿಯೂ ಆಗುತ್ತದೆ.
Dr. Vinu Raj
Orthopedic and spine specialist
Bangalore