ಪತ್ನಿ ಗರ್ಭಿಣಿಯಾಗಿದ್ದಾಗ ಪ್ರತೀ ಪುರುಷ ಈ ವಿಷಯಗಳನ್ನು ತಿಳಿದುಕೊಂಡಿರಲೇಬೇಕು

ಗರ್ಭಾವಸ್ಥೆಯಲ್ಲಿ ಮಹಿಳೆಯರು ಹೆಚ್ಚು ಹಸಿವನ್ನು ಅನುಭವಿಸುತ್ತಾರೆ. ಇದನ್ನು ಪುರುಷರು ಅರ್ಥಮಾಡಿಕೊಳ್ಳಬೇಕು. ಇದರೊಂದಿಗೆ ಮಹಿಳೆಯರಿಗೆ ತಿನ್ನುವ ಆಸೆಯೂ ಹೆಚ್ಚುತ್ತದೆ. ಹೀಗಾಗಿ ಆಕೆ ಯಾವುದೇ ಸಮಯದಲ್ಲಿ ಯಾವುದೇ ಆಹಾರವನ್ನು ಬೇಡಬಹುದು.

ಆಕೆಯ ಬಯಕೆಗಳನ್ನು ಈಡೇರಿಸಲು ಪ್ರಯತ್ನಿಸಿ. ಇದರಿಂದ ಗರ್ಭಾವಸ್ಥೆಯಲ್ಲಿ ಖುಷಿಯಾಗಿರಬಹುದು.

ಕೆಲವು ಮಹಿಳೆಯರಿಗೆ ಗರ್ಭಾವಸ್ಥೆಯಲ್ಲಿ ತುಂಬಾ ವಿಚಿತ್ರವಾದ ವಸ್ತುಗಳನ್ನು ತಿನ್ನಲು ಅನಿಸುತ್ತದೆ. ಇಂತಹ ವಿಚಿತ್ರಗಳನ್ನು ಕೇಳಲು ಪುರುಷರು ಸ್ವಲ್ಪ ಆಶ್ಚರ್ಯ ಪಡುತ್ತಾರೆ. ಅದಕ್ಕಾಗಿಯೇ ಪುರುಷರು ಗರ್ಭಾವಸ್ಥೆಯಲ್ಲಿ ವಿಚಿತ್ರವಾದ ವಸ್ತುಗಳನ್ನು ತಿನ್ನಲು ಬಯಸುತ್ತಾರೆ ಎಂಬುದನ್ನು ನೆನಪಿನಲ್ಲಿಟ್ಟುಕೊಳ್ಳಬೇಕು, ಅದನ್ನು ಗೇಲಿ ಮಾಡುವ ಸಾಹಸಕ್ಕೆ ಹೋಗುವುದು ಒಳ್ಳೆಯದಲ್ಲ

ಗರ್ಭಾವಸ್ಥೆಯು ಮಹಿಳೆಯರಲ್ಲಿ ಅನೇಕ ಹಾರ್ಮೋನ್ ಬದಲಾವಣೆಗಳು ಸಂಭವಿಸುವ ಒಂದು ಹಂತ ಎಂದು ಅರ್ಥಮಾಡಿಕೊಳ್ಳಬೇಕು, ಈ ಸಮಯದಲ್ಲಿ ಮಹಿಳೆಯರು ತೂಕ ಹೆಚ್ಚಳವಾಗುವುದು ಸಾಮಾನ್ಯವಾಗಿದೆ. ನಿಮ್ಮ ಹೆಂಡತಿಯ ಹೆಚ್ಚುತ್ತಿರುವ ತೂಕದ ಬಗ್ಗೆ ನೀವು ಮಾತನಾಡಿದರೆ ಆಕೆಗೆ ಮುಜುಗರವಾಗಬಹುದು.

ತೂಕ ಹೆಚ್ಚಳವಾಗಿರುವುದು ಹೆರಿಗೆಯ ಬಳಿಕ ಸರಿಯಾಗುತ್ತದೆ, ಆದ್ದರಿಂದ ತೂಕ ಹೆಚ್ಚಳದ ಬಗ್ಗೆ ಗೇಲಿ ಮಾಡಬೇಡಿ.

ಗರ್ಭಾವಸ್ಥೆಯಲ್ಲಿ ಮತ್ತು ಹೆರಿಗೆಯ ನಂತರವೂ ಸಹ, ಮಹಿಳೆಯರು ಮೂಡ್ ಬದಲಾವಣೆಗಳನ್ನು ಹೊಂದಿರುತ್ತಾರೆ. ಇದರಲ್ಲಿ ಹೆಣ್ಣಿನ ತಪ್ಪೇನೂ ಇಲ್ಲ ಎನ್ನುವುದನ್ನು ನೀವು ಅರ್ಥ ಮಾಡಿಕೊಳ್ಳಬೇಕು. ಇದು ಎಲ್ಲಾ ಮಹಿಳೆಯರು ಹಾದುಹೋಗುವ ಹಂತವಾಗಿದೆ. ನೀವು ತಾಳ್ಮೆಯಿಂದಿರಬೇಕು, ನಿಮ್ಮ ಹೆಂಡತಿಯ ಈ ಮನಸ್ಥಿತಿಯನ್ನು ಅರ್ಥಮಾಡಿಕೊಳ್ಳಬೇಕು ಮತ್ತು ಅವಳನ್ನು ಬೆಂಬಲಿಸಬೇಕು.

ಆಕೆಗೆ ಸಿಟ್ಟು ಬಂದರೆ ನೀವೂ ಕೂಗಾಡುವುದಲ್ಲ. ಅವಳನ್ನು ಸಂತೈಸುವ ಮನಸ್ಥಿತಿ ನಿಮ್ಮದಾಗಿರಬೇಕು.

ಗರ್ಭಾವಸ್ಥೆಯಲ್ಲಿ ಹೆಂಡತಿಯ ತೂಕ ಹೆಚ್ಚಾಗುತ್ತಿದೆ, ಅವಳು ಬಾಗಲು ಕಷ್ಟಪಡುತ್ತಾಳೆ, ಅವಳಿಗೆ ದೇಹ ನೋವು ಇದೆ ಎಂದು ತಿಳಿದಿರಲಿ. ಅಂತಹ ಪರಿಸ್ಥಿತಿಯಲ್ಲಿ, ನೀವು ಮನೆಕೆಲಸಗಳಲ್ಲಿ ಅವರಿಗೆ ಸಹಾಯ ಮಾಡಬೇಕು. ಈ ಸಮಯದಲ್ಲಿ ನಿಮ್ಮ ಹೆಂಡತಿಗೆ ಹೆಚ್ಚು ವಿಶ್ರಾಂತಿ ನೀಡಲು ಪ್ರಯತ್ನಿಸಿ.

ದೇಹದ ತೂಕ ಹೆಚ್ಚುವುದರಿಂದ ಸುಸ್ತು ಕಾಡುತ್ತದೆ. ಹೀಗಾಗಿ ವಿಶ್ರಾಂತಿಗೆ, ಆಕೆಗಾಗಿ ಸಮಯ ಮೀಸಲಿಡಲು ಅನುವು ಮಾಡಿಕೊಡಿ.

ಪ್ರತೀ ವ್ಯಕ್ತಿ ಹೆಂಡತಿಯ ಗರ್ಭಧಾರಣೆಯ ವೇಳೆ ಆಕೆಯನ್ನು ಕಾಳಜಿ ಮಾಡುವ ಪ್ರಮಾಣ ಹೆಚ್ಚಿರಬೇಕು. 9 ತಿಂಗಳ ಪ್ರಯಾಣ ಎಷ್ಟು ಕಷ್ಟ ಎಂದು ಅರ್ಥಮಾಡಿಕೊಳ್ಳಬೇಕು. ನಿಮ್ಮ ಹೆಂಡತಿ ಮಗುವನ್ನು ಈ ಜಗತ್ತಿಗೆ ತರಲು ಎಷ್ಟು ಕಷ್ಟಪಡುತ್ತಿದ್ದಾಳೆ ಎನ್ನುವುದು ಅರ್ಥವಾದರೆ ಬಹುಶಃ ಎಂದಿಗೂ ಹೆಂಡತಿಯ ಬಗ್ಗೆ ದೂರು ನೀಡುವುದಿಲ್ಲ.

ಹೀಗಾಗಿ ಆಕೆಯೊಂದಿಗೆ ಬೆನ್ನೆಲುಬಾಗಿ ನಿಲ್ಲಿ. ಆಗ ಆಕೆಗೂ ಧೈರ್ಯ, ಮಾನಸಿಕವಾಗಿ ಬಲ ಸಿಗುತ್ತದೆ.