ಮಹಿಳೆಯರಲ್ಲಿ ಫಲವತ್ತತೆ ಹೆಚ್ಚಿಸುವ ಆಹಾರಗಳು

ಮಗುವನ್ನು ಹೊಂದಲು ಬಯಸುವವರು ತಮ್ಮ ಆಹಾರ ಸೇವನೆಯ ಮೇಲೂ ಗಮನಹರಿಸಬೇಕು. ಆಹಾರ ಪಥ್ಯ ಗರ್ಭ ಧರಿಸಿದ ಬಳಿಕವಷ್ಟೇ ಅಲ್ಲ, ಅದಕ್ಕೂ ಮೊದಲು ಕೂಡ ನಿರ್ಣಾಯಕ ಪಾತ್ರವನ್ನು ವಹಿಸಲಿದೆ. ಅನಿಯಮಿತ ಮತ್ತು ಸೂಕ್ತ ವಲ್ಲದ ಆಹಾರ ಪಥ್ಯವು ಪುರುಷ ಮತ್ತು ಮಹಿಳೆ ಇಬ್ಬರಲ್ಲೂ ಗಂಭೀರ ಸ್ವರೂಪದ ಸಮಸ್ಯೆಯನ್ನು ಉಂಟು ಮಾಡಬಹುದು. ಪ್ರಸ್ತುತ ಸಂದರ್ಭದಲ್ಲಿ ನೀವು ಏನು ಆಹಾರ ಸೇವಿಸುತ್ತೀರೋ ಅದು ಗುಣಮಟ್ಟದ ಅಂಡಾಣು ಮತ್ತು ವೀರ್ಯ ಉತ್ಪಾದನೆ ಯಲ್ಲೂಪ್ರಮುಖ ಪಾತ್ರ ವಹಿಸಲಿದೆ. ಒಮ್ಮೆ ನೀವು ಮತ್ತು ನಿಮ್ಮ ಸಂಗಾತಿ ಮಗು ಹೊಂದಲು ತೀರ್ಮಾನಿಸಿದ ಮೇಲೆ ಸಕಾರಾತ್ಮಕ ಜೀವನಶೈಲಿಯ ಜತೆಗೆ ಅಗತ್ಯ ಪೌಷ್ಟಿಕ ಆಹಾರ ಸೇವನೆಗೂ ಒತ್ತು ನೀಡುವುದು ಅಗತ್ಯ.


ಆ್ಯಂಟಿ ಆಕ್ಸಿಡಂಟ್‌ ಆಹಾರ
ಆದಷ್ಟು ಆ್ಯಂಟಿ ಆಕ್ಸಿಡಂಟ್‌ ಅಂದರೆ ಉತ್ಕರ್ಷಣ ನಿರೋಧಕ ಅಹಾರಗಳ್ನು ಸೇವಿಸಿ. ಇದು ವೀರ್ಯದ ಕಣಗಳನ್ನು ಹೆಚ್ಚಿಸಲಿದೆ. ವಿಟಮಿನ್‌ ಸಿ ಮತ್ತು ವಿಟಮಿನ್‌ ಇ ಪುರುಷರಲ್ಲಿಫಲವತ್ತತೆಯನ್ನು ಹೆಚ್ಚಿಸುವಲ್ಲಿಸಕಾರಾತ್ಮಕ ಪರಿಣಾಮ ಬೀರಲಿದೆ.

ಗರ್ಭಿಣಿಯರು ಈ 7 ಆಹಾರಗಳನ್ನು ಸೇವಿಸಿದರೆ ಆರೋಗ್ಯಕ್ಕೆ ತುಂಬಾ ಒಳ್ಳೆಯದು


ಮಿನರಲ್‌ ಹೊಂದಿರುವ ಆಹಾರಗಳು
ಆದಷ್ಟು ದೇಹಕ್ಕೆ ಎಲ್ಲ ರೀತಿಯ ಮಿನರಲ್‌ಗಳು ಸೇರುವಂತೆ ನೋಡಿಕೊಳ್ಳಿ. ಆರೋಗ್ಯಕರ ವೀರ್ಯ ಉತ್ಪಾದನೆಯು ಆರೋಗ್ಯವಂತ ಶಿಶು ಹೊಂದಲು ಸಹಕಾರಿ. ಸೆಲೆನಿಯಂ ಅಂಶಗಳು ವೀರ್ಯದ ಗುಣಮಟ್ಟವನ್ನು ವೃದ್ಧಿಸಲಿವೆ.


ಹಸಿರು ಎಲೆಗಳಿರುವ ತರಕಾರಿ
ಪಾಲಕ್‌ ಮತ್ತು ಇತರೆ ದಟ್ಟ ಹಸಿರು ಎಲೆಗಳು ಫೋಲಿಕ್‌ ಆ್ಯಸಿಡ್‌ ಮತ್ತು ಝಿಂಕ್‌ ಅಂಶಗಳನ್ನು ದೇಹವನ್ನು ಸೇರಲು ಸಹಕಾರಿ. ತರಕಾರಿಗಳು ಒಟ್ಟಾರೆಯಾಗಿ ದೇಹದಲ್ಲಿ ಗುಣಮಟ್ಟದ ವೀರ್ಯಾಣು ಉತ್ಪಾದನೆಗೆ ಸಹಕಾರಿ. ಅಲ್ಲದೆ ಗರ್ಭಪಾತದ ಸಾಧ್ಯತೆಗಳನ್ನು ಕುಗ್ಗಿಸಲಿವೆ. ಲಿಕೊಪಿನ್‌ ಮತ್ತು ಟೊಮೇಟೊ ಕೂಡ ವೀರ್ಯದ ಅಂಶಗಳನ್ನು ವೃದ್ಧಿಸುತ್ತದೆ.


ಹಣ್ಣುಗಳು
ಬೆರ್ರಿಯಂಥ ವರ್ಣಮಯ ಹಣ್ಣುಗಳಲ್ಲಿಹೆಚ್ಚಿನ ಪ್ರಮಾಣದ ವಿಟಮಿನ್‌ ಸಿ ಅಂಶವಿರುತ್ತದೆ. ಬಾಳೆಹಣ್ಣಿನಲ್ಲಿಯೂ ವಿಟಮಿನ್‌ ಸಿ ಮತ್ತು ಫೈಬರ್‌ ಅಂಶ ಇರಲಿದ್ದು, ಹಾರ್ಮೊನುಗಳನ್ನು ನಿಯಂತ್ರಿಸುವ ಮೂಲಕ ಅಂಡಾಣು, ವೀರ್ಯಾಣು ಅಂಶ ಹೆಚ್ಚಲು ನೆರವಾಗಲಿದೆ.

ಮಗು ಹೆಣ್ಣೋ ಅಥವಾ ಗಂಡೋ ತಿಳಿಯುವುದು ಹೇಗೆ?


ಬೀಜಗಳು
ಬೀಜಗಳು ಹೆಚ್ಚಿನ ಆ್ಯಸಿಡ್‌ ಮತ್ತು ಝಿಂಕ್‌ ಅಂಶ ಹೊಂದಿರುತ್ತವೆ. ಝಿಂಕ್‌ ದೇಹದಲ್ಲಿ ಟೆಸ್ಟೋಸ್ಟೇರಾನ್‌ ಮತ್ತು ಸೆಮೆನ್‌ ಹಂತವನ್ನು ಹೊಂದಿದ್ದು, ಉತ್ಪಾದಕ ಅಂಗಗಳಿಗೆ ರಕ್ತದ ಸರಾಗ ಹರಿವಿಗೆ ನೆರವಾಗಲಿದೆ. ಅಲ್ಲದೆ ಡ್ರೈಫ್ರೂಟ್‌ಗಳು, ವಾಲ್‌ನಟ್‌ಗಳು, ಗೋಡಂಬಿ ಅನ್ನು ಕೂಡ ಝಿಂಕ್‌ ಮತ್ತು ವಿಟಮಿನ್‌ ಸಿ ಅಂಶಗಳನ್ನು ಹೆಚ್ಚಿಸಲು ಬಳಸಬಹುದು. ಲೇಖಕರು: ಫಲವತ್ತತೆ ತಜ್ಞರು

ಡಾ ಮಹೇಶ್‌ ಕೋರೆಗೋಳ