ಸಾಕಷ್ಟು ಎದೆಹಾಲು ಉತ್ಪಾದನೆ ಆಗದಿರಲು ಐದು ಸಾಮಾನ್ಯ ಕಾರಣಗಳಿವು

ಗರ್ಭಾವಸ್ಥೆಯ ಸಮಯದಲ್ಲಿ ಸೇವಿಸುವ ಮಾತ್ರೆಗಳು ಅಥವಾ ಗರ್ಭಾವಸ್ಥೆಯ ನಂತರ ಸೇವಿಸುವ ಕೆಲವು ಮಾತ್ರೆಗಳು ತಾಯಿಯ ಎದೆ ಹಾಲು ಉತ್ಪಾದನೆಯ ಮೇಲೆ ಪರಿಣಾಮ ಬೀರುತ್ತದೆ. ಇದು ಅಲ್ಪಾವಧಿಗಳ ಕಾಲ ಹಾಲು ಉತ್ಪಾದನೆಯಲ್ಲಿ ಅಡ್ಡಿಯನ್ನುಂಟುಮಾಡುವುದು. ಔಷಧದ ಪ್ರಭಾವ ತಾಯಿಯ ದೇಹದಲ್ಲಿ ಕಡಿಮೆ ಆದಂತೆ ಹಾಲಿನ ಉತ್ಪಾದನೆ ಹೆಚ್ಚುವುದು.

To Read in English Click:5 common reasons why you may not be producing enough breast milk

ಚೊಚ್ಚಲ ತಾಯ್ತನವನ್ನು ಅನುಭವಿಸುವ ಕೆಲವು ಮಹಿಳೆಯರಲ್ಲಿ ಹಾಲನ್ನು ಉತ್ಪಾದಿಸಲು ಸಹಾಯ ಮಾಡುವ ಗ್ರಂಥಿಗಳ ಅಂಗಾಂಶಗಳು ಬೆಳವಣಿಗೆ ಆಗಿರುವುದಿಲ್ಲ. ಅಂತಹವರಲ್ಲಿ ಹಾಲಿನ ಉತ್ಪಾದನೆ ಕಡಿಮೆ ಆಗುವುದು. ಅಲ್ಲದೆ ಮಕ್ಕಳಿಗೆ ಸಾಕಾಗುವಷ್ಟು ಹಾಲು ಉತ್ಪಾದನೆಯಾಗದು. ಇಂತಹ ಸಮಸ್ಯೆ ಇರುವ ತಾಯಂದಿರಿಗೆ ಎರಡನೇ ಮತ್ತು ಮೂರನೇ ಗರ್ಭಾವಸ್ಥೆಯಲ್ಲಿ ಈ ಸಮಸ್ಯೆ ಸುಧಾರಣೆಯಾಗುವುದು. ಮಗುವಿನಿಂದ ಎದೆಯ ತೊಟ್ಟನ್ನು ಆಗಾಗ ಚೀಪಿಸಬೇಕು ಎಂದು ಸಲಹೆ ನೀಡಲಾಗುವುದು. ಆಗ ತಾಯಿಗೆ ಎದೆ ಹಾಲು ಹೆಚ್ಚುವುದು ಎಂದು ಹೇಳಲಾಗುವುದು.

ಗರ್ಭಿಣಿಯಯರೇ ಆದಷ್ಟು ಈ ಅಪಾಯಕಾರಿ ವಸ್ತುಗಳಿಂದ ದೂರವಿರಿ!

ಹಾರ್ಮೋನ್‍ಗಳ ಪ್ರಭಾವದಿಂದ ತಾಯಿಗೆ ತಾಯಿಯ ಎದೆಹಾಲು ಉತ್ಪಾದನೆ ಆಗುವುದು. ಯಾವ ಮಹಿಳೆಯರಲ್ಲಿ ಪಿಸಿಓಎಸ್, ಮಧುಮೇಹ ಮತ್ತು ಕಡಿಮೆ ಥೈರಾಯ್ಡ್ ನಂತಹ ಸಮಸ್ಯೆಗಳು ಇರುವ ಮಹಿಳೆಯರಲ್ಲಿ ಎದೆ ಹಾಲಿನ ಉತ್ಪಾದನೆ ಕಡಿಮೆ ಆಗುವುದು. ಇಂತಹ ಆರೋಗ್ಯ ಸಮಸ್ಯೆ ಅನುಭವಿಸುತ್ತಿರುವ ಮಹಿಳೆಯರು ವೈದ್ಯರಲ್ಲಿ ವಿಶೇಷ ಚಿಕಿತ್ಸೆ ಹಾಗೂ ಸಲಹೆ ಪಡೆದುಕೊಳ್ಳುವುದರ ಮೂಲಕ ಸಮಸ್ಯೆಗಳನ್ನು ನಿವಾರಿಸಿಕೊಳ್ಳಬಹುದು. ಜೊತೆಗೆ ಮಗುವಿಗೆ ತೃಪ್ತಿಯಾಗುವಷ್ಟು ಎದೆಹಾಲು ಉತ್ಪಾದಿಸಿಕೊಳ್ಳಲು ಸಹಾಯ ಆಗುವುದು.

ಸ್ತನ ಶಸ್ತ್ರಚಿಕಿತ್ಸೆ ಹೊಂದಿದವರು ಸಾಕಷ್ಟು ಹಾಲಿನ ಉತ್ಪಾದನೆ ಮಾಡಲು ಸಾಧ್ಯವಾಗದು. ಏಕೆಂದರೆ ಹಾಲಿನ ಉತ್ಪಾದನೆಗೆ ಸಹಾಯವಾಗುವ ನಾಳಗಳ ಮೇಲೆ ಫೈಬ್ರಾಯ್ಡ್ ರಚನೆಯಾಗಿರುತ್ತದೆ. ಹಾಗಾಗಿ ಶಸ್ತ್ರಚಿಕಿತ್ಸೆಯ ಸಂಕೀರ್ಣತೆಯ ಆಧಾರದ ಮೇಲೆ ಹಾಲಿನ ಉತ್ಪಾದನೆ ಆಗುವುದು. ಅಲ್ಲದೆ ಮೊಲೆತೊಟ್ಟಿನ ಚುಚ್ಚುವಿಕೆ ಮಾಡಿಸಿಕೊಂಡವರಲ್ಲಿಯೂ ಹಾಲಿನ ಉತ್ಪಾದನೆ ಕಡಿಮೆಯಾಗುವುದು ಎಂದು ಹೇಳಲಾಗುವುದು.

ಶಿಶುಗಳಿಗೆ ನೀಡಲಾಗುವ ಆಂಟಿ ಬಯಾಟಿಕ್ ಔಷಧಿಗಳಿಂದ ಏನೆಲ್ಲಾ ಸಮಸ್ಯೆಗಳು ಕಾಡಬಹುದು