ದೇಹಕ್ಕೆ ತೊಂದರೆ ನೀಡುವಂತಹ ಆಹಾರಗಳನ್ನು ದೂರವಿಡಬೇಕು ಮತ್ತು ಆರೋಗ್ಯವನ್ನು ಉಂಟುಮಾಡುವ ಆಹಾರಗಳನ್ನು ಸೇವನೆ ಮಾಡಬೇಕು. ಸಿರಿಧಾನ್ಯಗಳಲ್ಲಿ ಒಂದಾಗಿರುವಂತಹ ರಾಗಿಯನ್ನು ಗರ್ಭಿಣಿಯರು ಆಹಾರ ಕ್ರಮದಲ್ಲಿ ಸೇರ್ಪಡೆ ಮಾಡಿದರೆ ಅದು ತುಂಬಾ ಲಾಭಕಾರಿ ಆಗುವುದು. ಗರ್ಭಧಾರಣೆ ಸಂದರ್ಭದಲ್ಲಿ ರಾಗಿ ಸೇವನೆಯಿಂದ ಯಾವೆಲ್ಲಾ ಲಾಭಗಳು ಸಿಗುವುದು ಎಂದು ತಿಳಿಯಿರಿ.
ಕ್ಯಾಲ್ಸಿಯಂನಿಂದ ಸಮೃದ್ಧ
ರಾಗಿಯು ಕ್ಯಾಲ್ಸಿಯಂನಿಂದ ಸಮೃದ್ಧವಾಗಿದ್ದು, ಇದು ಹಲ್ಲು ಮತ್ತು ಮೂಳೆಗಳ ಬೆಳವಣಿಗೆಗೆ ಸಹಕಾರಿ. ತಾಯಿಯ ದೇಹದಿಂದ ಮಗುವಿಗೆ ಬೇಕಾಗಿರುವ ಪೋಷಕಾಂಶಗಳು ಸಿಗುವುದು ಮತ್ತು ಕ್ಯಾಲ್ಸಿಯಂ ಕೂಡ ತಾಯಿಯ ದೇಹದಿಂದಲೇ ಮಗುವಿಗೆ ಸಿಗುವುದು. ಕ್ಯಾಲ್ಸಿಯಂ ಹಲ್ಲುಗಳು, ಮೂಳೆ ಮತ್ತು ಉಗುರುಗಳನ್ನು ಬಲಪಡಿಸುವುದು.
ನೈಸರ್ಗಿಕ ಕೊಬ್ಬಿನಾಂಶ
ಗರ್ಭಧಾರಣೆ ಸಂದರ್ಭದಲ್ಲಿ ಅಧಿಕ ಕೊಬ್ಬು ಇರುವ ಆಹಾರ ಸೇವನೆ ಮಾಡದೆ ಇದ್ದರೆ ಒಳ್ಳೆಯದು. ಕೊಬ್ಬು ಅಧಿಕವಾಗಿದ್ದರೆ ಅದರಿಂದ ಮಧುಮೇಹ, ಅಧಿಕ ರಕ್ತದೊತ್ತಡ ಮತ್ತು ಹೃದಯದ ಕಾಯಿಲೆಯು ಬರುವುದು. ರಾಗಿಯಲ್ಲಿ ನೈಸರ್ಗಿಕ ಕೊಬ್ಬಿನಾಂಶವಿದ್ದು, ಇದು ಆರೋಗ್ಯವನ್ನು ರಕ್ಷಿಸುವುದು ಮತ್ತು ತೂಕ ಸಮತೋಲನದಲ್ಲಿ ಇಡಲು ಸಹಕಾರಿ.
ನಾರಿನಾಂಶವು ಅಧಿಕ
ಗರ್ಭಿಣಿಯರಿಗೆ ರಾಗಿಯಲ್ಲಿ ಇರುವಂತಹ ನಾರಿನಾಂಶವು ತುಂಬಾ ಪರಿಣಾಮಕಾರಿ. ಇದು ಹೊಟ್ಟೆಯ ಸಮಸ್ಯೆಗಳು ಮತ್ತು ಮಲಬದ್ಧತೆ ಸಮಸ್ಯೆಯನ್ನು ನಿವಾರಣೆ ಮಾಡುವುದು.
ನಿದ್ರಾಹೀನತೆ ನಿವಾರಣೆ
ಗರ್ಭಿಣಿಯರಿಗೆ ರಾತ್ರಿ ವೇಳೆ ನಿದ್ರೆಯು ಬರುವುದು ತುಂಬಾ ಕಡಿಮೆ. ಇದಕ್ಕಾಗಿ ರಾಗಿ ಸೇವನೆ ಮಾಡಿದರೆ ಅದರಿಂದ ರಾತ್ರಿ ನಿದ್ರೆಯು ಉತ್ತಮವಾಗುವುದು. ರಾಗಿಯಲ್ಲಿ ಇರುವಂತಹ ಅಮಿನೋ ಆಮ್ಲವಾಗಿರುವ ಟ್ರೈಪ್ಟೊಪಾನ್ ನಿದ್ರಾಹೀನತೆ ನಿವಾರಿಸುವುದು.
ಗ್ಲುಟೇನ್ ಮುಕ್ತ
ಕೆಲವು ಗರ್ಭಿಣಿಯರಿಗೆ ಗ್ಲುಟೇನ್ ಸೇವನೆಯಿಂದ ಅಲರ್ಜಿ ಉಂಟಾಗುವುದು ಇದೆ. ರಾಗಿಯು ಗ್ಲುಟೇನ್ ಮುಕ್ತವಾಗಿದ್ದು, ಗರ್ಭಿಣಿಯರು ಇದನ್ನು ಸೇವನೆ ಮಾಡಬಹುದು ಮತ್ತು ಯಾವುದೇ ಸಮಸ್ಯೆಯಾಗುತ್ತಲಿದ್ದರೆ ಕಡೆಗಣಿಸಿ. ಗ್ಲುಟೇನ್ ಮುಕ್ತ ಆಹಾರವು ಮಗುವನ್ನು ಸುರಕ್ಷಿತವಾಗಿಡುವುದು.
ಹಾಲಿನ ಉತ್ಪತ್ತಿ
ಹೆರಿಗೆ ಬಳಿಕ ಮಗುವಿಗೆ ಹಾಲು ನೀಡಲು ಪ್ರಮುಖ ಪೋಷಕಾಂಶಗಳು ದೇಹದಲ್ಲಿ ಇರಬೇಕು. ರಾಗಿಯಲ್ಲಿ ಹಾಲು ಉತ್ಪಾದಿಸುವಂತಹ ಗುಣವು ಇದೆ. ಇದರಲ್ಲಿ ಕ್ಯಾಲ್ಸಿಯಂ, ಅಮಿನೋ ಆಮ್ಲ ಮತ್ತು ಕಬ್ಬಿಣಾಂಶವು ಉತ್ತಮವಾಗಿದೆ. ಮಗುವಿಗೆ ಎದೆಹಾಲು ನೀಡುವಂತಹವರು ರಾಗಿಯನ್ನು ಸೇವನೆ ಮಾಡಲೇಬೇಕು.
ಕೊಲೆಸ್ಟ್ರಾಲ್ ಮಟ್ಟ ಕಾಪಾಡುವುದು
ದೇಹದಲ್ಲಿ ಕೊಲೆಸ್ಟ್ರಾಲ್ ಮಟ್ಟವು ಅಸಾಮಾನ್ಯವಾಗಿದ್ದರೆ ಆಗ ಇದು ಅಧಿಕ ರಕ್ತದೊತ್ತಡ ಸಮಸ್ಯೆಗೆ ಕಾರಣವಾಗಬಹುದು ಮತ್ತು ಇದರಿಂದ ಸಾಮಾನ್ಯ ಹೆರಿಗೆಯಾಗುವ ಸಾಧ್ಯತೆಯು ಕಡಿಮೆ ಇರುವುದು. ದೇಹದಲ್ಲಿನ ಕೊಲೆಸ್ಟ್ರಾಲ್ ಮಟ್ಟವನ್ನು ನಿಯಂತ್ರಿಸಲು ರಾಗಿಯು ಪರಿಣಾಮಕಾರಿ.
ಹಲವಾರು ಖನಿಜಾಂಶಗಳಿಂದ ಸಮೃದ್ಧ
ರಾಗಿಯಲ್ಲಿ ಕ್ಯಾಲ್ಸಿಯಂ, ಕಬ್ಬಿಣಾಂಶ ಇತ್ಯಾದಿ ಪ್ರಮುಖ ಖನಿಜಾಂಶಗಳು ಇವೆ. ಈ ಎಲ್ಲಾ ಖನಿಜಾಮಶಗಳು ಮಗುವಿನ ಬೆಳವಣಿಗೆಗೆ ಸಹಕಾರಿ. ರಾಗಿಯನ್ನು ಮೊದಲ ತ್ರೈಮಾಸಿಕದಲ್ಲಿ ಆಹಾರ ಕ್ರಮದಲ್ಲಿ ಸೇರ್ಪಡೆ ಮಾಡಿದರೆ ಅದು ತುಂಬಾ ಪರಿಣಾಮಕಾರಿ ಆಗಿರುವುದು.