ಏನೇ ಆದರೂ ತರಕಾರಿ ಸೇವನೆ ಮಾಡಿದರೆ ಅದರಿಂದ ಆರೋಗ್ಯ ಕಾಪಾಡಿಕೊಳ್ಳಲು ತುಂಬಾ ಸಹಕಾರಿ ಆಗಿರುವುದು. ಇಂತಹ ಸಮಯದಲ್ಲಿ ನಾವು ಕೆಲವೊಂದು ಪ್ರಮುಖ ವಿಚಾರಗಳನ್ನು ಇಲ್ಲಿ ಗಮನಿಸಬೇಕಾಗುತ್ತದೆ. ಅದೇನೆಂದರೆ ಸಾಮಾನ್ಯವಾಗಿ ನಾವು ತಿನ್ನುವ ಆಹಾರ ಕ್ರಮಕ್ಕೂ ಗರ್ಭಿಣಿಯರು ತಿನ್ನುವ ಆಹಾರ ಕ್ರಮಕ್ಕೂ ವ್ಯತ್ಯಾಸವಿರುವುದು. ಹೀಗಾಗಿ ಗರ್ಭಿಣಿಯರು ಯಾವ ರೀತಿಯ ಆಹಾರ ಸೇವನೆ ಮಾಡಬೇಕು ಎಂದು ತಿಳಿಯಬೇಕು.
ಕೆಲವೊಂದು ತರಕಾರಿ ಹಾಗೂ ಹಣ್ಣುಗಳು ಹಲವಾರು ಪೋಷಕಾಂಶಗಳನ್ನು ನೀಡಿದರೂ ಇದರಿಂದ ಬೇರೆ ರೀತಿಯ ಅಡ್ಡಪರಿಣಾಮಗಳು ಉಂಟಾಗಬಹುದು. ಈ ಲೇಖನದಲ್ಲಿ ನಾವು ನಿಮಗೆ ಬೀಟ್ ರೂಟ್ ಸೇವನೆಯಿಂದ ಗರ್ಭಿಣಿಯರಿಗೆ ಲಾಭಗಳು ಅದರ ಅಡ್ಡಪರಿಣಾಮಗಳ ಬಗ್ಗೆ ತಿಳಿಸಿಕೊಡಲಿದ್ದೇವೆ.
ಗರ್ಭಧಾರಣೆ ವೇಳೆ ಬೀಟ್ ರೂಟ್ ಸೇವಿಸಬಹುದೇ?
ಗರ್ಭಿಣೀಯರು ಸಾಮಾನ್ಯವಾಗಿ ದಿನದಲ್ಲಿ ಎರಡು ಬೀಟ್ ರೂಟ್ ನ್ನು ಸೇವನೆ ಮಾಡಬಹುದಾಗಿದೆ. ಈ ತರಕಾರಿಯನ್ನು ಮಿತವಾಗಿ ಸೇವನೆ ಮಾಡಿದರೆ ಒಳ್ಳೆಯದು.
ಬೀಟ್ ರೂಟ್ ನಲ್ಲಿ ರಕ್ತ ಶುದ್ಧೀಕರಿಸುವ, ನಿರ್ವಿಷಗೊಳಿಸುವ ಮತ್ತು ದೇಹಕ್ಕೆ ಪುನಶ್ಚೇತನಗೊಳಿಸುವ ಗುಣಗಳೂ ಇವೆ. ಇದನ್ನು ಹಸಿ, ಬೇಯಿಸಿ ಅಥವಾ ಜ್ಯೂಸ್ ತಯಾರಿಸಿಕೊಂಡು ಸೇವಿಸಬಹುದು.
ಗರ್ಭಿಣಿಯರಿಗೆ ಬೀಟ್ರೂಟ್ ಅಥವಾ ಬೀಟ್ರೂಟ್ ಜ್ಯೂಸ್‌ನ ಲಾಭಗಳು
ಗರ್ಭಧಾರಣವೆ ವೇಳೆ ನೀವು ಸೇವಿಸುವಂತಹ ಆಹಾರವು ಗರ್ಭಧರಲ್ಲಿರುವ ಮಗು ಹಾಗೂ ನಿಮ್ಮ ಆರೋಗ್ಯದ ಮೇಲೆ ಪರಿಣಾಮ ಬೀರುವುದು. ಬೀಟ್ ರೂಟ್ ನ್ನು ತಿಂದರೆ ಅದರಿಂದ ಈ ಸಮಸ್ಯೆಗಳಿಗೆ ಪರಿಹಾರ ಸಿಗುವುದು.
ದಿನಾ ಬೀಟ್ರೂಟ್ ಜ್ಯೂಸ್ ಕುಡಿಯಿರಿ, ಆಮೇಲೆ ಚಮತ್ಕಾರ ನೋಡಿ!
ಜನನ ವೈಕಲ್ಯ
ವಿಸ್ಕಾನ್ಸಿನ್-ಮ್ಯಾಡಿಸನ್ ವಿಶ್ವವಿದ್ಯಾಲಯದ ತೋಟಗಾರಿಕೆ ತಜ್ಞರು ನಡೆಸಿರುವಂತಹ ಅಧ್ಯಯನದಲ್ಲಿ ಕಂಡುಕೊಂಡಿರುವಂತಹ ವಿಚಾರವೆಂದರೆ ಬೀಟ್ ರೂಟ್ ನಲ್ಲಿ ಇರುವಂತಹ ಅಧಿಕ ಪ್ರಮಾಣದ ಫಾಲಿಕ್ ಆಮ್ಲವು ಗರ್ಭದಲ್ಲಿರುವ ಮಗುವಿನ ನರ ವ್ಯವಸ್ಥೆ ಬೆಳವಣಿಗೆಗೆ ನೆರವಾಗುವುದು ಮತ್ತು ಸ್ಪಿನಾ ಬೈಫಿಡಾದಂತಹ ಜನನ ವೈಪರಿತ್ಯಗಳನ್ನು ತಡೆಯಬಹುದು.
ಪ್ರತಿರೋಧಕ ಶಕ್ತಿ
ಇಂದಿನ ದಿನಗಳಲ್ಲಿ ಪ್ರತಿಯೊಬ್ಬರಿಗೂ ಪ್ರತಿರೋಧಕ ಶಕ್ತಿ ಪಡೆಯುವಂತಹ ಆಹಾರಗಳನ್ನು ಹುಡುಕುತ್ತಲಿರುವರು. ಬೀಟ್ ರೂಟ್ ಅದಕ್ಕೆ ಒಳ್ಳೆಯ ಆಯ್ಕೆ.
ಬೀಟ್ ರೂಟ್ ನ್ನು ಬಳಸಿದರೆ ಅದರಲ್ಲಿರುವಂತಹ ಆಂಟಿಆಕ್ಸಿಡೆಂಟ್ ಪ್ರತಿರೋಧಕ ಶಕ್ತಿ ವೃದ್ಧಿಸುವುದು. ಗರ್ಭಧಾರಣೆ ವೇಳೆ ಕಾಡುವಂತಹ ಕೆಲವೊಂದು ಸೋಂಕು ಮತ್ತು ಕಾಯಿಲೆಗಳನ್ನು ಇದು ನಿವಾರಣೆ ಮಾಡುವುದು.
ಪ್ರತಿರೋಧಕ ಶಕ್ತಿ ವೃದ್ಧಿಸುವ ನ್ಯಾಚುರಲ್ ಆಹಾರಗಳು
ಹಲ್ಲುಗಳಲ್ಲಿ ಕ್ಯಾಲ್ಸಿಯಂ ಕೊರತೆ
ಬೀಟ್ ರೂಟ್ ನಲ್ಲಿ ಉತ್ತಮ ಪ್ರಮಾಣದ ಸಿಲಿಕಾ ಅಂಶವಿದ್ದು, ಇದು ದೇಹವು ಮೆಗ್ನಿಶಿಯಂ ಮತ್ತು ತಾಮ್ರವನ್ನು ಹೀರಿಕೊಳ್ಳಲು ನೆರವಾಗುವುದು. ಗರ್ಭಧಾರಣೆ ಸಂದರ್ಭದಲ್ಲಿ ಹಲ್ಲುಗಳಲ್ಲಿ ಉಂಟಾಗುವಂತಹ ಕ್ಯಾಲ್ಸಿಯಂ ಕೊರತೆಯನ್ನು ಇದು ನೀಗಿಸುವುದು.
ಚಯಾಪಚಯ
ಗರ್ಭಿಣಿಯರಲ್ಲಿ ರಕ್ತದೊತ್ತಡ ಮಟ್ಟವು ಏರುಪೇರಾಗುವುದು ಸಾಮಾನ್ಯ. ಇಂತಹ ಸಮಯದಲ್ಲಿ ರಕ್ತದೊತ್ತಡವನ್ನು ಕಾಪಾಡಿಕೊಳ್ಳಲು ಬೀಟ್ ರೂಟ್ ನಲ್ಲಿ ಇರುವಂತಹ ಪೊಟಾಶಿಯಂ ಅಂಶವು ನೆರವಾಗುವುದು.
ಇದು ಎಲೆಕ್ಟ್ರೋಲೈಟ್ಸ್ ಸಮತೋಲನ ಕಾಪಾಡಲು ನೆರವಾಗುವುದು. ಗರ್ಭಿಣಿಯರಿಗೆ ಗಂಟು ನೋವು ಮತ್ತು ಊತ ಕಾಣಿಸುವುದು. ಬೀಟ್ ರೂಟ್ ನಲ್ಲಿ ಇರುವಂತಹ ಬೆಟಾಲೈನ್ ಎನ್ನುವ ಅಂಶವು ಉರಿಯೂತ ಶಮನಕಾರಿ ಆಗಿದ್ದು, ಇದು ನೋವು ಮತ್ತು ಊತ ಕಡಿಮೆ ಮಾಡುವುದು.
ರಕ್ತ ಶುದ್ಧೀಕರಣ
ಬೀಟ್ ರೂಟ್ ಸೇವನೆ ಮಾಡಿದರೆ ಅದರಿಂದ ರಕ್ತ ಶುದ್ಧೀಕರಣವು ಉತ್ತಮವಾಗುವುದು. ಭ್ರೂಣದಲ್ಲಿ ಯಾವುದೇ ಸೋಂಕು ಅಥವಾ ಕಾಯಿಲೆ ಇದ್ದರೆ ಇದು ನಿವಾರಿಸುವುದು. ಬೀಟ್ ರೂಟ್ ಸೇವನೆ ಮಾಡಿದರೆ ಅದು ದೈಹಿಕವಾಗಿ ತ್ರಾಣ ನೀಡುವುದು ಮತ್ತು ರಕ್ತದೊತ್ತಡ ನಿವಾರಿಸುವುದು.
ದೇಹದ ರಕ್ತ ಶುದ್ಧೀಕರಿಸುವ ಇಂತಹ ಆಹಾರಗಳನ್ನು ಆದಷ್ಟು ಸೇವಿಸಿ
ರಕ್ತಹೀನತೆ
ಬೀಟ್ ರೂಟ್ ನಲ್ಲಿ ಇರುವಂತಹ ಕಬ್ಬಿನಾಂಶವು ಹಿಮೋಗ್ಲೋಬಿನ್ ಮಟ್ಟವನ್ನು ವೃದ್ಧಿಸುವುದು. ಇದರಿಂದ ರಕ್ತಹೀನತೆ ಸಮಸ್ಯೆಯು ನಿವಾರಣೆ ಆಗುವುದು.
ರಕ್ತಹೀನತೆ ಸಮಸ್ಯೆಯೇ? ಈ ಆಹಾರ ತಿನ್ನಿ
ಯಕೃತ್‌ನ್ನು ಆರೋಗ್ಯವಾಗಿಡುವುದು
ಬೀಟ್ ರೂಟ್ ಸೇವನೆ ಮಾಡಿದರೆ ಅದು ಯಕೃತ್ ನ್ನು ಶುದ್ಧೀಕರಿಸುವುದು. ಬೀಟ್ ರೂಟ್ ನಲ್ಲಿ ಇರುವಂತಹ ಬೆಟಾಸಯಾನಿನ್ ಗಳು ಉತ್ತಮವಾದ ಆಂಟಿಆಕ್ಸಿಡೆಂಟ್ ಗಳಾಗಿದ್ದು, ಇದು ತುಂಬಾ ಲಾಭಕಾರಿ.