ಆಹಾರಪದ್ಧತಿಯಲ್ಲಿ ಎಂದಿಗೂ ಸಹ ಹೆಚ್ಚುವರಿಯಾಗಿ ವಿಟಮಿನ್ ಅಂಶಗಳು, ಖನಿಜಾಂಶಗಳು ಮತ್ತು ಅಪಾರ ಪ್ರಮಾಣದಲ್ಲಿ ಪೌಷ್ಠಿಕ ಸತ್ವಗಳು ಇರುವಂತೆ ನೋಡಿಕೊಳ್ಳಬೇಕು. ಸಮತೋಲನವಾದ ಆಹಾರ ಪದಾರ್ಥಗಳನ್ನು ಸೇವನೆ ಮಾಡುವ ಮೂಲಕ ಅತ್ಯುತ್ತಮ ಆರೋಗ್ಯವನ್ನು ಹೊಂದಬಹುದು.. ಗರ್ಭಿಣಿ ಮಹಿಳೆಯರಿಗೆ ಗರ್ಭಾವಸ್ಥೆಯಲ್ಲಿ ಸೂಕ್ತವಾದ ಆಹಾರಗಳು
ಪೂರ್ಣಪ್ರಮಾಣದ ಕಾಳುಗಳು
- ನಿಮಗೆ ಗೊತ್ತಿರಬೇಕು ಸಸ್ಯಧಾರಿತ ಕಾಳುಗಳಲ್ಲಿ ಅಪಾರ ಪ್ರಮಾಣದ ಕಬ್ಬಿಣದ ಅಂಶ, ಫೋಲೆಟ್, ಪ್ರೋಟೀನ್ ಅಂಶ, ಕ್ಯಾಲ್ಸಿಯಂ ಅಂಶ ಜೊತೆಗೆ ನಾರಿನ ಅಂಶ ಕಂಡುಬರುತ್ತದೆ.
- ಇವುಗಳು ನೇರವಾಗಿ ಗಿಡಗಳಿಂದ ಸಿಗುವ ಕಾರಣದಿಂದ ನೈಸರ್ಗಿಕವಾದ ಪ್ರಯೋಜನಗಳನ್ನು ನಾವು ಇವುಗಳಿಂದ ನಿರೀಕ್ಷೆ ಮಾಡಬಹುದು. ಕಡಲೆಕಾಳು, ಬಟಾಣಿ ಕಾಳು, ಕಡಲೆಬೀಜ, ಬೀನ್ಸ್ ಇತ್ಯಾದಿಗಳು ಗರ್ಭಿಣಿ ಮಹಿಳೆಯ ಆಹಾರ ಪದ್ಧತಿಯಲ್ಲಿ ಸೇರಿದ್ದರೆ ಒಳ್ಳೆಯದು.
- ಗರ್ಭಾವಸ್ಥೆಯಲ್ಲಿರುವ ಯಾವುದೇ ಮಹಿಳೆಯು ಇಂತಹ ಪೌಷ್ಟಿಕಾಂಶ ಭರಿತ ಆಹಾರಗಳನ್ನು ಸೇವನೆ ಮಾಡುವುದರಿಂದ ಹುಟ್ಟುವ ಮಗುವಿಗೆ ಅಂಗಾಂಗಗಳಲ್ಲಿ ಯಾವುದೇ ನ್ಯೂನ್ಯತೆ ಇರುವುದಿಲ್ಲ. ಬೆಳವಣಿಗೆಯಾದಂತೆ ಮಗು ಆರೋಗ್ಯಕರವಾಗಿ ಯಾವುದೇ ಕಾಯಿಲೆಗಳಿಗೆ ಮಣಿಯದಂತೆ ಬದುಕುತ್ತದೆ ಎಂದು ಹೇಳಬಹುದು.
ಡೈರಿ ಉತ್ಪನ್ನಗಳು
- ಗರ್ಭಿಣಿ ಮಹಿಳೆಯರಿಗೆ ಡೈರಿ ಉತ್ಪನ್ನಗಳು ಬಹು ಅವಶ್ಯಕವಾಗಿ ಬೇಕು ಎಂದು ಹೇಳುತ್ತಾರೆ. ಏಕೆಂದರೆ ಇವುಗಳಲ್ಲಿ ಕ್ಯಾಲ್ಸಿಯಂ ಅಂಶ ಮತ್ತು ಪ್ರೋಟೀನ್ ಅಂಶದ ಪ್ರಮಾಣ ಅತಿ ಹೆಚ್ಚಾಗಿ ಕಂಡುಬರುತ್ತದೆ.
- ಜೊತೆಗೆ ಗರ್ಭಾವಸ್ಥೆಯ ಸಮಯದಲ್ಲಿ ದೇಹದ ಅವಶ್ಯಕತೆಗೆ ತಕ್ಕಂತೆ ಬೇಕಾದ ಮೆಗ್ನೀಷಿಯಂ, ಫಾಸ್ಪರಸ್, ವಿಟಮಿನ್ ಬಿ ಮತ್ತು ಜಿಂಕ್ ಅಂಶಗಳ ಪ್ರಮಾಣ ಕೂಡ ಹೆಚ್ಚಾಗಿರುತ್ತದೆ.
- ಅದರಲ್ಲೂ ವಿಶೇಷವಾಗಿ ಗರ್ಭಿಣಿ ಮಹಿಳೆಯರು ತಮ್ಮ ಗರ್ಭಾವಸ್ಥೆಯ ಸಮಯದಲ್ಲಿ ಎದುರಾಗುವ ಮಲಬದ್ಧತೆ ಸಮಸ್ಯೆಗೆ ಪರಿಹಾರವಾಗಿ ಆಗಾಗ ಮೊಸರು ಸೇವನೆ ಮಾಡುವ ಅಭ್ಯಾಸ ಮಾಡಿಕೊಂಡರೆ ಅಚ್ಚುಕಟ್ಟಾದ ಜೀರ್ಣಾಂಗ ವ್ಯವಸ್ಥೆ ಸಿಗಲಿದೆ.
ಹಾಲು ಸರಿಯಾಗಿ ಜೀರ್ಣವಾಗುತ್ತಿಲ್ಲವೇ? ಹಾಲಿಗೆ ಬದಲಾಗಿ ಈ ಡೈರಿ ಉತ್ಪನ್ನಗಳನ್ನು ಬಳಸಿ
ಸಿಹಿ ಗೆಣಸು
- ಮಳೆಗಾಲ ಹಾಗೂ ಚಳಿಗಾಲ ಬಂದರೆ ಸಿಹಿಗೆಣಸು ಸೇವನೆ ಬೇಡ ಎಂದು ಹಲವರು ಹೇಳುತ್ತಾರೆ. ಆದರೆ ಇದರಿಂದ ಹಲವು ಬಗೆಯ ಪೌಷ್ಟಿಕ ಸತ್ವಗಳನ್ನು ಮಿಸ್ ಮಾಡಿಕೊಳ್ಳುತ್ತಿದ್ದೇವೆ ಎಂಬುದನ್ನು ಮರೆತು ಬಿಡುತ್ತಾರೆ.
- ಮುಖ್ಯವಾಗಿ ಸಿಹಿ ಗೆಣಸು ಅಥವಾ ಸಿಹಿ ಆಲೂಗೆಡ್ಡೆಯಲ್ಲಿ ಪ್ರೋಟೀನ್ ಅಂಶದ ಜೊತೆಗೆ ಬೀಟಾ-ಕ್ಯಾರೋಟಿನ್ ಅಂಶದ ಪ್ರಮಾಣ ದುಪ್ಪಟ್ಟಾಗಿ ಕಂಡುಬರುತ್ತದೆ.
- ಮಗುವಿನ ಬೆಳವಣಿಗೆಗೆ ತಕ್ಕಂತೆ ಅಗತ್ಯವಾಗಿ ಬೇಕಾದ ವಿಟಮಿನ್ ಎ ಅಂಶ ಸಿಹಿ ಗೆಣಸಿನಲ್ಲಿ ಕಂಡುಬರುತ್ತದೆ. ನಾರಿನ ಅಂಶ ಕೂಡ ಯಥೇಚ್ಛ ಪ್ರಮಾಣದಲ್ಲಿದ್ದು, ಆರೋಗ್ಯಕರವಾದ ಜೀರ್ಣಾಂಗ ವ್ಯವಸ್ಥೆಯನ್ನು ಹೊಂದಲು ಅನುಕೂಲ ಮಾಡಿಕೊಡುತ್ತದೆ.
ಸಿಹಿ ಗೆಣಸಿನ ಜ್ಯೂಸ್ನಲ್ಲಿ ಏನೆಲ್ಲಾ ಲಾಭಗಳಿವೆ ತಿಳಿದಿದೆಯೇ ?
ಕೋಳಿ ಮೊಟ್ಟೆ
- ಕೋಳಿ ಮೊಟ್ಟೆಯಲ್ಲಿ ಅಪಾರ ಪ್ರಮಾಣದ ಪ್ರೋಟೀನ್ ಅಂಶ ಸಿಗುತ್ತದೆ. ಜೊತೆಗೆ ದೇಹಕ್ಕೆ ಬೇಕಾದ ಆರೋಗ್ಯಕರವಾದ ಕೊಬ್ಬಿನ ಆಮ್ಲಗಳು ಸಹ ಇದರಲ್ಲಿವೆ.
- ಇನ್ನು ಖನಿಜಾಂಶಗಳು ಮತ್ತು ವಿಟಮಿನ್ ಅಂಶಗಳ ಮಹಾಪೂರವೇ ಕೋಳಿ ಮೊಟ್ಟೆಯಲ್ಲಿ ಸಿಗುತ್ತದೆ. ಕೋಲನ್ ಅಂಶ ಕೂಡ ಹೆಚ್ಚಾಗಿರುವುದರಿಂದ ಗರ್ಭಕೋಶದಲ್ಲಿ ಬೆಳವಣಿಗೆಯಾಗುತ್ತಿರುವ ಮಗುವಿನ ಮೆದುಳಿನ ಅಭಿವೃದ್ಧಿಯಲ್ಲಿ ಇದರ ಪಾತ್ರ ಹೆಚ್ಚಾಗಿರುತ್ತದೆ.
- ಗರ್ಭಿಣಿ ಮಹಿಳೆಯರು ಸಾಧ್ಯವಾದರೆ ದಿನಕ್ಕೊಂದು ಬೇಯಿಸಿದ ಕೋಳಿ ಮೊಟ್ಟೆಯನ್ನು ದಿನದ ಯಾವುದಾದರೂ ಸಮಯದಲ್ಲಿ ಸೇವನೆ ಮಾಡುವುದು ಒಳ್ಳೆಯದು.
ದಿನಕ್ಕೊಂದು ಬೇಯಿಸಿದ ಮೊಟ್ಟೆ ತಿಂದ್ರೆ ಆರೋಗ್ಯವಾಗಿ ಹಾಗೂ ಫಿಟ್ ಆಗಿರುವಿರಿ
ಹಸಿರೆಲೆ ತರಕಾರಿಗಳು
- ಹಸಿರೆಲೆ ತರಕಾರಿಗಳು ಸಾಧಾರಣವಾಗಿ ಪ್ರತಿಯೊಬ್ಬರ ಆರೋಗ್ಯಕ್ಕೂ ತುಂಬಾ ಒಳ್ಳೆಯ ಪ್ರಭಾವವನ್ನು ಬೀರುತ್ತವೆ. ಏಕೆಂದರೆ ಇವುಗಳಲ್ಲಿ ವಿಟಮಿನ್ ಕೆ, ವಿಟಮಿನ್ ಸಿ ಮತ್ತು ವಿಟಮಿನ್ ಎ ಅಂಶ ಹೆಚ್ಚಾಗಿ ಸಿಗುತ್ತದೆ.
- ಪೊಟ್ಯಾಶಿಯಂ ಮತ್ತು ಕಬ್ಬಿಣದ ಅಂಶದ ಪ್ರಮಾಣ ಕೂಡ ಇದರಲ್ಲಿ ಹೆಚ್ಚಿದೆ. ಹಸಿರೆಲೆ ತರಕಾರಿಗಳಲ್ಲಿ ನಾರಿನ ಅಂಶದ ಪ್ರಮಾಣ ಕೂಡ ಇದ್ದು, ಕಡಿಮೆ ದೈಹಿಕ ತೂಕ ಹೊಂದಿರುವ ಮಗುವಿನ ದೇಹದ ಅಭಿವೃದ್ಧಿಯನ್ನು ಹಸಿರು ಎಲೆ-ತರಕಾರಿಗಳನ್ನು ಕಂಡುಬರುವ ಪೌಷ್ಟಿಕ ಸತ್ವಗಳು ಅಚ್ಚುಕಟ್ಟಾಗಿ ನಿರ್ವಹಣೆ ಮಾಡುತ್ತವೆ.
ಕ್ಯಾಪ್ಸಿಕಂ, ಕ್ಯಾರೆಟ್, ಹಸಿರೆಲೆ ತರಕಾರಿಗಳು, ಈರುಳ್ಳಿ, ಇವೆಲ್ಲಾ ಹೃದಯಕ್ಕೆ ಬಹಳ ಒಳ್ಳೆಯದು