ಗರ್ಭಾವಸ್ಥೆಯು ದೇಹವು ಹೆಚ್ಚು ಪ್ರೊಜೆಸ್ಟರಾನ್ ಮತ್ತು ರಿಲ್ಯಾಕ್ಸಿನ್ ಅನ್ನು ಉತ್ಪಾದಿಸಲು ಕಾರಣವಾಗುತ್ತದೆ. ಈ ಕಾರಣದಿಂದಾಗಿ, ಆಹಾರವು ಹೊಟ್ಟೆಯಲ್ಲಿ ದೀರ್ಘಕಾಲ ಉಳಿಯುತ್ತದೆ ಮತ್ತು ಅನ್ನನಾಳದಲ್ಲಿ ಮೇಲೇರುತ್ತದೆ. ಇದು ಗರ್ಭಾವಸ್ಥೆಯಲ್ಲಿ ಎದೆಯುರಿಗೆ ಕಾರಣವಾಗುತ್ತದೆ.
ಇದರ ಪರಿಹಾರಕ್ಕೆ ಏನು ಮಾಡಬಹುದು ಎನ್ನುವ ಟಿಪ್ಸ್‌ ಇಲ್ಲಿದೆ ನೋಡಿ.
ಗರ್ಭಾವಸ್ಥೆಯಲ್ಲಿ ಎದೆಯುರಿ
ಎದೆಯುರಿ ಎಂದರೆ ಎದೆಯಲ್ಲಿ ಉರಿಯುವ ಅನುಭವ. ಗಂಟಲಿನಲ್ಲಿ ಕಹಿ ಅಥವಾ ಹುಳಿ ರುಚಿಯನ್ನು ಹೊಂದಿರಬಹುದು. ಇದನ್ನು ಎದೆಯುರಿ ಎಂದು ಕರೆಯಲಾಗಿದ್ದರೂ, ಅದು ಹೃದಯಕ್ಕೆ ಸಂಬಂಧಿಸಿಲ್ಲ. ಇದು ಆಸಿಡ್ ರಿಫ್ಲಕ್ಸ್‌ನಿಂದ ಸಂಭವಿಸುತ್ತದೆ, ಇದು ಹೊಟ್ಟೆಯ ಆಮ್ಲವು ಹೊಟ್ಟೆಯಿಂದ ಅನ್ನನಾಳಕ್ಕೆ ಚಲಿಸಿದಾಗ ಸಂಭವಿಸುತ್ತದೆ. ಅನ್ನನಾಳವು ನಿಮ್ಮ ಹೊಟ್ಟೆಗೆ ಆಹಾರ, ದ್ರವ ಮತ್ತು ಲಾಲಾರಸವನ್ನು ಸಾಗಿಸುವ ಕೊಳವೆಯಾಗಿದೆ.
ಗರ್ಭಾವಸ್ಥೆಯಲ್ಲಿ ಎದೆಯುರಿಗೆ ಕಾರಣವೆಂದರೆ
ಗರ್ಭಾವಸ್ಥೆಯಲ್ಲಿ ಮಹಿಳೆಯರು ಅನುಭವಿಸುವ ಸಾಮಾನ್ಯ ಲಕ್ಷಣವೆಂದರೆ ಎದೆಯುರಿ. ಹಾರ್ಮೋನುಗಳ ಬದಲಾವಣೆ ಮತ್ತು ದೇಹದ ಆಕಾರದಲ್ಲಿ ಬದಲಾವಣೆಗಳು ಎದೆಯುರಿ ಕಾರಣವಾಗಬಹುದು.
ಅಲ್ಲದೆ ಪ್ರೊಜೆಸ್ಟರಾನ್ ಮತ್ತು ರಿಲ್ಯಾಕ್ಸಿನ್ ಹಾರ್ಮೋನು ಉತ್ಪತ್ತಿಯಾಗುತ್ತದೆ. ಇದು ಆಹಾರ ಹೊಟ್ಟೆಯಲ್ಲೇ ಉಳಿಯುವಂತೆ ಮಾಡುತ್ತದೆ. ಇದರಿಂದ ಹುಳಿತೇಗು, ಎದೆಯುರಿ ಉಂಟಾಗುತ್ತದೆ.
ಇದನ್ನೂ ಓದಿ: ಸಿಸೆರಿಯನ್‌ ಹೆರಿಗೆಯ ಬಳಿಕ ಗಮನಿಸಲೇಬೇಕಾದ ಅಂಶಗಳಿವು
ಮೊಸರನ್ನು ಸೇವಿಸಿ
ಗರ್ಭಾವಸ್ಥೆಯಲ್ಲಿ ಹೊಟ್ಟೆಯಲ್ಲಿನ ಸಮಸ್ಯೆಯಿಂದ ಉಂಟಾಗುವ ಎದೆ ಉರಿಗೆ ಮೊಸರನ್ನು ಸೇವಿಸಿ. ಮೊಸರು ಹೊಟ್ಟೆಗೆ ಕೊಂಚ ತಣ್ಣನೆಯ ಅನುಭವ ನೀಡುತ್ತದೆ. ಅಲ್ಲದೆ ಎದೆ ಉರಿಯನ್ನು ಕಡಿಮೆ ಮಾಡುತ್ತದೆ.
ನೀವು ಒಂದು ಕಪ್‌ ಮೊಸರಿಗೆ ಅಗತ್ಯವಿರುಷ್ಟು ಸಕ್ಕರೆ ಹಾಕಿಕೊಂಡು ಮಧ್ಯಾಹ್ನದ ಊಟದ ಬಳಿಕ ಸೇವನೆ ಮಾಡಿ. ಇದರಿಂದ ಎದೆ ಉರಿ ಕಡಿಮೆಯಾಗುತ್ತದೆ.
ಸೇಬು/ ಪೇರಲೆ ಹಣ್ಣು
ಸೇಬು ಮತ್ತು ಪೇರಲೆ ಹಣ್ಣುಗಳೆರಡೂ ಹೊಟ್ಟೆಯ ಆಮ್ಲೀಯತೆಯನ್ನು ನಿಯಂತ್ರಿಸಲು ಸಹಾಯ ಮಾಡುವ ಹಣ್ಣುಗಳಾಗಿವೆ. ಇದು ಹೊಟ್ಟೆಗೆ ಸಂಬಂಧಿಸಿದ ಅಸ್ವಸ್ಥತೆಯನ್ನು ನಿವಾರಿಸಲು ಸಹಾಯ ಮಾಡುತ್ತದೆ.
ಎದೆಯುರಿ ಆರಂಭವಾದ ತಕ್ಷಣ ಈ ಹಣ್ಣುಗಳನ್ನು ಸಿಪ್ಪೆ ಸಮೇತ ಸೇವನೆ ಮಾಡಿ. ಸೇಬುವನ್ನು ನೀವು ಜ್ಯೂಸ್‌ ಮಾಡಿಯೂ ಸೇವನೆ ಮಾಡಬಹುದು. ಇದು ಹೊಟ್ಟೆಗೆ ತಂಪನೆಯ ಅನುಭವ ನೀಡುತ್ತದೆ.
ಇದನ್ನೂ ಓದಿ: ಹೆರಿಗೆಯ ಬಳಿಕ ಚರ್ಮದಲ್ಲಿ ಯಾವೆಲ್ಲಾ ಬದಲಾವಣೆಗಳಾಗುತ್ತವೆ ಗೊತ್ತಾ? ವೈದ್ಯರ ಮಾಹಿತಿ ಇಲ್ಲಿದೆ.
ನಿಧಾನವಾಗಿ ಊಟ ಮಾಡಿ
ಹಸಿವೆಯಾಗಿದೆ ಎಂದೋ ಅಥವಾ ಇನ್ಯಾವುದೋ ಕಾರಣಕ್ಕೆ ಬೇಗ ಬೇಗ ಊಟ ಮಾಡಬೇಡಿ. ಗರ್ಭಾವಸ್ಥೆಯಲ್ಲಿ ನೀವು ಕಚೇರಿಗೆಳಿಗೆ ತೆರಳುವುದಾದರೆ ತಡವಾಗುತ್ತದೆ ಎಂದು ಗಡಿಬಿಡಿಯಲ್ಲಿ ತಿನ್ನುವುದು ಸಹಜ.
ಆದರೆ ಈ ಅಭ್ಯಾಸ ಬೇಡ. ನಿಧಾನವಾಗಿ ತಿನ್ನಿ. ಜೊತೆಗೆ ಒಂದೇ ಸಲಕ್ಕೆ ಹೊಟ್ಟೆ ಬಿರಿಯುವ ರೀತಿ ಊಟ ಮಾಡಬೇಡಿ. ಆಗಾಗ ತಿನ್ನುತ್ತಿರಿ. ಇದರಿಂದ ಆಸಿಡಿಟಿ, ಎದೆಯುರಿಯನ್ನು ತಪ್ಪಿಸಬಹುದು.
ಇದನ್ನೂ ಓದಿ: ಗರ್ಭಾವಸ್ಥೆಯಲ್ಲಿ ಈ 5 ತಪ್ಪುಗಳನ್ನು ಮಾಡಬೇಡಿ
ಭಂಗಿ ಸರಿಯಾಗಿರಲಿ
ಊಟ ಮಾಡುವಾಗ ನೇರವಾಗಿ ಕುಳಿತುಕೊಳ್ಳಿ. ಇದು ನಿಮ್ಮ ಹೊಟ್ಟೆಯ ಒತ್ತಡವನ್ನು ಕಡಿಮೆ ಮಾಡುತ್ತದೆ. ನೀವು ಮಲಗಲು ಹೋಗುವಾಗ ನಿಮ್ಮ ತಲೆ ಮತ್ತು ಭುಜಗಳನ್ನು ದಿಂಬು ಹಾಕಿಕೊಳ್ಳುವ ಮೂಲಕ ಕೊಂಚ ಎತ್ತರಕ್ಕೆ ಇರಿಸಿಕೊಳ್ಳಿ. ಇದರಿಂದ ನೀವು ನಿದ್ದೆ ಮಾಡುವಾಗ ಹೊಟ್ಟೆಯಿಂದ ಹುಳಿತೇಗು ಬರುವುದನ್ನು ನಿಲ್ಲಿಸಬಹುದು. ಎದೆಯುರಿಯನ್ನು ಕಡಿಮೆ ಮಾಡಬಹುದು.
ಇದನ್ನೂ ಓದಿ: ಗರ್ಭಾವಸ್ಥೆಯಲ್ಲಿ ಗ್ರೀನ್‌ ಟೀ ಕುಡಿಯಬಹುದಾ?