ಆದರೂ ಕೆಲವೊಮ್ಮೆ ಆರಂಭದ ಕಿರಿಕಿರಿಗಳನ್ನು ಸಹಿಸಿಕೊಳ್ಳಲಾರದೆ ಒಂದಷ್ಟು ತಪ್ಪುಗಳು ನಡೆದುಹೋಗುತ್ತವೆ. ಆದರೆ ಸಣ್ಣ ತಪ್ಪು ಕೂಡ ದೊಡ್ಡ ಪರಿಣಾಮವನ್ನು ಬೀರಬಹುದು. ಆದ್ದರಿಂದ ಎಚ್ಚರಿಕೆ ಅಗತ್ಯವಾಗಿರಬೇಕು.
ಹಾಗಾದರೆ ಗರ್ಭಾವಸ್ಥೆಯಲ್ಲಿ ಅಪ್ಪಿ ತಪ್ಪಿಯೂ ಈ ತಪ್ಪುಗಳನ್ನು ಮಾಡಬೇಡಿ ಎನ್ನುತ್ತಾರೆ ವೈದ್ಯರು. ಅವು ಯಾವೆಲ್ಲಾ ಎನ್ನುವ ಮಾಹಿತಿ ಇಲ್ಲಿದೆ ನೋಡಿ.
ಊಟವನ್ನು ಬಿಡುವುದು
- ಗರ್ಭಾವಸ್ಥೆಯಲ್ಲಿ ವಾಕರಿಕೆ ಮತ್ತು ಹಸಿವಿನ ಕೊರತೆ ಸಹಜ. ಈ ಸಮಯದಲ್ಲಿ ಕೆಲವು ಆಹಾರ ಪದಾರ್ಥಗಳನ್ನು ನೋಡಿದರೂ ವಾಂತಿ ಬಂದಾಂತಾಗುತ್ತದೆ. ಇದರಿಂದಾಗಿ ಕೆಲವರು ಊಟವನ್ನೇ ಬಿಟ್ಟುಬಿಡುತ್ತಾರೆ.
- ವಿಶೇಷವಾಗಿ ಗರ್ಭಧಾರಣೆಯ ಮೊದಲ ಕೆಲವು ತಿಂಗಳುಗಳಲ್ಲಿ ಊಟವನ್ನು ಬಿಡುವುದು ಸೂಕ್ತವಲ್ಲ. ಮಗುವಿನ ಪ್ರಮುಖ ಅಂಗಗಳ ಬೆಳವಣಿಗೆಗೆ ಈ ಸಮಯವು ಬಹಳ ಮುಖ್ಯವಾಗಿದೆ, ಆದ್ದರಿಂದ ಈ ಸಮಯದಲ್ಲಿ ನೀವು ನಿಮ್ಮ ಆಹಾರದಲ್ಲಿ ಕೆಲವು ಖನಿಜಗಳು ಮತ್ತು ಪೋಷಕಾಂಶಗಳನ್ನು ತೆಗೆದುಕೊಳ್ಳಬೇಕು.
ಇದನ್ನೂ ಓದಿ: ಗರ್ಭಾವಸ್ಥೆಯಲ್ಲಿ ಕಾಡುವ ಮಾನಸಿಕ ಖಿನ್ನತೆಯಿಂದ ಹೊರಬರುವುದು ಹೇಗೆ?
ಸ್ವ ಚಿಕಿತ್ಸೆ ಬೇಡವೇ ಬೇಡ
ಗರ್ಭಾವಸ್ಥೆಯಲ್ಲಿ, ಸ್ನಾಯು ನೋವು, ವಾಯು, ಜಠರಗರುಳಿನ ಸಮಸ್ಯೆಗಳಂತಹ ಅನೇಕ ಆರೋಗ್ಯ ಸಮಸ್ಯೆಗಳು ಉಂಟಾಗಬಹುದು. ಆದರೆ ವೈದ್ಯರ ಸಲಹೆ ಇಲ್ಲದೆ ಔಷಧವನ್ನು ತೆಗೆದುಕೊಳ್ಳಬೇಡಿ. ನಿಮಗೆ ಅಗತ್ಯವಿರುವಾಗ ವೈದ್ಯರೊಂದಿಗೆ ಮಾತನಾಡಿ ಮತ್ತು ನೀವು ಔಷಧಿ ತೆಗೆದುಕೊಳ್ಳಬೇಕೇ ಅಥವಾ ಬೇಡವೇ ಎಂದು ಕೇಳಿ.
ತೂಕ ಹೆಚ್ಚಾದ ಬಗ್ಗೆ ಚಿಂತೆಗೀಡಾಗುವುದು
- ಗರ್ಭಾವಸ್ಥೆಯಲ್ಲಿ, ಹಾರ್ಮೋನ್ ಮಟ್ಟದಲ್ಲಿ ಬದಲಾವಣೆ ಕಂಡುಬರುತ್ತದೆ. ಜೊತೆಗೆ ಹೆಚ್ಚಿನ ವಿಟಮಿನ್‌, ಜೀವಸತ್ವಗಳ ಆಹಾರ ಸೇವೆನ ಮಾಡಿದಾಗ, ಮಗುವಿನ ಬೆಳವಣಿಗೆಯಾದಂತೆ ದೇಹದ ತೂಕ ಹೆಚ್ಚಾಗುತ್ತದೆ. ಅದರ ಬಗ್ಗೆ ಚಿಂತಿಸುವ ಅಗತ್ಯವಿಲ್ಲ.
- ಒತ್ತಡ ಮತ್ತು ಆತಂಕವು ತಾಯಿ ಮತ್ತು ಮಗುವಿನ ಆರೋಗ್ಯವನ್ನು ಹದಗೆಡಿಸುತ್ತದೆ, ಆದ್ದರಿಂದ ನಿಮ್ಮ ಮನಸ್ಸನ್ನು ಶಾಂತವಾಗಿರಿಸಿಕೊಳ್ಳಿ, ಯೋಗ ಮತ್ತು ಧ್ಯಾನ ಮಾಡಿ ಮತ್ತು ಆರೋಗ್ಯಕರ ಆಹಾರವನ್ನು ತೆಗೆದುಕೊಳ್ಳಿ.
ಸಿಗರೇಟ್, ಮದ್ಯಪಾನ ಅವೈಡ್‌ ಮಾಡಿ
ಎಲ್ಲಕ್ಕಿಂತ ಮುಖ್ಯವಾಗಿ ಸಿಗರೇಟ್ ಸೇದುವುದನ್ನು ತಪ್ಪಿಸಬೇಕು, ಆಲ್ಕೋಹಾಲ್ ಅಥವಾ ಕೆಫೀನ್ ಸೇವನೆಯನ್ನು ಸಹ ತಪ್ಪಿಸಬೇಕು. ಈ ಸಮಯದಲ್ಲಿ ಸಂಸ್ಕರಿಸಿದ ಮತ್ತು ಸಕ್ಕರೆ ಪದಾರ್ಥಗಳನ್ನು ತಿನ್ನಬೇಡಿ ಮತ್ತು ಸಾಕಷ್ಟು ನಿದ್ರೆ ಪಡೆಯಿರಿ. ಗರ್ಭಾವಸ್ಥೆಯಲ್ಲಿ ನಿದ್ರೆಯ ಕೊರತೆಯು ಆಯಾಸಕ್ಕೆ ಕಾರಣವಾಗಬಹುದು.
ಹೆಚ್ಚು ದೈಹಿಕ ಚಟುವಟಿಕೆ ಬೇಡ
ಗರ್ಭಾವಸ್ಥೆಯ ಆರಂಭದ ದಿನಗಳಲ್ಲಿ ಹೆಚ್ಚು ದೈಹಿಕ ಚಟುವಟಿಕೆಗಳು ಬೇಡ. ಮಗು ಬೆಳೆಯುವ ಹಂತದಲ್ಲಿರುವ ಕಾರಣ ಭಾರ ಎತ್ತುವುದು, ವೇಗವಾಗಿ ನಡೆಯುವುದು ಇಂತಹ ಅಭ್ಯಾಸಗಳು ಬೇಡ.
ಬದಲಾಗಿ ನಿಧಾನ ದಿನಕ್ಕೆ 10 ರಿಂದ 15 ನಿಮಿಷ ನಡೆದಾಡಿ. ಹೆಚ್ಚು ವಿಶ್ರಾಂತಿ ಪಡೆದುಕೊಳ್ಳಿ.
ಇದನ್ನೂ ಓದಿ; ಹೆರಿಗೆಯ ಬಳಿಕ ಚರ್ಮದಲ್ಲಿ ಯಾವೆಲ್ಲಾ ಬದಲಾವಣೆಗಳಾಗುತ್ತವೆ ಗೊತ್ತಾ? ವೈದ್ಯರ ಮಾಹಿತಿ ಇಲ್ಲಿದೆ.