ಮಗುವಿನ ಪ್ಲಾನ್ ಮಾಡುತ್ತಿದ್ದೀರಾ? ಹಾಗಾದ್ರೆ ನಿಮ್ಮ ಆಹಾರಕ್ರಮ ಹೀಗಿರಲಿ...

• ಗರ್ಭ ಧರಿಸಲು ಹಾಗೂ ಗರ್ಭಧಾರಣೆ ಸಂದರ್ಭದಲ್ಲಿ ಫಾಲಿಕ್ ಆಮ್ಲವು ಅಗತ್ಯವಾಗಿ ಬೇಕಾಗಿರುವ ಪೋಷಕಾಂಶ. ಈ ವಿಟಮಿನ್ ಬಿಯು ಕೆಲವೊಂದು ಆಹಾರಗಳಾಗಿರುವಂತಹ ಹಸಿರು ತರಕಾರಿಗಳು, ಧಾನ್ಯಗಳಲ್ಲಿ ಲಭ್ಯವಿದೆ.
• ಗರ್ಭಧರಿಸಲು ಒಂದು ತಿಂಗಳ ಮೊದಲು ಮಹಿಳೆಯರು ದಿನಕ್ಕೆ 400 ಗ್ರಾಂ ಫಾಲಿಕ್ ಆಮ್ಲ ಸೇವನೆ ಮಾಡಬೇಕು ಎಂದು ತಜ್ಞರು ಹೇಳುವರು.
• ಫಾಲಿಕ್ ಆಮ್ಲವು ಆರೋಗ್ಯಕಾರಿ ಅಂಗಾಂಶಗಳು ಮತ್ತು ಜನನ ಸಂಬಂಧಿ ವೈಕಲ್ಯದಿಂದ ಕಾಪಾಡುವುದು. ಫಾಲಟೆ ಅಧಿಕವಾಗಿ ಇರುವ ಆಹಾರ ಸೇವನೆ ಮಾಡಿದರೆ ಅದರಿಂದ ಬೇಕಿರುವ ಫಾಲಿಕ್ ಆಮ್ಲವು ಸಿಗುವುದು.

• ಸಂತಾನೋತ್ಪತ್ತಿ ವ್ಯವಸ್ಥೆಯು ತುಂಬಾ ಸರಾಗವಾಗಿ ಕಾರ್ಯನಿರ್ವಹಿಸಲು ಕ್ಯಾಲ್ಸಿಯಂ ಅತೀ ಅಗತ್ಯ. ಇದು ವೇಗವಾಗಿ ಗರ್ಭಧರಿಸಲು ನೆರವಾಗುವುದು ಮಾತ್ರವಲ್ಲದೆ, ದೇಹವು ಕ್ಯಾಲ್ಸಿಯಂನ್ನು ಸಂಗ್ರಹಿಸಿಕೊಂಡು, ಅದನ್ನು ಮಗುವಿನ ಮೂಳೆಯ ಆರೋಗ್ಯಕ್ಕೆ ಬಳಸುವುದು.
• ಗರ್ಭಧಾರಣೆ ಸಂದರ್ಭದಲ್ಲಿ ಕ್ಯಾಲ್ಸಿಯಂ ಕೊರತೆ ಕಾಡಿದರೆ, ಆಗ ಭ್ರೂಣದಲ್ಲಿರುವ ಮಗುವಿನ ಮೂಳೆಗಳಿಗೆ ಸರಿಯಾಗಿ ಕ್ಯಾಲ್ಸಿಯಂ ಸಾಗಣೆ ಆಗದು. ಇದರಿಂದ ಮುಂದೆ ಅಸ್ಥಿರಂಧ್ರತೆ ಸಮಸ್ಯೆಯು ಕಾಡಬಹುದು.
• ಪ್ರತಿನಿತ್ಯವೂ ಗರ್ಭಿಣಿಯರು 1000 ಮಿ.ಗ್ರಾಂ. ಕ್ಯಾಲ್ಸಿಯಂ ಸೇವನೆ ಮಾಡಬೇಕು ಎಂದು ಹೇಳಲಾಗಿದೆ. ಹಾಲು, ಮೊಸರು, ಚೀಸ್ ಮತ್ತು ತರಕಾರಿಗಳಿಂದ ಇದು ಲಭ್ಯವಾಗುವುದು.

ಎರಡನೇ ಮಗುವಿಗೆ ಪ್ಲಾನ್ ಮಾಡುತ್ತಿದ್ದೀರಾ? ಹಾಗಾದರೆ ಇಲ್ಲಿವೆ ಕೆಲವು ಮಾಹಿತಿಗಳು

• ಕಬ್ಬಿಣಾಂಶದ ಕೊರತೆ ಇದ್ದರೆ, ಆಗ ಗರ್ಭ ಧರಿಸಲು ಸಾಧ್ಯವಾಗದೆ ಇರಬಹುದು. ಕಬ್ಬಿಣಾಂಶವು ದೇಹವಿಡಿ ಆಮ್ಲಜನಕ ಪೂರೈಸಲು ನೆರವಾಗುವುದು ಮತ್ತು ಮಗುವಿಗೆ ಕೂಡ ಇದು ಆಮ್ಲಜನಕ ಒದಗಿಸುವುದು.
• ಕಬ್ಬಿಣಾಂಶದ ಕೊರತೆ ಇದ್ದರೆ ಆಗ ಅಕಾಲಿಕ ಹೆರಿಗೆ ಮತ್ತು ಹುಟ್ಟುವ ಮಗುವಿನ ತೂಕವು ಕಡಿಮೆ ಇರಬಹುದು. ಮಹಿಳೆಯರು ದಿನಕ್ಕೆ 18 ಮಿ. ಗ್ರಾಂ. ಕಬ್ಬಿಣಾಂಶ ಸೇವನೆ ಮಾಡಬೇಕು. ಸೀರಲ್, ಮಾಂಸ ಮತ್ತು ಪಾಲಕದಲ್ಲಿ ಒಳ್ಳೆಯ ಪ್ರಮಾಣದ ಕ್ಯಾಲ್ಸಿಯಂ ಇದೆ.

ಕಬ್ಬಿಣಾಂಶದ ಕೊರತೆಯಿದೆ ಎಂದು ವೈದ್ಯರು ಹೇಳಿದರೆ ಈ ಆಹಾರಗಳನ್ನು ತಿನ್ನಿ

ಗರ್ಭಧಾರಣೆಗೆ ಮೊದಲು ಒಮೆಗಾ-3 ಕೊಬ್ಬಿನಾಮ್ಲಗಳು ಅಧಿಕವಾಗಿ ಇರುವ ಆಹಾರಗಳನ್ನು ಸೇವನೆ ಮಾಡಿದರೆ ತುಂಬಾ ಲಾಭಕಾರಿ. ಈ ಪೋಷಕಾಂಶಗಳು ಹಾರ್ಮೋನ್ ನ್ನು ಬಿಡುಗಡೆ ಮಾಡಿಸಿ, ಅದರಿಂದ ಅಂಡೋತ್ಪತ್ತಿ ಆಗುವಂತೆ ಮಾಡುವುದು ಮತ್ತು ಸಂತಾನೋತ್ಪತ್ತಿ ಅಂಗಾಂಗಗಳ ರಕ್ತ ಸಂಚಾರವು ಸುಧಾರಣೆ ಮಾಡುವುದು.

ವಿಟಮಿನ್ ಮಾತ್ರೆಗಳನ್ನು ಸೇವನೆ ಮಾಡುತ್ತಲಿದ್ದರೆ ಆಗ ಒಮೆಗಾ-3 ಇದೆಯಾ ಎಂದು ಗಮನಿಸಿ. ಸಮುದ್ರಾಹಾರ, ಬೀಜಗಳು ಒಮೆಗಾ-3 ಕೊಬ್ಬಿನಾಮ್ಲವು ಇದೆ.

ದೇಹವು ಚಯಾಪಚಯ ನಿಯಂತ್ರಿಸುವಂತಹ ಥೈರಾಯ್ಡ್ ಹಾರ್ಮೋನ್ ನ್ನು ಉತ್ಪತ್ತಿ ಮಾಡುವಂತಹ ಖನಿಜಾಂಶವೇ ಐಯೋಡಿನ್. ಗರ್ಭಧಾರಣೆಗೆ ಸಜ್ಜಾಗಿರುವಂತಹ ಮಹಿಳೆಯರು ದಿನಕ್ಕೆ 150 ಎಂಸಿಜಿ ಐಯೋಡಿನ್ ಸೇವನೆ ಮಾಡಿದರೆ ಒಳ್ಳೆಯದು. ಹಾಲಿನ ಉತ್ಪನ್ನಗಳು ಮತ್ತು ಐಯೋಡೈಸ್ ಗೊಳಿಸಿದ ಉಪ್ಪಿನಲ್ಲಿ ಐಯೋಡಿನ್ ಇದೆ.

ನಾರಿನಾಂಶವು ಪ್ರತಿಯೊಬ್ಬರಿಗೂ ಬೇಕಾಗುವಂತಹ ಪ್ರಮುಖ ಪೋಷಕಾಂಶ. ಅದೇ ರೀತಿಯಲ್ಲಿ ಇದು ಗರ್ಭಿಣಿಯರು ಹಾಗೂ ಗರ್ಭ ಧರಿಸಲು ತಯಾರಾಗಿರುವ ಮಹಿಳೆಯರಿಗೆ ಬೇಕು.

ಪ್ರತಿನಿತ್ಯವೂ 10 ಗ್ರಾಂ ನಾರಿನಾಂಶ ಸೇವನೆ ಮಾಡಿದರೆ ಅದರಿಂದ ಗರ್ಭಧಾರಣೆ ಸಾಧ್ಯತೆಯು ಹೆಚ್ಚಾಗುವುದು ಮತ್ತು ಗರ್ಭಧಾರಣೆ ಸಂದರ್ಭ ಕಾಡುವ ಮಧುಮೇಹದ ಸಮಸ್ಯೆಯ ಅಪಾಯವು ತಗ್ಗುವುದು. ಧಾನ್ಯಗಳು, ಸೀರಲ್ ಗಳು, ಹಣ್ಣುಗಳು ಹಾಗೂ ತರಕಾರಿಗಳು, ಬೀನ್ಸ್ ಗಳಲ್ಲಿ ಉತ್ತಮ ಪ್ರಮಾಣದ ನಾರಿನಾಂಶವು ಇದೆ.