All PC: iStock
ಬಹುಪಾಲು ಗರ್ಭಿಣಿಯರು ಒತ್ತಡದಿಂದ ಜೀವನವನ್ನು ಸಾಗಿಸುತ್ತಿರುತ್ತಾರೆ. ಕೆಲವೊಮ್ಮೆ ಮನೆಯಲ್ಲಿ ನಡೆಯುವ ಘಟನೆಗಳಿಂದ ಆಕೆ ಮಾನಸಿಕ ಸಮಸ್ಯೆ ಹೊಂದಬಹುದು. ಇದು ನೇರವಾಗಿ ಮಗುವಿನ ಮೆದುಳಿನ ಮೇಲೆ ಪರಿಣಾಮ ಬೀರುತ್ತದೆ ಎಂಬುದನ್ನು ನಾವು ತಿಳಿದುಕೊಳ್ಳಬೇಕು.
ಅತಿಯಾಗಿ ಚಿಂತಿಸುವುದರಿಂದ ಗರ್ಭಪಾತ ಅಥವಾ ಭ್ರೂಣದ ಬೆಳವಣೆಗೆಯ ಮೇಲೆ ಪ್ರತಿಕೂಲ ಪರಿಣಾಮ ಬೀರಬಹುದು. ದೈಹಿಕ ಒತ್ತಡಕ್ಕೂ ಮಾನಸಿಕ ಒತ್ತಡಕ್ಕೂ ಅಜಗಜಾಂತರ ವ್ಯತ್ಯಾಸಗಳಿವೆ. ಆದಾಗ್ಯೂ, ಮಾನಸಿಕ ಒತ್ತಡಗಳು ಸಾಕಷ್ಟು ಸಮಸ್ಯೆಗಳನ್ನು ಉಂಟು ಮಾಡಬಹುದು. ಹಾಗಾಗಿ ಆದಷ್ಟೋ ಗರ್ಭಿಣಿಯರು ಸಂತೋಷವಾಗಿರಲು ಪ್ರಯತ್ನಿಸಬೇಕು.
ಗರ್ಭಾವಸ್ಥೆಯಲ್ಲಿ ಒತ್ತಡದ ಕಾರಣಗಳು
ಗರ್ಭಧಾರಣೆಯಲ್ಲಿ ತೊಡಕುಗಳ ಭಯ
ವಾಕರಿಕೆ, ದಣಿವು, ಮನಸ್ಥಿತಿ ಬದಲಾವಣೆಗಳು
ಬೆನ್ನುನೋವಿನಂತಹ ಅಹಿತಕರ ದೈಹಿಕ ಬದಲಾವಣೆಗಳು
ಉದ್ಯೋಗದ ಭಯ
ಮಗುವನ್ನು ನೋಡಿಕೊಳ್ಳುವ ಚಿಂತೆ
ಮಗುವನ್ನು ಬೆಳೆಸಲು ಬೇಕಾದ ಆರ್ಥಿಕ ಒತ್ತಡ
ಮನೆಯಲ್ಲಿ ಜಗಳ, ಮಾನಸಿಕ ಖಿನ್ನತೆ
ಕೆಲವು ಆರೋಗ್ಯ ಪರಿಸ್ಥಿತಿಗಳು
ಗರ್ಭಾವಸ್ಥೆಯಲ್ಲಿ ಒತ್ತಡದ ಪರಿಣಾಮಗಳು
ಸಾಮಾನ್ಯವಾಗಿ ಗರ್ಭಾವಸ್ಥೆಯಲ್ಲಿ ಚಿಂತಿಸುವುದು ಸಾಮಾನ್ಯವಾಗಿದೆ. ಆದರೆ ಅದು ದೀರ್ಘಾವದಿ ಮುಂದುವರೆದರೆ ದೀರ್ಘಕಾಲದ ಒತ್ತಡಗಳು, ಅಕಾಲಿಕ ಜನನ ಹಾಗು ಅವಧಿ ಪೂರ್ವ ಶಿಶು ಜನನಕ್ಕೆ ಕಾರಣವಾಗುತ್ತದೆ.
ನೀವು ಈ ಸಮಯದಲ್ಲಿ ಒತ್ತಡದ ಹಾರ್ಮೋನುಗಳನ್ನು ಹೆಚ್ಚು ಉತ್ಪಾದಿಸುತ್ತೀರಿ. ಇದು ನಿಮ್ಮ ಮಗುವಿನ ಒತ್ತಡ ನಿರ್ವಹಣಾ ವ್ಯವಸ್ಥೆಯ ಮೇಲೆ ಪರಿಣಾಮ ಬೀರುತ್ತದೆ. ಒಟ್ಟಾರೆ ಒತ್ತಡವು ಅಕಾಲಿಕವಾಗಿ ಅಥವಾ ಕಡಿಮೆ ಜನನ ತೂಕದೊಂದಿಗೆ ಮಗುವನ್ನು ಹೊಂದುವ ಹೆಚ್ಚಿನ ಅಪಾಯವನ್ನು ಹೊಂದಿರುತ್ತಾರೆ.
ಸಂಶೋಧನೆಗಳು
ಗರ್ಭಾವಸ್ಥೆಯಲ್ಲಿ ನೀವು ಒತ್ತಡವನ್ನು ಅನುಭವಿಸಿದರೆ, ನಿಮ್ಮ ದೇಹದಲ್ಲಿ ತಲೆನೋವು, ನಿದ್ರೆಯ ತೊಂದರೆ ಅಥವಾ ಅತಿಯಾಗಿ ತಿನ್ನುವುದು ಅನುಭವಿಸುತ್ತೀರಿ. ಅಲ್ಲದೆ, ಇದು ನಿಮ್ಮ ಮಗುವಿನ ಮೇಲೂ ಪರಿಣಾಮ ಬೀರಬಹುದು.
ಗರ್ಭಪಾತಕ್ಕೆ ಕಾರಣವೇನು? ಸಡನ್ ಆಗಿ ಯಾಕೆ ಹೀಗೆ ಆಗುತ್ತೆ?
ಪ್ರಿಕ್ಲಾಂಪ್ಸಿಯಾ ಅಪಾಯ ಹೆಚ್ಚಿಸುತ್ತದೆ
ಪ್ರಿಕ್ಲಾಂಪ್ಸಿಯಾ ಅತ್ಯಂತ ಅಪಾಯಕಾರಿ ಸಮಸ್ಯೆಯಾಗಿದೆ. ನೀವು ಈಗಾಗಲೇ ಅಧಿಕ ರಕ್ತದೊತ್ತಡವನ್ನು ಹೊಂದಿದ್ದರೆ ಗರ್ಭಾವಸ್ಥೆಯಲ್ಲಿ ಪ್ರಿಕ್ಲಾಂಪ್ಸಿಯಾವನ್ನು ಪಡೆಯುವ ಅಪಾಯ ಹೆಚ್ಚಿರುತ್ತದೆ ಎಂದು ಸಂಶೋಧನೆಗಳು ತೋರಿಸಿವೆ.
ದೀರ್ಘಕಾಲದ ಒತ್ತಡವು ದೀರ್ಘಾವಧಿಯ ಅಧಿಕ ರಕ್ತದೊತ್ತಡವನ್ನು ಉಂಟು ಮಾಡುವ ಸಾಧ್ಯತೆಗಳಿವೆ. ಹಾಗಾಗಿ ಆದಷ್ಟು ಒತ್ತಡದಿಂದ ದೂರವಿರಿ. ಪ್ರಿಕ್ಲಾಂಪ್ಸಿಯಾವು ನಿಮ್ಮ ರಕ್ತದೊತ್ತಡ ಮತ್ತು ಅಂಗಗಳ ಮೇಲೆ ಪರಿಣಾಮ ಬೀರುವ ಗರ್ಭಧಾರಣೆಯ ತೊಡಕು ಮತ್ತು ನಿಮ್ಮ ಮಗುವಿನ ಆರಂಭಿಕ ಹೆರಿಗೆಗೆ ಕಾರಣವಾಗಬಹುದು.
ಇದನ್ನೂ ಓದಿ: ಗರ್ಭಿಣಿಯರು ಪಪ್ಪಾಯಿ ಹಣ್ಣು ತಿನ್ನಬಾರದು ಏಕೆ? ಇದರಿಂದ ಮಗುವಿಗೆ ಯಾವೆಲ್ಲಾ ರೀತಿಯ ಪರಿಣಾಮ ಬೀರುತ್ತದೆ
ಗರ್ಭಪಾತ
ಪ್ರಸವಪೂರ್ವ ಒತ್ತಡವು ಗರ್ಭಪಾತಕ್ಕೆ ಕಾರಣವಾಗುತ್ತದೆ. ನಕಾರಾತ್ಮಕ ಜೀವನ ಘಟನೆಗಳು ಮತ್ತು ಮಾನಸಿಕ ಒತ್ತಡಗಳನ್ನು ಹೊಂದಿರುವ ಮಹಿಳೆಯರು ಆರಂಭಿಕ ಗರ್ಭಪಾತವನ್ನು ಪಡೆಯುವ ಸಾಧ್ಯತೆಗಳಿವೆ ಎಂದು ಸಂಶೋಧಕರು ಕಂಡು ಹಿಡಿದಿದ್ದಾರೆ.
ಗರ್ಭಾವಸ್ಥೆಯಲ್ಲಿ ಉಂಟಾಗುವ ಅಪಾಯದ ಒತ್ತಡವನ್ನು ಕಡಿಮೆ ಮಾಡಲು ವೈದ್ಯರೊಂದಿಗೆ ಸಮಾಲೋಚಿಸಿ. ಯೋಗ, ಧ್ಯಾನ, ಮೃದುವಾದ ಹಾಡು ಕೇಳುವುದರಿಂದ ಹಾಗು ನಿಮ್ಮ ಅಲೋಚನೆಗಳನ್ನು ಬೇರೆಡೆಗೆ ತಿರುಗಿಸುವುದರಿಂದ ಗರ್ಭಪಾತದ ಅಪಾಯವನ್ನು ಕಡಿಮೆ ಮಾಡಿಕೊಳ್ಳಬಹುದು.
ಇದನ್ನೂ ಓದಿ: 3 ತಿಂಗಳ ಗರ್ಭಿಣಿಯರು ಸಂಭೋಗದಲ್ಲಿ ಪಾಲ್ಗೊಳ್ಳಬಹುದೇ?
