ಮೊದಲ ಸಲ ಗರ್ಭಧಾರಣೆ ಮಾಡಿರುವಂತಹವರಿಗೆ ಹೆರಿಗೆಯು ಯಾವಾಗ ಆಗುವುದು ಎನ್ನುವ ಕೌತುಕವು ಇರುವುದು. ಅವರಿಗೆ ಇದೆಲ್ಲವೂ ಹೊಸ ಅನುಭವಾಗಿರುವ ಕಾರಣ ಪ್ರತಿಯೊಂದು ಬದಲಾವಣೆಯ ಬಗ್ಗೆಯೂ ಆತಂಕಿತರಾಗುವರು. ಆದರೆ ನಾವು ನಿಮಗೆ ಈ ಲೇಖನದಲ್ಲಿ ಅಕಾಲಿಕ ಹೆರಿಯಾಗುವ ಲಕ್ಷಣಗಳು ಯಾವುದು ಎಂದು ನಿಮಗೆ ತಿಳಿಸಲಿದ್ದೇವೆ.
ಯಾಕೆಂದರೆ ಕೆಲವರಿಗೆ ಅಕಾಲಿಕ ಹೆರಿಗೆ ಆಗುವುದು ಇದೆ. ಆದರೆ ಇದರ ಬಗ್ಗೆ ದೇಹವು ಕೆಲವು ಮುನ್ಸೂಚನೆ ನೀಡಿದರೂ ಅದನ್ನು ಕಡೆಗಣಿಸುವರು. ಇಂತಹ ಕೆಲವು ಲಕ್ಷಣಗಳನ್ನು ಕಡೆಗಣಿಸದೆ, ಅಕಾಲಿಕ ಹೆರಿಗೆ ಆಗುವುದೇ ಎಂದು ತಿಳಿಯಿರಿ.
ಋತುಚಕ್ರದಂತಹ ಸೆಳೆತ
ಗರ್ಭಧಾರಣೆಯ ಸಂದರ್ಭದಲ್ಲಿ ವಿವಿಧ ಕಾರಣಗಳಿಂದಾಗಿ ಹೊಟ್ಟೆ ನೋವು ಬರುವುದು. ಆದರೆ ಋತುಚಕ್ರದಂತಹ ಸೆಳೆತವು ಕಂಡುಬಂದರೆ ಆಗ ನೀವು ಖಂಡಿತವಾಗಿಯೂ ಇದರ ಬಗ್ಗೆ ಗಮನಿಸಬೇಕು.
ಹೆರಿಗೆಗೆ ಇನ್ನು ಕೆಲವೇ ವಾರಗಳು ಇರುವಾಗ ತೀವ್ರವಾಗಿ ಹೊಟ್ಟೆಯ ಸುತ್ತಲು ನೋಯುತ್ತಲಿದ್ದರೆ ಆಗ ನೀವು ಇದು ಅಕಾಲಿಕ ಹೆರಿಗೆಯ ಲಕ್ಷಣವೆಂದು ತಿಳಿಯಬೇಕು.
ಅಲ್ಪ ಪ್ರಮಾಣದ ಬೆನ್ನು ನೋವು
ಬೆನ್ನಿನಲ್ಲಿ ಸ್ವಲ್ಪ ನೋವು ಕಾಣಿಸಿಕೊಳ್ಳುವ ಮೂಲಕ ಹೆರಿಗೆಯು ಆರಂಭವಾಗುವುದು. ಇದರ ತೀವ್ರತೆಯು ಒಬ್ಬರಿಂದ ಮತ್ತೊಬ್ಬರಿಗೆ ಭಿನ್ನವಾಗಿರಬಹುದು.
ಆದರೆ ಇದು ಅಷ್ಟು ಸುಲಭವಾಗಿ ಹೋಗದು ಹಾಗೂ ಇದನ್ನು ಕಡೆಗಣಿಸಿದರೆ ಆಗ ಇದು ತೀವ್ರ ರೀತಿಯಲ್ಲಿ ಕಾಡುವುದು. ಹೆರಿಗೆ ದಿನಾಂಕಕ್ಕೆ ಕೆಲವು ದಿನಗಳ ಮೊದಲು ನಿಮಗೆ ಬೆನ್ನು ನೋವು ಕಾಣಿಸುತ್ತಿದ್ದರೆ ಆಗ ನೀವು ಇದರ ಬಗ್ಗೆ ವೈದ್ಯರನ್ನು ಸಂಪರ್ಕಿಸುವುದು ಒಳ್ಳೆಯದು.
ಹೊಟ್ಟೆಯ ಕೆಳಭಾಗದಲ್ಲಿ ಅತಿಯಾದ ಒತ್ತಡ
ಸೊಂಟ ಹಾಗೂ ಯೋನಿಯ ಭಾಗದಲ್ಲಿ ತೀವ್ರ ರೀತಿಯ ಒತ್ತಡವು ಕಾಣಿಸಿಕೊಳ್ಳುವುದು ಹೆರಿಗೆಯ ಲಕ್ಷಣಗಳಾಗಿರುವುದು. ಮಗು ಹೊರಗೆ ಬರಲು ಒತ್ತಡ ಹಾಕುವ ಕಾರಣದಿಂದಾಗಿ ಈ ರೀತಿ ಆಗುವುದು.
ತುಂಬಾನೇ ಬೆನ್ನು ನೋವಿದೆಯೇ? ಹಾಗಾದರೆ ಇಲ್ಲಿದೆ ನೋಡಿ ಮನೆಮದ್ದುಗಳು
ಅತಿಸಾರ ಅಥವಾ ಹೊಟ್ಟೆ ನೋವು
ಇದು ಹೆರಿಗೆ ಬಗ್ಗೆ ನೀಡುವಂತಹ ನೈಸರ್ಗಿಕ ಸುಳಿವು. ಹೊಟ್ಟೆ ನೋವಿನ ಜತೆಗೆ ವಾಂತಿ ಹಾಗೂ ಅತಿಸಾರವು ಕಂಡುಬರುವುದು. ಈ ವೇಳೆ ನೀವು ಎಚ್ಚರ ವಹಿಸಬೇಕು ಮತ್ತು ತಕ್ಷಣವೇ ನಿಮ್ಮ ವೈದ್ಯರನ್ನು ಭೇಟಿ ಮಾಡಬೇಕು.
ಯೋನಿಯ ಡಿಸ್ಚಾರ್ಜ್ ಹೆಚ್ಚಾಗುವುದು
ಯೋನಿಯಿಂದ ಡಿಸ್ಚಾರ್ಜ್ ಅತಿಯಾಗುವುದು ಅಥವಾ ರಕ್ತದ ಕಲೆಗಳು ಬರುವುದರ ಜತೆಗೆ ಹೊಟ್ಟೆ, ಬೆನ್ನು ನೋವು ಹಾಗೂ ಬೇಧಿ ಇದ್ದರೆ ಆಗ ನೀವು ಇದು ಹೆರಿಗೆಗೆ ಮುನ್ಸೂಚನೆ ಎಂದು ತಿಳಿಯಿರಿ.
ನಿಮ್ಮ ಯೋನಿ ಡಿಸ್ಚಾರ್ಜ್ ಕಲೆ ಏನನ್ನು ಸೂಚಿಸುತ್ತದೆ?
ನಿರಂತರ ಸಂಕುಚಿತ
ಗರ್ಭಕೋಶದ ಭಾಗದಲ್ಲಿ ಸಂಕೋಚನ ಉಂಟಾಗುವುದು ಹಾಗೂ ಹೊಟ್ಟೆಯ ಸೆಳೆತವು ಕಾಣಿಸುವುದು ಅಕಾಲಿಕ ಹೆರಿಗೆ ಆಗುವ ಕೆಲವು ಲಕ್ಷಣಗಳು ಎಂದು ಹೇಳಬಹುದು.