All Photos From: iStock
ಕಡಿಮೆ ತೂಕವಿರುವ ಮಕ್ಕಳು ಅನೇಕ ಆರೋಗ್ಯ ಸಮಸ್ಯೆಗಳನ್ನು ಅನುಭವಿಸಬಹುದು. ವೈದ್ಯರು ಕೂಡ ಮಗುವು ಕಡಿಮೆ ತೂಕವಿದ್ದರೆ ಪೌಷ್ಟಿಕಾಂಶವಿರುವ ಆಹಾರ ಕೊಡಲು ಸಲಹೆ ನೀಡುತ್ತಾರೆ. ಕೆಲವು ಆಹಾರಗಳು ಮಗುವಿನ ಆರೋಗ್ಯಕರ ತೂಕಕ್ಕೆ ಸಹಕಾರಿಯಾಗಿದೆ.
ವಯಸ್ಸು ಹಾಗು ಲಿಂಗಕ್ಕೆ ಅನುಗುಣವಾಗಿ ಮಗುವು ಇಂತಿಷ್ಟೇ ದೇಹದ ತೂಕ ಹೊಂದಿರಬೇಕು ಎಂಬ ನಿಯಮವಿದೆ. ಮಕ್ಕಳಿಗೆ ಸರಿಯಾದ ಪೋಷಣೆ ನೀಡಬಲ್ಲ ಕೆಲವು ಆಹಾರಗಳು ಸೂಪರ್‌ಫುಡ್‌ ಎಂದೆನಿಸಿಕೊಂಡಿದೆ. ಅವುಗಳು ಅಗತ್ಯವಿರುವ ಎಲ್ಲಾ ಪೋಷಕಾಂಶಗಳನ್ನು ಮಗುವಿನ ದೇಹಕ್ಕೆ ಒದಗಿಸಿ, ತೂಕದಲ್ಲಿ ಗಮರ್ನಾಹವಾಗಿ ಹೆಚ್ಚಳವಾಗಲು ಸಹಾಯ ಮಾಡುತ್ತದೆ. ಅವುಗಳು ಹೀಗಿವೆ…
ಮೊಟ್ಟೆಗಳು
ಮೊಟ್ಟೆಗಳಲ್ಲಿ ರಂಜಕ, ಪ್ರೋಟೀನ್, ಸತು, ಕ್ಯಾಲ್ಸಿಯಂ, ಕಬ್ಬಿಣ, ಸೆಲೆನಿಯಮ್, ವಿಟಮಿನ್ ಎ, ವಿಟಮಿನ್ ಬಿ 12, ವಿಟಮಿನ್ ಬಿ 6, ವಿಟಮಿನ್ ಡಿ, ವಿಟಮಿನ್ ಇ, ವಿಟಮಿನ್ ಕೆ ಸೇರಿದಂತೆ ಸಾಕಷ್ಟು ಪೌಷ್ಟಿಕ ಸತ್ವಗಳಿವೆ. ಇದು ಮಗುವಿನ ತೂಕವನ್ನು ನಿಯಂತ್ರಿಸಲು ಅಥವಾ ಹೆಚ್ಚಿಸಲು ಸಹಾಯ ಮಾಡುತ್ತದೆ.
ನಿಮಗಿದು ತಿಳಿದಿರಲಿ, ಮೊಟ್ಟೆಗಳು ಮಗುವಿನ ಆರೋಗ್ಯಕ್ಕೆ ಅಗತ್ಯವಾದ ಸ್ನಾಯುಗಳು ಹಾಗು ದೇಹದ ಅಂಗಾಂಶಗಳ ಬೆಳವಣಿಗೆಗೆ ಪೂರಕವಾಗಿದೆ. ಹಾಗಾಗಿ ಮಕ್ಕಳ ಆಹಾರದಲ್ಲಿ ಮೊಟ್ಟೆಗಳನ್ನು ಸೇರಿಸಿ.
ಚಿಕನ್‌
ಮಾಂಸಾಹಾರಿ ತಿನ್ನುವ ಮಕ್ಕಳ ಫೇವರೆಟ್ ಫುಡ್‌ಗಳಲ್ಲಿ ಚಿಕನ್‌ ಕೂಡ ಒಂದು. ಇದರಲ್ಲಿ ಕ್ಯಾಲೋರಿ ಮತ್ತು ಪ್ರೋಟೀನ್ ಯಥೇಚ್ಚವಾಗಿರುತ್ತದೆ. ಇದು ಅಪೌಷ್ಟಿಕತೆಯನ್ನು ತಡೆಯುವುದಲ್ಲದೆ, ಮಗುವಿನ ತೂಕದಲ್ಲಿ ಗಮನಾರ್ಹ ಪಾತ್ರ ವಹಿಸುತ್ತದೆ.
ಚಿಕನ್‌ನಲ್ಲಿರುವ ರಂಜಕವು, ಹಲ್ಲು, ಮೂಳೆ, ಮೂತ್ರಪಿಂಡ, ಯಕೃತ್ತು ಮತ್ತು ನರಮಂಡಲದ ಕಾರ್ಯನಿರ್ವಹಣೆಯನ್ನು ಉತ್ತೇಜಿಸುತ್ತದೆ. ಹಾಗಾಗಿ ಮಗುವಿಗೆ ಆಗಾಗ್ಗೆ ಚಿಕನ್‌ನಿಂದ ತಯಾರಿಸಿದ ಭಕ್ಷ್ಯಗಳು ಅಥವಾ ಚಿಕನ್‌ ಸೂಪ್‌ಗಳನ್ನು ನೀಡಿ.
ಜೇನುತುಪ್ಪ
ಮಗುವಿನ ಆರೋಗ್ಯಕರ ಬೆಳವಣಿಗೆಗೆ ಸಕ್ಕರೆಯ ಬದಲಿಯಾಗಿ ಜೇನುತುಪ್ಪವನ್ನು ನೀಡಿ. ಇದು ಕೆಮ್ಮು, ನೆಗಡಿಯನ್ನು ನಿಯಂತ್ರಿಸುವ ಬಲವಾದ ನೈಸರ್ಗಿಕ ಸಿಹಿಕಾರಕವಾಗಿದೆ. ಮಕ್ಕಳಲ್ಲಿ ಆರೋಗ್ಯಕರವಾದ ತೂಕವನ್ನು ಉತ್ತೇಜಿಸುತ್ತದೆ.
ಇದಲ್ಲದೆ ಸುಟ್ಟಗಾಯಗಳಿಗೆ, ಊತ, ಬಾಯಿಯ ಹುಣ್ಣುಗಳಿಗೂ ಜೇನುತುಪ್ಪ ಬಹಳ ಪ್ರಯೋಜನಕಾರಿಯಾಗಿದೆ. ಇದರಲ್ಲಿ ಕಿಣ್ವಗಳು, ಉತ್ಕರ್ಷಣ ನಿರೋಧಕಗಳು, ಕಬ್ಬಿಣ, ಸತು, ಪೊಟ್ಯಾಸಿಯಮ್, ಕ್ಯಾಲ್ಸಿಯಂ, ರಂಜಕ, ವಿಟಮಿನ್ ಬಿ 6 ಸೇರಿದಂತೆ ಸಾಕಷ್ಟು ಪೋಷಕಾಂಶಗಳಿಂದ ತುಂಬಿದೆ.
6 ತಿಂಗಳ ಮಗುವಿಗೆ ಈ ಆಹಾರ ನೀಡಿದ್ರೆ ತುಂಬಾ ಒಳ್ಳೆಯದು
ಹಾಲು
ಹಾಲು ವಿಟಮಿನ್ ಎ,ಡಿ, ಇ ಮತ್ತು ಕೆ ಇರುತ್ತದೆ. ಇದರಲ್ಲಿ ಥಯಾಮಿನ್, ರಿಬೋಫ್ಲಾವಿನ್ ಮತ್ತು ವಿಟಮಿನ್ ಬಿ 12 ನ ಉತ್ತಮ ಮೂಲವಾಗಿದೆ. ಮೂಳೆಗಳು ಮತ್ತು ಹಲ್ಲುಗಳನ್ನು ಗಟ್ಟಿಗೊಳಿಸಲು ಹಾಲು ಬಹಳ ಪ್ರಯೋಜನಕಾರಿಯಾಗಿದೆ. ಡೈರಿ ಉತ್ಪನ್ನಗಳಾದ ಹಾಲು, ಮೊಸರು, ಪನ್ನೀರು, ಚೀಸ್‌ಗಳಲ್ಲಿ ಸಾಕಷ್ಟು ಪ್ರೋಟೀನ್ ಇರುತ್ತದೆ.
ಹಾಲಿನಲ್ಲಿರುವ ಕೊಬ್ಬುಗಳು, ಕ್ಯಾಲ್ಸಿಯಂ ಮತ್ತು ಅಗತ್ಯವಾದ ಜೀವಸತ್ವಗಳು ಮಗುವಿನ ಬೆಳವಣಿಗೆಗೆ ಬಹಳ ಮುಖ್ಯವಾಗಿದೆ. ಜೊತೆಗೆ ಮಗುವಿನ ಆರೋಗ್ಯಕರವಾದ ತೂಕವನ್ನು ಹೆಚ್ಚಿಸುತ್ತದೆ.
ಇದನ್ನೂ ಓದಿ: ಜುಲೈ ತಿಂಗಳಿನಲ್ಲಿ ಹುಟ್ಟಿರುವ ಮಕ್ಕಳ ಲಕ್ಷಣ ಹೇಗಿರುತ್ತೆ ಗೊತ್ತಾ?
ಒಣಹಣ್ಣುಗಳು
ಒಣಹಣ್ಣು ಅಥವಾ ಡ್ರೈ ಫ್ರೂಟ್ಸ್‌ಗಳು ದೇಹದ ತೂಕ ಹೆಚ್ಚಿಸಲು ಬಹಳ ಉತ್ತಮವಾಗಿದೆ. ಮಕ್ಕಳಿಗೆ ಆದಷ್ಟು ಬಾದಾಮಿ, ಗೋಡಂಬಿ, ವಾಲ್‌ನಟ್‌, ಏಪ್ರಿಕಾಟ್‌, ಅಂಜೂರ ಹಣ್ಣುಗಳನ್ನು ನೀಡಿ. ಇವು ಕಬ್ಬಿಣ, ಮೆಗ್ನೀಸಿಯಮ್‌ನಿಂದ ಸಮೃದ್ಧವಾಗಿದ್ದು, ಆರೋಗ್ಯಕರ ಕೊಬ್ಬನ್ನು ಒದಗಿಸುತ್ತದೆ.
ಕುರುಕಲು ತಿಂಡಿಯಾಗಿ ನಿಮ್ಮ ಮಗುವಿಗೆ ಡ್ರೈ ಫ್ರೂಟ್ಸ್‌ಗಳನ್ನು ದಿನಕ್ಕೆ ಒಮ್ಮೆ ನೀಡಬಹುದು.
ಇದನ್ನೂ ಓದಿ: ಮಳೆಗಾಲದಲ್ಲಿ ಮಕ್ಕಳಿಗೆ ದಾಳಿ ಮಾಡುವ 5 ಅಪಾಯಕಾರಿ ಕಾಯಿಲೆಗಳು