ಬಾಟಲ್ ಆಯ್ಕೆ ಅತ್ಯಗತ್ಯ
ಬಾಟಲ್ ಹಾಲನ್ನು ಕೊಡಲು ಪ್ರಾರಂಭಿಸುತ್ತೀರಿ ಅಥವಾ ಅನಿವಾರ್ಯ ಪರಿಸ್ಥಿತಿಯಲ್ಲಿ ಬಾಟಲ್ ಹಾಲನ್ನು ಕೊಡಬೇಕಾಗುವುದು ಎಂದಾಗ ನೀವು ಉತ್ತಮ ಗುಣಮಟ್ಟದ ಹಾಲಿನ ಬಾಟಲ್ ಅನ್ನು ಖರೀದಿಸಬೇಕು. ಇಲ್ಲವಾದರೆ ಅದರಲ್ಲಿ ಬಿಸಿಯಾದ ಹಾಲನ್ನು ಹಾಕಿದಾಗ ಬಾಟಲ್‍ನ ಗುಣ ಹಾಲಿನೊಂದಿಗೆ ಬೆರೆಯುವುದು, ಹಾಲಿನ ಬಾಟಲ್ ವಾಸನೆಯಿಂದ ಕೂಡಿರುವುದು ಮತ್ತು ಹಾಲಿನಂಶ ಸ್ವಚ್ಛವಾಗಿ ಹೋಗದೆ ಇದ್ದಾಗ ಸೂಕ್ಷ್ಮಾಣು ಉತ್ಪತ್ತಿಯಾಗುವುದು. ಗುಣಮಟ್ಟದ ಬಾಟಲ್ ಅನ್ನು ಖರೀದಿಸಿದಾಗ ಸರಿಯಾದ ಸ್ವಚ್ಛತೆಯ ಮೂಲಕ ಮಗುವಿನ ಆರೋಗ್ಯವನ್ನು ಕಾಪಾಡಬಹುದು.
ಬಿಸಿ ನೀರಿನಲ್ಲಿ ಸ್ವಚ್ಛಗೊಳಿಸುವುದು
ಹಾಲಿನ ಬಾಟಲ್ ಅನ್ನು ಬಳಸುವ ಮೊದಲು ಬಿಸಿನೀರಿನಲ್ಲಿ ಒಮ್ಮೆ ಸ್ವಚ್ಛಗೊಳಿಸಬೇಕು. ಆಗ ಅದರಲ್ಲಿ ಇರುವ ಕೀಟಾಣುಗಳು ನಾಶವಾಗುತ್ತವೆ. ನಂತರ ಅದರಲ್ಲಿ ಹಾಲನ್ನು ಸೇರಿಸಿ, ಮಗುವಿಗೆ ನೀಡಿದರೆ ಯಾವುದೇ ತೊಂದರೆ ಉಂಟಾಗದು. ಉರಿಯಲ್ಲಿ ನೀರನ್ನು ಇಟ್ಟು ಕುದಿಸಬೇಕು. ಕುದಿ ಬಂದ ಮೇಲೆ ಹಾಲಿನ ಬಾಟಲ್, ಅದರ ಮುಚ್ಚಳ ಹಾಗೂ ಬಿಡಿ ಭಾಗಗಳನ್ನು ಸಹ ಅದರಲ್ಲಿ ಸೇರಿಸಬೇಕು. ಬಾಟಲ್ ಸಂಪೂರ್ಣವಾಗಿ ಮುಳುಗಿ ಕುದಿಯಬೇಕು. ಐದು ನಿಮಿಷಗಳ ಕಾಲ ನೀರಿನಲ್ಲಿ ಬಾಟಲ್ ಸೇರಿಸಿ ಕುದಿಸುವುದರಿಂದ ಬಾಟಲ್ ಸಂಪೂರ್ಣವಾಗಿ ಸ್ವಚ್ಛಗೊಳ್ಳುವುದು.
ಬ್ಲೀಚ್ ಮೂಲಕ ಸ್ವಚ್ಛ ಗೊಳಿಸಿ
ಹಾಲಿನ ಬಾಟಲ್ ಅನ್ನು ಬ್ಲೀಚ್‍ನ ಮೂಲಕವೂ ಸ್ವಚ್ಛಗೊಳಿಸಬಹುದು. 10-12 ಕಪ್ ನೀರಿಗೆ 2 ಟೀ ಚಮಚ ಬ್ಲೀಚ್ ಸೇರಿಸಿ, ಚೆನ್ನಾಗಿ ಮಿಶ್ರಗೊಳಿಸಬೇಕು. ನಂತರ ಬಾಟಲ್ ಅನ್ನು ತರೆದು, ಎಲ್ಲಾ ಭಾಗವನ್ನು ಬೇರ್ಪಡಿಸಿ, ಬ್ಲೀಚ್ ಮಿಶ್ರಿತ ನೀರಿನಲ್ಲಿ ಮುಳುಗಿಸಿ. ಐದು ನಿಮಿಷಗಳ ಕಾಲ ನೀರಿನಲ್ಲಿ ನೆನೆಯಲು ಬಿಡಬೇಕು. ನಂತರ ಬಾಟಲ್ ಕ್ಲೀನರ್ ಬ್ರೆಶ್ ಬಳಸಿ ಸ್ವಚ್ಛಗೊಳಿಸಬೇಕು. ಸಂಪೂರ್ಣವಾಗಿ ತೊಳೆದ ಬಳಿಕ ಮಗುವಿಗೆ ಹಾಲನ್ನು ಸೇರಿಸಿ ಕೊಡಬಹುದು.
ಎದೆ ಹಾಲುಣಿಸುವ ತಾಯಂದಿರು ಈ ಆಯುರ್ವೇದ ಮನೆಮದ್ದನ್ನು ಬಳಸಿ
ಬಾಟಲ್ ಒಣಗಿಸಬೇಕು
ಅಗತ್ಯ ಇರದೆ ಇರುವಾಗ ಅಥವಾ ರಾತ್ರಿ ಅಥವಾ ಹಗಲಿನ ಸಮಯದಲ್ಲಿ ಬಳಸದೆ ಇರುವಾಗ ಬಾಟಲ್ ಅನ್ನು ಸ್ವಚ್ಛವಾಗಿ ತೊಳೆದು ಒಂದೆಡೆ ಒಣಗಲು ಬಿಡಬೇಕು. ಆಗ ಬಾಟಲ್ ಒಳಗೆ ಲೋಳೆಯಂತಹ ಪದರ ಬೆಳೆಯುವುದು ಅಥವಾ ಸೂಕ್ಷ್ಮಾಣುಗಳ ಉತ್ಪತ್ತಿ ಆಗುವುದನ್ನು ತಡೆಯಬಹುದು. ಯಾವುದೇ ರೀತಿಯಲ್ಲಿ ಬಾಟಲಿಯ್ನನು ಸ್ವಚ್ಛಗೊಳಿಸಿದ ಬಳಿಕ, ಅದನ್ನು ಒರೆಸಿ. ನಂತರ ಸೂರ್ಯನ ಬೆಳಕಲ್ಲಿ ಸ್ವಲ್ಪ ಸಮಯ ಇಟ್ಟು ಒಣಗಿಸಬಹುದು.
ವಿವಿಧ ಬಾಟಲ್ ಬಳಸಿ
ಮಗುವಿಗೆ ಬಾಟಲ್ ಬಳಸಲು ನೀವು ಬಯಸುತ್ತಿದ್ದೀರಿ ಎಂದಾದರೆ ಎರಡು ಬಾಟಲ್ ಬಳಸುವ ರೂಢಿ ಇಟ್ಟುಕೊಳ್ಳಿ. ಹಗಲಿನ ಸಮಯದಲ್ಲಿ ಒಂದು ಬಾಟಲ್ ಅನ್ನು ಬಳಸಿ. ರಾತ್ರೆ ಹೊತ್ತಿಗೆ ಬೇರೆ ಬಾಟಲ್‍ನಿಂದ ಹಾಲನ್ನು ನೀಡಿ. ಹೀಗೆ ಎರಡು ಬಾಟಲ್ ಆಯ್ಕೆ ಮಾಡಿಕೊಂಡಿದ್ದರೆ ಒಳ್ಳೆಯದು. ಹಗಲಲ್ಲಿ ಬಳಸಿದ ಬಾಟಲ್ ಅನ್ನು ರಾತ್ರಿಯ ಹೊತ್ತಲ್ಲಿ ಚೆನ್ನಾಗಿ ತೊಳೆದು ಒಣಗಲು ಇಡಬಹುದು. ಅಂತೆಯೇ ರಾತ್ರಿ ಹೊತ್ತಲ್ಲಿ ಬಳಸಿದ ಬಾಟಲ್ ಅನ್ನು ಹಗಲಲ್ಲಿ ತೊಳೆದು ಒಣಗಿಸಿಕೊಳ್ಳಲು ಸಮಯ ದೊರೆಯುವುದು. ಇದರಿಂದಾಗಿ ಬಾಟಲಿಯಲ್ಲಿಯೇ ದೀರ್ಘ ಸಮಯಗಳ ಕಾಲ ಹಾಲು ಶೇಖರವಾಗಿ ಇರುವುದು, ಅದರಲ್ಲಿಯೇ ಹಾಲು ಒಡೆದು, ಹೆಪ್ಪುಗಟ್ಟಿರುವಂತಹ ಸಮಸ್ಯೆಯಿಂದ ದೂರ ಉಳಿಯಬಹುದು.
ನವಜಾತ ಶಿಶುವಿನ ಕೂದಲ ಬೆಳವಣಿಗೆಗೆ ಕೆಲವು ಟಿಪ್ಸ್
ಬಾಟಲ್ ಸ್ವಚ್ಛವಾಗದೆ ಇದ್ದರೆ
ಹಾಲಿನ ಬಾಟಲ್ ಸೂಕ್ತವಾಗಿ ಸ್ವಚ್ಛಗೊಳ್ಳದೆ ಉಳಿದಿದ್ದರೆ ಅಥವಾ ಸೂಕ್ಷ್ಮಾಣುಗಳು ಹಾಗೇ ಉಳಿದುಕೊಂಡಿದ್ದರೆ ಬಾಟಲಲ್ಲಿ ಇರುವ ಹಾಲು ಬಹುಬೇಗ ಒಡೆಯುವುದು, ಹುಳಿಯ ರುಚಿಯಿಂದ ಕೂಡಿರುವುದು ಅಥವಾ ವಾಸನೆ ಭರಿತವಾಗಿ ಇರಬಹುದು. ಅದಕ್ಕಾಗಿ ಹಾಲಿನ ಬಾಟಲ್‍ನ ಸ್ವಚ್ಛತೆಯ ಬಗ್ಗೆ ಅಧಿಕ ಮಹತ್ವವನ್ನು ನೀಡಬೇಕು. ಮಗುವಿಗೆ ಹಾಲು ಅಥವಾ ತಿಂಡಿಯನ್ನು ನೀಡುವ ಮೊದಲು ತಾಯಿ ಅದರ ರುಚಿ ಹೇಗಿದೆ ಎನ್ನುವುದನ್ನು ಪರಿಶೀಲಿಸಿ ನೀಡಬೇಕು. ಆಗ ಮಗಗುವಿಗೆ ನೀಡಿದ ಆಹಾರ ಅಥವಾ ಹಾಲಿನಲ್ಲಿ ಯಾವುದೇ ದೋಷಗಳು ಇಲ್ಲದೆ ನೀಡಬಹುದು. ಹಾಳಾಗಿದ್ದರೆ ಮೊದಲೇ ತಾಯಿ ಪರೀಕ್ಷಿಸಿದರೆ ಅದನ್ನು ಮಗು ಕುಡಿಯುವುದನ್ನು ತಪ್ಪಿಸಬಹುದು.