ತಾಯಿ ವೇಗವಾಗಿ ಚೇತರಿಸಿಕೊಳ್ಳಲು ಮತ್ತು ತನ್ನ ದೇಹವನ್ನು ಆರೋಗ್ಯಕರವಾಗಿ ಮತ್ತು ಬಲವಾಗಿ ಮಾಡಲು. ಹೆರಿಗೆಯ ನಂತರ ಮಹಿಳೆಯರ ಆಹಾರದಲ್ಲಿ ಅನೇಕ ಆರೋಗ್ಯಕರ ಅಂಶಗಳನ್ನು ಸೇರಿಸಿಕೊಳ್ಳುವುದು ಅಗತ್ಯವಾಗಿರುತ್ತದೆ. ಅವು ಯಾವವು ಎನ್ನುವ ಮಾಹಿತಿ ಇಲ್ಲಿದೆ ನೋಡಿ.
ತರಕಾರಿಗಳು
ಹೆರಿಗೆಯ ಬಳಿಕ ಚೇತರಿಸಿಕೊಳ್ಳಲು, ನಷ್ಟವಾದ ರಕ್ತವನ್ನು ಸರಿದೂಗಿಸಿಕೊಳ್ಳಲು ಆಹಾರದ ಸೇವನೆ ಮುಖ್ಯವಾಗಿರುತ್ತದೆ. ಹೀಗಾಗಿ ತರಕಾರಿಗಳನ್ನು ಹೆಚ್ಚು ಸೇವನೆ ಮಾಡುವುದು ಒಳ್ಳೆಯದು.
ಮುಖ್ಯವಾಗಿ ಸೊಪ್ಪು, ಬ್ರೊಕೊಲಿ, ಆವಕಾಡೊ, ಕ್ಯಾರೆಟ್, , ಸಿಹಿ ಗೆಣಸು, ಟೊಮ್ಯಾಟೊ, ಸೆಲರಿ, ಎಲೆಕೋಸು ಮತ್ತು ಕ್ಯಾರೆಟ್ ಸೇರಿದಂತೆ ಎಲ್ಲಾ ರೀತಿಯ ತರಕಾರಿಗಳನ್ನು ಸೇವನೆ ಮಾಡುವುದು ಒಳ್ಳೆಯದು.
ಕೆಂಪಕ್ಕಿ ಅನ್ನ
ಪಾಲಿಶ್‌ ಮಾಡಿದ ಬಿಳಿ ಅಕ್ಕಿಯ ಅನ್ನಕ್ಕಿಂತ ಕೆಂಪು ಅಕ್ಕಿಯ ಅನ್ನ ಆರೋಗ್ಯಕ್ಕೆ ಒಳ್ಳೆಯದು. ಅದರಲ್ಲೂ ತಾಯಂದಿರಿಗೆ ದೇಹವನ್ನು ಬೇಗನೆ ಚೇತರಿಸಿಕೊಳ್ಳಲು ಇದು ಸಹಾಯ ಮಾಡುತ್ತದೆ.
ಇದರ ಜೊತೆಗೆ ಓಟ್ಸ್, ಕ್ವಿನೋವಾ, ಗೋಧಿ ಬ್ರೆಡ್ ಸೇವನೆ ಮಾಡುವುದು ಕೂಡ ಒಳ್ಳೆಯದು. ಹೀಗಾಗಿ ಹೆರಿಗೆಯ ಬಳಿಕ ಆಹಾರದ ಆಯ್ಕೆಯಲ್ಲಿ ಎಚ್ಚರವಿರಲಿ.
ಹಣ್ಣುಗಳ ಸೇವನೆ
ದೇಹವನ್ನು ಸದೃಢಗೊಳಿಸಲು ಋತುಮಾನದ ಹಣ್ಣುಗಳು ಹೆಚ್ಚು ಒಳ್ಳೆಯದು. ಹೀಗಾಗಿ ಆಯಾ ಋತುವಿನಲ್ಲಿ ಸಿಗುವ ಹಣ್ಣುಗಳನ್ನು ಆಗಾಗ ತಿನ್ನುತ್ತಿರಿ. ಸಿಟ್ರಸ್ ಅಂಶವಿರುವ ಹಣ್ಣುಗಳು, ಕಲ್ಲಂಗಡಿ, ಸೇಬುಗಳು ಮತ್ತು ಬಾಳೆಹಣ್ಣುಗಳನ್ನು ಸೇವನೆ ಮಾಡುವುದು ದೇಹಕ್ಕೆ ಒಳ್ಳೆಯದು. ಅಲ್ಲದೆ ತಾಯಂದಿರಲ್ಲಿ ಎದೆಹಾಲು ಹೆಚ್ಚಿಸಲು ಕೂಡ ಹಣ್ಣುಗಳು ಸಹಾಯ ಮಾಡುತ್ತವೆ
ಕಡಿಮೆ ಕೊಬ್ಬಿನ ಪ್ರೋಟೀನ್‌ಗಳು
ಪ್ರೋಟೀನ್‌ಗಳು ದೇಹಕ್ಕೆ ಅತ್ಯಗತ್ಯ ಆಹಾರಗಳಾಗಿವೆ. ಆದರೆ ಕಡಿಮೆ ಕೊಬ್ಬಿನ ಪ್ರೋಟೀನ್‌ಯುಕ್ತ ಆಹಾರ ಸೇವನೆ ಮಾಡುವುದು ಬಹಳ ಮುಖ್ಯ. ಅದಕ್ಕಾಗಿ ಹೆರಿಗೆಯ ಬಳಿಕ ಮೀನು, ತೋಫು, ಬೀನ್ಸ್, ಬೀಜಗಳು, ಮಸೂರಗಳನ್ನು ಸೇವನೆ ಮಾಡಬಹುದಾಗಿದೆ.
ಆದರೆ ನೆನಪಿಡಿ ನಿಮ್ಮ ದೇಹದ ಪ್ರಕೃತಿಗೆ ಅನುಗುಣವಾಗಿ ಆಹಾರಗಳನ್ನು ಸೇವನೆ ಮಾಡುವುದು ಮುಖ್ಯವಾಗಿರುತ್ತದೆ. ಹೀಗಾಗಿ ನಿಮ್ಮ ಡಯೆಟ್‌ ಪಟ್ಟಿಯನ್ನು ವೈದ್ಯರ ಸಲಹೆ ಮೇರೆಗೆ ತಯಾರಿಸಿಕೊಳ್ಳಿ.