ಇಬ್ಬರು ಮಕ್ಕಳ ಜಗಳದಲ್ಲಿ ಪೋಷಕರು ಬಡವಾಗದೇ ಇರೋದು ಹೇಗೆ ಗೊತ್ತಾ?

• ಮನೆಯಲ್ಲಿ ಎರಡು ಅಥವಾ ಮೂರು ಮಕ್ಕಳಿದ್ದರೆ ಅಲ್ಲಿ ಅವರ ಮಧ್ಯ ಸಣ್ಣ ಪುಟ್ಟ ಜಗಳ ಸಣ್ಣ - ಪುಟ್ಟ ವಿಚಾರಗಳಿಗೆ ಆಗುತ್ತಲೇ ಇರುತ್ತದೆ.
• ಈ ಸಂದರ್ಭದಲ್ಲಿ ಪೋಷಕರಾದವರು ಮಕ್ಕಳ ಮೇಲೆ ಕೋಪ ಮಾಡಿಕೊಳ್ಳಬಾರದು . ಅತ್ಯಂತ ತಾಳ್ಮೆಯಿಂದ ಮಕ್ಕಳ ಜಗಳವನ್ನು ನಿಲ್ಲಿಸಿ ಮಕ್ಕಳನ್ನು ಸಂತೈಸಬೇಕು.
• ಮಕ್ಕಳ ಭಾಷೆ ನಮಗೆ ಅರ್ಥ ಆಗದೇ ಇದ್ದರೂ ಕೂಡ ಅವರು ಜಗಳ ಆಡಲು ಏನು ಕಾರಣ ಎಂಬುದನ್ನು ಸೂಕ್ಷ್ಮವಾಗಿ ಅವಲೋಕಿಸಿ ತಿಳಿದುಕೊಳ್ಳಬೇಕು.

ಮಕ್ಕಳ ವಿರುದ್ಧ ನಡೆಯುತ್ತಿರುವ ದೌರ್ಜನ್ಯವನ್ನು ತಡೆಗಟ್ಟಲೇಬೇಕು

• ಪುಟ್ಟ ಮಕ್ಕಳಿಗೆ ಮೊದಲೇ ಸಿಟ್ಟು ಜಾಸ್ತಿ ಇರುತ್ತದೆ. ಹಾಗಾಗಿ ಮಕ್ಕಳ ಮಧ್ಯೆ ಜಗಳ ನಡೆದ ಸಂದರ್ಭದಲ್ಲಿ ಯಾವುದೇ ಕಾರಣಕ್ಕೂ ಪೋಷಕರು ಒಂದು ಮಗುವನ್ನು ಇನ್ನೊಂದು ಮಗುವಿನ ಜೊತೆಗೆ ಹೋಲಿಕೆ ಮಾಡಲು ಹೋಗಬಾರದು.
• ಇದರಿಂದ ಮಕ್ಕಳಿಗೆ ಇನ್ನಷ್ಟು ಕೋಪ ಹೆಚ್ಚಾಗಲಿದೆ . ಇದರಿಂದ ಪೋಷಕರ ಮೇಲೆ ತಿರುಗಿ ಬೀಳುವ ಸಾಧ್ಯತೆ ಕೂಡ ಇರುತ್ತದೆ. ಹಾಗಾಗಿ ಜಗಳ ಆಡುತ್ತಿರುವ ಮಕ್ಕಳ ವಿಚಾರದಲ್ಲಿ ಪೋಷಕರು ಸ್ವಲ್ಪ ಎಚ್ಚರಿಕೆಯಿಂದ ಇರಬೇಕು.

• ಕೆಲವು ಕಡೆ ಪೋಷಕರಿಗೆ ತಮ್ಮ 3 - 4 ಮಕ್ಕಳಲ್ಲಿ ಕೊನೆಯದಾಗಿ ಹುಟ್ಟಿದ ಮಕ್ಕಳ ಮೇಲೆ ಹೆಚ್ಚು ಪ್ರೀತಿ ಇರುತ್ತದೆ. ಪೋಷಕರು ಇದನ್ನೇ ಅಭ್ಯಾಸ ಮಾಡಿಕೊಂಡು ಮಕ್ಕಳು ಬೆಳೆದು ದೊಡ್ಡವರಾದ ಮೇಲೂ ಕೂಡ ಇದನ್ನು ಮುಂದುವರಿಸಲು ಹೋಗುತ್ತಾರೆ.
• ಇದರಿಂದ ಮೊದಲ ಮಕ್ಕಳಿಗೆ ಖಂಡಿತ ಸಿಟ್ಟು ಬರುತ್ತದೆ . ಹಾಗಾಗಿ ಚಿಕ್ಕ ವಯಸ್ಸಿನಿಂದಲೇ ನಮ್ಮ ಮಕ್ಕಳ ಮಧ್ಯೆ ತಾರತಮ್ಯ ಮಾಡುವುದನ್ನು ಪೋಷಕರು ಮೊದಲು ಕೈ ಬಿಡಬೇಕು.
• ತಮ್ಮ ಎಲ್ಲ ಮಕ್ಕಳನ್ನು ಒಂದೇ ರೀತಿ ನೋಡುವ ಅಭ್ಯಾಸ ಮಾಡಿಕೊಳ್ಳಬೇಕು . ಮಕ್ಕಳು ತಪ್ಪು ಮಾಡಿದಾಗ ತಿದ್ದಿ ಹೇಳುವ ಮತ್ತು ಖುಷಿಯಾದ ಕೆಲಸ ಮಾಡಿದಾಗ ಬೆನ್ನು ತಟ್ಟಿ ಪ್ರೋತ್ಸಾಹಿಸುವ ಗುಣ ನಿಮಗೆ ಬರಬೇಕು.

• ನಿಮ್ಮ 2 - 3 ಮಕ್ಕಳಲ್ಲಿ ಒಂದೊಂದು ಮಗುವಿಗೆ ಒಂದೊಂದು ಗುಣ - ಲಕ್ಷಣ ಇರುತ್ತದೆ . ಹಾಗಾಗಿ ಕೆಲವು ಗುಣ - ಲಕ್ಷಣಗಳು ಬೇರೆ ಮಕ್ಕಳನ್ನು ಮೀರಿಸುವಂತೆ ಇರುತ್ತವೆ.
• ಇದು ಮಕ್ಕಳಿಗೆ ದೇವರು ಕೊಟ್ಟಿರುವ ವರ . ಮಕ್ಕಳ ಇಂತಹ ಗುಣ - ಲಕ್ಷಣಗಳನ್ನು ಪೋಷಕರು ಮೊದಲು ಪತ್ತೆ ಹಚ್ಚಬೇಕು . ಮತ್ತು ಅವುಗಳನ್ನು ಬೆಳೆಸಿಕೊಳ್ಳಲು ಮಕ್ಕಳು ಅಭಿವೃದ್ಧಿ ಆಗಲು ಪೋಷಕರು ತಮ್ಮ ಮಕ್ಕಳನ್ನು ಪ್ರೋತ್ಸಾಹಿಸಲು ಮುಂದಾಗಬೇಕು.

• ನಿಮ್ಮ ಎಲ್ಲ ಮಕ್ಕಳಲ್ಲಿ ಯಾವುದಾದರೂ ಒಂದು ನಿಮಗೆ ತುಂಬಾ ಮತ್ತು ಸದಾ ಬೇಸರ ಉಂಟು ಮಾಡುತ್ತಿರಬಹುದು . ಹಾಗೆಂದು ಆ ಮಗುವನ್ನು ಸದಾ ದ್ವೇಷ ಮಾಡುವುದು ಸರಿಯಲ್ಲ .
• ಬೇರೆ ಮಕ್ಕಳು ಮಾಡಿದ ತಪ್ಪನ್ನು ಆ ಮಗುವಿನ ಮೇಲೆ ಹಾಕುವುದು ಒಳ್ಳೆಯದಲ್ಲ . ಇದರಿಂದ ಆ ಮಗು ಸಂಪೂರ್ಣವಾಗಿ ಕಡೆಗಣಿಸಿದಂತಾಗಿ ಎಲ್ಲರ ಮೇಲೆ ದ್ವೇಷ ಬೆಳೆಸಿಕೊಳ್ಳಲು ಕಾರಣ ಆಗುತ್ತದೆ . ಮಗುವಿನ ಮೇಲೆ ಪ್ರೀತಿ ಅನುಕಂಪ ಹೆಚ್ಚು ಮಾಡಿಕೊಂಡು ಮಗುವನ್ನು ಸರಿದಾರಿಗೆ ತರುವ ಪ್ರಯತ್ನ ಮಾಡಬೇಕು.

• ಚಿಕ್ಕ ಮಕ್ಕಳು ತಮ್ಮ ಸಣ್ಣ ವಯಸ್ಸಿನಲ್ಲಿ ಅಣ್ಣ - ತಮ್ಮಂದಿರ ಜೊತೆ ಜಗಳವಾಡಿಕೊಂಡು ಮುನಿಸಿಕೊಳ್ಳುತ್ತಾರೆ . ಆದರೆ ಇದು ದೊಡ್ಡದಾದಂತೆ ಮತ್ತು ದೊಡ್ಡವರಾದ ಮೇಲೆ ಇದು ಮುಂದುವರೆಯದಂತೆ ಪೋಷಕರು ಚಿಕ್ಕ ವಯಸ್ಸಿನಲ್ಲಿ ಮಕ್ಕಳಿಗೆ ತಿಳಿ ಹೇಳಬೇಕು.
• ಸಂಬಂಧಗಳ ಮೌಲ್ಯ ತಿಳಿಸಿ ಕೊಡಬೇಕು . ಸಾಧ್ಯ ಆದಷ್ಟು ಮಕ್ಕಳ ಮಧ್ಯೆ ಇರುವ ಕೋಪವನ್ನು ಕಡಿಮೆ ಮಾಡಲು ಪ್ರಯತ್ನ ಮಾಡಬೇಕು . ಮಕ್ಕಳ ಜೊತೆಗಿನ ಬಾಂಧವ್ಯವನ್ನು ಹೆಚ್ಚಿಸಿಕೊಳ್ಳಲು ಮತ್ತು ಒಂದು ಮಗು ಇನ್ನೊಂದು ಮಗುವಿನ ಜೊತೆ ಚೆನ್ನಾಗಿರಲು ಇದು ಸಾಕಷ್ಟು ಸಹಾಯ ಮಾಡುತ್ತದೆ.

• ಮಕ್ಕಳಿಗೆ ಚಿಕ್ಕ ವಯಸ್ಸಿನಿಂದಲೇ ಬುದ್ಧಿ ಕೌಶಲ್ಯತೆ, ಚುರುಕುತನ, ಮತ್ತು ಕಷ್ಟಗಳು ಬಂದಂತಹ ಸಂದರ್ಭದಲ್ಲಿ ಹೇಗೆ ನಿಲ್ಲಬೇಕು ಎಂಬುದನ್ನು ಕಲಿಸಿಕೊಡುವ ಜವಾಬ್ದಾರಿ ಪೋಷಕರ ಇರುತ್ತದೆ .
• ಮಕ್ಕಳಿಗೆ ಇದರಿಂದ ಹಲವಾರು ವಿಚಾರಗಳ ಕಡೆಗೆ ಗಮನ ತಾನಾಗಿಯೇ ಹರಿಯುತ್ತದೆ . ಹೀಗಿದ್ದಾಗ ಮನೆಯಲ್ಲಿ ತನ್ನ ಅಣ್ಣ - ತಮ್ಮಂದಿರ ಜೊತೆ ಅಥವಾ ಅಕ್ಕ ತಂಗಿಯರ ಜೊತೆ ಜಗಳ ಮಾಡುವುದು ತಪ್ಪುತ್ತದೆ.