ನೀವು ಕೆಲಸದಲ್ಲಿದ್ದು, ನವಜಾತ ಶಿಶುವಿನ ಪಾಲನೆಯೂ ಆಗಬೇಕು ಎಂದರೆ ಹೀಗೆ ಮಾಡಿ...

ಮಗುವಿನ ಮುಖ್ಯ ಬೇಡಿಕೆ ತಾಯಿಯ ಎದೆಹಾಲು. ತಾಯಿಯ ಹಾಲು ಮಗುವಿಗೆ ಜೀವ ಸಂಜೀವಿನಿ. ತಾಯಿ ಉದ್ಯೋಗಕ್ಕೆ ಹೋಗುವಾಗ ಮಗುವಿಗೆ ಹಾಲಿನ ಪೂರೈಕೆ ಮಾಡಬೇಕು ಎನ್ನುವ ಸಂಗತಿಯೇ ಬಹಳ ಮುಖ್ಯವಾಗಿರುತ್ತದೆ. ಜೊತೆಗೆ ಮಗುವನ್ನು ಸೂಕ್ತ ರೀತಿಯಲ್ಲಿ ನೋಡಿಕೊಳ್ಳುವವರು ಬೇಕಾಗುವುದು. ಮಗುವಿನ ನಿರ್ವಹಣೆಯು ಅತ್ಯಂತ ಅಗತ್ಯವಾದ ಸಂಗತಿ. ಹಾಗಾಗಿ ತಾಯಿ ಮಗುವನ್ನು ಬಿಟ್ಟು ಉದ್ಯೋಗಕ್ಕೆ ಹೋಗುವ ಸಂದರ್ಭದಲ್ಲಿ ಮಗುವಿನ ಆರೈಕೆ ಮಾಡುವವರು ಇರಬೇಕು ಎನ್ನುವುದನ್ನು ಮನದಲ್ಲಿ ಇರಬೇಕು. ನಿಮ್ಮ ಅನುಪ ಸ್ಥಿತಿಯಲ್ಲಿ ಶಿಶುವನ್ನು ಅಗತ್ಯವಾದ ಬೆಂಬಲದೊಂದಿಗೆ ನೋಡಿಕೊಳ್ಳುವಂತೆ ಇರಬೇಕು.

ಮಗು ಯಾವ ಹೊತ್ತಲ್ಲಿ ಹಾಲನ್ನು ಕುಡಿಯುವುದು. ಹಸಿವಾದಾಗ ಎಷ್ಟು ಹಾಲನ್ನು ಕುಡಿಯುತ್ತದೆ ಎನ್ನುವ ಅರಿವು ಇರಬೇಕು. ಮಗುವಿಗೆ ಕನಿಷ್ಠ 6 ತಿಂಗಳು ಕಳೆದ ಬಳಿಕ ಉದ್ಯೋಗಕ್ಕೆ ತೆರಳುವ ಯೋಜನೆ ಹೊಂದಬೇಕು. 6 ತಿಂಗಳ ಬಳಿಕ ಮಗು ತಾಯಿಯ ಹಾಲನ್ನು ಹೊರತು ಪಡಿಸಿ ನಿಧಾನವಾಗಿ ಇತರ ಆಹಾರವನ್ನು ಸವಿಯಲು ಪ್ರಾರಂಭಿಸುತ್ತದೆ. ಅಂತಹ ಸಮಯದಲ್ಲಿ ಮಗುವಿಗೆ ನಿಗದಿತ ಅವಧಿಯಲ್ಲಿ ಹಾಲುಣಿಸಿ, ಅನುಪಸ್ಥಿತಿಯ ಸಮಯದಲ್ಲಿ ಇತರ ಆಹಾರವನ್ನು ನೀಡಬಹುದು. ತಾಯಿ ತನ್ನ ಹಾಲನ್ನು ಪಂಪ್ ಮೂಲಕ ತೆಗೆದು, ಶೇಖರಿಸಿಟ್ಟು ನೀಡಬಹುದು. ಆದರೆ ಸ್ವಚ್ಛತೆ ಹಾಗೂ ಆರೈಕೆಯ ವಿಷಯದಲ್ಲಿ ಸೂಕ್ತ ಕಾಳಜಿಯನ್ನು ನಿರ್ವಹಿಸಬೇಕು.

ಮಕ್ಕಳು ನಿದ್ರೆಯ ಸಮಯದಲ್ಲಿ ಹಾಸಿಗೆಯ ಮೇಲೆ ಹೊರಳಾಡುವುದು ಏಕೆ?

ನವಜಾತ ಶಿಶುವಿನೊಂದಿಗೆ ತಾಯಿ ಭಾವನಾತ್ಮಕವಾಗಿ ಹೆಚ್ಚು ಸೆಳತವನ್ನು ಹೊಂದಿರುತ್ತಾಳೆ. ಕೆಲವು ಗಂಟೆಗಳ ಕಾಲ ಮಗುವನ್ನು ಬಿಟ್ಟು ಬೇರೆಡೆ ಹೋಗುವುದು ಅಷ್ಟು ಸುಲಭದ ಸಂಗತಿಯಲ್ಲ. ತಾಯಿ ಮಾನಸಿಕವಾಗಿ ಧೈರ್ಯ ಹಾಗೂ ಸ್ಥಿರತೆಯ ಭಾವನೆಯನ್ನು ಹೊಂದಬೇಕು. ಇಲ್ಲವಾದರೆ ಒತ್ತಡ, ಖಿನ್ನತೆ ಹಾಗೂ ಇತರ ಮಾನಸಿಕ ಅಸಮತೋಲನ ಉಂಟಾಗುವುದು.

ಕೆಲಸಕ್ಕೆ ಹೋಗುವ ಮುನ್ನ ಮಗುವಿನ ಆರೋಗ್ಯ ಸ್ಥಿತಿ ಹಾಗೂ ಅದರ ವರ್ತನೆ ಸಾಮಾನ್ಯ ದಿನದಂತೆ ಇವೆಯೇ? ಅಥವಾ ಏನಾದರೂ ಭಿನ್ನ ವರ್ತನೆ ತೋರುತ್ತಿದೆಯೇ? ಎನ್ನುವುದನ್ನು ಮೊದಲು ಪರಿಶೀಲಿಸಬೇಕು. ಕೆಲಸಕ್ಕೆ ಹೋಗುವ ಮುನ್ನ ಶಿಶುವಿಗೆ ನಿಮ್ಮ ಎದೆಹಾಲನ್ನು ಉಣಿಸಿ. ಮಗುವನ್ನು ತಬ್ಬಿಕೊಳ್ಳುವ ಮೂಲಕ ಮಗುವಿಗೆ ಭದ್ರತೆಯ ಭಾವನೆ ನೀಡಿ. ಜೊತೆಗೆ ನೀವು ಸಹ ನಿರಾಳವಾದ ಭಾವನೆಯನ್ನು ಹೊಂದಬಹುದು.

ಪ್ರೆಗ್ನೆನ್ಸಿಯಲ್ಲಿ ದಿಂಬನ್ನು ಬಳಸುವುದರ ಬಗ್ಗೆ ನೀವು ತಿಳಿದುಕೊಳ್ಳಬೇಕಾದ ವಿಷಯಗಳು

ಉದ್ಯೋಗ ಇರುವ ಸ್ಥಳದಿಂದ ತುಂಬಾ ದೂರದಲ್ಲಿ ವಾಸ ಮಾಡದಿರಿ. ಮಗು ಒಂದು ವಯಸ್ಸಿಗೆ ಬೆಳೆಯುವ ತನಕ ಆದಷ್ಟು ಕೆಲಸದ ಹತ್ತಿರವೇ ಮನೆ ಮಾಡಿ. ಆಗ ನಿಮ್ಮ ವಿರಾಮದ ವೇಳೆ ಅಥವಾ ಊಟದ ಸಮಯದಲ್ಲಿ ಒಮ್ಮೆ ಮನೆಗೆ ಹಿಂತಿರುಗಬಹುದು. ಆಗ ಮಗುವಿಗೆ ನಿಮ್ಮ ಸಾನಿಧ್ಯ ದೊರೆಯುವುದು. ಜೊತೆಗೆ ಮಗುವಿಗೆ ಹಾಲುಣಿಸುವ ಮೂಲಕ ಅದರ ಹಸಿವನ್ನು ತಣಿಸಬಹುದು. ನಿಮಗೂ ಸಹ ದೀರ್ಘ ಸಮಯಗಳ ಕಾಲ ಹಾಲು ಎದೆಯಲ್ಲಿಯೇ ತುಂಬಿಕೊಂಡು ನೋವನ್ನು ಅನುಭವಿಸುವ ಕಷ್ಟ ಇರುವುದಿಲ್ಲ.

ರಾತ್ರಿ ಹಾಲುಣಿಸಿ

ಮಗುವಿಗೆ ರಾತ್ರಿ ಸಮಯದಲ್ಲಿ ಹೆಚ್ಚು ಬಾರಿ ನಿಮ್ಮ ಹಾಲನ್ನೇ ನೀಡುವ ಕ್ರಮವನ್ನು ಬೆಳೆಸಿಕೊಳ್ಳಿ. ಆಗ ಮಗುವಿಗೆ ತಾಯಿಯ ಹಾಲಿನ ಕೊರತೆ ಉಂಟಾಗದು. ಜೊತೆಗೆ ನಿಮಗೂ ಸಹ ರಾತ್ರಿ ವೇಳೆ ಹೆಚ್ಚು ಹಾಲು ಶೇಖರಣೆ ಆಗುವುದು. ಮಗುವಿನ ಆರೋಗ್ಯ ಪಾಲನೆಯು ಆಗುವುದು. ನಿಮಗೂ ನಿಮ್ಮ ಆರ್ಥಿಕ ಸ್ಥಿತಿಯನ್ನು ಹಿಡಿತದಲ್ಲಿ ಇರಿಸಿಕೊಳ್ಳಲು ಸಹಾಯ ಆಗುವುದು.