ಹುಟ್ಟುವ ಮಗು ಸ್ಮಾರ್ಟ್ ಆಗಿರ ಬೇಕೆಂದರೆ, ಈ ಆಹಾರಗಳನ್ನು ಸೇವಿಸಿ

ಹೌದು, ಕೆಲವು ಆಹಾರದಲ್ಲಿ ಇರುವಂತಹ ಅಂಶಗಳು ಗರ್ಭದಲ್ಲಿ ಇರುವಾಗಲೇ ಮಗುವಿನ ಬುದ್ಧಿಶಕ್ತಿಯು ಬೆಳೆಯುವಂತೆ ಮಾಡುವುದು. ಇನ್ನು ಕೆಲವು ನಿಮ್ಮಲ್ಲಿನ ದುರಾಭ್ಯಾಸಗಳು ಮಗುವಿನ ಬುದ್ಧಿಶಕ್ತಿ ಕುಂದಿಸುವುದು. ಮರಿಜುನಾದಂತಹ ಮಾದಕ ಸೇವಿಸಿದರೆ ಅದರಿಂದ ಮಗುವಿನ ಬುದ್ಧಿಶಕ್ತಿಯು ಕಡಿಮೆ ಆಗುವುದು ಎಂದು ವೈಜ್ಞಾನಿಕವಾಗಿ ಕಂಡುಕೊಳ್ಳಲಾಗಿದೆ. ಆದರೆ ಇದೇ ವೇಳೆ ವಿಜ್ಞಾನಿಗಳು ಕೋಲೀನ್ ಅಧಿಕವಾಗಿ ಇರುವಂತಹ ಆಹಾರ ಸೇವನೆ ಮಾಡಿದರೆ ಮಗುವಿನ ಜ್ಞಾಪಕಶಕ್ತಿಯು ವೃದ್ಧಿಸುವುದು ಎಂದು ಕಂಡುಕೊಂಡಿದೆ.

ಕೋಲೀನ್ ಎನ್ನುವುದು ಒಂದು ಪ್ರಮುಖ ಪೋಷಕಾಂಶವಾಗಿದ್ದು, ಇದು ವಿವಿಧ ರೀತಿಯ ಶಾರೀರಿಕ ಪ್ರಕ್ರಿಯೆಗಳಾಗಿರುವಂತಹ ಚಯಾಪಚಯ, ನರಪ್ರೇಕ್ಷಕದ ಸಂಶ್ಲೇಷಣೆ, ಲಿಪಿಡ್ ಗಳ ಸಾಗಾಣೆ ಇತ್ಯಾದಿಗಳಲ್ಲಿ ಪ್ರಮುಖ ಪಾತ್ರ ವಹಿಸುವುದು. ಇದರ ಕೊರತೆಯಿದ್ದರೆ ಆಗ ಅದರಿಂದಾಗಿ ಸ್ನಾಯುಗಳಿಗೆ ಹಾನಿ ಹಾಗೂ ಯಕೃತ್ ನಲ್ಲಿ ಅಸಾಮಾನ್ಯ ರೀತಿಯಲ್ಲಿ ಕೊಬ್ಬು ಜಮೆ ಆಗಬಹುದು. ಇದರಿಂದಾಗಿ ಆಲ್ಕೋಹಾಲ್ ಸೇವಿಸದೆ ಇರುವ ಕೊಬ್ಬಿದ ಯಕೃತ್ ಸಮಸ್ಯೆ ಕಾಣಿಸಬಹುದು.

ಗರ್ಭಧಾರಣೆ ವೇಳೆ ಕೋಲೀನ್ ಮಟ್ಟವು ಮಕ್ಕಳಲ್ಲಿ ಮುದ್ದಾಡುವಿಕೆ, ಗಮನ ಮತ್ತು ಪೋಷಕರೊಂದಿಗಿನ ಬಂಧವನ್ನು ಹೆಚ್ಚಿಸುವುದು ಎಂದು ಅಧ್ಯಯನಗಳು ಕಂಡುಕೊಂಡಿವೆ. ಕೋಲೀನ್ ಸಮೃದ್ಧವಾಗಿ ಇರುವಂತಹ ಆಹಾರಗಳೆಂದರೆ ಅದು ನೆಲಗಡಲೆ, ಮೊಟ್ಟೆ, ಅಕ್ಕಿ, ಬಸಳೆ, ಗೋಧಿ ಇತ್ಯಾದಿ. ಇದರೊಂದಿಗೆ ಇತರ ಕೆಲವು ಆಹಾರಗಳು ಕೂಡ ಗರ್ಭಿಣೆಯರು ಸೇವನೆ ಮಾಡಿದರೆ ಆಗ ಮಗುವಿನ ಬುದ್ಧಿಶಕ್ತಿಯು ಹೆಚ್ಚಾಗುವುದು.

ಹೆರಿಗೆ ವೇಳೆ ಇದೆಲ್ಲಾ ಮಾಮೂಲು ಹೆಚ್ಚು ಟೆನ್ಷನ್ ಮಾಡಿಕೊಳ್ಳಬೇಡಿ

ಗರ್ಭಧಾರಣೆ ವೇಳೆ ನೀವು ಏನೇ ಮಾಡಿದರೂ ಅಥವಾ ಸೇವಿಸಿದರೂ ಅದು ಮಗುವಿನ ಮೇಲೆ ನೇರ ಪರಿಣಾಮ ಬೀರುವುದು. ಗರ್ಭಧಾರಣೆ ವೇಳೆ ಆಹಾರ ಕ್ರಮದ ಬಗ್ಗೆ ಹೆಚ್ಚಿನ ಗಮನಹರಿಸಬೇಕು ಎಂದು ವೈದ್ಯರು ಕೂಡ ಸಲಹೆ ನೀಡುವರು. ಯಾಕೆಂದರೆ ಕೆಲವೊಂದು ಆಹಾರ ಉರಿಯೂತ ಗುಣ ಹೊಂದಿದ್ದು, ಇದು ಮಗುವಿಗೆ ಕೂಡ ತುಂಬಾ ಹಾನಿ ಉಂಟುಮಾಡಬಹುದು. ಗರ್ಭಧಾರಣೆ ವೇಳೆ ಈ ಕೆಳಗಿನ ಆಹಾರ ಸೇವಿಸಿದರೆ ಅದರಿಂದ ಮಗುವಿನ ಮೆದುಳಿನ ಶಕ್ತಿಯು ಹೆಚ್ಚಾಗುವುದು.

ಸಾಲ್ಮನ್, ಟ್ಯೂನಾ, ಹೆರಿಂಗ್ ಇತ್ಯಾದಿ ಮೀನುಗಳಲ್ಲಿ ಒಮೆಗಾ-3 ಕೊಬ್ಬಿನಾಮ್ಲವು ಅಧಿಕವಾಗಿ ಇರುವುದು ಮತ್ತು ಈ ಕೊಬ್ಬಿನಾಮ್ಲವು ಮಗುವಿನ ಮೆದುಳಿನ ಬೆಳವಣಿಗೆಯಲ್ಲಿ ಪ್ರಮುಖ ಪಾತ್ರ ವಹಿಸುವುದು ಎಂದು ಬ್ರೈನ್ ರಿಸರ್ಚ್ ಜರ್ನಲ್ ನಲ್ಲಿ ಪ್ರಕಟಗೊಂಡಿರುವ ಅಧ್ಯಯನ ವರದಿಯು ಹೇಳಿದೆ. ಇದು ನ್ಯೂರೋನ್ ಗಳ ಬೆಳವಣಿಗೆಗೆ ನೆರವಾಗುವುದು ಮತ್ತು ಅದು ಒಂದಕ್ಕೊಂದು ಸಂಪರ್ಕ ಸಾಧಿಸುವಂತೆ ಮಾಡುವುದು. ಇದರಿಂದ ಮಗುವಿನ ಮೆದುಳಿನ ವಿನ್ಯಾಸವಾಗುವುದು. ಐಯೋಡಿನ್ ಅಧಿಕವಾಗಿ ಇರುವಂತಹ ಸಿಂಪಿಯನ್ನು ಗರ್ಭಿಣಿಯರು ಸೇವಿಸಬೇಕು. ಐಯೋಡಿನ್ ಕಡಿಮೆ ಇದ್ದರೆ ಆಗ ಇದು ಮಗುವಿನ ಮೆದುಳಿನ ಬೆಳವಣಿಗೆ ಮೇಲೆ ವ್ಯತಿರಿಕ್ತ ಪರಿಣಾಮ ಬೀರುವುದು.

ಮಹಿಳೆಯರ ಫಲವತ್ತತೆ ಹೆಚ್ಚಿಸುವ ನೈಸರ್ಗಿಕ ಆಹಾರಗಳು

ಇದನ್ನು ಒಂದು ಅದ್ಭುತ ಆಹಾರ ಎಂದು ಪರಿಗಣಿಸಲಾಗಿದೆ. ಬ್ಲೂ ಬೆರ್ರಿಯಲ್ಲಿ ಉನ್ನತ ಮಟ್ಟದ ನಾರಿನಾಂಶ, ವಿಟಮಿನ್ ಎ ಮತ್ತು ಸಿ ಇದೆ. ಈ ಎಲ್ಲಾ ಪೋಷಕಾಂಶಗಳು ಮಗುವಿನ ಕಲಿಯುವ ಸಾಮರ್ಥ್ಯವನ್ನು ಸುಧಾರಣೆ ಮಾಡುವುದು ಮತ್ತು ಮಗುವಿನ ಚಲನಾ ಕೌಶಲ್ಯವನ್ನು ಕೂಡ. ಮಗುವಿನ ಬುದ್ಧಿಶಕ್ತಿಯು ಹೆಚ್ಚಾಗಬೇಕು ಎಂದಿದ್ದರೆ ಆಗ ನೀವು ದಿನನಿತ್ಯದ ಆಹಾರ ಕ್ರಮದಲ್ಲಿ ಬ್ಲೂ ಬೆರ್ರಿಗಳನ್ನು ಸೇರಿಸಿಕೊಳ್ಳಿ. ಇದರಲ್ಲಿ ಇರುವ ಆಂಟಿಆಕ್ಸಿಡೆಂಟ್ ದೇಹದಲ್ಲಿ ಫ್ರೀ ರ್ಯಾಡಿಕಲ್ ವಿರುದ್ಧ ಹೋರಾಡುವುದು. ಬ್ಲೂ ಬೆರ್ರಿಗಳಲ್ಲಿ ಇರುವ ಫ್ಲಾವನಾಯ್ಡ್ ಮಗುವಿನ ಕಣ್ಣಿನ ದೃಷ್ಟಿಯನ್ನು ಸುಧಾರಣೆ ಮಾಡುವುದು.

ಮೊಟ್ಟೆಯಲ್ಲಿ ಉನ್ನತ ಮಟ್ಟದ ಪ್ರೋಟೀನ್, ವಿಟಮಿನ್ ಡಿ ಮತ್ತು ತುಂಬಾ ಕಡಿಮೆ ಕ್ಯಾಲರಿ ಇದೆ. ಇದರಲ್ಲಿ ಅಮಿನೋ ಆಮ್ಲು ಕೋಲೀನ್ ಕೂಡ ಇದ್ದು, ಮಗುವಿನ ಬುದ್ಧಿಶಕ್ತಿಯನ್ನು ಹೆಚ್ಚು ಮಾಡಲು ನೆರವಾಗುವುದು. ಆದರೆ ನೀವು ಪಾಶ್ಚರೀಕರಿಸದ ಮೊಟ್ಟೆ ತಿನ್ನಬೇಡಿ. ಇದರಲ್ಲಿ ಬ್ಯಾಕ್ಟೀರಿಯಾ ಇರುವುದು ಮತ್ತು ಇದರಿಂದ ಸಮಸ್ಯೆಗಳು ಬರಬಹುದು. ಮೊಟ್ಟೆಯ ಅಲರ್ಜಿ ಇದ್ದರೆ ಅಥವಾ ನಿಮ್ಮ ಕುಟುಂಬದಲ್ಲಿ ಯಾರಿಗಾದರೂ ಮೊಟ್ಟೆಯ ಅಲರ್ಜಿ ಇದ್ದರೆ ಆಗ ನೀವು ಇದನ್ನು ತಿನ್ನಬೇಡಿ. ವೈದ್ಯರ ಸಲಹೆ ಪಡೆದ ಬಳಿಕ ನೀವು ಮೊಟ್ಟೆ ತಿನ್ನಬಹುದು.

ಬ್ರಾಕೋಲಿಯಲ್ಲಿ ಎರಡು ಪ್ರಮುಖ ಪೋಷಕಾಂಶಗಳಾಗಿರುವಂತಹ ವಿಟಮಿನ್ ಕೆ ಮತ್ತು ಕೋಲೀನ್ ಇದೆ. ವಿಟಮಿನ್ ಕೆ ಅರಿವಿನ ಸಾಮರ್ಥ್ಯ ಹೆಚ್ಚಿಸುವುದು ಮತ್ತು ಕೋಲೀನ್ ನೆನಪಿನ ಶಕ್ತಿ ಸುಧಾರಣೆ ಮಾಡುವುದು ಎಂದು ವೈಜ್ಞಾನಿಕವಾಗಿಯೂ ಸಾಬೀತು ಆಗಿದೆ. ಇದರಲ್ಲಿ ಡಿಎಚ್ ಎ ಎಂದು ಕರೆಯಲ್ಪಡುವ ಒಮೆಗಾ-3 ಕೊಬ್ಬಿನಾಮ್ಲವಿದೆ. ಇದು ಮಗುವಿಗೆ ತುಂಬಾ ಒಳ್ಳೆಯ ಆಹಾರ ಎಂದು ಪರಿಗಣಿಸಲಾಗಿದೆ. ಇಷ್ಟು ಮಾತ್ರವಲ್ಲದೆ ಬ್ರಾಕೋಲಿಯಲ್ಲಿ ಆಂಟಿಆಕ್ಸಿಡೆಂಟ್ ಮತ್ತು ನಾರಿನಾಂಶವಿದೆ. ಇದು ಫ್ರೀ ರ್ಯಾಡಿಕಲ್ ವಿರುದ್ಧ ಹೋರಾಡುವುದು ಮತ್ತು ಕಲಿಯುವ ಸಾಮರ್ಥ್ಯ ಸುಧಾರಣೆ ಮಾಡುವುದು.

ಗರ್ಭಿಣಿಯರಿಗೆ ಕಾಡುವ ನಿದ್ದೆಯ ಸಮಸ್ಯೆಗೆ ಇಲ್ಲಿದೆ ನೋಡಿ ಪರಿಹಾರ

ಅವಕಾಡೊ ಪೋಷಕಾಂಶಗಳ ಖನಿ ಇದ್ದಂತೆ. ಇದು ಮಗುವಿನ ಆರೋಗ್ಯವನ್ನು ವೃದ್ಧಿಸುವುದು. ಅವಕಾಡೊದಲ್ಲಿ ವಿಟಮಿನ್ ಕೆ, ಪೊಟಾಶಿಯಂ, ಫಾಲಟೆ ಮತ್ತು ಏಕಪರ್ಯಾಪ್ತ ಕೊಬ್ಬು ಇದೆ. ಇದು ಭ್ರೂಣಕ್ಕೆ ರಕ್ತ ಸಂಚಾರವನ್ನು ಉತ್ತಮಪಡಿಸಲು ನೆರವಾಗುವುದು ಮತ್ತು ಇದರಿಂದ ಮಗುವಿನ ಮೆದುಳು ಆರೋಗ್ಯಕರವಾಗಿ ಬೆಳೆಯುವುದು. ಈ ಹಸಿರು ಹಣ್ಣಿನಲ್ಲಿ ಉನ್ನತ ಮಟ್ಟದ ವಿಟಮಿನ್ ಬಿ ಸಂಕೀರ್ಣವಿದ್ದು, ಇದರಿಂದ ಅಧಿಕ ರಕ್ತದೊತ್ತಡವನ್ನು ದೂರವಿಡಬಹುದು.

ಬಾದಾಮಿಯಲ್ಲಿ ಇರುವ ಮೆಗ್ನಿಶಿಯಂ ಭ್ರೂಣದಲ್ಲಿ ಇರುವ ಮಗುವಿನ ಮೆದುಳಿಗೆ ರಕ್ಷಣೆ ನೀಡುವುದು ಮತ್ತು ಮೆದುಳಿಗೆ ಯಾವುದೇ ಗಾಯವಾಗದಂತೆ ತಡೆಯುವುದು. ಇದರಲ್ಲಿ ಆರೋಗ್ಯಕರ ಕೊಬ್ಬು, ವಿಟಮಿನ್ ಇ ಮತ್ತು ಪ್ರೋಟೀನ್ ಇದೆ. ವಿಟಮಿನ್ ಇ ಅರಿವು ಮತ್ತು ಮೆದುಳಿನ ಬೆಳವಣಿಗೆಗೆ ನೆರವಾಗುವುದು. ಇದು ಮಗುವಿನಲ್ಲಿ ಪ್ರತಿರೋಧಕ ಶಕ್ತಿಯನ್ನು ಕೂಡ ಸುಧಾರಣೆ ಮಾಡುವುದು. ಬಾದಾಮಿಯಲ್ಲಿ ಒಮೆಗಾ-3 ಕೊಬ್ಬಿನಾಮ್ಲವು ಸಮೃದ್ಧವಾಗಿದೆ. ಇದು ಮೆದುಳಿಗೆ ಶಕ್ತಿ ನೀಡುವುದು. ಮಗು ಬುದ್ಧಿವಂತವಾಗಿರಬೇಕು ಎಂದು ನೀವು ಬಯಸಿದರೆ ಆಗ ನೀವು ಪ್ರತಿನಿತ್ಯವು ಸ್ವಲ್ಪ ಬಾದಾಮಿ ಸೇವಿಸಿ. ಬಾದಾಮಿಯು ಮಗು ಮತ್ತು ತಾಯಿಯ ತೂಕ ಕಾಪಾಡಲು ನೆರವಾಗುವುದು. ಬಾದಾಮಿಯಲ್ಲಿ ಇರುವ ಮ್ಯಾಂಗನೀಸ್ ಮೂಳೆಗಳು ಬಲಗೊಳ್ಳಲು ಮತ್ತು ಆರೋಗ್ಯವಾಗಿರಲು ನೆರವಾಗುವುದು. ಗರ್ಭಧಾರಣೆ ವೇಳೆ ಅಧಿಕ ರಕ್ತದೊತ್ತಡದ ಅಪಾಯ ತಪ್ಪಿಸಲು ಆಹಾರ ಕ್ರಮದಲ್ಲಿ ಸ್ವಲ್ಪ ಬಾದಾಮಿ ಕೂಡ ಸೇರಿಸಿಕೊಳ್ಳಿ.