ಮದುವೆಯಾದ ಮೇಲೆ ಸಂಗಾತಿಗೆ ಈ ಮಾತುಗಳನ್ನು ಹೇಳಲು ಮರೆಯದಿರಿ

ಮದುವೆಗೆ ಮೊದಲು ನೀನೇ ನನ್ನ ರತಿ ಎಂದು ಅವಳ ಅಂದವನ್ನು ಇವನು ಹೊಗಳಿದರೆ, ಇವಳು ನೀನೇ ನನ್ನ ಮನ್ಮಥ ಎಂದು ಹೇಳಿರುತ್ತಾಳೆ, ಇನ್ನು ಐ ಲವ್‌ ಯೂ ಅಂತ ಮೆಸೇಜ್‌ ಕಳಿಸಿರುವುದಕ್ಕೆ ಲೆಕ್ಕವೇ ಇರುವುದಿಲ್ಲ.

ಆದರೆ ಮದುವೆಯ ನಂತರ ಜವಾಬ್ದಾರಿ ಹೆಚ್ಚಾಗುತ್ತದೆ, ಅನೇಕ ಸವಾಲುಗಳು ಬರುತ್ತದೆ ಅವುಗಳನ್ನು ಸಮರ್ಥವಾಗಿ ಎದುರಿಸಲು ಒಬ್ಬರಿಗೊಬ್ಬರು ಆಸರೆಯಾಗಿ ಇರಬೇಕಾಗುತ್ತದೆ. ಇವುಗಳ ಜತೆಗೆ ಸಂಸಾರ ಯಾಂತ್ರಿಕವಾಗಿ ನಡೆಯುತ್ತಿರುತ್ತದೆ. ನಿಮ್ಮ ಜೀವನದಲ್ಲಿ ಹೀಗಾಗುತ್ತದೆ ಎಂದರೆ ನೀವು ಎಚ್ಚೆತ್ತುಕೊಳ್ಳುವುದು ಒಳ್ಳೆಯದು.

ಮದುವೆಯ ನಂತರ ಕೂಡ ಪ್ರೇಮಿಗಳಾಗಿಯೇ ಇರಲು ಈ ಮಾತುಗಳನ್ನು ಆಗಾಗ ಹೇಳಿ:

ಐ ಲವ್ ಯೂ
ಎಷ್ಟೇ ಬ್ಯುಸಿಯಾಗಿರಿ, ಅಪರೂಪಕ್ಕೊಮ್ಮೆ ಸಂಗಾತಿಗೆ ಲವ್‌ ಯೂ ಹೇಳಿ

ಅವರ ಸೌಂದರ್ಯವನ್ನು ಹೊಗಳಿ
ಚೆನ್ನಾಗಿ ಡ್ರೆಸ್‌ ಮಾಡಿಕೊಂಡಾಗ ನೀನು ಇವತ್ತು ತುಂಬಾ ಸುಂದರವಾಗಿ ಕಾಣುತ್ತಿದ್ದೀಯ ಮೈ ಲವ್ ಎಂದು ಹೇಳಲು ಯೋಚಿಸಬೇಡಿ.

ನಾನೆಂದಿಗೂ ನಿನ್ನ ಜತೆ ಇರುತ್ತೇನೆ
ನಿಮ್ಮ ಸಂಗಾತಿಗೆ ಸವಾಲುಗಳು ಎದುರಾದಾಗ ಹೆದರಬೇಡ, ನಾನು ನಿನ್ನ ಜತೆ ಇದ್ದೇನೆ ಎಮದು ಹೇಳಿ, ಅವರಿಗೆ ಎಲ್ಲವನ್ನು ಸಮರ್ಥವಾಗಿ ಎದುರಿಸಿಕೊಂಡು ಹೋಗುವ ಶಕ್ತಿ ಬರುತ್ತದೆ.

ಐ ವಿಲ್‌ ಟೇಕ್‌ ಕೇರ್‌ ಆಫ್‌ ಇಟ್
ಅವರ ಜವಾಬ್ದಾರಿಗೆ ನಿಮ್ಮ ಹೆಗಲು ಕೊಡಿ. ಏನಾದರೂ ಕಷ್ಟ ಎದುರಾದಾಗ ನೀನೇನು ಚಿಂತೆ ಮಾಡಬೇಡ ನಾನು ನಿಭಾಯಿಸುತ್ತೇನೆ ಅಂತ ಹೇಳಿದರೆ ಅವರಿಗೆ ನಿಮ್ಮ ಮೇಲಿನ ಪ್ರೀತಿ ಅಧಿಕವಾಗುವುದು

ನಿನಗೊಂದು ಸರ್ಫ್ರೈಸ್‌ ಕಾದಿದೆ
ಹೆಂಡತಿ ಕೆಲಸಕ್ಕೆ ಹೋಗಿರುತ್ತಾಳೆ, ಮನೆಗೆ ಬಂದು ನೋಡಿದರೆ ಅವಳಿಗೆ ಇಷ್ಟವಾದ ಅಡುಗೆ ರೆಡಿಯಾಗಿರುತ್ತದೆ ಹೀಗೆ ಒಬ್ಬರು ಮತ್ತೊಬ್ಬರ ಇಷ್ಟಗಳನ್ನು ಅರಿತು ಸರ್ಫ್ರೈಸ್‌ ನೀಡಿ, ಈ ಅಭ್ಯಾಸ ದಾಂಪತ್ಯದಲ್ಲಿ ಲವಲವಿಕೆ ತುಂಬುವುದು.

ಡಿನ್ನರ್, ಔಟಿಂಗ್
ಅಪರೂಪಕ್ಕೆ ಜತೆಯಾಗಿ ಡಿನ್ನರ್‌, ಟ್ರಿಪ್‌ ಅಂತ ತಿರುಗಾಡುವುದು ದಾಂಪತ್ಯವನ್ನು ಮತ್ತಷ್ಟು ಬಲಪಡಿಸುತ್ತದೆ.

ಥ್ಯಾಂಕ್ಯೂ...
ಅವರಿಗೆ ಥ್ಯಾಂಕ್ಯೂ ಹೇಳಬೇಕೆನಿಸಿದಾಗ ಹೇಳಿ ಬಿಡಿ, ಆದರೆ ದಿನಲೂ ಹೇಳಬೇಡಿ. ನೀನು ಸಿಕ್ಕಿದ್ದಕ್ಕೆ ನಾನು ಅದೃಷ್ಟ ಮಾಡಿದ್ದೇನೆ, ನಿನ್ನ ಕೇರ್‌ಗೆ ಥ್ಯಾಂಕ್ಯೂ ಈ ರೀತಿ ಹೇಳಿ.