ನಿಶ್ಚಿತಾರ್ಥ- ಮದುವೆ ನಡುವೆ ಸಮಯ ಎಷ್ಟಿದ್ದರೆ ಚೆನ್ನ?

ಪೀಳಿಗೆಗಳು ಕಳೆದಂತೆ ಸಂಪ್ರದಾಯ, ಆಚಾರ ವಿಚಾರಗಳಲ್ಲಿ ಬದಲಾವಣೆ ಕಾಣುವುದು ಸಹಜವೇ! ಹಿಂದೆ ಗಂಡು-ಹೆಣ್ಣು ಮದುವೆಯ ದಿನದಂದೇ ಪರಸ್ಪರ ನೋಡಿಕೊಳ್ಳುತ್ತಿದ್ದರು! ಆದರೆ ಇಂದು ಪರಿಸ್ಥಿತಿ ಹಾಗಲ್ಲ. ಮದುವೆ ನಿಶ್ಚಯವಾದ ಬಳಿಕ, ವಧು-ವರ ಪರಸ್ಪರ ಸರಿಯಾಗಿ ಅರ್ಥ ಮಾಡಿಕೊಳ್ಳಲ್ಲೆಂದೇ ಕನಿಷ್ಠ ಐದಾರು ತಿಂಗಳು ಸಮಯ ತೆಗೆದುಕೊಳ್ಳುತ್ತಾರೆ.

ನಿಹವಾಗಿಯೂ ಗಂಡ-ಹೆಂಡತಿ ಆಗುವವರು ಎಷ್ಟು ಸಮಯ ಜತೆಯಲ್ಲಿ ಸುತ್ತಾಡಬೇಕು? ಒಬ್ಬರೊನ್ನೊಬ್ಬರು ಎಷ್ಟರ ಮಟ್ಟಿಗೆ ಅರಿತುಕೊಳ್ಳಬೇಕು ಗೊತ್ತೇ? ಮದುವೆ ಮುನ್ನ ಜೋಡಿಗಳು ಸುತ್ತಾಡುವುದರಿಂದ ಅನೇಕ ಪ್ರಯೋಗಳೂ ಇವೆ. ಅಧ್ಯಯನವೊಂದರ ಪ್ರಕಾರ, ಹೆಚ್ಚು ಸುತ್ತಾಟ- ಒಡನಾಟ ಇಲ್ಲದೇ ಇದ್ದಲ್ಲಿ, ಪರಸ್ಪರ ಅರಿತುಕೊಳ್ಳುವುದೇ ಕಷ್ಟವಂತೆ!

ಈ ಸಂಬಂಧ ಎಮೊರಾಯ್‌ ವಿಶ್ವವಿದ್ಯಾಲಯ ಅಧ್ಯಯ ನಡೆಸಿದೆ. ಸುಮಾರು 3 ಸಾವಿರ ಮಂದಿ ವಿವಾಹಿತರು ಹಾಗೂ ವಿಚ್ಛೇದನ ಪಡೆದವರನ್ನು ಮಾತನಾಡಿಸಿ, ವರದಿ ತಯಾರಿಸಲಾಗಿದೆ. ಸಮೀಕ್ಷೆಯ ಫಲಿತಾಂಶದ ಪ್ರಕಾರ ಕನಿಷ್ಠ 1 ಅಥವಾ 2 ವರ್ಷ ನವಜೋಡಿಗಳು ಮದುವೆಗೆ ಮುನ್ನ ಜತೆಯಾಗಿ ಓಡಾಡುವುದು ಸಂಬಂಧ ಗಟ್ಟಿಯಾಗುತ್ತದೆ. ಅಷ್ಟೇ ಅಲ್ಲ, ವಿವಾಹಿತರು ಹಾಗೂ ವಿಚ್ಛೇದನ ಪಡೆದ ಜೋಡಿಗಳ ಮಾತನಾಡಿಸಿದ ವೇಳೆ, 1 ವರ್ಷಕ್ಕಿಂತಲೂ ಕಡಿಮೆ ಅವಧಿಯಲ್ಲಿ ಪರಿಚಿತರಾಗಿ ಮದುವೆಯಾದವರೇ ಆಗಿದ್ದಾರೆ. ಅಷ್ಟೇ ಅಲ್ಲ, ಈ ರೀತಿಯ ವಿವಾಹಗಳಲ್ಲಿ ಶೇ.20ರಷ್ಟು ಡಿವೋರ್ಸ್‌ ಪಡೆಯುವ ಚಾನ್ಸಸ್‌ ಜಾಸ್ತಿ ಎಂದು ಸಮೀಕ್ಷೆಯಲ್ಲಿ ತಿಳಿದು ಬಂದಿದೆ.

ಇನ್ನು ಮೂರು ವರ್ಷ ಅಥವಾ ಅದಕ್ಕಿಂತಲೂ ಹೆಚ್ಚು ಸಮಯ ಜೋಡಿಗಳು ಡೇಟಿಂಗ್‌ ಮಾಡಿದ್ದರು, ಅಂತಹ ಸಂಬಂಧಗಳು ವಿಚ್ಛೇದನಕ್ಕೆ ಸಾಗುವ ಸಾಧ್ಯತೆ ಶೇ.50ರಷ್ಟಿದೆ. ಅಷ್ಟು ಮಾತ್ರವಲ್ಲ, ಮದುವೆಗೆ ಮುನ್ನ ತಮ್ಮ ಪಾರ್ಟ್ನರ್‌ನನ್ನು ಚೆನ್ನಾಗಿ ತಿಳಿದುಕೊಂಡ ದಂಪತಿಗಳು ವಿಚ್ಛೇದನ ಪಡೆದುಕೊಳ್ಳುವ ಸಾಧ್ಯತೆ ಶೇ.50ರಷ್ಟಿದೆ ಎಂದು ಸಮೀಕ್ಷೆಯ ಫಲಿತಾಂಶ ಹೇಳಿದೆ.

ಗಡಿಬಿಡಿಯಲ್ಲಿ ಮದುವೆ ನಿಶ್ಚಯ ಮಾಡಿಕೊಂಡು ಒಂದು ವರ್ಷಕ್ಕೂ ಕಡಿಮೆ ಅವಧಿ ಡೇಟಿಂಗ್‌ ಮಾಡಿದ ಜೋಡಿಗಳು ಮದುವೆಯಾದ ಗರಿಷ್ಠ 7 ವರ್ಷಗಳಲ್ಲಿ ವಿಚ್ಚೇದನ ಪಡೆದುಕೊಂಡಿದ್ದಾರೆ.

ಏನು ಮಾಡಬೇಕು?
ಈ ಉದಾಹರಣೆಗಳಿಂದ ಒಂದು ಅಂಶ ಸತ್ಯ. ಪರಸ್ಪರ ಅರಿತುಕೊಳ್ಳುವುದು ಮುಖ್ಯ. ತಮ್ಮ ಸಂಗಾತಿ ಆಗ ಬಯಸುವವರ ಜತೆ ಯಾರು ಹೆಚ್ಚು ಸಮಯ ಕಳೆದಿದ್ದಾರೋ ಅವರು ತುಂಬಾ ಸಂತೋಷವಾಗಿರುತ್ತಾರೆ. ಪರಸ್ಪರ ಅರಿತುಕೊಳ್ಳುವುದು ಎಂದರೆ, ಇಷ್ಟಗಳನ್ನು ಮಾತ್ರ ಅಲ್ಲ. ಕಷ್ಟ, ಆಸೆ, ಬಯಕೆ, ಅಭೀಷ್ಠೆ, ಮನೋಕಾಮನೆಗಳನ್ನೂ ಒಬ್ಬರನ್ನೊಬ್ಬರು ತಿಳಿದುಕೊಳ್ಳುವುದು ಮುಖ್ಯ. ಸಾಮಾನ್ಯವಾಗಿ ನವಜೋಡಿಗಳಲ್ಲಿ ನಿರೀಕ್ಷೆಗಳು ಹುಸಿಯಾದಾಗ ಕಲಹಗಳುಂಟಾಗುತ್ತವೆ.

ಹೀಗಾಗಿ ಹುಡುಗ-ಹುಡುಗಿ ಪರಸ್ಪರ ತಮ್ಮಲ್ಲಿ ಒಬ್ಬರು ಇರಿಸಿದ ನಿರೀಕ್ಷೆಗಳೇನು ಎಂಬುದನ್ನು ಅರಿತುಕೊಳ್ಳಬೇಕು. ಈ ನಿರೀಕ್ಷೆಗಳನ್ನು ಮುಟ್ಟಲು ಮಾಡುವ ಪ್ರಯತ್ನಗಳು ಸಂಬಂಧಗಳನ್ನು ಉಳಿಸುತ್ತವೆ. ಕೆಲವೇ ದಿನಗಳ ನಿಮ್ಮ ಒಡನಾಟದಿಂದ ಒಬ್ಬ ವ್ಯಕ್ತಿಯನ್ನು ಸಂಪೂರ್ಣವಾಗಿ ಅರಿತುಕೊಳ್ಳುವುದು ಸಾಧ್ಯವಿಲ್ಲ. ಹಾಗೆಂದು ಸಂಪ್ರದಾಯಕ್ಕೆ ವಿರುದ್ಧವಾಗಿ ಹೋಗಬೇಕೆಂದಲ್ಲ. ಮನೆಯವರನ್ನು ಒಪ್ಪಿಸಿ, ಮದುವೆಗೆ ಮುನ್ನ ನಿಮ್ಮವರನ್ನು, ಅವರ ನಿರೀಕ್ಷೆಗಳನ್ನು ಅರಿತುಕೊಳ್ಳಲು ಪ್ರಯತ್ನಿಸಿದರೆ, ಸಂಬಂಧ ಗಟ್ಟಿಯಾಗಿರುತ್ತದೆ!