ರಾಂಗ್‌ ಪರ್ಸನ್ ಜತೆ ಡೇಟಿಂಗ್ ಮಾಡುತ್ತಿದ್ದೇನೆ ಎಂದು ಅನಿಸುತ್ತಿದೆಯೇ?

ಕೆಲವರನ್ನು ನೋಡುವಾಗ ಇಷ್ಟವಾಗುತ್ತದೆ, ಆದರೆ ಅವರ ಜತೆಗೆ ಡೇಟಿಂಗ್ ಪ್ರಾರಂಭಿಸಿದ ಮೇಲೆ ಏಕೋ ಈ ವ್ಯಕ್ತಿ ನನಗೆ ಸೂಟ್ ಆಗುತ್ತಿಲ್ಲ ಎಂದು ಅನಿಸುತ್ತಿದೆಯೇ? ಏನು ಮಾಡಬೇಕೆಂದು ತೋಚುತ್ತಿಲ್ಲವೇ? ಹಾಗಾದರೆ ಈ ಲೇಖನ ನಿಮಗಾಗಿ.

ನಿಮಗೆ ಏಕೆ ಆ ವ್ಯಕ್ತಿ ಜತೆ ಕಷ್ಟವಾಗುತ್ತಿದೆ ಎಂಬುವುದನ್ನು ತಿಳಿದುಕೊಳ್ಳಿ
ನಿಮ್ಮಿಬ್ಬರಲ್ಲಿ ಮಾತುಕತೆ ಚೆನ್ನಾಗಿಲ್ಲವೇ? ಹಣಕಾಸಿನ ವಿಷಯದಲ್ಲಿ ಏನಾದರೂ ವೈಮನಸ್ಸು ಬಂದಿದೆಯೇ ಅಥವಾ ಭಾವನೆಗಳ ಕೊರತೆ ಇದೆಯೇ ಎಂಬುವುದನ್ನು ಕಂಡುಕೊಳ್ಳಿ.

ನಿಮ್ಮಲ್ಲಿ ಈ ಪ್ರಶ್ನೆಗಳನ್ನು ಕೇಳಿಕೊಳ್ಳಿ
ಕೆಲವೊಮ್ಮೆ ಕಾಲ್ಪನಿಕ ಜಗತ್ತಿನಲ್ಲಿ ಜೀವಿಸಿ ಸುಂದರವಾದ ಸಂಬಂಧವನ್ನು ಹಾಳು ಮಾಡಿಕೊಳ್ಳುತ್ತಾರೆ. ನೀವು ಸಿನಿಮಾಗಳಲ್ಲಿ ಕಾಣುವಂಥ ಬದುಕಿನ ಕನಸ್ಸು ಕಾಣುತ್ತಿದ್ದೀರಾ ಎಂಬುವುದನ್ನು ನಿಮ್ಮಲ್ಲಿಯೇ ಕೇಳಿಕೊಳ್ಳಿ. ನಿಮ್ಮ ಸಂಗಾತಿಯ ದೃಷ್ಟಿಕೋನದಲ್ಲೂ ಚಿಂತಿಸಿ ನೋಡಿ.

ಪ್ರತಿಯೊಂದು ಸಂಬಂಧದಲ್ಲಿ ಅಪ್‌ ಅಂಡ್‌ ಡೌನ್‌ ಇದ್ದೇ ಇರುತ್ತದೆ. ಅದನ್ನು ಸರಿದೂಗಿಸಿಕೊಂಡು ಹೋದರೆ ಮುಂದೆ ಎಲ್ಲವೂ ಸರಿ ಹೋಗುತ್ತದೆ. ಯಾವತ್ತು ಒಬ್ಬರು ಪರ್ಫೆಕ್ಟ್ ಆಗಿರಲು ಸಾಧ್ಯವಿಲ್ಲ. ನಿಮ್ಮಲ್ಲಿ ಹೊಂದಿಕೊಂಡು ಹೋಗದಂಥ ಪರಿಸ್ಥಿತಿ ಏನಾಗಿದೆ ಎಮಬುವುದರ ಬಗ್ಗೆಯೂ ಚಿಂತಿಸಿ.

ನೀವು ಆ ವ್ಯಕ್ತಿಯನ್ನು ಯಾವ ಕಾರಣಕ್ಕೆ ಪ್ರೀತಿಸಿದಿರಿ?
ಆಕರ್ಷಣೆಯೇ ಪ್ರೀತಿಯಾಗಿ ಈಗ ಆ ಆಕರ್ಷಣೆ ಇಲ್ಲವಾಯಿತೇ? ಹಾಗಾಗಲು ಏನು ಕಾರಣ ಎಂಬುವುದನ್ನು ತಿಳಿದುಕೊಳ್ಳಲು ಪ್ರಯತ್ನಿಸಿ. ಇದಕ್ಕೆ ಉತ್ತರ ಕಂಡುಕೊಂಡರೆ ನೀವು ಒಂದು ಸ್ಪಷ್ಟ ನಿರ್ಧಾರ ತೆಗೆದುಕೊಳ್ಳಲು ಸಹಾಯವಾಗುತ್ತದೆ.

ಸಮಯ ತೆಗೆದುಕೊಳ್ಳಿ
ಸಮಸ್ಯೆ ಕಂಡು ಬಂದಾಗ ತಕ್ಷಣ ಮುರಿಯುವ ಕುರಿತು ಆಲೋಚಿಸುವ ಬದಲು ಪರಿಹಾರ ಇದೆಯೇ ಎಂಬ ನಿಟ್ಟಿನಲ್ಲಿ ಯೋಚಿಸುವುದು ಒಳ್ಳೆಯದು.

ದುಡುಕಬೇಡಿ
ದುಡುಕಿ ಯಾವುದೇ ನಿರ್ಧಾರ ತೆಗೆದುಕೊಳ್ಳಬೇಡಿ. ಕೆಲವೊಮ್ಮೆ ಕೋಪದಲ್ಲಿ ತಪ್ಪಾದ ನಿರ್ಧಾರ ತೆಗೆದುಕೊಳ್ಳುತ್ತೇವೆ. ನಿಧಾನಕ್ಕೆ ಆಲೋಚಿಸಿ, ಆಗಲೂ ನಿಮಗೆ ಈ ಸಂಬಂಧ ಮುಂದುವರೆಸಿಕೊಂಡು ಹೋಗಲು ಸಾಧ್ಯವಿಲ್ಲವೇ?

ಸಂಬಂಧ ಮುರಿದುಕೊಳ್ಳುವ ಬಗ್ಗೆ ಆತ/ಆಕೆ ಜತೆ ಮಾತನಾಡಿ
ನೀವು ನಿಮ್ಮ ಸಂಗಾತಿ ಜತೆ ಕುಳಿತು ಮಾತನಾಡಿ, ನೀವು ದೂರ ಹೋಗಲು ನಿರ್ಧರಿಸಿದ್ದೀರಿ ಎಂಬುವುದನ್ನು ಸ್ಪಷ್ಟವಾಗಿ ಹೇಳಿ, ಅವರು ಹೇಳುವ ಮಾತನ್ನು ಕೂಡ ತಾಳ್ಮೆಯಿಂದ ಕೇಳಿ, ಕೊನೆ ಗಳಿಗೆಯಲ್ಲಿ ಗೊಂದಲ ಬೇಡ, ನಿಮ್ಮ ನಿರ್ಧಾರಕ್ಕೆ ಬದ್ಧರಾಗಿರಿ.