ಮೊದಲ ನೋಟದಲ್ಲೆ ಬೆಸ್ಟ್‌ ಇಂಪ್ರೆಷನ್‌

ಮೊದಲ ನೋಟದಲ್ಲಿಯಲ್ಲಿಯೇ ಪ್ರೀತಿ ಉಂಟಾಗುತ್ತದೆ ಎಂಬುದು ಎಷ್ಟು ನಿಜವೋ ಅಲ್ಲವೋ ಗೊತ್ತಿಲ್ಲ. ಆದರೆ, ಮೊದಲ ನೋಟದಲ್ಲಿ ಹುಡುಗಿಯೊಬ್ಬಳು ಹುಡುಗನಲ್ಲಿ ಸಾಕಷ್ಟು ಅಂಶಗಳನ್ನು ಗಮನಿಸುತ್ತಾಳೆಂಬುದಂತೂ ನಿಜ. ಕೆಲವೇ ಕ್ಷಣಗಳಲ್ಲಿ ಆಕೆ ಗಮನಿಸಬಹುದಾದ ಸಂಗತಿಗಳ ಬಗ್ಗೆ ಇಲ್ಲಿದೆ ಸಂಕ್ಷಿಪ್ತ ವಿವರ.

* ಹೇರ್‌ಸ್ಟೈಲ್‌

ಹುಡುಗಿಯು ಮೊದಲ ಬಾರಿ ನೋಡಿದಾಗ ಆತನ ಹೇರ್‌ಸ್ಟೈಲ್‌ಗೆ ಮಾರುಹೋಗುವ ಸಾಧ್ಯತೆ ಕೂಡ ಹೆಚ್ಚಾಗಿರುತ್ತದೆ. ಆಕೆಗೆ ಅವನ ಹೇರ್‌ಸ್ಟೈಲ್‌ ಇಷ್ಟವಾಗದೆ ಇರಬಹುದು. ಅವರು ಬಳಸಿದ ಜೆಲ್‌, ಹೇರ್‌ಸ್ಟೈಲ್‌, ಕ್ರಾಪ್‌ ತೆಗೆದ ಶೈಲಿ, ಗಡ್ಡ ಇದ್ದಲ್ಲಿ ಟ್ರೆಂಡಿಯಾಗಿದೆಯೇ ಎಂಬುದನ್ನು ಸೂಕ್ಷ್ಮವಾಗಿ ಗಮನಿಸುತ್ತಾಳಂತೆ. ಹಾಗಾಗಿ ಮೊದಲ ಭೇಟಿಯಲ್ಲಿ ಸಾಧ್ಯವಾದಷ್ಟು ಟ್ರೆಂಡಿಯಾಗಿ ಕಾಣಿಸುವುದು ಉತ್ತಮ.

* ಉಡುಪಿನ ಬಣ್ಣ

ಹುಡುಗರು ಧರಿಸಿರುವ ಶರ್ಟ್‌ ಹಾಗೂ ಅದರ ಕಲರ್‌ ಕೂಡ ಇಲ್ಲಿ ಪ್ರಮುಖವಾಗುತ್ತದಂತೆ.ಅಲ್ಲದೇ ವೈಟ್‌ ಶರ್ಟ್‌ ಧರಿಸಿದರೆ ಪ್ರೊಫೆಷನಲ್‌ ಎಂಬುದಾಗಿ ಬಿಂಬಿಸುತ್ತದಂತೆ. ಇನ್ನು ಯಾವುದೇ ಕಾರಣಕ್ಕೂ ಹುಡುಗರು ಮೊದಲ ಭೇಟಿಯಲ್ಲಿ ಪಿಂಕ್‌, ಹಸಿರು ಬಣ್ಣದ ಟೀಶರ್ಟ್‌ ಧರಿಸಕೂಡದಂತೆ. ಕೆಲ ವರ್ಣಗಳು ಮಹಿಳೆಯರಿಗೆ ಇಷ್ಟವಾಗುವುದಿಲ್ಲ ಎಂಬ ಸಂಗತಿಯನ್ನು ತಿಳಿದುಕೊಂಡಿದ್ದರೆ ಉತ್ತಮ.

* ಪ್ಯಾಂಟ್‌ ಫಿಟ್ಟಿಂಗ್‌

ಸ್ಕಿನ್ನಿ ಹಾಗೂ ಟೈಟ್‌ ಫಿಟ್ಟಿಂಗ್‌ ಪ್ಯಾಂಟ್‌ ಧರಿಸಿದ ಹುಡುಗರು ಕೆಲವರಿಗೆ ಇಷ್ಟವಾಗುವುದಿಲ್ಲ. ಸರಿಯಾದ ಫಿಟ್ಟಿಂಗ್‌ ಇರುವ ಡೆನಿಮ್‌ ಕೊಂಚ ಚೆನ್ನಾಗಿ ಕಾಣುತ್ತದೆ. ಮಹಿಳೆಯು ಉಡುಗೆ ತೊಡುಗೆಯ ವಿಷಯದಲ್ಲಿ ಬಹಳ ಚೂಸಿಯಾಗಿರುತ್ತಾರೆ. ಫರ್ಪೆಕ್ಟ್ ಫಿಟ್ಟಿಂಗ್‌ ಡ್ರೆಸ್‌ ಇದ್ದಲ್ಲಿ ಎಂತಹವರು ಇಷ್ಟಪಡುತ್ತಾರೆ.

* ಕೈ ಚಲನವಲನ

ಪುರುಷರ ಚಲನವಲನ ಹಾಗೂ ವಾಕಿಂಗ್‌ ಮಾಡುವಾಗ, ಮಾತನಾಡುವಾಗ ಕೂರುವಾಗ ಹೀಗೆ ಪ್ರತಿಯೊಂದು ಕೈ ಮೂಮೆಂಟ್‌ ಕೂಡ ಗಮನ ಸೆಳೆಯುತ್ತದೆ. ಅನಾವಶ್ಯಕವಾಗಿ ಕೈಯನ್ನು ಅತಿ ಹೆಚ್ಚಾಗಿ ಬಳಸಿದರೂ ಆಭಾಸಕ್ಕೆ ಕಾರಣವಾಗುತ್ತದೆ.

* ನಿಮ್ಮ ದೇಹದ ಭಂಗಿ

ದೇಹದ ಆಕಾರ ಹಾಗೂ ಭಂಗಿಯೂ ಸರಿಯಾಗಿರುವುದು ಅಗತ್ಯ. ನಿಮ್ಮ ಎತ್ತರ, ತೂಕ, ನಡೆದಾಡುವ ಶೈಲಿ, ದಪ್ಪ ಎಲ್ಲವನ್ನು ಸೂಕ್ಷ್ಮವಾಗಿ ಮೊದಲ ಭೇಟಿಯಲ್ಲಿ ಮಹಿಳೆ ಗಮನಿಸುತ್ತಾಳೆ. ಸದೃಢವಾದ ದೇಹದ ಮೈಕಟ್ಟು ಆಕರ್ಷಿಸುತ್ತದೆ. ಯಾವಾಗಲು ಫಿಟ್‌ನೆಸ್‌ ದೇಹ ಆಕರ್ಷಿಸುತ್ತದೆ.

* ನಿಮ್ಮ ತೋಳುಗಳು

ಪುರುಷರಿಗೆ ದೇಹದ ಎಲ್ಲಾ ಭಾಗಗಳಿಗಿಂತ ಶೋಲ್ಡರ್‌ ಅತಿ ಹೆಚ್ಚು ಆಕರ್ಷಕವಾಗಿರುತ್ತದೆ. ಮಹಿಳೆಯರು ಕೂಡ ಇದಕ್ಕೆ ಫಿದಾ ಆಗುವುದುಂಟು. ಅದಕ್ಕಾಗಿ ಸಿಕ್ಸ್‌ ಫ್ಯಾಕ್‌ ಕಸರತ್ತು ಕೂಡ ಪುರುಷರು ಶ್ರಮಪಟ್ಟು ಮಾಡುತ್ತಾರೆ.ಮಹಿಳೆಯು ಇಂತಹ ಸೂಕ್ಷ್ಮವಾದ ಸಂಗತಿಯನ್ನು ಗಮನಿಸುತ್ತಲೇ ಮನಸೋಲುವುದುಂಟು.

* ಪ್ರತಿಕ್ರಿಯಿಸುವ ರೀತಿ

ನೀವು ಮಾತನಾಡುವ ಶೈಲಿ ಉತ್ತಮವಾಗಿರಲಿ. ಮಹಿಳೆಯು ಭಾವುಕ ಜೀವಿಯಾಗಿರುತ್ತಾಳೆ. ಅವಳು ಹೇಳುವ ಸಂಗತಿಯನ್ನು ಕೇಲುವ ತಾಳ್ಮೆ ಮನೋಭಾವನೆ ಪುರುಷನಲ್ಲಿರಲಿ. ಅವಳಿಗೆ ಇಷ್ಟವಾಗುವ ಶೈಲಿಯಲ್ಲಿ ವಿನಯವಾಗವಂತೆ ಪ್ರತಿಕ್ರಿಯಿಸಿದರೆ ಸಾಕಷ್ಟೆ. ಈ ಎಲ್ಲಾ ರೀತಿಯ ಅಂಶಗಳನ್ನು ಪ್ರತಿಯೊಬ್ಬ ಮಹಿಳೆಯೂ ಭೇಟಿಯಾಗುವ ಪುರುಷನಲ್ಲಿ ಗೊತ್ತಿಲ್ಲದ ರೀತಿಯಲ್ಲಿ ಗಮನಿಸುತ್ತಾಳೆ. ಮೊದಲ ಸಲ ಮೀಟ್‌ ಮಾಡುವಾಗ ಕೆಲವೊಂದು ಅಂಶವನ್ನು ಮನಸ್ಸಿಲ್ಲಿಟ್ಟುಕೊಂಡಿದ್ದರೆ ಉತ್ತಮ.