ಆದ್ದರಿಂದ ವಿವಾಹವಾಗುವ ಮುನ್ನ ಮಾತನಾಡಿಕೊಂಡಂತೆ ಕೆಲವು ವಿಷಯಗಳಿಗೆ ಬದ್ಧರಾಗಿರಬೇಕು. ಅಂದಹಾಗೆ ಸುಗಮವಾದ ವೈವಾಹಿಕ ಜೀವನ ನಡೆಸಬೇಕೆಂದರೆ ಮದುವೆಗೆ ಮೊದಲು ನಿಮ್ಮ ಸಂಗಾತಿಯೊಂದಿಗೆ ನೀವು ಮಾತನಾಡಿಕೊಳ್ಳಬೇಕಾದ ಆ 7 ವಿಷಯಗಳು ಯಾವುವು ಎಂಬ ಮಾಹಿತಿ ಇಲ್ಲಿದೆ ನೋಡಿ…
ಹಣ ಸಂಬಂಧಿತ ವಿಷಯಗಳಲ್ಲಿ ಪಾರದರ್ಶಕವಾಗಿರಿ
ನೀವು ಮದುವೆಯಾಗುವ ಮುನ್ನ ಹಣದ ಬಗ್ಗೆ ಮಾತನಾಡುವುದು ಮುಂದಿನ ದಿನಗಳಲ್ಲಿ ನೆಮ್ಮದಿಯಾಗಿ ಬದುಕಲು ಸಾಧ್ಯವಾಗುತ್ತದೆ. ನೀವು ಹಣದ ಬಗ್ಗೆ ಚರ್ಚಿಸುವಾಗ ಈ ವಿಷಯಗಳ ಬಗ್ಗೆ ಮಾತನಾಡಿ. ನೀವು ಹಣವನ್ನು ಹೇಗೆ ಅಥವಾ ಯಾವುದಕ್ಕೆ ಖರ್ಚು ಮಾಡುತ್ತೀರಿ?, ಹಣ ಹೇಗೆ ಉಳಿಸುತ್ತೀರಿ?. ಪ್ರತ್ಯೇಕ ಖಾತೆ ಹೊಂದುವುದು ಒಳ್ಳೆಯದೋ ಅಥವಾ ಜಂಟಿ ಖಾತೆಗಳನ್ನು ಹೊಂದಿರಬೇಕೋ ಅಥವಾ ಎರಡನ್ನೂ ಹೊಂದಿರಬೇಕೋ…ಹೀಗೆ ಹಣ ಸಂಬಂಧಿತ ವಿಷಯಗಳಲ್ಲಿ ಪಾರದರ್ಶಕತೆಯನ್ನು ಕಾಪಾಡಿಕೊಳ್ಳಿ. ನಂತರ ನಿಮ್ಮ ಸಂಗಾತಿ ಯಾವ ರೀತಿಯ ಜವಾಬ್ದಾರಿಗಳನ್ನು ತೆಗೆದುಕೊಳ್ಳಲು ಅಥವಾ ಹಂಚಿಕೊಳ್ಳಲು ಸಿದ್ಧರಿದ್ದಾರೆ ಎಂಬುದನ್ನು ತಿಳಿದುಕೊಳ್ಳಲು ಈ ಚರ್ಚೆಯು ನಿಮಗೆ ಸಹಾಯ ಮಾಡುತ್ತದೆ.
ಲೈಂಗಿಕ ವಿಷಯದ ಬಗ್ಗೆ ಮಾತನಾಡಿ
ಆರೋಗ್ಯಕರ ಜೀವನ ನಡೆಸಲು ಲೈಂಗಿಕತೆಯು ಮುಖ್ಯವಾದ ಅಂಶಗಳಲ್ಲಿ ಒಂದಾಗಿದೆ. ಮದುವೆಯಾಗುವ ಮೊದಲು ನಿಮ್ಮ ಸಂಗಾತಿಗೆ ಅವರ ಪ್ರಕಾರ ಸೆಕ್ಸ್ ಅಂದರೆ ಏನು?, ಎಷ್ಟು ಬಾರಿ ಲೈಂಗಿಕ ಸಂಬಂಧ ಹೊಂದಲು ಇಷ್ಟಪಡುತ್ತಾರೆ? ಎಂಬ ಪ್ರಶ್ನೆಗಳನ್ನು ಕೇಳಿ. ಹೀಗೆ ಲೈಂಗಿಕ ವಿಷಯದ ಬಗ್ಗೆ ಮಾತನಾಡುವಾಗ ನಿಮ್ಮ ಸಂಗಾತಿ ಯಾವ ರೀತಿ ಭಾವಿಸುತ್ತಾರೆ ಎಂಬುದನ್ನು ತಿಳಿದುಕೊಳ್ಳುವುದು ಬಹಳ ಒಳ್ಳೆಯದು.
ನಿಮ್ಮ ಪ್ರೇಮಿ ವಿವಾಹವಾಗಲು ಸಿದ್ಧರಾಗಿದ್ದಾರೆ ಎಂದು ತೋರುವ ಚಿಹ್ನೆಗಳು
ವೈಯಕ್ತಿಕ ಸಮಯದ ಬಗ್ಗೆ ಚರ್ಚಿಸಿ
ಹೌದು, ನೀವು ಯಾವ ರೀತಿ ಸಮಯ ಕಳೆಯುತ್ತೀರಿ ಎಂಬುದನ್ನು ಚರ್ಚಿಸುವುದು ಒಳ್ಳೆಯದು. ನೀವು ಯಾವಾಗ ತಮಗಾಗಿ ಸಮಯವನ್ನು ಮೀಸಲಿಡಲು ಇಷ್ಟಪಡುತ್ತೀರಿ ಅಥವಾ ಜೊತೆಗಿರಲು ಇಷ್ಟಪಡುತ್ತೀರಿ ಎಂಬುದನ್ನು ಒಬ್ಬರಿಗೊಬ್ಬರು ಚರ್ಚಿಸಿ. ಜನರು ಸಾಮಾನ್ಯವಾಗಿ ಈ ವಿಷಯವನ್ನು ಆರಂಭದಲ್ಲಿ ಕಡೆಗಣಿಸುತ್ತಾರೆ. ಆದರೆ ಆರಂಭಿಕ ಹಂತಗಳು ಮುಗಿದ ನಂತರ, ಇಬ್ಬರೂ ತಮಗಾಗಿ ಸ್ವಲ್ಪ ಸಮಯವನ್ನು ಬಯಸಬಹುದು ಅಥವಾ ಅವರು ಸ್ನೇಹಿತರೊಂದಿಗೆ ಸಮಯ ಕಳೆಯಲು ಪ್ರಾರಂಭಿಸಬಹುದು.
ಮಗು ಮಾಡಿಕೊಳ್ಳುವ ಬಗ್ಗೆ
ಮದುವೆಗೆ ಮುನ್ನ ಸಂಭಾಷಣೆ ನಡೆಸುವಾಗ ನೇರವಾಗಿ ಮತ್ತು ಪ್ರಾಮಾಣಿಕವಾಗಿ ಮಾತನಾಡುವುದು ಬಹಳ ಮುಖ್ಯ. ಇಬ್ಬರೂ ಯಾವಾಗ ಮಗುವನ್ನು ಪಡೆಯಲು ಬಯಸುತ್ತೀರಿ?, ಪೋಷಕರಾದ ನಂತರ ಇರಬೇಕಾದ ಜವಬ್ದಾರಿ ಮತ್ತು ಮೌಲ್ಯಗಳ ಬಗ್ಗೆ ಚರ್ಚಿಸುವುದು ಸೂಕ್ತ.
ನಂಬಿಕೆ, ಧಾರ್ಮಿಕ ವಿಚಾರಗಳು
ದಾಂಪತ್ಯ ಜೀವನದಲ್ಲಿ ಧರ್ಮ ಮತ್ತು ನೈತಿಕತೆ ದೊಡ್ಡ ಪಾತ್ರವನ್ನು ವಹಿಸುತ್ತದೆ. ಬಹಳಷ್ಟು ಜನರಿಗೆ ಅವರ ಸಂಗಾತಿ ಅವರು ಅಂದುಕೊಂಡಿದ್ದಕ್ಕಿಂತ ಹೆಚ್ಚು ಧಾರ್ಮಿಕ ವ್ಯಕ್ತಿಯಾಗಿ ಕಾಣಿಸಿಕೊಂಡಾಗ ಕಾದಾಟಗಳು ನಡೆಯುತ್ತವೆ. ಆದ್ದರಿಂದ ನಿಮ್ಮ ನಂಬಿಕೆಗಳ ಬಗ್ಗೆ ಮಾತನಾಡಿ. ನಂತರ ಅದು ನಿಮ್ಮ ಜೀವನದ ಮೇಲೆ ಹೇಗೆ ಪರಿಣಾಮ ಬೀರುತ್ತದೆ ಎಂಬುದನ್ನು ನೀವು ಆಲೋಚಿಸಿ.
ಸಂಗಾತಿಯೊಂದಿಗೆ ದೊಡ್ಡ ಜಗಳವೇ ಆದ ಬಳಿಕ ಮತ್ತೊಮ್ಮೆ ಜೊತೆಯಾಗಲು ಇಲ್ಲಿದೆ ಟಿಪ್ಸ್
ನಿಮ್ಮ ಅಭ್ಯಾಸ ಮುಂದುವರೆಸುವ ಬಗ್ಗೆ ಚರ್ಚಿಸಿ
ತಮ್ಮ ಸಂಗಾತಿ ಮದುವೆಯಾದ ನಂತರ ತಮ್ಮ ಹವ್ಯಾಸ ಅಥವಾ ಅಭ್ಯಾಸ ಬದಲಿಸಿಕೊಳ್ಳಬಹುದು ಎಂಬ ಭರವಸೆಯೊಂದಿಗೆ ಬಹಳಷ್ಟು ಜನರು ಮದುವೆಯಾಗಲು ಒಪ್ಪಿಗೆ ಸೂಚಿಸುತ್ತಾರೆ. ಆದರೆ ಈ ಮೂಕ ಭರವಸೆಗಳ ಮೂಲಕ ಮದುವೆಯಾಗುವುದು ನಿಮ್ಮ ದಾಂಪತ್ಯ ಜೀವನ ಆರೋಗ್ಯವಾಗಿರಲು ಮತ್ತು ಸಂತೋಷವಾಗಿರುವುದರ ಮೇಲೆ ಪರಿಣಾಮ ಬೀರುತ್ತದೆ. ಆದ್ದರಿಂದ, ಮದುವೆಗೆ ಮುಂಚಿತವಾಗಿ ಅವುಗಳನ್ನು ಬಹಿರಂಗಪಡಿಸುವುದು ನಿಮಗೆ ಹೆಚ್ಚು ಪರಿಣಾಮಕಾರಿ ರೀತಿಯಲ್ಲಿ ಸಹಾಯ ಮಾಡುತ್ತದೆ.
ಜಗಳವನ್ನು ನಿರ್ವಹಿಸುವ ವಿಧಾನ
ಜಗಳವಾದಾಗ ಅದನ್ನು ನಿರ್ವಹಿಸುವ ವಿಧಾನವನ್ನು ನೀವು ಕಲಿತಿದ್ದೀರಿ ಎಂದು ಖಚಿತಪಡಿಸಿಕೊಳ್ಳಿ. ಏಕೆಂದರೆ ನಿಮ್ಮ ವಾದದ ಶೈಲಿ ಏನೇ ಇರಲಿ, ಒಳ್ಳೆಯದನ್ನು ಸ್ವೀಕರಿಸುವ ಮನೋಭಾವ ಮತ್ತು ಯಾವುದನ್ನು ಪರಿಗಣಿಸಬಾರದು ಎಂಬುದನ್ನು ನಿರ್ಧರಿಸಿ. ನಿಮ್ಮಲ್ಲಿ ಯಾರಾದರೂ ಒಂದು ವಿಷಯದ ಬಗ್ಗೆ ಹೆಚ್ಚು ಸಮಯ ಮಾತನಾಡಲು ಇಷ್ಟಪಡದಿದ್ದರೆ, ನೀವೇ ಅರ್ಥ ಮಾಡಿಕೊಂಡು ಸುಮ್ಮನಾಗುವ ಮನೋಭಾವ ಇದ್ದರೆ ಒಳ್ಳೆಯದು ಎಂಬುದನ್ನು ಅರ್ಥೈಸಿಕೊಳ್ಳಿ.
To Read in English Click: 7 conversations you must have before marriage