ಈ ಪದ ಬಳಸುವ ದಂಪತಿ ಖುಷಿ-ಖುಷಿಯಾಗಿರುತ್ತಾರೆ

ದಂಪತಿ ನಡುವೆ ಎಷ್ಟು ಅನ್ಯೂನ್ಯ ಇದೆಯೆಂಬುವುದನ್ನು ಅವರು ಮಾತನಾಡುವ ರೀತಿಯಿಂದಲೇ ಗೊತ್ತಾಗುವುದು. ಆ ದಂಪತಿ ಎಷ್ಟು ಖುಷಿಯಾದ ಜೀವನ ನಡೆಸುತ್ತಿದ್ದಾರೆ ಎನ್ನುವುದು ಅವರು ಬಳಸುವ ಪದದಿಂದಲೇ ಗೊತ್ತಾಗುವುದು.

ಯಾವ ಸಂಗಾತಿ ಮನೆಯ ಏನಾದರೂ ವಿಷಯ ಹೇಳುವಾಗ 'ನಾನು' ಎಂದು ಬಳಸುವ ಬದಲು 'ನಾವು' ಎಂದು ಪದ ಬಳಸುತ್ತಿದ್ದಾರೋ ಆ ದಂಪತಿ ಖುಷಿ-ಖುಷಿಯಾದ ಜೀವನ ನಡೆಸುತ್ತಿದ್ದಾರೆ ಎಂದು ಅಧ್ಯಯನ ಹೇಳಿದೆ.

ಕ್ಯಾಲಿಫೋರ್ನಿಯಾದಲ್ಲಿ ನಡೆಸಿದ ಅಧ್ಯಯನದಲ್ಲಿ 30 ಜೋಡಿಗಳು ಭಾಗವಹಿಸಿದ್ದರು. ಈ ಅಧ್ಯಯನ ನಡೆಸಿದ ಲೇಖಕ ಪ್ರತಿಯೊಂದು ಜೋಡಿಯ ನಡುವಳಿಕೆಯನ್ನು ಸೂಕ್ಷ್ಮವಾಗಿ ಗಮನಿಸಿ ಯಾವ ದಂಪತಿ ಹೆಚ್ಚಾಗಿ ನಾವು ಎಂಬ ಪದ ಬಳಸುತ್ತಿದ್ದಾರೋ ಆ ದಂಪತಿ ಹೆಚ್ಚು ಖುಷಿಯಾಗಿದ್ದಾರೆ ಎಂದಿದ್ದಾರೆ.

ನಾನು ಎಂಬ ಪದ ಬಳಸುವಲ್ಲಿ ಮತ್ತೊಬ್ಬ ಸಂಗಾತಿಯ ಭಾವನೆಗೆ ಹೆಚ್ಚು ಪ್ರಾಮುಖ್ಯತೆ ಇರುವುದಿಲ್ಲ, ಎಲ್ಲಿ ನಾವು ಎಂಬ ಪದ ಬಳಸುತ್ತಾರೂ ಅಲ್ಲಿ ಇಬ್ಬರು ಒಬ್ಬರನ್ನೊಬ್ಬರು ಚೆನ್ನಾಗಿ ಅರ್ಥ ಮಾಡಿಕೊಂಡು ಜೀವನ ನಡೆಸುತ್ತಿದ್ದಾರೆ ಎಂದು ಹೇಳಬಹುದು.