ಊಟಕ್ಕಾಗಿ ಡೇಟ್‌

ಡೇಟ್‌ಗಾಗಿ ಯಾರಾದರೂ ಊಟದ ಸಮಯದಲ್ಲಿ ಕರೆದರೆ ಇಲ್ಲ ಅನ್ನೋದೇ ಇಲ್ವಂತೆ ಹಲವರು. ಏಕೆಂದರೆ ಆ ಹೊತ್ತಿನ ಊಟ ಉಚಿತ.

ಸಾಮಾನ್ಯವಾಗಿ ಮೊದಲ ಭೇಟಿ ಅಥವಾ ಡೇಟ್‌ಗಾಗಿ ಹೋಟೆಲ್‌ ಅನ್ನೇ ಆಯ್ಕೆ ಮಾಡಿಕೊಳ್ಳುತ್ತಾರೆ. ಅದರಲ್ಲೂ ಮಧ್ಯಾಹ್ನ ಊಟ, ಸಂಜೆಯ ಸ್ನ್ಯಾಕ್ಸ್‌ ಜತೆ ಮೊದಲ ಭೇಟಿಯ ಅನುಭವ ಪಡೆಯುತ್ತಾರೆ ಹಲವರು. ಈ ಡೇಟ್‌ನ ಉದ್ದೇಶ ಹೊಸ ಸಂಬಂಧವನ್ನು ಆರಂಭಿಸುವುದಲ್ಲವಂತೆ. ಇತ್ತೀಚೆಗೆ ನಡೆದ ಆನ್‌ಲೈನ್‌ ಸಮೀಕ್ಷೆಯಿಂದ ತಿಳಿದು ಬಂದ ಸಂಗತಿ ಎಂದರೆ ಶೇ. 23ರಿಂದ 33ರಷ್ಟು ಮಂದಿ ಉಚಿತ ಊಟ ಸಿಗುವ ಡೇಟಿಂಗ್‌ಗಾಗಿ ಕಾಯುತ್ತಾರಂತೆ. ಆದರೆ ಇದರ ಉದ್ದೇಶ ಪ್ರೀತಿ, ಪ್ರಣಯವಲ್ಲ, ಒಂದು ಹೊತ್ತಿನ ಉಚಿತ ಊಟವಷ್ಟೇ. ಹೌದು, ಇತ್ತೀಚೆಗೆ ಇಂಥದ್ದೊಂದು ಡೇಟಿಂಗ್‌ ಯುವ ಜನತೆಯನ್ನು ಸೆಳೆಯುತ್ತಿದೆ.