ಸಂಭೋಗಕ್ಕೆ ಮುನ್ನ ಈ ಅಪನಂಬಿಕೆಗಳು ಬೇಡ!

[This story originally published in Times of India on April 16,2019]

ಮಿಲನ ಕ್ರಿಯೆ ಅನ್ನೋದು 2 ದೇಹಗಳು ಸೇರುವುದು ಮಾತ್ರವಲ್ಲ! ಎರಡು ಮನಸ್ಸುಗಳು ಸೇರಿದರೆ ಮಾತ್ರವೇ ಸಂಭೋಗ ಸುಖ ಸಿಕ್ಕಲು ಸಾಧ್ಯ! ಆದರೆ ಮನಗಳ ಒಂದಾಗುವ ವಿಚಾರದಲ್ಲಿ ಅನೇಕ ರೀತಿಯ ಸುಳ್ಳು, ಅಪನಂಬಿಕೆಗಳು ಇನ್ನೂ ಜೀವಂತವಾಗಿದೆ. ಮಿಲನ ಕ್ರಿಯೆಯ ಬಗ್ಗೆ ಇರುವ ಅಸತ್ಯಗಳನ್ನು ನೀವೂ ತಿಳಿದುಕೊಂಡು, ನಿಮ್ಮ ಜತೆಗಾರರನ್ನೂ ಅರ್ಥೈಸಿಕೊಳ್ಳಿ!

ಮೊದಲ ಮಿಲನದಲ್ಲಿನ ಅಸತ್ಯ!
ಮೊದಲ ಮಿಲನದ ವೇಳೆ ಮಹಿಳೆಯರಲ್ಲಿ ರಕ್ತಸ್ರಾವವಾಗುತ್ತದೆ ಎನ್ನಲಾಗುತ್ತದೆ. ಆದರೆ ಇದು ಎಲ್ಲಾ ಮಹಿಳೆಯರಿಗೆ ಅನ್ವಯಿಸುವುದಿಲ್ಲ. ಸಾಮಾನ್ಯವಾಗಿ ಕನ್ಯಾಪೊರೆ ಹರಿದು ರಕ್ತಸ್ರಾವವಾಗುವುದಿದೆ. ಪ್ರಥಮ ಸಂಭೋಗದ ವೇಳೆ ರಕ್ತಸ್ರಾವವಾಗದೇ ಇದ್ದರೆ, ಮಹಿಳೆಯ ಶೀಲ ಶಂಖಿಸುವುದು ಇನ್ನೂ ಗ್ರಾಮೀಣ ಭಾಗದಲ್ಲಿದೆ. ಇದು ದೊಡ್ಡ ಅಸತ್ಯ. ದೈಹಿಕವಾಗಿ ಚಟುವಟಿಕೆಯಿಂದ ಇರುವ ಮಹಿಳೆಯರು ಅಂದರೆ ಕ್ರೀಡೆ, ಆಟೋಟ, ಸೈಕ್ಲಿಂಗ್‌ನಲ್ಲಿ ಭಾಗಿಯಾಗುವ ಮಹಿಳೆಯರಲ್ಲಿ ರಕ್ತಸ್ರಾವವಾಗದು ಎಂದು ವೈದ್ಯಲೋಕ ಹೇಳುತ್ತದೆ. ನೆನಪಿಡಿ !

ನೀಲಿ ಚಿತ್ರಗಳು ನೈಜವಲ್ಲ
ಅನೇಕರು ನೀಲಿಚಿತ್ರಗಳನ್ನು ನೋಡಿ, ಅದರಲ್ಲಿರುವಂತೆಯೇ ಸುಖ ಅನುಭವಿಸಲು ಮುಂದಾಗಿ ನಿರಾಶೆ ಅನುಭವಿಸುತ್ತಾರೆ. ನಿಜ ಜೀವನದಲ್ಲಿನ ಮಿಲನದ ವೇಳೆ ಪ್ರತಿ ಬಾರಿಯೂ ಸುಖಪಡುತ್ತೇವೆ ಎಂಬುದು ಶುದ್ಧ ಸುಳ್ಳು. ಭಂಗಿಗಳು ಒಗ್ಗಿಕೊಳ್ಳದೇ, ಸ್ಖಲನವೇ ಆಗದೇ ಇರಬಹುದು, ಅಥವಾ ಶೀಘ್ರ ಸ್ಖಲನವೇ ಆಗಬಹುದು. ಹೀಗಾಗಿ ಪಾರ್ನ್‌ ಮೂವಿಗಳನ್ನು ನಂಬಿ ಸೆಕ್ಸ್‌ನಲ್ಲಿ ನಿರಾಶೆ ಹೊಂದಬೇಡಿ!

ಹಸ್ತಮೈಥುನ ತಪ್ಪಲ್ಲ
ಹಸ್ತಮೈಥುನ ಮಾಡಿಕೊಳ್ಳುವುದು ತಪ್ಪು ಎಂಬ ಭಾವನೆ ಇಂದಿಗೂ ಜೀವಂತವಾಗಿದೆ. ಸ್ವಸುಖ ಅನುಭವಿಸುವುದು ತಪ್ಪೇ ಅಲ್ಲ. ಅಷ್ಟೇ ಅಲ್ಲ, ಮದುವೆಯ ಬಳಿಕವೂ ಸ್ವಸುಖ ಪಡುವುದೂ ತಪ್ಪಲ್ಲ. ಸಾಮಾನ್ಯವಾಗಿ ಮದುವೆಯ ಬಳಿಕ ಹಸ್ತಮೈಥುನ ಮಾಡಿಕೊಂಡರೆ, ತಮ್ಮಿಂದ ಸಂಗಾತಿಗೆ ಸುಖ ಸಿಗುತ್ತಿಲ್ಲ ಎಂಬ ತಪ್ಪು ಕಲ್ಪನೆ ಹುಟ್ಟುತ್ತದೆ. ಇದು ಸಂಬಂಧದಲ್ಲಿ ಒಡಕು ಸೃಷ್ಟಿಸುತ್ತದೆ.

ನೈಜ ಪ್ರಯೋಗಗಳು ಒಳ್ಳೆಯದು!
ಇಂಟರ್ನೆಟ್‌ ಹಾಗೂ ಕೆಲ ವೀಡಿಯೋಗಳಿಂದ ತಿಳಿದುಕೊಳ್ಳುವ, ನೈಜತೆಗೆ ದೂರವಾದ ಭಂಗಿಗಳು, ವಿಚಾರಗಳನ್ನು ದೂರವಿಟ್ಟುಕೊಳ್ಳಿ. ಹೊಸ ಪ್ರಯೋಗಗಳು ತಪ್ಪಲ್ಲ. ಕೆಲವೊಮ್ಮೆ ದೇಹ ಮಿಲನಕ್ಕೆ ಬೇಗನೇ ಒಗ್ಗಿಕೊಳ್ಳದು. ಈ ವೇಳೆ, ನಿಮ್ಮ ಮನದ ಬಯಕೆ, ಆಶೆಗಳನ್ನು ಮನದನ್ನೆಯ ಜತೆ ಹಂಚಿಕೊಳ್ಳಿ. ಆಕೆ ಹಾಗೂ ನೀವು ಇಬ್ಬರೂ ಮಿಲನಕ್ಕೆ ಸಿದ್ಧರಾಗುವಂತೆ ಮಾಡಿಕೊಳ್ಳಿ!

ರಕ್ಷಣಾತ್ಮಕ ಆಟ ಆಡಿ!
ಅಸುರಕ್ಷಿತ ಲೈಂಗಿಕ ಸಂಬಂಧ ಎಂದಿಗೂ ಒಳ್ಳೆಯದಲ್ಲ. ಬೇಡದ ಗರ್ಭಧಾರಣೆ ಹಾಗೂ ಇನ್ನಿತರ ಸೆಕ್ಸ್‌ ಸಂಬಂಧಿತ ಕಾಯಿಲೆಗಳಿಗೆ ತುತ್ತಾಗುವ ಸಾಧ್ಯತೆಗಳು ಹೆಚ್ಚಿರುತ್ತದೆ. ಹೀಗಾಗಿ ಪ್ರೊಟೆಕ್ಷನ್‌ ಬಳಸುವುದು ಸೂಕ್ತ!
ಅಂಗೈ ಜನನಾಂಗದ ಗಾತ್ರ ಹೇಳುತ್ತಂತೆ
ಅಂಗೈ ಗಾತ್ರ ಪುರುಷರ ಜನನಾಂಗದ ಗಾತ್ರವನ್ನು ಹೇಳಯತ್ತದೆ ಎಂಬ ಮಾತಿದೆ. ಇದು ಅಪ್ಪಟ ಸುಳ್ಳು. ಅಂಗೈ ಹಾಗೂ ಶಿಶ್ನದ ಗಾತ್ರಕ್ಕೆ ಯಾವುದೇ ಸಂಬಂಧಗಳಿಲ್ಲ. ಈ ವಿಚಾರವನ್ನು ಅನೇಕ ಸಂಶೋಧನೆ, ಅಧ್ಯಯನಗಳಿಂದಲೂ ದೃಢಪಡಿಸಲಾಗಿದೆ!