ಬೆಡ್‌ನಲ್ಲಿ ಆಟದ ಹೊತ್ತು ಎಷ್ಟಿರಬೇಕು ಗೊತ್ತೇ?

[This story originally published in Indiatimes.com on April 22,2019]

ಮಿಲನ ಕ್ರಿಯೆಯ ಬಗ್ಗೆ ಅನೇಕ ಮಿಥ್ಯಗಳಿವೆ. ಅದರಲ್ಲೂ ಬೆಡ್‌ನಲ್ಲಿ ನಿಮ್ಮ ತಾಕಿತ್ತಿನ ಹೊತ್ತಿನ ಬಗ್ಗೆ ಅಂತೂ ಅನೇಕ ಊಹಾಪೋಹಗಳೇ ಹೆಚ್ಚು.

ವೈಜ್ಞಾನಿಕವಾಗಿ ನಿಮ್ಮ ಸಂಗಾತಿ ಜತೆ ನೀವು ಎಷ್ಟು ಹೊತ್ತು ಸೆಕ್ಸ್‌ ನಡೆಸಬೇಕು? ಸಾಮಾನ್ಯವಾಗಿ ಸರಾಸರಿ ಎಷ್ಟು ಹೊತ್ತು ಸೆಕ್ಸ್‌ ನಡೆಸಿದರೆ ಅದು ನಾರ್ಮಲ್‌ ಎಂಬಿತ್ಯಾದಿ ಪ್ರಶ್ನೆಗಳು ಎಲ್ಲರ ಮನದಲ್ಲಿರುತ್ತವೆ!

ಇದೇ ವಿಚಾರ ಹೆಚ್ಚಾಗಿ ಪುರುಷರನ್ನು ಮಾನಸಿಕವಾಗಿ, ದೈಹಿಕವಾಗಿಯೂ ಕೆಲವೊಮ್ಮೆ ಕುಗ್ಗಿಸುತ್ತದೆ ಎನ್ನಲಾಗಿದೆ.

ಸೆಕ್ಶುವಲ್‌ ಮೆಡಿಸಿನ್‌ ಎಂಬ ನಿಯತಕಾಲಿಕವೊಂದು ಈ ಕುರಿತು ವರದಿಯನ್ನು ಪ್ರಕಟಿಸಿದ್ದು, ಸರಾಸರಿ ಲೈಂಗಿಕ ಕ್ರಿಯೆಯ ಸಮಯ 7.5 ನಿಮಿಷಗಳು ಎಂದಿದೆ!

ಎಲ್ಲರೂ ತಮ್ಮ ತಲೆಯಲ್ಲಿ ಫೋರ್‌ಪ್ಲೇಗಳ ಬಗ್ಗೆ ತಲೆಯೇ ಕೆಡಿಸಿಕೊಳ್ಳುವುದಿಲ್ಲ. ಲೈಂಗಿಕ ಕ್ರಿಯೆ ಆರಂಭದಿಂದ ಸ್ಖಲನದ ವರೆಗಿನ ಸಮಯವನ್ನು ಮಾತ್ರವೇ ಗಣನೆಗೆ ತೆಗೆದುಕೊಳ್ಳುತ್ತಾರೆ.

ಅಷ್ಟೇ ಅಲ್ಲ ಪ್ರದೇಶ, ದೇಶ, ಜೀವನಶೈಲಿಗೆ ಅನುಗುಣವಾಗಿ ಸಾಮರ್ಥ್ಯದ ಕುರಿತ ಸಮಯ ಬದಲಾಗುತ್ತದೆ. ಟರ್ಕಿಯಲ್ಲಿ ಸಾಮಾನ್ಯ ಸರಾಸರಿ ಸೆಕ್ಸ್‌ ಅವಧಿ 3.7 ನಿಮಿಷ ಎಂದಿದೆ ವರದಿಯಲ್ಲಿ ಹೇಳಲಾಗಿದೆ.

ಅಂತೆಯೇ ಯುಕೆ, ನೆದರ್‌ಲ್ಯಾಂಡ್‌, ಸ್ಪೇನ್, ಯುಎಸ್‌ಗಳಲ್ಲಿ ಸರಾಸರಿ ಸಮಯ ಅಂದಾಜು 7.5 ನಿಮಿಷ ಎಂದು ತಿಳಿದುಕೊಳ್ಳಲಾಗಿದೆ. ಇದನ್ನೇ ಮೀಡಿಯಂ ರೇಂಜ್‌ ಟೈಮ್‌ ಎಂದು ಹೇಳಲಾಗಿದೆ.

ಕೆಟಗರಿಯೂ ಇದೆ

ಸೆಕ್ಸ್‌ ನಡೆಸುವ ವೇಳೆಯನ್ನು ಕೆಟಗರಿ(ವಿಧ)ವನ್ನಾಗಿ ವರ್ಗೀಕರಿಸಲಾಗಿದೆ. 1-2 ನಿಮಿಷದಲ್ಲೇ ಸ್ಖಲನವಾದರೆ ಟೂ ಶಾರ್ಟ್‌ ಎನ್ನಲಾದರೆ, 3-7 ನಿಮಿಷದಲ್ಲಿ ಸ್ಖಲನವಾದರೆ ಸಾಮಾನ್ಯ ಅಥವಾ ಸಮರ್ಪಕ ಮಿಲನ ಕ್ರಿಯೆ ಎನ್ನಲಾಗಿದೆ.

ಇನ್ನು 7-13 ನಿಮಿಷದಲ್ಲಿ ಸ್ಖಲನವಾದರೆ ಅವನ್ನು ಅಪೇಕ್ಷಿತ ಅಥವಾ ಡಿಸಾಯರೇಬಲ್‌ ಎನ್ನಲಾಗಿದೆ. ಅದಕ್ಕಿಂತಲೂ ಹೆಚ್ಚು ಸಮಯ ಅಂದರೆ ಸ್ಖಲನವಾಗಲು 10-30 ನಿಮಿಷವಾದರೆ ಅದನ್ನು ಟೂ ಲಾಂಗ್‌ ಎಂದು ವಿಭಾಗಿಸಲಾಗಿದೆ.

ಸಾಮಾನ್ಯವಾಗಿ 11-13 ನಿಮಿಷ ಫೋರ್‌ಪ್ಲೇ ಹಾಗೂ 7-8 ನಿಮಿಷದಲ್ಲಿ ಸ್ಖಲನವಾದರೆ ಅದನ್ನು ಸಮರ್ಪಕ ಮಿಲನ ಕ್ರಿಯೆ ಎಂಬುದು ಸಂಶೋಧನೆಗಳಿಂದ ತಿಳಿದು ಬಂದ ಸಂಗತಿ!

ಹೀಗಾಗಿ ಒಟ್ಟಾರೆ ಬೆಡ್‌ನಲ್ಲಿನ ನಿಮ್ಮ ಆಟ 20 ನಿಮಿಷ ಅನ್ನಬಹುದು! ಹಾಗೆಂದು ಈ ನಿಮಿಷಗಳ ಅಂಕೆಗಳೇ ಅಂತಿಮವಲ್ಲ. ಸ್ಖಲನವಾಗುವ ಸಮಯಕ್ಕೂ ನಿಮ್ಮ ಜೆನೆಟಿಕ್‌, ಜೀನ್‌, ಹಾರ್ಮೋನ್‌ಗಳು ಲೆಕ್ಕಕ್ಕೆ ಬರುತ್ತವೆ.

ಹೀಗಾಗಿ ಜೀವನ ಶೈಲಿ ಹಾಗೂ ಜೆನೆಟಿಕ್‌ನಲ್ಲಿನ ವ್ಯತ್ಯಾಸದಿಂದ ಕೆಲ ಪುರುಷರ ಮಿಲನದ ಆರಂಭದಿಂದ ಸ್ಖಲನದ ವರೆಗಿನ ಸಮಯ ಬದಲಾಗುತ್ತಾ ಹೋಗುತ್ತದೆ.

ಹೀಗಾಗಿ ಅಧಿಕೃತ ಸಮಯವನ್ನು ಹೇಳಲಾಗದು ಎಂಬುದು ಸಂಶೋಧನೆಯ ಅಂತಿಮ ವರದಿಯಾಗಿತ್ತು ಎಂದು ತಿಳಿದು ಬಂದಿದೆ.
ಸಂಭೋಗ ಸಮಯದ ಬಗ್ಗೆ ಸಾಕಷ್ಟು ಮಿಥ್ಯಗಳಿವೆ.

ಹೆಚ್ಚಾಗಿ ಇಂಟರ್ನೆಟ್‌ ಹಾಗೂ ನೀಲಿ ಚಿತ್ರಗಳ ಮೂಲಕ ಸೆಕ್ಸ್‌ ನಡೆಸುವ ಸಮಯದ ಬಗ್ಗೆ ತಪ್ಪಾದ ಮಾಹಿತಿ ರವಾನೆಯಾಗುತ್ತದೆ.

ಹೀಗಾಗಿ ಅನೇಕ ಪುರುಷರು ತಮ್ಮ ಬಗ್ಗೆ ಅಪನಂಬಿಕೆಗಳಿಗೆ ಒಳಗಾಗುವ ಸಾಧ್ಯತೆಗಳೂ ಹೆಚ್ಚಿರುತ್ತದೆ. ಮದುವೆಯ ಬಳಿಕ ಸಂಗಾತಿ ಜತೆ ಲೈಂಗಿಕ ತಜ್ಞರನ್ನು ಭೇಟಿಯಾಗಿ, ಅನುಮಾನ, ಅಪನಂಬಿಕೆಗಳನ್ನು ಪರಿಹಿರಿಸಿಕೊಳ್ಳುವುದು ಇದಕ್ಕಿರುವ ಒಂದು ದಾರಿ.

ಇಲ್ಲವಾದಲ್ಲಿ ನಿಮ್ಮನ್ನು ನೀವು ಅಪನಂಬಿಕೆಗಳಿಂದ ದೂರ ಇರಿಸುವುದರಿಂದ ಸಂಗಾತಿ ಜತೆಗೆ ಸುಖಮಯ ದಾಂಪತ್ಯ ಜೀವನ ನಡೆಸಬಹುದು!