ಅದರ ಬದಲಿಗೆ ಪ್ರೀತಿಯ ತೆಕ್ಕೆಯಲ್ಲಿ ಬಂದಿಯಾಗುವುದು ಎಂದರ್ಥ. ಮದುವೆಯ ಬಳಿಕ ಗಂಡನ ಪ್ರೀತಿಯಲ್ಲಿ ಹೆಂಡತಿ ಇರುವುದು ಅಥವಾ ಹೆಂಡತಿಯ ಪ್ರೀತಿಯ ಗುಂಗಿನಲ್ಲಿ ಗಂಡ ಕಾಲಕಳೆಯುವುದು ಸಾಮಾನ್ಯ. ಆದರೆ ಈ ಪ್ರೀತಿ ಶಾಶ್ವತವಾಗಿ ಉಳಿಯಬೇಕು ಎಂದರೆ ಅದಕ್ಕೆ ಕೆಲವೊಂದು ಟಿಪ್ಸ್ ಗಳನ್ನು ಗಂಡ ಅನುಸರಿಸಬೇಕಾಗುತ್ತದೆ. ಅವುಗಳು ಈ ಲೇಖನದಲ್ಲಿವೆ.
ಆಕೆಯನ್ನು ಅರ್ಥಮಾಡಿಕೊಳ್ಳಲು ಪ್ರಯತ್ನಿಸಿ
ಮದುವೆಯಾದ ಬಳಿಕ ಗಂಡ ಹೆಂಡತಿಯನ್ನು ಅರ್ಥ ಮಾಡಿಕೊಳ್ಳುವುದು ಅಥವಾ ಹೆಂಡತಿ ಗಂಡನನ್ನು ಅರ್ಥ ಮಾಡಿಕೊಳ್ಳುವುದು ಸಾಮಾನ್ಯ ಮತ್ತು ಇದು ನಡೆಯಬೇಕಾದ ಪ್ರಕ್ರಿಯೆ ಕೂಡ. ಒಬ್ಬರ ಬೇಕು ಬೇಡಗಳನ್ನು ಇನ್ನೊಬ್ಬರು ಅರ್ಥ ಮಾಡಿಕೊಂಡು ಅದರಂತೆ ನಡೆದರೆ ಮಾತ್ರ ಜೀವನ ಖುಷಿಯಾಗಿರುತ್ತದೆ.
ಆರಂಭದಲ್ಲಿ ಕೇವಲ ಸ್ವಲ್ಪ ದಿನಗಳಲ್ಲಿ ಒಬ್ಬರನ್ನು ಅರ್ಥ ಮಾಡಿಕೊಳ್ಳುವುದು ಕಷ್ಟ. ಆದರೆ ಜೊತೆ ಹೆಂಡತಿ ಅಥವಾ ಹೆಂಡತಿಯ ಜೊತೆ ಗಂಡ ಹೆಚ್ಚು ಕಾಲ ಕಳೆಯುವುದರಿಂದ ಒಬ್ಬರಿಗೆ ಒಬ್ಬರು ಮಾನಸಿಕವಾಗಿ ಹತ್ತಿರವಾಗುತ್ತಾರೆ. ಗಂಡನಿಗೆ ಯಾವ ವಸ್ತುಗಳು ಅಥವಾ ಯಾವ ವಿಚಾರಗಳು ಇಷ್ಟ ಎಂಬುದು ಹೆಂಡತಿಗೆ ತಿಳಿಯುತ್ತದೆ.
ಅದೇ ರೀತಿ ಗಂಡನಿಗೂ ಕೂಡ ತನ್ನ ಪತ್ನಿಯ ಬಗ್ಗೆ ಸಂಪೂರ್ಣ ಅರಿವು ಮೂಡುತ್ತದೆ. ಇದಕ್ಕೆ ಸರಿಹೊಂದುವಂತೆ ಗಂಡ ನಡೆದುಕೊಳ್ಳಲು ಮುಂದಾದರೆ ಹೆಂಡತಿಗೆ ಬಹಳ ಇಷ್ಟವಾಗುತ್ತದೆ.
ಕನಿಷ್ಠ ವಾರಕ್ಕೆ ಒಂದು ದಿನವಾದರೂ ಹೆಂಡತಿಗೆ ಅಡುಗೆ ಮಾಡಿಕೊಡುವುದರಿಂದ ಆಕೆಯ ಮನಸ್ಸನ್ನು ಗೆಲ್ಲಬಹುದು. ವಾರದ ಕೊನೆಯಲ್ಲಿ ಹೆಂಡತಿ ಇಷ್ಟಪಟ್ಟಂತೆ ಹೊರಗಡೆ ಕರೆದುಕೊಂಡು ಹೋಗುವುದು, ಆಕೆಗೆ ಇಷ್ಟವಾದ ವಸ್ತುಗಳನ್ನು ತೆಗೆದು ಕೊಡುವುದು ಎಲ್ಲವೂ ನಡೆದರೆ ಜೀವನ ಸುಂದರವಾಗಿರುತ್ತದೆ.
ಹಣಕಾಸಿನ ವಿಚಾರಗಳ ಬಗ್ಗೆ ಮಾತನಾಡಿ
- ಮದುವೆಯಾದ ಬಳಿಕ ಮನೆಯ ಯಜಮಾನ ನೀವೇ ಆಗಿರುತ್ತೀರಿ. ಹಾಗೆಂದು ಹಣದ ವಿಚಾರವನ್ನು ಅಥವಾ ಮನೆಯ ಖರ್ಚಿನ ವಿಚಾರವನ್ನು ಹೆಂಡತಿಯ ಬಳಿ ಹೇಳಬಾರದು ಎಂದೇನಿಲ್ಲ.
- ಪ್ರತಿ ವಿಚಾರದಲ್ಲೂ ನಿಮಗೆ ಸಾತ್ ಕೊಡಲು ಬಂದಿರುವ ನಿಮ್ಮ ಹೆಂಡತಿಯ ಬಳಿ ಈ ವಿಚಾರಗಳನ್ನು ಹಂಚಿಕೊಳ್ಳುವುದರಿಂದ ನಿಮ್ಮ ಹಣಕಾಸಿನ ಸಮಸ್ಯೆಗಳಿಗೆ ಒಬ್ಬ ಒಳ್ಳೆಯ ನಿಮ್ಮ ಮನಸ್ಸಿಗೆ ಹತ್ತಿರವಾಗಿರುವ ನಿಮ್ಮ ಹೆಂಡತಿ ಎಂಬ ಗೆಳತಿಯಿಂದ ಪರಿಹಾರಗಳು ಸಿಗುತ್ತವೆ.
- ಮನೆಗೆ ಸಂಬಂಧ ಪಟ್ಟಂತೆ ಇರುವ ಪ್ರತಿಯೊಂದು ಹಣಕಾಸಿನ ವಿಚಾರವನ್ನು ಗಂಡ ಹೆಂಡತಿ ಇಬ್ಬರೂ ಸಮನಾಗಿ ನೋಡಿಕೊಂಡರೆ ಮುಂದೆ ಯಾವುದೇ ತಾಪತ್ರಯಗಳು ಬರುವುದಿಲ್ಲ. ಹಣಕಾಸಿನ ವಿಚಾರವನ್ನು ಗಂಡ ಆಗಲಿ ಅಥವಾ ಹೆಂಡತಿಯಾಗಲಿ ಮುಚ್ಚಿಡುವುದರಿಂದ ಯಾವುದೇ ಪ್ರಯೋಜನ ಆಗುವುದಿಲ್ಲ ಬದಲಿಗೆ ಹೆಚ್ಚು ತೊಂದರೆಗಳು ಎದುರಾಗುತ್ತವೆ.
ಕೆಲವೊಮ್ಮೆ ಗಂಡ-ಹೆಂಡತಿಯ ಸಂಬಂಧ ಕೆಡಿಸುವುದೇ 'ಹಣ' !
ಟಿವಿ ಅಥವಾ ಲ್ಯಾಪ್ಟಾಪ್ ಮುಂದೆ ಸಮಯ ಕಳೆಯುವುದನ್ನು ಕಡಿಮೆ ಮಾಡಿ
- ಇತ್ತೀಚೆಗೆ ಪ್ರತಿಯೊಬ್ಬರು ಮೊಬೈಲ್, ಕಂಪ್ಯೂಟರ್ ಅಥವಾ ಟಿವಿ ಮುಂದೆ ಮಿತಿ ಮೀರಿ ಸಮಯ ಕಳೆಯುತ್ತಾರೆ. ಇದರಿಂದ ನಿಜವಾದ ಸಂಬಂಧದ ಮೌಲ್ಯ ಹಾಳಾಗುತ್ತಿರುವುದು ಸತ್ಯ.
- ಗಂಡ-ಹೆಂಡತಿಯ ನಡುವೆ ಇರಬೇಕಾದ ನಿಜವಾದ ಪ್ರೀತಿ ಈ ಸಂದರ್ಭದಲ್ಲಿ ಮರೆಯಾಗುತ್ತಿರುವುದು ಅತ್ಯಂತ ವಿಷಾದನೀಯ. ಕೆಲಸ ಮುಗಿಸಿಕೊಂಡು ಮನೆಗೆ ಬಂದ ನಂತರ ಗಂಡ ಹೆಂಡತಿಯ ಬಳಿ ಅಷ್ಟಾಗಿ ಮಾತನಾಡಲು ಇಷ್ಟ ಪಡದೇ ಸೋಫಾ ಮೇಲೆ ಕುಳಿತು ಟಿವಿ ನೋಡಲು ಮುಂದಾದರೆ ಹೆಂಡತಿಯ ಮನಸ್ಸಿಗೆ ಹತ್ತಿರವಾಗುವುದಾದರೂ ಹೇಗೆ?
- ಅದರ ಬದಲು ಸಮಯ ಸಿಕ್ಕಾಗ ಬೇರೆ ಬೇರೆ ಚಟುವಟಿಕೆಗಳಲ್ಲಿ ಜೊತೆಯಲ್ಲಿ ಪಾಲ್ಗೊಳ್ಳುವುದು, ಹೆಂಡತಿಯ ಕೆಲಸ ಕಾರ್ಯಗಳಲ್ಲಿ ನೆರವಾಗುವುದು, ಇತ್ಯಾದಿಗಳಿಂದ ಒಬ್ಬರಿಗೆ ಒಬ್ಬರು ಹತ್ತಿರವಾಗಬಹುದು. ಇದರಿಂದ ಹೆಂಡತಿಗೂ ಕೂಡ ಮನಸ್ಸಿಗೆ ಹೆಚ್ಚು ಖುಷಿಯಾಗುತ್ತದೆ.
ಇದೇ ಕಾರಣಕ್ಕೆ ಗಂಡ-ಹೆಂಡತಿ ಸಿಲ್ಲಿ ಸಿಲ್ಲಿ ವಿಷ್ಯಕ್ಕೆ ಜಗಳ ಮಾಡಿಕೊಳ್ಳುವುದು!
ಯಾವುದಾದರೂ ವಿಚಾರವನ್ನು ಚರ್ಚೆಯಲ್ಲಿ ಆಗಲೇ ಬಗೆಹರಿಸಿಕೊಳ್ಳಿ
- ಗಂಡ ಹೆಂಡತಿಯ ನಡುವೆ ಜಗಳ ಆದಂತಹ ಸಂದರ್ಭದಲ್ಲಿ ಯಾರಾದರೂ ಒಬ್ಬರು ಸೋತು ಸುಮ್ಮನಾಗಬಿಡಬೇಕು ಎಂದು ತಿಳಿದವರು ಹೇಳುತ್ತಾರೆ. ಆದರೆ ಇದು ಕೂಡ ಕೆಲವೊಮ್ಮೆ ವಿರುದ್ಧವಾಗಿ ತಿರುಗುತ್ತದೆ.
- ಯಾವುದಾದರೂ ವಿಚಾರವನ್ನು ಜಗಳ ಮಾಡಿ ಅಥವಾ ಚರ್ಚೆ ಮಾಡಿ ಅರ್ಧಕ್ಕೆ ಬಿಟ್ಟರೆ ಮತ್ತೊಮ್ಮೆ ಅದೇ ವಿಚಾರ ಇನ್ನಷ್ಟು ದೊಡ್ಡದಾಗುವ ಸಾಧ್ಯತೆ ಇರುತ್ತದೆ. ಹೀಗಾಗಿ ಅಂದಿನ ವಿಚಾರವನ್ನು ಅಲ್ಲೇ ಬಗೆಹರಿಸಿಕೊಂಡು ಮುಂದುವರೆಯುವುದು ಒಳ್ಳೆಯದು.
- ಇದರಿಂದ ಇಬ್ಬರ ಮನಸ್ಸಿನಲ್ಲಿ ಯಾವುದೇ ಗೊಂದಲಗಳು, ಮುಚ್ಚು ಮರೆಗಳು ಇಲ್ಲದಂತೆ ಚರ್ಚೆಯ ಗ್ರಾಸವಾಗಿರುವ ವಿಷಯ ಪರಿಹಾರವಾಗುತ್ತದೆ. ಇಬ್ಬರ ಮನಸ್ಸು ಕೂಡ ಹಗುರವಾಗುತ್ತದೆ.
ಹೆಂಡತಿಯನ್ನು ಪ್ರೀತಿಸುವ ವಿಚಾರವನ್ನು ಕ್ರಿಯಾಶೀಲತೆಯಿಂದ ಹೇಳಿ
ಹೆಂಡತಿಗೆ ಆಗಾಗ ಐ ಲವ್ ಯು ಎಂದು ಹೇಳಬೇಕು ಎಂದು ಗಂಡನಿಗೆ ಮನಸ್ಸಿನಲ್ಲಿ ಬಯಕೆ ಇರುತ್ತದೆ. ಆದರೆ ಅದಕ್ಕೆ ಸರಿಯಾದ ಸಂದರ್ಭ ಅಥವಾ ಸಮಯ ಸಿಕ್ಕಿರುವುದಿಲ್ಲ.
ಒಂದು ವೇಳೆ ಸಿಕ್ಕಿದರೂ ಕೂಡ ಬೇರೆ ಬೇರೆ ಕಾರಣಗಳಿಗಾಗಿ ಸುಮ್ಮನೆ ಆಗಬೇಕಾದ ಪರಿಸ್ಥಿತಿ ಎದುರಾಗುತ್ತದೆ. ಆದರೆ ನಿಮ್ಮ ಮನಸ್ಸಿನಲ್ಲಿರುವ ಪ್ರೀತಿಯ ಭಾವನೆಗಳನ್ನು ಸ್ವಲ್ಪ ಹೊಸದಾಗಿ ಒಳ್ಳೆಯ ಸಂದರ್ಭಗಳನ್ನು ಸೃಷ್ಟಿ ಮಾಡಿಕೊಂಡು ಹೇಳಲು ಮುಂದಾದರೆ ನಿಮ್ಮ ಹೆಂಡತಿಯ ಮನಸ್ಸಿನಲ್ಲಿ ಇದೊಂದು ಅಚ್ಚಳಿಯದ ನೆನಪಾಗಿ ಉಳಿದು ನಿಮ್ಮನ್ನು ಸದಾ ಪ್ರೀತಿಸುವಂತೆ ನಿಮ್ಮ ಹೆಂಡತಿಗೆ ಮನಸ್ಸು ಬರುತ್ತದೆ.
Read in English: Remarkable tips to become a better husband