ಹೀಗೆ ಮಾಡಿದರೆ ನಿಮ್ಮನ್ನು ಪ್ರೀತಿಸುವ ಹೆಣ್ಣು ದೂರವಾಗುವಳು

ಅವನನ್ನು ಅಷ್ಟೊಂದು ಪ್ರೀತಿಸುತ್ತಿದ್ದ ಅವಳು ಬಿಟ್ಟು ಹೋದಳು ಈ ಸುದ್ದಿ ಕೇಳಿದ ಅವರಿಬ್ಬರ ಸ್ನೇಹಿತರರಿಗೆ, ಮನೆಯವರಿಗೆ ಫುಲ್ ಶಾಕ್‌. ಕೈ ತುಂಬಾ ದುಡಿಯುತ್ತಾನೆ, ಲಕ್ಷುರಿ ಲೈಫ್‌ಸ್ಟೈಲ್‌ಗೇನು ಕಮ್ಮಿಯಿಲ್ಲ, ಅದಕ್ಕೆ ಮಿಗಿಲಾಗಿ ಅವಳಿಗೆ ಅವನೆಂದರೆ ತುಂಬಾ ಪ್ರೀತಿ, ಹೀಗಿದ್ದರೂ ಅವಳು ಅವನಿಂದ ದೂರವಾಗುವ ಮನಸ್ಸು ಏಕೆ ಮಾಡಿದಳು ಎಂಬುವುದೇ ಎಲ್ಲರ ಪ್ರಶ್ನೆ ಆಗಿತ್ತು, ಅವರಿಗೆ ಏಕೆ ಸ್ವತಃ ಅವನಿಗೂ ಅವಳು ಏಕೆ ನನ್ನಿಂದ ದೂರವಾದಳು ಎಂಬುವುದಕ್ಕೆ ಉತ್ತರ ದೊರೆಯಲಿಲ್ಲ.

ಅವಳಿಗೆ ಅವಳು ಬಯಸಿದಂತಹ ಲೈಫ್‌ಸ್ಟೈಲ್‌ ಸಿಕ್ಕರೂ, ಕೆಲಸ, ಫ್ರೆಂಡ್ಸ್‌ ಅಂತ ಸದಾ ಬ್ಯುಸಿಯಾಗಿರುತ್ತಿದ್ದ ಅವನ ಬಳಿ ತನ್ನ ಭಾವನೆ ಹೇಳಿಕೊಳ್ಳಲು ಸಮಯ ಮಾತ್ರ ಸಿಕ್ಕಿರಲಿಲ್ಲ. ಜೀವನದಲ್ಲಿ ಎಲ್ಲವೂ ಇದ್ದರೂ ಏನೂ ಇಲ್ಲದಂಥ ನಿರ್ಲಿಪ್ತ ಭಾವ ಮೂಡಲಾರಂಭಿಸಿತು. ತಾನೂ ಒಂಟಿ, ನನಗೆ ಯಾರೂ ಇಲ್ಲ ಎಂಬ ಭಾವನೆ ಮೂಡಲಾರಂಭಿಸಿತು, ಉಸಿರು ಕಟ್ಟಿದ ಅನುಭವ. ನಾನು ನಾನಾಗಿ ಇರಬೇಕೆಂದು ಅನಿಸಲಾರಂಭಿಸಿತು, ಇಲ್ಲದಿದ್ದರೆ ಕಳದೇ ಹೋಗುವೆ ಎಂಬ ಭಯ ಕಾಡಲಾರಂಭಿಸಿತು. ಈ ಜೀವನ ಹೀಗೆ ವ್ಯರ್ಥ ಮಾಡುವುದರಲ್ಲಿ ಅರ್ಥವಿಲ್ಲವೆಂದು ಅನಿಸಿದ್ದೇ ಆಕೆ ಆತನಿಂದ ದೂರವಾಗಲು ನಿರ್ಧರಿಸಿಳು.

ಹೌದು ಪುರುಷರು ತಮಗೆ ಅರಿವಿಲ್ಲದೆ ಮಾಡುವ ಈ ಸಣ್ಣ ತಪ್ಪುಗಳೇ ಆಕೆಯನ್ನು ನಿಮ್ಮಿಂದ ದೂರವಾಗಿಸುತ್ತೆ

ಅವಳಿಗಾಗಿ ಮೀಸಲಿಡಲು ನಿಮ್ಮಲ್ಲಿ ಸಮಯವಿಲ್ಲದಿರುವುದು
ಸದಾ ಬ್ಯುಸಿ-ಬ್ಯುಸಿ ಅಂತ ಇರುವ ಬದಲು ದಿನದಲ್ಲಿ ಸ್ವಲ್ಪ ಸಮಯ ಅವಳಿಗಾಗಿ ಮೀಸಲಿಡಿ. ನಿಮ್ಮಲ್ಲಿ ಕೆಲಸದ ಒತ್ತಡವಿರುತ್ತದೆ, ಫ್ರೆಂಡ್ಸ್‌ ಜತೆ ಅಡ್ಡಾಡ ಬಯಸುತ್ತೀರಿ, ಇವೆಲ್ಲಾ ತಪ್ಪಲ್ಲ, ಆದರೆ ಆಕೆಯೊಬ್ಬಳು ನಿಮಗಾಗಿ ಕಾಯುತ್ತಿರುತ್ತಾಳೆ ಎನ್ನುವುದು ನೆನಪಿರಲಿ.

ಅವರು ಚೆನ್ನಾಗಿ ಡ್ರೆಸ್‌ ಮಾಡಿ ಬಂದಾಗ ಒಂದು ಮೆಚ್ಚುಗೆ ನೋಟ ಗಂಡನಿಂದ ಬರಲಿ ಎಂದು ನಿರೀಕ್ಷಿಸುವುದು ಸಹಜ, ಆ ನಿರೀಕ್ಷೆ ಹುಸಿ ಮಾಡಬೇಡಿ. ಯಾಂತ್ರಿಕ ಸೆಕ್ಸ್ ಯಾವ ಹೆಣ್ಣು ಬಯಸುವುದಿಲ್ಲ, ಅವಳ ಭಾವನೆಗಳಿಗೆ ಬೆಲೆ ಕೊಡಿ. ಅವಳ ಬಗ್ಗೆ ಕುತೂಹಲ ಇರಲಿ, ಕಾಳಜಿ ತೋರಿ, ಅವಳ ಆಸೆ-ಆಕಾಂಕ್ಷೆಗಳನ್ನು ತಿಳಿದುಕೊಳ್ಳಿ.

ಇವೆಲ್ಲಾ ಸಣ್ಣ-ಸಣ್ಣ ಕಾರ್ಯಗಳು, ಆದರೆ ಈ ಇವುಗಳನ್ನು ಮಾಡಿದ್ದೇ ಆದರೆ ನಿಮ್ಮ ಹೆಣ್ಣು ಎಂದಿಗೂ ನಿಮ್ಮ ಬಿಟ್ಟು ದೂರವಾಗುವುದಿಲ್ಲ.