ಮಹಿಳೆಯರಿಗೆ ಬೇಕಂತೆ ಸಮಯ

ಮಹಿಳೆಯರು ನಿತ್ಯದ ಕೆಲಸದಲ್ಲಿ ಎಷ್ಟು ಬಿಝಿ ಇರುತ್ತಾರೆ ಅಂದರೆ ಅವರಿಗಾಗಿ 30 ನಿಮಿಷಕ್ಕೂ ಹೆಚ್ಚಿನ ಸಮಯವನ್ನು ಎತ್ತಿಡಲು ಕಷ್ಟವಾಗುತ್ತಿದೆಯಂತೆ. ಹಾಗಂತ ಸಮೀಕ್ಷೆಯೊಂದು ಹೇಳಿದೆ.

ಮನೆಯ ಕೆಲಸ, ಮಕ್ಕಳು, ಪತಿ ಸೇರಿದಂತೆ ಇತರೇ ತನ್ನದಲ್ಲದ ಕೆಲಸಕ್ಕೆ ಪೂರ್ತಿ ಸಮಯವನ್ನು ಮೀಸಲಿಡುವ ಮಹಿಳೆಯರು ತಮ್ಮ ಹವ್ಯಾಸ ಅಥವಾ ಇಷ್ಟಕ್ಕಾಗಿ ಹೆಚ್ಚಿನ ಸಮಯ ಕಳೆಯಲಾಗದೆ ದಿನಪೂರ್ತಿ ಒತ್ತಡದಲ್ಲೇ ದಿನ ಮುಗಿಸುತ್ತಾರೆ. ಈ ಬಗ್ಗೆ ಸಮೀಕ್ಷೆಗೆ ಒಳಪಡಿಸಿದಾಗ ತಿಳಿದು ಬಂದ ಸಂಗತಿ ಅಂದರೆ 82 ನಿಮಿಷ ಮಹಿಳೆಯರಿಗೆ ಹೆಚ್ಚಿನ ಸಮಯದ ಅಗತ್ಯವಿದೆಯಂತೆ. ಹಾಗೆ ಸಮಯ ಸಿಕ್ಕಿದ್ದಾದರೆ ಓದು, ಮೆಚ್ಚಿನ ಹವ್ಯಾಸ, ವರ್ಕೌಟ್‌ನಲ್ಲಿ ತೊಡಗಿಕೊಳ್ಳುತ್ತಾರಂತೆ.