ವೈವಾಹಿಕ ಜೀವನ ಎನ್ನುವುದು ಕೇವಲ ಎರಡು ಜೀವನಗಳ ಮಿಲನವಲ್ಲ, ಅಲ್ಲಿ ಎರಡು ಕುಟುಂಬಗಳು ಜತೆಯಾಗಿರಬೇಕು. ಹೀಗಾಗಿ ಮುಖ್ಯವಾಗಿ ಪತಿ ಹಾಗೂ ಪತ್ನಿ ಪರಸ್ಪರ ಹೊಂದಾಣಿಕೆ ಮಾಡಿಕೊಳ್ಳುವ ಜತೆಗೆ ಸಂಗಾತಿಯ ಕುಟುಂಬದವರ ಜತೆಗೂ ಹೊಂದಾಣಿಕೆಯಲ್ಲಿ ಇರಬೇಕು.
ಕೆಲವರಿಗೆ ವಿವಾಹದ ಬಳಿಕ ಪತ್ನಿಯ ಜತೆಗೆ ಹೊಂದಾಣಿಕೆ ಮಾಡಿಕೊಳ್ಳುವುದು ಕಷ್ಟವಾಗಬಹುದು. ಯಾಕೆಂದರೆ ಅವರ ನಡವಳಿಕೆ, ವರ್ತನೆ ಹಾಗೂ ಅಭ್ಯಾಸಗಳಿಗೆ ಹೊಂದಿಕೊಂಡು ಹೋಗುವುದು ಸ್ವಲ್ಪ ಕಷ್ಟ.
ಕೆಲವರು ಪತ್ನಿಯನ್ನು ಸಂಪೂರ್ಣವಾಗಿ ತಿದ್ದಲು ಪ್ರಯತ್ನಿಸುವರು. ಆದರೆ ಇದು ಸರಿಯಲ್ಲ. ಯಾಕೆಂದರೆ ಪತ್ನಿಯನ್ನು ತಿದ್ದಲು ಹೋದರೆ ಅದರಿಂದ ಸಮಸ್ಯೆಗಳು ಬರಬಹುದು. ಹೀಗಾಗಿ ಅವರ ನಡವಳಿಕೆಯಲ್ಲಿ ಸಣ್ಣ ಪುಟ್ಟ ಬದಲಾವಣೆಗಳನ್ನು ಮಾಡಿಕೊಂಡು ಹೊಂದಾಣಿಕೆ ಮಾಡಿಕೊಂಡು ಹೋದರೆ ಒಳ್ಳೆಯದು. ಇದರಿಂದ ವೈವಾಹಿಕ ಜೀವನದಲ್ಲಿ ಯಶಸ್ಸನ್ನು ಪಡೆಯಬಹುದು.
ಕೆಲವರಿಗೆ ವಿವಾಹದ ಬಳಿಕ ಪತ್ನಿಯ ಜತೆಗೆ ಹೊಂದಾಣಿಕೆ ಮಾಡಿಕೊಳ್ಳುವುದು ಕಷ್ಟವಾಗಬಹುದು. ಯಾಕೆಂದರೆ ಅವರ ನಡವಳಿಕೆ, ವರ್ತನೆ ಹಾಗೂ ಅಭ್ಯಾಸಗಳಿಗೆ ಹೊಂದಿಕೊಂಡು ಹೋಗುವುದು ಸ್ವಲ್ಪ ಕಷ್ಟ.
ಕೆಲವರು ಪತ್ನಿಯನ್ನು ಸಂಪೂರ್ಣವಾಗಿ ತಿದ್ದಲು ಪ್ರಯತ್ನಿಸುವರು. ಆದರೆ ಇದು ಸರಿಯಲ್ಲ. ಯಾಕೆಂದರೆ ಪತ್ನಿಯನ್ನು ತಿದ್ದಲು ಹೋದರೆ ಅದರಿಂದ ಸಮಸ್ಯೆಗಳು ಬರಬಹುದು. ಹೀಗಾಗಿ ಅವರ ನಡವಳಿಕೆಯಲ್ಲಿ ಸಣ್ಣ ಪುಟ್ಟ ಬದಲಾವಣೆಗಳನ್ನು ಮಾಡಿಕೊಂಡು ಹೊಂದಾಣಿಕೆ ಮಾಡಿಕೊಂಡು ಹೋದರೆ ಒಳ್ಳೆಯದು. ಇದರಿಂದ ವೈವಾಹಿಕ ಜೀವನದಲ್ಲಿ ಯಶಸ್ಸನ್ನು ಪಡೆಯಬಹುದು.
ಬೆಂಕಿಗೆ ತುಪ್ಪ ಸುರಿಯಬೇಡಿ
- ಪತ್ನಿಯು ಯಾರೊಂದಿಗಾದರೂ ಜಗಳವಾಡುತ್ತಿರುವ ಸಂದರ್ಭದಲ್ಲಿ ನೀವು ಮನೆ ಪ್ರವೇಶ ಮಾಡಿದರೆ, ಆಗ ಅವರು ನಿಮ್ಮನ್ನು ಕೂಡ ಬೈಯ್ಯಲು ಆರಂಭಿಸುವುದು ಸಹಜ. ಇಂತಹ ಸಂದರ್ಭದಲ್ಲಿ ನೀವು ತುಂಬಾ ಶಾಂತವಾಗಿ ಇರಬೇಕು.
- ಪ್ರೆಶರ್ ಕುಕ್ಕರ್ ಹೇಗೆ ಇರುತ್ತದೆ ಎಂದು ನೀವು ಆಲೋಚನೆ ಮಾಡಿ ಮತ್ತು ಅದರ ಪ್ರೆಶರ್ ಕಡಿಮೆ ಆದ ಬಳಿಕ ಅದು ಅಲ್ಲೇ ತಂಪಾಗುವುದು. ಹೀಗಾಗಿ ನೀವು ಕೂಡ ಇದರ ಮಧ್ಯೆ ಬಾಯಿ ಹಾಕಲು ಹೋಗಬೇಡಿ. ಅದರಿಂದ ದೂರವಿದ್ದರೆ ಅದು ತುಂಬಾ ಒಳ್ಳೆಯದು.
ಹೊಂದಾಣಿಕೆಯ ಕಲೆ
- ಕಚೇರಿಯಲ್ಲಿ ಯಾವುದಾದರೂ ಕೆಲಸದಲ್ಲಿ ತುಂಬಾ ವ್ಯಸ್ತರಾಗಿ, ಮನೆಗೆ ಬರುವ ವೇಳೆ ವಿಳಂಬವಾದರೆ ಆಗ ಪತ್ನಿಯು ಇದರ ಬಗ್ಗೆ ದೂರು ನೀಡಬಹುದು. ಆಕೆ ತನ್ನ ಕೋಪ ತೋರಿಸಬಹುದು.
- ಆದರೆ ನೀವು ಇದಕ್ಕೆ ಹೆಚ್ಚು ಮಾತನಾಡಲು ಹೋದರೆ, ಆಗ ಮಾತಿಗೆ ಮಾತು ಬೆಳೆದು ದೊಡ್ಡ ರಾದ್ಧಾಂತ ಆಗಬಹುದು. ಇದರ ಬದಲಿಗೆ ನೀವು ಪರಿಸ್ಥಿತಿಗೆ ಹೇಗೆ ಹೊಂದಿಕೊಳ್ಳಬೇಕು ಎಂದು ನೀವು ಆಕೆಗೆ ತಿಳಿಸಿ. ಆಕೆಯಂತೆ ನೀವು ಕೂಡ ಕೋಪಗೊಂಡರೆ ಅದು ಸಮಸ್ಯೆಗಳನ್ನು ಹುಟ್ಟುಹಾಕಬಹುದು.
ಪತ್ನಿಯು ಪತಿಗೆ ಬಲವಿದ್ದಂತೆ
- ಯಾವಾಗಲೂ ಪುರುಷರು ಜೀವನದಲ್ಲಿ ಏಕಾಂಗಿಯಾಗಿ ಇರಲು ಆಗಲ್ಲ, ಅವರಿಗೆ ಮಹಿಳೆಯ ಬೆಂಬಲ ಬೇಕೇಬೇಕು. ಬಾಲ್ಯದಲ್ಲಿ ತಾಯಿ ಸೋದರಿ, ಅದರ ಬಳಿಕ ಸ್ನೇಹಿತೆ, ಪತ್ನಿ ಹೀಗೆ ಮುಂದೆ ಸಾಗುತ್ತಲೇ ಇರುವುದು.
- ವಿವಾಹದ ಬಳಿಕ ಪತ್ನಿಯು ಪತಿಗೆ ಒಂದು ಬಲವಿದ್ದಂತೆ, ಆಕೆಯು ಇಲ್ಲದೆ ಇದ್ದರೆ ಕೆಲವೊಂದು ಕೆಲಸಗಳನ್ನು ಮಾಡಲು ಆಗಲ್ಲ. ಗಾಡಿಗೆ ಹೇಗೆ ಎರಡು ಚಕ್ರಗಳು ಬೇಕೋ, ಅದೇ ರೀತಿಯಲ್ಲಿ ಜೀವನದ ಗಾಡಿಗೆ ಕೂಡ ಎರಡು ಚಕ್ರಗಳೂ ಬೇಕೇಬೇಕು.
ಸಂಬಂಧವನ್ನು ಗುರುತಿಸಿ
- ನೀವು ಸಂಜೆ ವೇಳೆ ಹಾಗೆ ಸ್ನೇಹಿತರ ಮನೆಗೆ ಪತ್ನಿಯ ಜತೆಗೆ ಹೋಗಬೇಕೆಂದು ಬಯಸಿದ್ದೀರಿ. ಆದರೆ ಪತ್ನಿಗೆ ಈ ವೇಳೆ ತುಂಬಾ ಬಳಲಿಕೆ ಆಗಿರಬಹುದು ಮತ್ತು ಇದರಿಂದ ಆಕೆ ಹೊರಗಡೆ ಹೋಗಲು ಆಗದು.
- ಆದರೆ ನೀವು ಸ್ನೇಹಿತನ ಮನೆಗೆ ಬರುತ್ತೇನೆ ಎಂದು ಹೇಳಿರುವ ಕಾರಣದಿಂದಾಗಿ ಪತ್ನಿಯ ಮನಸ್ಸಿಗೆ ನೋವು ಮಾಡಬಾರದು. ನೀವು ಸ್ನೇಹಿತನ ಮುಂದೆ ನಿಮ್ಮ ಇಮೇಜ್ ಉಳಿಸಿಕೊಳ್ಳಲು ಮನೆಯಲ್ಲಿ ರಾದ್ಧಾಂತ ಮಾಡಬೇಡಿ. ಮೊದಲಿಗೆ ನೀವು ಯಾವ ಸಂಬಂಧವು ತುಂಬಾ ಹತ್ತಿರ ಮತ್ತು ಅನಿವಾರ್ಯ ಎನ್ನುವುದನ್ನು ತಿಳಿಯಿರಿ.