ಬಾಳ ಸಂಗಾತಿ ಆಯ್ಕೆಯ ಮಾನದಂಡ ಯಾವುದು?

*ರಾಜೇಶ್ವರಿ ಲಕ್ಕಣ್ಣವರ

ನಿಮಗೆ ಇಷ್ಟವಾದ ವ್ಯಕ್ತಿಯೊಂದಿಗೆ ಬದುಕು ಹಂಚಿಕೊಳ್ಳಲು ಬಯಸುತ್ತೀರ ಎಂದರೆ ಅಂಥದ್ದೊಂದು ಸಂಬಂಧವನ್ನು ಆರಂಭಿಸುವ ಮುನ್ನ ಮೂರು ಅಂಶಗಳತ್ತ ಗಮನ ನೀಡಿ.

ಡೇಟ್‌ ಮಾಡಿ: ಸಂಗಾತಿಯೊಂದಿಗೆ ಉತ್ತಮ ಸಾಂಗತ್ಯ ಬೆಳೆಸಿಕೊಳ್ಳಲು ಡೇಟಿಂಗ್‌ ಅವಶ್ಯ. ಒಬ್ಬರಿಗೊಬ್ಬರು ಮಾತನಾಡಿಕೊಳ್ಳುವ, ಒಟ್ಟಿಗೆ ಸಮಯ ಕಳೆಯುವ ಮೂಲಕ ಪರಸ್ಪರ ಸಂಗತಿಗಳನ್ನು ಹಂಚಿಕೊಂಡರೆ ಪರಸ್ಪರ ಒಬ್ಬರನೊಬ್ಬರನ್ನು ಸುಲಭವಾಗಿ ಅಥೈರ್‍ಸಿಕೊಳ್ಳಲು ಅನುಕೂಲ. ಡೇಟಿಂಗ್‌ ಸಮಯದಲ್ಲಿ ಮುಕ್ತ ಮನಸ್ಸಿನಿಂದ ಮಾತಾನಾಡಬೇಕು. ಆಗ ಸಂಗಾತಿಯು ಮತ್ತಷ್ಟು ಆಪ್ತವಾಗಲು ಸಾಧ್ಯ.

ಒಡನಾಟ: ವ್ಯಕ್ತಿಯೊಬ್ಬ ಸಂಗಾತಿಯಾಗಲು ಸರಿಯೆನಿಸಿದಾಗ ಈ ವ್ಯಕ್ತಿಯು ನನ್ನನ್ನು ಹೇಗೆ ಟ್ರೀಟ್‌ ಮಾಡಬಹುದು ಎಂಬುದನ್ನು ಅರಿಯಬೇಕು. ಒಬ್ಬರನೊಬ್ಬರು ಸರಿಯಾಗಿ ಅಥೈರ್‍ಸಿದ್ದೇವೆಯೆ? ಬದುಕಿನ ಏರಿಳಿತದೊಂದಿಗೆ ಸರಿಯಾಗಿ ಬಾಳಬಹುದೇ ನಿಮ್ಮ ಸಂಗಾತಿಯ ಒಡನಾಟದಲ್ಲಿ ನಿಮಗೆ ಉತ್ತಮ ಸಾಂಗತ್ಯ ದೊರೆಯುತ್ತದೆಯೇ ಎಂಬುದು ತಿಳಿಯುತ್ತದೆ.

ಮೌಲ್ಯಮಾಪನ: ನೀವು ನಿಮ್ಮ ಸಂಗಾತಿಯ ಕುರಿತು ಒಬ್ಬರಿಗೊಬ್ಬರು ಅರಿತು ಅವರ ಗುಣಾವಗುಣಗಳ ಕುರಿತು ಮೌಲ್ಯಮಾಪನ ಮಾಡಿಕೊಂಡು ಇವರು ನಮಗೆ ಸಂಗಾತಿಯಾಗಲು ಸರಿಯಾಗಿದ್ದಾರೆಯೇ ಇವರು ನನ್ನ ಆತ್ಮಸಂಗಾತಿಯಾಗಬಲ್ಲರೇ ಎಂಬುದನ್ನು ಅರಿಯಬಹುದು. ಯಾವುದೇ ಸಂಬಂಧದಲ್ಲಿ ಪರಸ್ಪರ ಪ್ರೀತಿ, ಸ್ನೇಹ, ನಂಬಿಕೆ ಬಹಳ ಮುಖ್ಯ. ಇವುಗಳಿಂದಲೇ ಆ ಸಂಬಂಧಕ್ಕೊಂದು ಅರ್ಥ ಸಿಗುತ್ತದೆ.

ತಿಳಿದಿರಲಿ: ನಿಮ್ಮ ಸಂಗಾತಿಯು ನೀವು ಬಯಸಿದಂತೆ ನಿಮ್ಮ ಗ್ರಹಿಕೆಗೆ ತಕ್ಕಂತೆ ನಂಬಿಕೆಯನ್ನು ಹೊಂದಿದವರಾಗಿರುತ್ತಾರೆಯೇ ಎಂಬ ಅಂಶವನ್ನು ಜ್ಞಾಪಕದಲ್ಲಿಟ್ಟುಕೊಂಡಿರಬೇಕು. ಏಕೆಂದರೆ ನೀವು ಅವರೊಂದಿಗೆ ಬಹುತೇಕ ಜೀವನದ ಭಾಗವನ್ನು ಕಳೆಯುತ್ತಿರಿ. ಇವರೊಂದಿಗೆ ನಾನು ಸಂತೋಷದಿಂದ ಇರಬಲ್ಲೆನೇ ಎಂಬುದನ್ನು ಕಂಡುಕೊಳ್ಳಿ. ನೀವು ನಿರೀಕ್ಷಿಸಿದ ಗುಣಗಳಿವೆಯೆ ಎಂಬುದನ್ನು ಅರಿಯಿರಿ. ಪ್ರೇಮದ ವಿಕೃತ ಗ್ರಹಿಕೆ, ಆತ್ಮೀಯ ಬಂಧಕ್ಕೆ ವಿರುದ್ಧವಾಗಿ ವರ್ತಿಸುವುದು, ನಿಂದಿಸುವುದು, ಅಗೌರವ, ಸರಿಯಾದ ಹೊಂದಾಣಿಕೆ ಇಲ್ಲದಿದ್ದರೆ ಅಂಥದ್ದೊಂದು ಸಂಬಂಧವನ್ನು ಆರಂಭದಲ್ಲೇ ಚಿವುಟಿ ಹಾಕಿ. ನೀವು ಬಯಸಿದಂತಹ ಹೊಂದಾಣಿಕೆಯು ನಿಮ್ಮ ಸಂಗಾತಿಯೊಂದಿಗೆ ಸಾಧ್ಯವಾಗುವಂತಹ ನಿರೀಕ್ಷಿತ ಫಲಿತಾಂಶ ಕಂಡು ಬರಬೇಕು.